12/08/2026
‘ਹਾਰਟ ਲੈਂਪ’ - ਉਹ ਕਹਾਣੀਆਂ ਜੋ ਤੁਹਾਨੂੰ ਬੇਚੈਨ ਕਰ ਦੇਣਗੀਆਂ।
ਬਾਰ੍ਹਾਂ ਕਹਾਣੀਆਂ ਦਾ ਅਜਿਹਾ ਸੰਗ੍ਰਹਿ ਹੈ, ਜੋ ਦੱਖਣੀ ਭਾਰਤ ਦੇ ਮੁਸਲਿਮ ਸਮਾਜ ਵਿੱਚ ਰਹਿੰਦੀਆਂ ਔਰਤਾਂ ਦੀ ਜ਼ਿੰਦਗੀ ਦੇ ਉਹਨਾਂ ਪੱਖਾਂ ਨੂੰ ਸਾਹਮਣੇ ਲਿਆਉਂਦਾ ਹੈ, ਜਿਨ੍ਹਾਂ ਬਾਰੇ ਅਸੀਂ ਜਾਣਦੇ ਹੋਏ ਵੀ ਗੱਲ ਨਹੀਂ ਕਰਦੇ।
ਕਹਾਣੀਆਂ ਸਾਨੂੰ ਉਹਨਾਂ ਔਰਤਾਂ ਦੀ ਜਿੰਦਗੀ ਅੰਦਰ ਲੈ ਜਾਂਦੀਆਂ ਹਨ, ਜਿੱਥੇ ਪਿਆਰ ਹੈ, ਪਰ ਉਸਦੇ ਪਿੱਛੇ ਲੁਕੀ ਕੈਦ ਵੀ ਹੈ। ਰਿਵਾਜ਼ ਹਨ, ਪਰ ਉਨ੍ਹਾਂ ਪਿੱਛੇ ਦੱਬੀਆਂ ਚੀਖਾਂ ਵੀ ਹਨ। ਪਰਿਵਾਰ ਹੈ, ਪਰ ਉਸਦੇ ਅੰਦਰ ਪੈਦਾ ਹੋਣ ਵਾਲੀ ਇਕੱਲਤਾ ਵੀ ਹੈ।
ਕਿਤਾਬ ਦੀ ਹਰ ਕਹਾਣੀ ਮਹਿਸੂਸ ਕਰਵਾਉਂਦੀ ਹੈ ਕਿ ਕਿਤੇ ਇੱਕ ਔਰਤ ਨੂੰ ਆਪਣੀ ਹੀ ਜ਼ਿੰਦਗੀ ਵਿੱਚ ਪਰਾਇਆ ਕਰ ਦਿੱਤਾ ਜਾਂਦਾ ਹੈ, ਕਿਤੇ ਸਮਾਜਕ ਰਿਵਾਜ਼ ਉਸਦੀ ਆਜ਼ਾਦੀ ਤੋਂ ਵੱਡੇ ਹੋ ਜਾਂਦੇ ਹਨ, ਕਿਤੇ ਉਸਦੀ ਚੁੱਪ ਨੂੰ ਸਹਿਮਤੀ ਸਮਝ ਲਿਆ ਜਾਂਦਾ ਹੈ ਅਤੇ ਉਸ ਨੂੰ ਬੋਲਣ ਹੀ ਨਹੀਂ ਦਿੱਤਾ ਜਾਂਦਾ…
ਇਹ ਕਿਤਾਬ ਉਹਨਾਂ ਔਰਤਾਂ ਦੀ ਆਵਾਜ਼ ਬਣਦੀ ਹੈ, ਜਿਨ੍ਹਾਂ ਦੀ ਗੱਲ ਨੂੰ ਸਦੀਆਂ ਤੋਂ ਦਬਾਇਆ ਜਾਂਦਾ ਰਿਹਾ ਹੈ।
- ਗੁਰਦੀਪ
