Loveland Majuli

12/12/2025

ফিনিছিং বেয়া ল’ৰাটো
”””””””””””””””””””””””””””””

সপোন দেখা ল’ৰাটোৰ
সপোনবোৰ ঠিকেই আছিল
দিঠকৰ জখলাতহে বগাব নোৱাৰা হ’ল

ঠাট্টা মস্কৰাবোৰ সহি গ’ল
প্ৰেৰণা হৈ থিয় দিয়া মানুহ বিচাৰি নোপোৱা হ’ল

ফিনিছিং বেয়া ল’ৰাটো
আশাৰ বন অৰণ্যত
এজনী মকৰাৰ জাল গুঠি থকা চাই ৰ’ল ৷৷৷

10/12/2025

জুবিন দাৰ সম্পৰ্কে কেবাটাও লেখা লিখিলোঁ ৷ প্ৰিয় পাঠক বৃন্দ পঢ়ি চাবচোন ৷
Zubeen Garg

জুবিন ক্ষেত্ৰ বিশ্বৰ বিখ্যাত পৰ্যটনস্থলী হওক
””””””””””””””””””””””””””””””””””””””””””””””””””””””
✍️ ৰমেন বৃৰদুগ, মাজুলী
📞৯৩৬৫০১৬৫৮৬

জুবিন গাৰ্গ এজন ব্যক্তি বা অকল এটা অনুষ্ঠান নহয় ৷ জুবিন গাৰ্গ সেউজীয়া আৰু মৰমৰ এখন পৃথিৱী আছিল ৷ যিখন পৃথিৱীত গছ থাকে, পৃথিৱীত নদী. সাগৰ, পৰ্বত পাহাৰ, জীৱ-জন্তু, সপোন ৰচা মানুহ আৰু মৰম দয়া স্নেহ থাকে ৷ পৃথিৱীক বেয়া পোৱা মানুহ বা প্ৰাণী পৃথিৱীত নাই ৷ জুবিন গাৰ্গ নামৰ মহান পৃথিৱীখনক আমি জীৱিত কালত চিনি নাপালোঁ ৷
জুবিন গাৰ্গে নিজৰ বিষয়ে এনেদৰেও কৈ গৈছে - I am workaholic আৰু I am not a person. মই কাৰো নহয় ৷ মই মোৰ দেউতাৰো নহয় ৷ মই মোৰ মাৰো নহয়, মই মোৰ পত্নীৰো নহয় ৷ I am for Public. One life and one love for Public. লগতে এটা কথা কৈ গ’ল মই যদি কামে কৰিব নোৱাৰো ইমান বছৰ জীয়াই থাকি কি ঘেন্টাটো কৰিম ? যেতিয়ালৈকে কাম কৰিব পাৰিম তেতিয়ালৈকে জীয়াই থাকিম ৷যেতিয়া কাম কৰিব নোৱাৰিম তেতিয়া নাথাকো ৷ বচ ইমানে ৷ সেইকাৰণে তেওঁ নিজকে ৱৰ্কেহলিক বুলি বাৰে বাৰে কৈছিল ৷ ৱৰ্কেহলিক মানে হ’ল এটা আসক্তি ৷ মানুহৰ বাবে কাম কৰাৰ অদ্ভুদ আসক্তি ৷ যি আসক্তিয়ে খোৱা বোৱা কৰিবলৈ আৰু নিজৰ স্বাস্থ্যৰ যতন ল’বলৈ পাহৰি যায় ৷ জুবিন গাৰ্গৰ অকল গীত মাত অথবা চিনেমা কৰাৰে আসক্তি নাছিল ৷ তেখেত মানৱতাৰ বাবে কাম কৰাৰ দুৰ্বাৰ হেপাঁহ বা আসক্তি আছিল ৷ সেয়ে সময়লৈ বৰ ভয় কৰিছিল ৷ অসমৰ যুৱ-যুৱতীসকলক কৰ্মমুখী কৰি তোলা, ৰোগীয়া, আৰ্তজনৰ কাষত থিয় দিয়া, বহুজনৰ সাহস আৰু প্ৰেৰণা হোৱা আৰু প্ৰকৃতিক ভাল পাবলৈ আদৰ্শ দেখুৱাই থৈ যোৱা জুবিন গাৰ্গে কৈছিল ছেল্ফি, ৰিলছ বনাই সময় নষ্ট কৰাতকৈ মই কি কৰিছো সেইটো আদৰ্শ লৈ অনুসৰণ কৰি যুৱক যশৱতেসকল আগবাবাঢ়িব লাগে ৷ সেই ঈশ্বৰ পুৰুষ জনৰ মহান পত্নী গৰিমা শইকীয়া গাৰ্গে জুবিন গাৰ্গৰ পঞ্চভূত বিলীন হোৱা ঠাই খন জুবিন গাৰ্গ সমাধিক্ষেত্ৰ বুলি নামাকৰণ কৰাতকৈ “জুবিন ক্ষেত্ৰ’’ হোৱাৰ পোষকতাই আমাক অতিকৈ অনুপ্ৰাণিত কৰাৰ লগতে জুবিনবিহীন মনোঘাতৰ ৰোগত আক্ৰান্ত অনুৰাগীক কিছু উজ্জীৱিত কৰি তুলিলে ৷ যিখন জুবিন ক্ষেত্ৰত ঈশ্বৰ পুত্ৰ, মানৱ দৰদী, প্ৰকৃতিপিয়াসী জুবিন গাৰ্গ জীয়াই থকাৰ অনুভৱ কৰিব পাৰিব সকলোৱে ৷
সেই জুবিন ক্ষেত্ৰত কি কি থাকিলে বা কেনেকুৱা হ’লে আমাৰ প্ৰাণৰ, আমাৰ মৰমৰ জুবিন গাৰ্গ চিৰকাল অমৰ হৈ থাকিব তাকে মোৰ নিজস্ব ধাৰণা বা মনৰ ভাৱনাৰ কথা দাঙি ধৰিব বিচাৰিছোঁ ৷
জুবিন গাৰ্গে ইউকেলিপ্তাছ গছৰ দৰে ওখ হ’ব বিচাৰিছিল ৷ অৱশ্যে জুবিন গাৰ্গ মৃত্যুৰ পিছত ইউকেলিপ্তাছ গছতকৈও ওখ হ’ল ৷ জুবিন নিজেই কৈছিল পাৰ্চি ভাষাত জুবিনৰ অৰ্থ হ’ল “তৰোৱাল’’ ৷ আৰু কৈছিল বহু যুগ ধৰি ফুলিব খুজা কেক্টাছৰ কথা ৷ জুবিন ক্ষেত্ৰখন বিশ্বৰ সৰ্বশ্ৰেষ্ঠ পৰ্যটনস্থলী হিচাপে গঢ় দিব পৰাকৈ যথেষ্ট সমল দি থৈ গৈছে ৷ সেয়ে জুবিন ক্ষেত্ৰত কি কি থাকিব লাগে তাৰ অকণমান আভাস তলত দিবলৈ যত্ন কৰিলোঁ -
১/ জুবিন গাৰ্গৰ পঞ্চভূতত বিলীন হোৱা ঠাইখন মন্দিৰত পৰিণত হ’ল ৷ সেই মন্দিৰটো সকলোতকৈ ব্যতিক্ৰম আৰু সুন্দৰকৈ নিৰ্মাণ কৰিব লাগে ৷
২/ জুবিন গাৰ্গ ইউকেলিপ্তাছ গছৰ দৰে ওখ হ’ব বিচাৰো বুলি কৈ নৱ প্ৰজন্মৰ চিন্তাধাৰাবোৰ তেনেকৈ মহৎ আৰু উচ্চ হ’ব লাগে বুলি ধাৰণা এটা দিয়া হৈছিল ৷ সেয়ে জুবিন ক্ষেত্ৰত ইউকেলিপ্তাছ গছ ৰুব লাগে ৷
৩/ তৰোৱালৰ সৈতে জুবিন গাৰ্গৰ প্ৰতিমূৰ্ত্তি নিৰ্মাণ কৰি তাৰ তাৎপৰ্য লিখা ফলক লগাব লাগে ৷ যাতে নৱপ্ৰজন্মই সাহস আৰু প্ৰেৰণা পোৱাকৈ ৷
৪/ জুবিন ক্ষেত্ৰত কেক্টাছ ৰুৱ লাগে ৷ জুবিন গাৰ্গে কেক্টাছ’ৰ সম্পৰ্কে কি বৰ্ণনা কৰিছিল সেই কথাবোৰ ফলক এটা দি উল্লেখ কৰিব লাগে ৷ কেতিয়াবা কেক্টাছে দুই তিনি বছৰতে ফুলিব পাৰে ৷ আনহাতে কেতিয়াবা এশ বছৰৰ পাছতো নুফুলিবও পাৰে ৷ ইয়াত মানুহৰ জীৱনৰ কথা বুজাব বিচাৰিছে ৷ জীৱনত মানুহ সফল হ’ব পাৰে নহ’বও পাৰে ৷ তাক লৈ চিন্তিত হ’ব নালাগে মানুহ ৷
৫/ জুবিন দাৰ গীত মাত কথা কবিতাবোৰ সংৰক্ষণ সংবৰ্ধন ৰ বাবে ঠাই নিৰ্মাণ কৰিব লাগে ৷
৬/ তেখেতৰ মানৱ দৰদী চিন্তাধাৰা উক্তি সমূহ সংৰক্ষণ কৰা ঠাই নিৰ্মাণ কৰিব লাগে ৷
৭/ তেখেত হাবি জঙ্ঘল গছ গছনি চৰাই চিৰিকটি ভাল পাইছিল ৷ তাৰ বাবে সৰু সৰু টঙি ঘৰ সাজি লুংলুঙীয়া বাট নিৰ্মাণ কৰি ৮ বিঘামান মাটি হাবিতলীয়া কৰি ৰাখিব লাগে ৷ যাতে চৰাই জীৱ জন্তু ৱে বাস ল’ব বা জিৰণি ল’ব পাৰে ৷
৮/ যিহেতু জুবিন গাৰ্গ সাতুৰি ভাল পাইছিল ৷ জুবিন ক্ষেত্ৰত বৃহৎ আকাৰৰ নদী আকৃতিৰ চুইমিংপুল নিৰ্মাণ কৰিব লাগে ৷
৯/ জুবিন গাৰ্গে পদপথৰ মানসিক বিকাৰগ্ৰস্ত আৰু ভিক্ষা কৰা লোকক বৰ মৰম কৰিছিল ৷ সেইসকল মানুহৰ বাবেও জুবিন ক্ষেত্ৰত এডোখৰ ঠাই ৰাখিব লাগে ৷
১০/ জুবিন গাৰ্গ অসম আৰু অসমৰ মানুহৰ বাবে বহুত সপোন আছিল ৷ সেই সপোনবোৰ পূৰণৰ বাবে জুবিন ক্ষেত্ৰ নিৰ্মাণ আৰু পৰিকল্পনা সমিতিয়ে প্ৰতিদিনে সপোনৰ বিষয়ে আলোচনা কৰি নতুন নতুন সৃষ্টিৰে প্ৰকল্প তৈয়াৰ কৰা আটক ধুনীয়া কক্ষ এটা নিৰ্মাণ কৰিব লাগে ৷
১১/ চাৰ্লিন চেপলিন আৰু শ্বে গুৱেবাৰৰ ফটো জুবিন ক্ষেত্ৰত ৰাখিব লাগে আৰু কোনটো গুণ আৰু আদৰ্শই জুবিন গাৰ্গক অনুপ্ৰাণিত কৰিছিল সেই কথা উল্লেখ কৰিব লাগে
১২/ জুবিন গাৰ্গে ১২,০০০ গ্ৰন্থ পঢ়িছিল ৷ সেয়ে জুবিন ক্ষেত্ৰত পুথিভঁৰাল এখন থাকিব লাগে ৷
এনেদৰে মোৰ কিছু মনৰ কল্পনাৰে জুবিন ক্ষেত্ৰ নিৰ্মাণৰ আভাস প্ৰকাশ কৰিলোঁ ৷ জুবিন গাৰ্গৰ জীৱিত কালত তেখেতৰ কথা চিন্তা ধাৰণা বিতৰ্ক গীত মাত আদিক আমি বিশ্লেষণ কৰি নাচালোঁ ৷ সেইবাবে আমি জুবিন গাৰ্গক বুজি পোৱাৰ আগতে হেৰুৱাই পেলালোঁ ৷ জুবিন গাৰ্গে ২০০৭ চনত অসম অভিযন্তা মহাবিদ্যালয়ত নৱ প্ৰজন্মক কৈছিল "You be big. We are the bigest. Talk to the World ." আমি জুবিন গাৰ্গৰ সপোনবোৰ পূৰণ কৰিব লাগিব ৷ জুবিন গাৰ্গক অমৰ কৰি ৰাখিব লাগিব ৷ জুবিন গাৰ্গৰ মৃত্যুৰ পাছতো জুবিন গাৰ্গৰ সাহসত বিশ্বৰ শ্ৰেষ্ঠ পৰ্যটন ক্ষেত্ৰ নিৰ্মাণ কৰিব লাগিব ৷ সেয়াই হ’ব লাগে জুবিন ক্ষেত্ৰ ৷ জুবিন গাৰ্গে নিজে কৈ গৈছে - I am unique ৷ জুবিন গাৰ্গ সচাকৈয়ে Unique ৷ তেওঁ আনতকৈ পৃথক ৷ তেওঁ কেতিয়াও নিজক genius বুলি কোৱা নাছিল যদিও তেওঁ বহুত genius আছিল ৷ তেওঁ কেতিয়াও তেওঁৰ কাষলৈ সহায় বিচাৰি অহা মানুহক বিমুখ কৰা নাছিল ৷ সহায় কৰাৰ লগতে সাহস আৰু প্ৰেৰণা সূলভ কথা কয় হে পঠাইছিল ৷ জুবিন গাৰ্গৰ আৰু কেইটামান কথা উল্লেখ কৰিব বিচাৰিছোঁ ৷ জুবিন গাৰ্গে জনতাক আহ্বান কৰিছিল “পাচলি হৈ নাথাকিবা ৷ পাচলিয়ে কথা নোকোৱাকৈ থাকে ৷ কেৰাহিত সিজে ৷ কিন্তু জুবিন গাৰ্গৰ মতে বাঘ হৈ গুজৰিব লাগে, অন্যায়ৰ বিৰুদ্ধে কথা ক’ব লাগে ৷ এয়া জুবিন গাৰ্গৰ জনতাক দি থৈ যোৱা সাহস ৷ তেওঁ আন এক গুৰুত্বপূৰ্ণ কথা কৈ গৈছে জীৱনত কোনোবা হেৰাইছে হেৰাব দিয়া, কিবা শেষ হৈছে শেষ হ’ব দিয়া ৷ তাৰ পাছত আকৌ আৰম্ভ কৰা ৷ গতিকে বলক আমি জুবিন গাৰ্গ কায়িকভাৱে নান যদিও জুবিন ক্ষেত্ৰক বিশ্বৰ প্ৰথম স্থানৰ পৰ্যটন ক্ষেত্ৰ হিচাপে গঢ় দিওঁ আৰু অসমখন জুবিনময় কৰি ৰাখো, জুবিন গাৰ্গক পুনৰ জীয়াই তুলি যুগ যুগান্তৰলৈ অমৰ কৰি ৰাখো ৷ জয় জুবিন দা ৷৷৷

20/11/2025

Shout out to my newest followers! Excited to have you onboard! গুন পায়েং শইকীয়া, Chaya Bala Barman, Jyotisha Bhuyan Gogoi Jaan, Bobita Pegu, Ratul Mazumdar, Digonta Doley, SmriTy CheTia, Khargeswar Borah, Dulal Sarma, Bina Mali Thakuria, Plabita Kalita, Juri Sarmah, Namita Saharia, Biju Doley, Anut Doley, Tutumoni Pegu, Dusmanta Narah, Birat Rupe, RK Deuri, Raaz Dole, Bhayrab Axom, Menam Doley, Rayduli, Jayanta Phukan, Priya Saikia, পৰিণীতা কৰ দাস, Mahi Islam Afrin, Dipjyoti Sonowal

15/11/2025

Jadav Payeng: The Forest Man Of India group

11/11/2025

স্তৱক
””””””””
(ক)
আবেলি
ল’ৰালি
প্ৰেম নহয় কিন্তু ধেমালি ৷

(খ)
তেতিয়া বুজিও
নুবুজা হয়
যেতিয়া লেটা হৈ
অজুহাতৰ মুগা মেৰিয়াই লয়....৷৷

11/11/2025

10/11/2025

স্তৱক
””””””” ৰমেন বৃৰদুগ, মাজুলী

অপেক্ষা কৰা,
কোনোবা ইচ্ছা কৰি সলনি হ’ব
কোনোবা বাধ্যত পৰি সলনি হ’ব
ঠিক সেইদৰে
সময়ত কাৰোবাৰ মন সলনি হ’ব
আন কাৰোবাৰ দিন সলনি হ’ব
কিন্তু সলনি নহ’ব
এই তুমিবিহীন সময়ৰ হৃদৰোগত আক্ৰান্ত বুকুৰ বিষ ... ৷

08/11/2025