25/09/2025
കഴിഞ്ഞ ഒന്നര വർഷമായി ഞാനീ ഫോണിൻ്റെ പുറകെയാണ്...
നല്ല QHD+ ഫോൺ എന്ന അന്വേഷണം ചെന്ന് നിന്നപ്പോഴേക്കും One Plus ൻ്റെ 8pro യുടെ വരവ് നിലച്ചിരുന്നതിനാൽ Oneplus 9 Pro ₹ 65000/- രൂപക്ക് വാങ്ങിയതാണ്. ഏതാണ്ട് 3 വർഷമായപ്പോൾ തന്നെ ഏവർക്കും അനുഭവമായ Greenline വന്നു. 2024 ൽ അതെനിക്ക് മാറ്റി തന്നതിന് ശേഷം ഫോൺ അമിതമായി ചൂടാകാനും, ഇടക്കിടക്ക് ഓഫാവാനും, ക്യാമറ ഫോക്കസ് കിട്ടാതിരിക്കലും തുടർന്നപ്പോ 2025 ഫെബ്രുവരിയിൽ ബാറ്ററി മാറ്റി കുട്ടപ്പനാക്കി. എന്നാൽ മാർച്ചിൽ ആരോടും പറയാതെ മദർബോർഡ് നിശ്ചലമായപ്പോ എനിക്ക് നഷ്ടമായത് വിലപ്പെട്ട ചിത്രങ്ങളും, അവയുടെ നിർമ്മാണ വഴികളും, അവയിലൂടെ ലഭിച്ച ആദരപരിപാടികളിലെ ഫോട്ടോകളും, ജോലിസംബന്ധമായി ശേഖരിച്ച ഡാറ്റകളും തുടങ്ങി അമൂല്യമായ നിമിഷക്കുറിപ്പുകളൊക്കെയാണ്.
അന്ന് മുതലാണ് എനിക്ക് ഈ നഷ്ടത്തിന് ന്യായമായൊരു പരിഹാരം കമ്പനിയിൽ നിന്നും ലഭിക്കണം എന്ന രീതിയിൽ ഇറങ്ങിയത്.
ഫോൺ നിശ്ചലമായ ദിനം തന്നെ MyG യിലെ സർവ്വീസ് വിഭാഗത്തിലെ പ്രധാന ജീവനക്കാരനും, സുഹൃത്തുമായ ശ്രീ. ജംഷീറിനെ ബന്ധപ്പെടുകയും തകരാർ മദർബോർഡിനാണെന്ന് മനസ്സിലാക്കുകയും ഉടൻ Oneplus സർവ്വീസ് സെൻ്ററിലെത്തിച്ചേക്കു എന്ന് അഭിപ്രായം ലഭിക്കുകയും ചെയ്തു. വലിയതുക മദർ ബോർഡ് നന്നാക്കാൻ Oneplus ആവശ്യപ്പെട്ടാൽ തിരികെ MyG യിൽ കൊണ്ട് വന്നാൽ അവർ സഹായിക്കാം എന്ന ഉറപ്പും അദ്ദേഹത്തിൽ നിന്നും ലഭിച്ചു.
പിറ്റേ ദിനം കൊച്ചിയിലെ Oneplus Exclusive സർവ്വീസിംഗ് സെൻ്ററിൽ എത്തി ഇതിലെ Data കളും ഫോട്ടോകളും ലഭ്യമാക്കി തരണമെന്നും, ഫോൺ നന്നാക്കി തരണമെന്നും അഭ്യർത്ഥിച്ച് Job Card എടുത്തു. കുറച്ച് നേരത്തെ പ്രയത്നങ്ങൾക്കൊടുവിൽ ഇതിൽ നിന്നും ഒന്നും ലഭിക്കാത്ത വിധം Oneplus 9 Pro യുടെ മദർ ബോർഡ് നിശ്ചലമായി എന്നും, ഈ പ്രശ്നത്തിൽ നിസ്സഹായരാണ് എന്നവർ അറിയിച്ചു.
9 pro യിൽ നിന്നും ചെറു ഫോണുകളിലേക്ക് Upgrade അനുവദിക്കപ്പെട്ടിട്ടുണ്ട് സാറ് ആ വഴി നോക്കുന്നോ എന്നറിയിച്ചപ്പോൾ High Resolution ഫോണുകളാണ് 2014 ൽ Sony മുതൽ ഉപയോഗിക്കുന്നതെന്നും, നിലവിൽ QHD+ ഫോണുകൾക്ക് പകരം HD ഫോണുകൾ ഉപയോഗിക്കാറില്ല എന്നും, അവയിൽ എൻ്റെ KUTHIVARA ചിത്രകലയിലെ ചിത്രങ്ങൾക്ക് മിഴിവ് കുറക്കുമെന്നതുമറിയിച്ചു.
അവരോട് ഫോൺ വിദഗ്ദ പരിശോധനക്കയച്ച് എൻ്റെ ഡാറ്റയും ഫോട്ടോകളും വീണ്ടെടുത്ത് തരണമെന്ന് പറഞ്ഞ് ഫോൺ തിരിച്ചു വാങ്ങാതെയും Job Card ഒപ്പിട്ട് നൽകാതെയും ഞാനിറങ്ങി.
വളരെ നിരാശയോടെ വീട്ടിൽ തിരിച്ചെത്തിയ എനിക്ക് ക്വാർട്ടേർസിലെ തൊട്ടുമുന്നിലെ ജോസേട്ടൻ്റെ ഭാര്യ ധന്യ ഉപയോഗിച്ചിരുന്നതും, മകൻ അഭി ഗെയിംസ് കളിക്കാൻ ഉപയോഗിക്കുന്നതുമായ ഫോൺ; Oneplus ൽ നിന്നും എനിക്ക് ഫോൺ നന്നാക്കി കിട്ടും വരെ ഉപയോഗിക്കാനായി ലഭിച്ചു. അവരുടെ നല്ല പ്രവൃത്തിക്ക് എറെ നന്ദിയുമുണ്ട്.
പിന്നെ Oneplus മായുള്ള Email പോരാട്ടത്തിന് ഉപയോഗിക്കപ്പെട്ടത് ആ ഫോണാണ്.
Sony യിലെ പഴയ സൗഹൃദങ്ങളും കുത്തിവര മൂലം എന്നിലേക്കെത്തിയ പല മൊബൈൽ ഫോൺ അനുബന്ധ സുഹൃത്തുക്കളും, ഈ പോരാട്ടത്തിന് പിന്തുണ തന്നു.
എന്നാൽ എൻ്റെ പ്രശ്നം Oneplus എന്ന കമ്പനിയുടെ നിർമ്മാണപ്പിഴവിലെ Software issue കൊണ്ടായതിനാൽ, ഇതിന് പരിഹാരമെന്ന നിലയിൽ
free of cost ൽ മറ്റൊരു ഫോണിലേക്ക് Upgrade ചെയ്ത് തരണം എന്ന ആവശ്യത്തെ പല തുകകൾ മാറി മാറി നിരാകരിച്ച് അവസാനം ₹18000 രൂപക്ക് നിലവിലത്തെ ഫോൺ തന്നെ വാങ്ങിക്കാം എന്ന മറുവഴിയാണ് OnePlus ൽ നിന്നും ലഭ്യമായത്.
അടി കൂടി അടി കൂടി അവസാനം Cochin Centre സെൻറിൽ നിന്നും Oneplus വഴി എനിക്ക് ലഭിച്ച ഓഫറുകൾ
- ₹39,000 for software Change
- ₹46,000 for an upgrade to 12
- ₹18,000 for an old 9 Pro phone. എന്നതാണ്.
ഇതേ പ്രശ്നങ്ങൾ വീണ്ടും 9 pro യിൽ ഉണ്ടാകാൻ ഇടയുള്ളതിനാൽ ഈ ഫോൺ ലഭിക്കുന്നതിന് പകരം ₹ 18000 രൂപക്ക് Oneplus 12 or 13 ലേക്ക് Upgrade അനുവദിച്ചാൽ പണം നൽകാൻ ഞാൻ തയ്യാറാണ് എന്ന് കമ്പനിക്ക് Email അയച്ചു.
അടുത്തിടെ എറണാകുളത്ത് Oneplus നേരിട്ട് തുടങ്ങിയ Exclusive സർവ്വീസ് സെൻ്ററിലേക്ക് മാറ്റിയാൽ എനിക്ക് സ്വീകാര്യമായ ഓഫർ തരാമെന്ന് Oneplus -Mail വഴി അറിയിച്ചപ്പോൾ വെറും ₹ 250/- രൂപ വൗച്ചറായി കുറവ് അനുവദിക്കാം എന്നാണ് കളമശ്ശേരി സർവ്വീസ് സെൻ്ററിൽ നിന്നും വാഗ്ദാനം ഉണ്ടായത്. ഇതിനിടയിൽ നാലഞ്ച് തവണ ജോലിയിൽ അവധിയെടുത്ത് എറണാകുളത്ത് പോവേണ്ടിയും വന്നു.
കളമശ്ശേരിയിലെ മാനേജർ എനിക്ക് ആശ്വാസമേകുന്ന വാക്കുകൾ പറഞ്ഞെങ്കിലും മറ്റു ചിലർ മുഷിപ്പിക്കുന്ന രീതിയിൽ സംസാരിച്ചു.
ചിത്രവധത്തിന് കേസ് നൽകണം എന്ന നിലയിൽ ശ്രീ. RS Panicker പോലുള്ള സൗഹൃദങ്ങളെല്ലാവരും ഉഭയോക്തൃ കോടതിയെ ലക്ഷ്യമാക്കി നീങ്ങാൻ ആവശ്യപ്പെട്ടതും, ഈ കാര്യങ്ങൾ ഒരു പ്രസ്സ് ക്ലബ്ബ് മീറ്റിംഗിൽ ലോകത്തോട് വിളിച്ച് പറയേണ്ടതും വീണ്ടും Oneplus നെ അറിയിച്ചപ്പോൾ ഞാൻ ചോദിച്ച Upgrade ഒഴിവാക്കി ഒരു 9 pro ഫോൺ തന്നെ അനുവദിക്കുകയും 2025 മെയ് 24 ന് സ്വീകരിക്കുകയും ചെയ്തു.
പുതിയത് എന്ന് പറഞ്ഞ് തന്ന ഫോണിൽ ഒന്ന് രണ്ട് കൊല്ലം വരെ ഒരു പ്രശ്നവും ഉണ്ടാകാനിടയുണ്ടാവില്ല എന്നതായിരുന്നു എൻ്റെ കണക്കുകൂട്ടൽ. എന്നാൽ വെറും 3 മാസങ്ങൾക്കുള്ളിൽ വീണ്ടും ഫോണിൽ Greenline പ്രത്യക്ഷപ്പെട്ടിരിക്കുകയാണ്.
നിലവിൽ Oneplus 9 Pro യുടെ Greenline വിഷയത്തിൽ Oneplus 12 (12GB RAM 256GB)ലേക്ക് ₹6000/- രൂപക്കും oneplus 12 (16GB RAM 512GB ) യിലേക്ക് ₹11000/- രൂപക്കും Upgrade ലഭിക്കുമെന്ന് കളമശ്ശേരി Oneplus സർവ്വീസിംഗ് സെൻ്ററിലെ നിലവിലെ മാനേജർ ചാർജ്ജ് വഹിക്കുന്നതും, ഐക്കരപ്പടിക്ക് തൊട്ടടുത്ത് ചേലേമ്പ്ര പുല്ലും കുന്ന് സ്വദേശിയുമായ റിലീഷ് സാറിൽ നിന്നും അറിയാനായി.
ഞാനിതിൽ ₹11000 /- നൽകി Oneplus നിലവിൽ പ്രഖ്യാപിച്ചിട്ടുള്ളതിൽ രണ്ടാം option സ്വീകരിക്കാമെന്ന് ഇദ്ദേഹത്തെ അറിയിച്ചു. എനിക്ക് കറുത്ത നിറത്തിലെ മൊബൈലാണ് സ്ഥിരമായി ഉപയോഗിക്കാറ് എന്നുള്ളതിനാൽ കറുത്ത നിറം ലഭ്യമാക്കാമോ എന്ന അന്വേഷണത്തിൽ അതുവരെ പറഞ്ഞതിൽ നിന്നും മാറുകയും, എനിക്ക് ഈ വാഗ്ദാനം തരാനാവില്ല എന്ന അറിയിപ്പ് ഇവരിൽ നിന്നും ഉണ്ടായി.
വേണമെങ്കിൽ Oneplus നെ അറിയിച്ച് വാങ്ങാൻ ശ്രമിച്ചോളൂ എന്ന രീതിയിൽ മറുപടികൾ വന്നപ്പോ Oneplus ൽ നിന്നും Software തകരാറ് സമ്മതിച്ച് എനിക്ക് അയച്ച Mail സഹിതം വീണ്ടും സർവ്വീസ് സെൻ്ററിനെ ബന്ധപ്പെട്ടു.
ആദ്യാദ്യം ഈ offer ലഭിക്കാനിടയുണ്ട് എന്ന രീതിയിൽ തന്നെ ചാറ്റ് വന്നതിന് ശേഷം അവരും സർവ്വീസ് സെൻ്ററിൽ നിന്നും ലഭിച്ച രീതിയിൽ സംസാരം തുടങ്ങി. താൽപര്യമെങ്കിൽ display മാറ്റിത്തരാം എന്നതാണ് അവരുടെ നിലവിലത്തെ വാക്കുകൾ.
9 Pro യിൽ ഒരു വട്ടം Display മാറ്റിയതിന് ശേഷം ഉണ്ടായ ഏടാകൂടങ്ങളും ഒടുവിലത്തെ നിശ്ചലാവസ്ഥയും കാരണം വീണ്ടും 9 Pro കിട്ടാതിരിക്കാനും, അന്ന് 9 Pro ക്ക് അവർ വിലയിട്ട ₹ 18000/- Upgrade ആയി തരാനും ഞാൻ 2025 ഏപ്രിൽ 18 ലെ കത്തിൽ കമ്പനിയെ വിശദമായി അറിയിച്ചതാണ്. എന്നിട്ടും വീണ്ടും ഇത്തരം പ്രശ്നങ്ങൾ ഉണ്ടാകും എന്ന് കമ്പനിക്ക് ഉറപ്പുള്ള മൊബൈൽ എനിക്ക് തന്ന് പ്രശ്നം തീർത്തതാണ് എന്ന് ഞാനിപ്പോൾ കരുതുന്നു.
Oneplus ൽ നിന്നും, സർവ്വീസ് സെൻ്ററിൽ നിന്നും ലഭിക്കുന്ന അറിയിപ്പുകളുടെ കാര്യത്തിൽ ഞാൻ വീണ്ടും 6 മാസങ്ങൾക്ക് മുൻപ് ഉണ്ടായ അവസ്ഥയിലെത്തിച്ചിരിക്കുന്നു.
വീണ്ടും ഒരു പരീക്ഷണത്തിന് എനിക്ക് താൽപര്യക്കുറവുണ്ട് എന്നും നിലവിൽ ആർക്കും 9 Pro യുടെ Greenline ന് ലഭിക്കാവുന്ന Upgrade options നുകൾ എനിക്കും ലഭ്യമാക്കണമെന്നും പറഞ്ഞ് വീണ്ടും വീണ്ടും ഞാൻ കത്തുകളെഴുതി.
Oneplus ൽ നിന്നും 6.30 ന് call ഉണ്ടാകുമെന്നത് അറിയിക്കുകയും 7.30 ന് ശേഷം വിളിക്കുകയും ചെയ്യാൻ തുടങ്ങി. ആ നേരത്ത് ഫോൺ കണ്ടില്ലയെങ്കിൽ call അറ്റൻ്റ് ചെയ്തില്ലയെന്നും പറഞ്ഞ് പ്രശ്നം ഒഴിവാക്കുന്നു എന്ന രീതിയിൽ മറുപടി കത്തയക്കും.
എനിക്ക് ഈ പണി ചെയ്തത് നിങ്ങളാണോ എന്ന രീതിയിൽ കഴിഞ്ഞ ദിനം ഞാൻ മാനേജറിനെ വിളിക്കുകയുണ്ടായി.
Operation Team ആണ് ഇത്തരമൊരു Operation നടത്തിയത് എന്നാണറിവ്. ഒരു വട്ടം മൊബൈൽ തന്നതിനാൽ Upgrade എനിക്ക് തരാനാവില്ലത്രേ.
കേടുവരാവുന്ന ഒരു ഫോൺ എനിക്ക് തന്ന് തൽക്കാലം മുഖം രക്ഷിച്ച അവർ എന്നെ കബളിപ്പിക്കുകയാണ് ഉണ്ടായിരിക്കുന്നത്.
പെട്ടിയിൽ നിന്നും മൊബൈൽ ഫോൺ മാത്രമേ എനിക്ക് തന്നിരുന്നുള്ളു. ഇതും തൽക്കാല പരിഹാരക്രിയ ചെയ്ത് പുതുക്കിപ്പണിത Refurbished Mobile ആയിരുന്നോ എന്ന സംശയം ഇല്ലാതില്ല.
മൊബൈൽ ഉപയോഗിച്ച് 90 ദിവസത്തിൽ തന്നെ Green line വന്ന സ്ഥിതിക്ക് ഇതിൻ്റെയും റിപ്പയർ ജോലികൾക്ക് ഞാനിരിക്കുന്നില്ല.
ഈ ഫോൺ വിഷയത്തിൽ നീതിയുക്തമായ തീരുമാനത്തിനും, എനിക്കന്ന് അപ്രതീക്ഷിത മദർബോർഡ് നിശ്ചല പ്രശ്നത്തിൽ നഷ്ടമായ അമൂല്യമായ ഫോട്ടോകൾക്കും, പൂർത്തീകരിച്ചതും, രൂപം കൊടുത്തു കൊണ്ടിരുന്നതുമായ കുത്തിവര ചിത്രങ്ങൾക്കും, വീഡിയോകൾക്കും, ഡാറ്റകൾക്കും, tHE INSIDE നെ സംബന്ധിച്ച് വഴിത്തിരി വാവേണ്ടതായ ഈ ഒന്നര കൊലത്തിൻ്റെ സമയനഷ്ടത്തിനും ഉചിതമായ നഷ്ടപരിഹാരവും തേടി ബഹുമാനപ്പെട്ട കൺസൂമർ കോടതി സമക്ഷത്തിലേക്ക് നീങ്ങാൻ ഞാൻ നിർബന്ധിതനായിരിക്കുകയാണ്.
One Plus നല്ല കമ്പനിയല്ല എന്നതോ അവരുടെ ഫോണുകൾ നല്ലതല്ല എന്നോ ഞാനൊരിക്കലും പറയാനില്ല. എന്നാൽ അവരുടെ ഫോണുകളിൽ ഞാനുപയോഗിച്ച ഫോണായ 9 Pro പോലെ ഉള്ളവയിൽ എഴുത്തായോ, വരയായോ, ഗെയിമുകളായോ കൂടുതൽ ഉപയോഗിക്കപ്പെട്ടാൽ എനിക്കു വന്ന അവസ്ഥ ഉണ്ടാകാനുമിടയുണ്ട്.
ഉപഭോക്താവ് നൽകിയ പണത്തിന് മൂല്യമേകി അവരോടൊപ്പം നിൽക്കേണ്ട കമ്പനി തരികിടയും, അനീതിയും, കബളിപ്പിക്കലും ചെയ്താൽ...
അനീതിക്കെതിരെ പൊരുതേണ്ടത് നമ്മുടെ കടമയാണ്.
നിങ്ങളുടെ ഏവരുടെയും പിന്തുണകൾ എനിക്കുണ്ടാവണം.
അജിഷ് ഐക്കരപ്പടി
