Khara Madhepura

Khara Madhepura A place where people and progress love each other.There sky has no limit.

06/07/2025

मेरा गांव ही मेरा देश है

24/11/2024

गाम घुरि आबू कक्का
आम पाकि गेल अछि,
हाथ ध' मारु चभक्का

22/07/2024

#कोनाके_बांचत_गाम
ाम_हमर_समाज

जाहि डिबिया मे
मिसिर जी सौंसे मासक हिसाब किताब
लिखैत छलाह, से
नहिं जानि कोनाके मिझा गेल ?
जाहि लालटेमक रोशनी मे
मुंशी जी लगबाबैत छलाह
छल से लोकक औंठाक निसान, से
नहिं जानि कतय ओ बिला गेल ??

आब त एहि वर्तमानक स्थिति
किछु एहन अछि अभरल जे --
"नहिं ओ नगरी नहिं ओ ठाम ,
बिजूरीक बल्बक चकाचौंध मे
बिलायल अछि अपन गाम !"

एहेन स्थिति नहिं अछि जे --
गामक सिमान बदलि गेल अछि,
बस,एतबहिटा परिवर्तन भेल जे
गामक किसान बदलि गेल अछि !
खेतीक परिपाटी बदलि गेल अछि !
भाय भयारी आ देआदी डाहक कारणे
बहुत रास खेतसब खंडित भ' गेल अछि !
खेत मे लोहाक यंत्रसब खूब दौड़ैत अछि !
गोबरक ठामे रसायनिक खाद पड़ैत अछि !

गामक मजूरसब
जे मात्र खैनी बीड़ीक धाह पर
टोभैत रहै मकैक बीया आ
रोपैत रहै खेत मे धान , से
आब मुर्गा दारुक दम पर
खेत मे घुसबैत अछि टांग !

एहि परिवर्तनक परिणाम भेल जे
गामक अपन उसना चाउरक सुआद
जनेरक रोटी आ गेन्हारी सागक सुआद
नहिं जानि कतय निपत्ता भ' गेल अछि ???

ओना ज कही त जे किछु बांचल अछि --
त' से अछि अरिकंचनक पातक साग,
बाड़ीक पटुआ आ ओलक सुआद,
अत्ता, जामुन आ गाछक जिलेबीक स्वाद
दुआर परक गाछक कटहरक सुआद.....
मुदा,इहो वस्तु सब
कतेक दिनधरि बांचल रहत, से
के कहत ?????....................
आ से एहेनसन स्थिति मे, तखन फेर
कोनाके बांचत गाम ?????............

26/11/2023

#गामक_किसान

लोभक हर मे बड़ाईक बरद बान्हि के
ओ जोतय चाहै छथि वैह खेत फेर स
जतय की मां मैथिलीक प्राकट्य भेल।
ओ लोलुपताक लाठी से हकबै छथि
मतंग आ मरखाहा बरद के,जे कि
बूझय छै मालिकक सबटा तिकरम।
ओ मालिक बिसरि जाईत छथि जे
प्रशंसा पौने पेट नहिं भरैत छैक,
भले हि आत्मा तृप्त भ जाइत होए।
जहिना वंश बढ़ेबाक लेल बेटी चाही,
तहिना जीबाक लेल सबके रोटी चाही।
मुदा,मालिक के फुर्सत कहां जे ओ
गरीब के रोटी देबय लेल सोचथिन,
ओ त भिड़ल छथि भरय लेल सदिखन
अपनहिं आंगन दलानक सबटा बखाड़ी।

#चिंतित_कविआ....ऊ....बैसू !आ...कविता सुनू !आ थपड़ियो बजाऊ !आ हे ! मोन राखब,जे कविता नीक लागय वाबेजाय, ताहि सोंकोनो टा ...
07/10/2023

#चिंतित_कवि

आ....ऊ....बैसू !
आ...कविता सुनू !
आ थपड़ियो बजाऊ !
आ हे ! मोन राखब,जे
कविता नीक लागय वा
बेजाय, ताहि सों
कोनो टा मतलब नहिं ,
बस थपड़ी बजबाक चाही !
आ मंच से उतरलाक बाद
कविक
प्रशंसा हेबाक चाही ,
सेहो तखन, जखनकि
ओ बगलमे आबिके
बैसि जयताह !
कारण जे एकटा
कुशल श्रोताक
ई महान कर्तव्य थिक !

आ हे फल्लां बाबू !
अहांके विलम्ब से
अयबाक कारणे
जलपान छूटि गेल, तें
भोजन अबस्से क' लेब,
आ हे ! माछ भातक
व्यवस्था भेल छैक,
कारण जे,हमसब
मिथिलाक रहनिहार छी,तें
एहन कार्यक्रम सबमे
माछ आ मखानक व्यवस्था
त होएबाके चाही ;
मुदा, चिंता जुनि करब,
जाइत घड़ी अहांके
जलपानक दू पाकिट
घर ल' जयबाक लेल
भेटि जाओत !
आ हे ! फल्लमो सबके
एतय बजा लिअ'
कनेक हबगब रहतै !
लिअ' तामे चाह पीबू !!
आ हे ! किछु कंठीधारी
सब सेहो आबि रहल छथि,
हुनका सबके ठां पीढ़ी
ओसारे पर एक दिस क' देबैन !

एखन जखनकि हमसब
पठनीयताक संकटक संगे
साहित्यक संक्रमणकालसं
गुजरि रहल छी, तें
हमरा सभकें भीतर
एहेन दायित्व बोध रहब
आवश्यक भ' जाइत अछि !
कारण जे, कोनो कविता
नीक वा बेजाए
नहिं होइत छैक !
नीक वा बेजाए त
श्रोताक श्रवण शक्ति,वा
पाठकक ग्रहण शक्ति
होइत छैक, जे की
अर्थक अनर्थ क' दैत छैक !
जखनकि कविक स्पष्ट
मंतव्य के बूझब,
कुशल श्रोता वा पाठक
हेबाक पहिल शर्त होइत अछि !

कवि चिंतित अछि जे
हुनकर कविताक संगे
कतेको बेर कतेको लोक
बलात्कार करैत रहल अछि ;
तथापि,ओ एहि बातक शिकायत
कोन थाना,कोन कचहरी मे लिखेताह, से
एखनधरि हुनका बुझला मे नहिं
आबि रहल छैन्ह ; कारण जे
चिंतित कविक दुःख सुनबाक लेल
एखनधरि कोनो न्यायालय निर्मित नहिं भेल अछि।

मौतके पाछू ठेललक ओ छौड़ा !हुंमचिके आइसक्रीम खयलक ओ छौड़ा !बिजली जेकां जे चमकि उठल अछि -- ओ छौड़ा !गाम से ल'क' शहर धरिक उ...
26/09/2023

मौतके पाछू ठेललक ओ छौड़ा !
हुंमचिके आइसक्रीम खयलक ओ छौड़ा !
बिजली जेकां जे चमकि उठल अछि
-- ओ छौड़ा !
गाम से ल'क' शहर धरिक उत्साह बनल अछि
-- ओ छौड़ा !
मुंह मे तमाकू दबाके जे बैसल अछि कुर्सी पर
--ओ छौड़ा !

खाड़ा सन गाम मे सूती वस्त्र उद्योगक स्थापित होएब,"सबका साथ सबका विकास" रुपी सरकारी अवधारणा के मूर्तिमान करैत अछि।समस्त स...
23/09/2023

खाड़ा सन गाम मे सूती वस्त्र उद्योगक स्थापित होएब,"सबका साथ सबका विकास" रुपी सरकारी अवधारणा के मूर्तिमान करैत अछि।

समस्त सम्माननीय मैथिलमनके हृदय से शुभकामना 🙏🌹🙏

Address

Khara Madhepura
Madhepura
852219

Telephone

+919570666544

Website

Alerts

Be the first to know and let us send you an email when Khara Madhepura posts news and promotions. Your email address will not be used for any other purpose, and you can unsubscribe at any time.

Shortcuts

Share

Category