23/02/2021
#കാട്ടുപന്നികൾ കൂട്ടത്തോടെ കിണറ്റിൽ ചാടി
ചങ്ങലീരി: കാട്ടുപന്നികൾ കൂട്ടത്തോടെ കിണറ്റിൽ ചാടി. കുമരംപുത്തൂർ പഞ്ചായത്തിലെ ഒമ്പതാം വാർഡ് സ്വദേശി കരുണാകുറുശ്ശി ഷമീറിന്റെ വീട്ടുവളപ്പിലെ പണി നടന്നുകൊണ്ടിരിക്കുന്ന കിണറ്റിലാണ് കാട്ടുപന്നികൾ ചാടിയത്. കിണറ്റിൽ വെള്ളമില്ലാത്തതിനാൽ പന്നികളെ വ്യക്തമായി കാണാൻ കഴിയുന്ന കൗതുക കാഴ്ച കാണാൻ ഏറെ ആളുകളാണ് വിവിധ പ്രദേശങ്ങളിൽ നിന്ന് വരുന്നത്. ഓരോ ദിവസവും കാട്ടുപന്നികളെ ശല്യം കൂടി വരികയാണെന്ന് നാട്ടുകാർ അഭിപ്രായപ്പെടുന്നു. എട്ടോളം പന്നികളെ കണ്ടതിൽ നാല് പന്നികൾ ആണ് ഇപ്പോൾ കുടുങ്ങിയിരിക്കുന്നത് എന്നാണ് നാട്ടുകാർ പറയുന്നത്. സമീപപ്രദേശമായ പറംപുള്ളി പോത്തോഴി കാവിൽ പുലി ശല്യം ഉള്ളതായും വാർത്തകൾ പടരുന്നു. നാട്ടുകാർ. വനംവകുപ്പിനെ അറിയിച്ചിട്ടുണ്ട്
