https://www.facebook.com/109227301882321/

Online Edathanattukara news, Edathanattukara, Mannarkkad (2025)

19/08/2023

#⭕അലനല്ലൂർ സർവീസ് സഹകരണ ബാങ്ക്;നീതി ലാബിൽ സൗജന്യ മെഡിക്കൽ ക്യാമ്പ് സമാപിച്ചു. #

രക്തസമ്മർദ്ദ, പ്രമേഹ രോഗികൾക്കു മുൻഗണന നൽകിക്കൊണ്ട് അലനല്ലൂർ നീതിലാബിൽ ഡോക്ടർ ഘനശ്യാമിന്റെ നേതൃത്വത്തിൽ സംഘടിപ്പിച്ച സൗജന്യ മെഡിക്കൽ ക്യാമ്പ് സമാപിച്ചു.നൂറോളം ആളുകൾ പങ്കെടുത്ത പരിപാടിയിൽ സൗജന്യ പ്രമേഹ,രക്തസമ്മർദ്ദ പരിശോധനക്കൊപ്പം ഡോക്ടറുടെ സേവനവും മരുന്നുകളും ക്യാമ്പിൽ രോഗികൾക്ക് സൗജന്യമായി വിതരണം ചെയ്തു.

അലനല്ലൂർ സർവീസ് സഹകരണ ബാങ്ക് ഡയറക്ടർ രാജകൃഷ്ണൻ അധ്യക്ഷത വഹിച്ച പരിപാടിയുടെ ഉത്ഘാടന ചടങ്ങ് പതിമൂന്നാം വാർഡ് മെമ്പർ പി മുസ്തഫ ഉത്ഘാടനം ചെയ്തു. ലാബ് ഇൻചാർജ് മുസ്തഫ സ്വാഗതം പറഞ്ഞു. ബ്രാഞ്ച് മാനേജർമാരായ ജയകൃഷ്ണൻ, രാധിക തുടങ്ങിയവർ സംബന്ധിച്ചു.

07/12/2022

വട്ടമണ്ണപ്പുറം എ.എം.എൽ.പി സ്കൂളിൽ സോഷ്യൽ ക്ലബ്ബ്‌ സംഘടിപ്പിച്ച 'ഭിന്നശേഷി സൗഹൃദ വിദ്യാലയം' രചനാ മത്സരങ്ങൾ ശ്രദ്ധേയമായി.*

എടത്തനാട്ടുകര: പൊതുവിദ്യാഭ്യാസ വകുപ്പിന്റെയും വട്ടമണ്ണപ്പുറം എ.എം.എൽ.പി സ്കൂളിലെ സോഷ്യൽ ക്ലബ്ബിന്റെയും നേതൃത്വത്തിൽ സംഘടിപ്പിച്ച 'ഭിന്നശേഷി സൗഹൃദ വിദ്യാലയം' രചനാമത്സരങ്ങൾ ശ്രദ്ധേയമായി.

ഭിന്നശേഷിയുള്ള വിദ്യാർത്ഥികളെ വിദ്യാലയത്തിലേത്ത്‌ ആകർശിപ്പിക്കാനും സമൂഹത്തിൽ ഭിന്നശേഷിയുള്ളവർ നേരിടുന്ന അസമത്വവും, വിവേചനവും ഇല്ലാതാക്കാനും , ഭിന്നശേഷിയുള്ളവരെ സമൂഹത്തിന്റെ മുഖ്യധാരയിലേക്ക് കൊണ്ടുവരനും, അവരുടെ അവകാശ സംരക്ഷണത്തിന്റെ പ്രാധാന്യം പൊതുജനങ്ങളെ ബോധ്യപ്പെടുത്താനും വേണ്ടിയാണ് വിദ്യാഭ്യാസ വകുപ്പ്‌ ഈ പരിപാടി സംഘടിപ്പിച്ചത്.

പരിപാടിയിൽ ചിത്രരചന പെൻസിൽ ഡ്രോയിംഗ്‌, ചിത്രരചന ജലഛായം, കളറിംഗ്‌, പോസ്റ്റർ രചന എന്നിവ സംഘടിപ്പിച്ചു. വിജയികൾക്കുള്ള സമ്മാനധാനം പ്രധാനാധ്യാപകൻ
സി.ടി മുരളീധരൻ, ‌സ്റ്റാഫ്‌ കൺവീനർ സി മുഹമ്മദാലി, സീനിയർ അസിസ്റ്റന്റ്‌ കെ.എം ഷാഹിന സലീം എന്നിവർ നിർവ്വഹിച്ചു. അധ്യാപകരായ കെ.എ മിന്നത്ത് , ടി ഹബീബ, എം പി മിനീഷ, എ.പി ആസിം ബിൻ ഉസ്മാൻ, എൻ ഷാഹിദ് സഫർ , എം ഷബാന ഷിബില , ഐ ബേബി സൽവ, എം മാഷിദ എന്നിവർ രചനാമത്സരങ്ങൾക്ക്‌ നേതൃത്വം നൽകി.

05/12/2022

*---------------------------------------*
*onlıne edαthαnαttukαrα*
*🔖 05-DEC-2022 തിങ്കൾ*
*----------------------------------------*

05/12/2022

*മണ്ണിനെ അടുത്തറിഞ്ഞ്‌ വട്ടമണ്ണപ്പുറം എ.എം.എൽ.പി സ്കൂളിലെ കാർഷിക‌ ക്ലബ്ബ്‌ അംഗങ്ങൾ.*

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിലെ കാർഷിക‌ ക്ലബ്ബിന്റെ നേതൃത്വത്തിൽ ലോക മണ്ണ് ദിനാചരണം സംഘടിപ്പിച്ചു. ആയിരക്കണക്കിനു വർഷങ്ങൾകൊണ്ട്‌ രൂപപ്പെടുന്ന കൃഷിക്കുപയുക്തമായ മേൽമണ്ണ് സംരക്ഷിക്കപ്പെടേണ്ടതിന്റെ ആവശ്യകത ബോധ്യപ്പെടാനും മണ്ണ് സംരക്ഷണത്തിനു വിഘാതമായി നിൽക്കുന്നത്‌ മനുഷ്യൻ തന്നെയാണെന്ന തിരിച്ചറിവുണ്ടാവാനും, മുൻ തലമുറകൾ സംരക്ഷിച്ചു കൈമാറിയ ഭൂമിയും, മണ്ണും ഉൽപാദനക്ഷ്മതയോടെ നില നിർത്താനും വലിയ പോറലുകളില്ലാതെ വരും തലമുറക്ക്‌ കൈമാറേണ്ടതാണെന്ന് ബോധ്യപ്പെടാനും, വിവിധയിനം മണ്ണുകളായ എക്കൽമണ്ണ്, ചെമ്മണ്ണ്, കറുത്തമണ്ണ്, തീരദേശമണ്ണ്, കരിമണ്ണ്, വെട്ടുകൽമണ്ണ്, മലയോരമണ്ണ്, വനമണ്ണ് എന്നിവ നേരിൽ പരിചയപ്പെടാനും ഉതകുന്നരീതിയിലായിരുന്നു ദിനാചരണം.

പരിപാടി ഒറ്റപ്പാലം മണ്ണ് സംരക്ഷണ കേന്ദ്രം ഓഫീസർ പി ജയരാജൻ ഉദ്ഘാടനം ചെയ്തു. പ്രധാനാധ്യാപകൻ സി.ടി മുരളീധരൻ 'മണ്ണാണ് ജീവൻ, മണ്ണിലാണ് ജീവൻ' എന്ന വിഷയത്തിൽ മുഖ്യപ്രഭാഷണം നടത്തി.സ്റ്റാഫ്‌ കൺവീനർ സി മുഹമ്മദാലി അദ്ധ്യക്ഷത വഹിച്ചു.

അധ്യാപകരായ കെ.എം ഷാഹിന സലീം, കെ.എ മിന്നത്ത്‌, ടി ഹബീബ, എം.പി മിനീഷ, എ.പി ആസിം ബിൻ ഉസ്മാൻ, എം ഷബാന ഷിബില, കെ.പി ഫായിഖ്‌ റോഷൻ, എൻ ഷാഹിദ്‌ സഫർ, എം മാഷിദ സ്കൂൾ കാർഷിക മന്ത്രി എൻ നിമ എന്നിവർ സംബന്ധിച്ചു.

04/12/2022

മരണപ്പെട്ടു

പൂക്കാടംഞ്ചേരി മഹല്ലിൽ തടിയംപറമ്പ് മോസ്ക്കോയിൽ താമസിക്കുന്ന കർത്താർവടക്കേതിൽ കുഞ്ഞയമ്മു മരണപ്പെട്ടു.
ജനാസ ഖബറടക്കം നാളെ(05/12/22) രാവിലെ 9 മണിക്ക് പൂക്കാടംഞ്ചേരി പളളിയുടെ കബർസ്ഥാനിൽ

04/12/2022

എടത്തനാട്ടുകര കലാസമിതി ഗ്രന്ഥശാലയുടെ നേതൃത്വത്തിൽ ഭിന്നശേഷി ദിനാചാരണം സംഘടിപ്പിച്ചു

എടത്തനാട്ടുകര കലാസമിതി ഗ്രന്ഥശാലയുടെ നേതൃത്വത്തിൽ ഭിന്നശേഷി ദിനാചാരണം സംഘടിപ്പിച്ചു. അലനല്ലൂർ ഗ്രാമ പഞ്ചായത്ത് അംഗം പി.പി സജ്ന സത്താർ ഉദ്ഘാടനം ചെയ്തു താലൂക്ക് ലൈബ്രറി കൗൺസിൽ പ്രസിഡന്റ്‌ അബ്ദുള്ള മാസ്റ്ററുടെ അധ്യക്ഷത വഹിച്ചു

ഭിന്നശേഷി എന്നത് വിഭിന്നമായ കഴിവുള്ളവർ ആണെന്നും മാറ്റി നിർത്തുകയല്ല വേണ്ടത് ചേർത്തു നിർത്തി അവർക്ക് വേണ്ടുന്ന സഹകരണങ്ങൾ നൽകുകയാണ് വേണ്ടതെന്നും ഉദ്‌ഘാടക പറഞ്ഞു ചടങ്ങിൽ മണ്ണാർക്കാട് BRC സ്പെഷ്യൽ എഡ്യൂക്കേറ്റർ ശ്രീമതി ഷെറിന തയ്യിൽ ഭിന്നശേഷി സൗഹൃദലോകം എന്ന വിഷയത്തെ ആസ്പദമാക്കി ക്ലാസ്സ്‌ എടുത്തു.

ലൈബ്രേറിയൻ കാർത്തിക പ്രമോദ്, ഇബ്നു അലി എടത്തനാട്ടുക്കര, വി. അബൂബക്കർ, CT മുരളിമാസ്റ്റർ, തുടങ്ങിയവർ സംസാരിച്ചു.വിദ്യാർത്ഥികളുടെ കലാപരിപാടികളും സമ്മാനവിതരണവും നടത്തി.

04/12/2022

ലോകഭിന്ന ശേഷീ ദിനത്തോടനുബന്ധിച്ചുള്ള മാസാചരണത്തിന് മുണ്ടക്കുന്ന് സ്കൂളിൽ തുടക്കമായി.*

എടത്തനാട്ടുകര : മുണ്ടക്കുന്ന് എ.എൽ.പി.സ്കൂളിൽ ലോക ഭിന്ന ശേഷീ ദിനാചരണം വിപുലമായി ആചരിച്ചു. സ്കൂളിലെ ഭിന്നശേഷി കുട്ടികളുടെ നേതൃത്വത്തിൽ സ്പെഷ്യൽ അസംബ്ലിയോടെ പരിപാടികൾക്ക് തുടക്കമായി. അസംബ്ലിയിൽ ഭിന്ന ശേഷിക്കാരായ കുട്ടികളുടെ കലാപരിപാടികളും അരങ്ങേറി.

വൈകല്യങ്ങളെ അതിജയിച്ച് സ്വയം തൊഴിലിൽ ഏർപ്പെടുകയും തന്റെ വീൽചെയറിൽ സഞ്ചരിച്ച് അത് മറ്റുള്ളവർക്ക് പഠിപ്പിച്ചു കൊടുക്കുകയും ചെയ്യുന്ന സ്കൂളിലെ പൂർവ വിദ്യാർഥി ഷൗക്കത്ത് തെക്കൻ ദിനാചരണം ഉദ്ഘാടനം ചെയ്തു. ഭിന്നശേഷിക്കാരായ കുട്ടികളെ അകറ്റി നിർത്താതെ സ്നേഹത്തോടെ അവരെ തങ്ങളുടെ എല്ലാ പ്രവർത്തനങ്ങളിലും പങ്കാളികളാക്കണമെന്ന് അദ്ദേഹം തന്റെ പ്രസംഗത്തിൽ കുട്ടികളോട് അഭ്യർത്ഥിച്ചു

അദ്ദേഹത്തെ സ്‌കൂളിന് വേണ്ടി പൊന്നാടയണിയിച്ച് മാനേജർ പി. ജയശങ്കരൻ മാസ്റ്റർ ആദരിച്ചു. സ്കൂളിന്റെ ഉപഹാരം പി.ടി.എ. പ്രസിഡണ്ട് ഷമീർ തോണിക്കരയും സമ്മാനിച്ചു

വിത്ത് പേനകൾ, കുട എന്നിവയാണ് ഷൗക്കത്ത് നിർമിച്ചു കൊണ്ടിരിക്കുന്നത്. നാലു ചുമരുകൾക്കുള്ളിൽ ഒതുങ്ങാതെ പ്രതിസന്ധികളെ തരണം ചെയ്ത ഷൗക്കത്തിന്റെ മാതൃക നമുക്ക് പ്രചോദനമാകണമെന്ന് ജയശങ്കരൻ മാസ്റ്റർ തന്റെ പ്രഭാഷണത്തിൽ സൂചിപ്പിച്ചു

കുട്ടികളുടെ കളറിംഗ് മത്സരവും മുതിർന്ന കുട്ടികളുടെ "ഭിന്നശേഷീ സൗഹൃദ വിദ്യാലയം" എന്ന വിഷയത്തിൽ പോസ്റ്റർ രചനയും നടന്നു

ഡിസംബർ 1 മുതൽ 31 വരെയുള്ള ഒരുമാസക്കാലയളവിൽ വൈവിധ്യങ്ങളായ അനുബന്ധ പരിപാടികൾ ആസൂത്രണം ചെയ്തിട്ടുണ്ടെന്ന് പ്രധാനാധ്യാപകൻ പുല്ലിക്കുന്നൻ യൂസഫ് അറിയിച്ചു.

04/12/2022

വട്ടമണ്ണപ്പുറം എ.എം.എൽ.പി സ്കൂളിൽ സംഘടിപിച്ച ഭിന്നശേഷി സൗഹൃദ സംഗമം ശ്രദ്ധേയമായി*

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിൽ സംഘടിപ്പിച്ച ഭിന്നശേഷി സൗഹൃദ സംഗമം ശ്രദ്ധേയമായി. സമൂഹത്തിൽ ഭിന്നശേഷിയുള്ളവർ നേരിടുന്ന അസമത്വവും, വിവേചനവും ഇല്ലാതാക്കാനും , ഭിന്നശേഷിയുള്ളവരെ സമൂഹത്തിന്റെ മുഖ്യധാരയിലേക്ക് കൊണ്ടുവരനും, അവരുടെ അവകാശ സംരക്ഷണത്തിന്റെ പ്രാധാന്യം പൊതുജനങ്ങളെ ബോധ്യപ്പെടുത്താനും വേണ്ടിയാണ് ഈ സംഗമം സംഘടിപ്പിച്ചത്. പരിമിതികളെ വകവെക്കാതെ സംഗമത്തിൽ അവർ ഒത്തുകൂടി. സംഗമം ഒളിമ്പ്യൻ ആകാശ് എസ് മാധവ് ഉദ്ഘാടനം ചെയ്തു. പിടിഎ പ്രസിഡണ്ട് അയ്യൂബ് മുണ്ടഞ്ചേരി അധ്യക്ഷത വഹിച്ചു. അലനല്ലൂർ ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അലി മഠത്തൊടി മുഖ്യാതിഥിയായി, പ്രധാനാധ്യാപകൻ സി ടി മുരളീധരൻ, മുൻ ഗ്രാമപഞ്ചായത്ത് പ്രസിഡന്റുമാരായ റഹ്മത്ത് മഠത്തൊടി, കെ.ടി.ഹംസപ്പ , റഹീസ് എടത്തനാട്ടുകര, ഷമീം കരുവള്ളി, റസാഖ് മംഗലത്ത്, ശിഹാബ് വെളുത്തേടത്ത്, ഉമ്മർ കുറുക്കൻ, ടി പി നൂറുദ്ദീൻ,അലി കാപ്പുങ്ങൽ എന്നിവർ ഭിന്നശേഷിക്കാർക്കുള്ള സമ്മാനങ്ങൾ വിതരണം ചെയ്തു. "പരിമിതികളെ എങ്ങനെ മറികടക്കാം" എന്ന് വിഷയത്തിൽ ഹെൽത്ത് ഇൻസ്പെക്ടർ പി.കെ ഷംസുദ്ദീനും, "ഭിന്നശേഷി സൗഹൃദ വിദ്യാലയം"എന്ന വിഷയത്തിൽ റഷീദ് ചതുരാലയും ക്ലാസെടുത്തു. ടി.എസ്.നേഹ ഹുസൈൻ, പി.മുഹമ്മദ് നിഹാൽ, പി.പി. ആദിൽ ഹാമിദ് , വി. സാദിഖ്, ആയിഷ പാതിരമണ്ണ, ഷൗക്കത്തലി തെക്കൻ, റഷീദ് പരിയാരൻ, എൻ.നിമ, കെ. മിൻഹ എന്നിവരുടെ വിവിധ കലാപരിപാടികളും അരങ്ങേറി. അധ്യാപകരായ കെ.എം ഷാഹിന സലീം, കെ.എ മിന്നത്ത് ,സി. മുഹമ്മദാലി, എ.പി ആസിം ബിൻ ഉസ്മാൻ, എം പി മിനിഷ ,എൻ ഷാഹിദ് സഫർ , എം ഷബാന ഷിബില , ഐ ബേബി സൽവ, എം മാഷിദ എന്നിവർ സംസാരിച്ചു.

03/12/2022

ലഹരിക്കെതിരെ ഗോൾ ചലഞ്ചുമായി വട്ടമണ്ണപ്പുറം എ.എം.എൽ.പി സ്കൂളിലെ ആരോഗ്യ‌ ക്ലബ്ബ്‌‌

എടത്തനാട്ടുകര: ലഹരിക്കെതിരെ സംസ്ഥാന സർക്കാർ പ്രഖ്യാപിച്ച രണ്ട്കോടി ഗോൾ ചലഞ്ച്‌ പദ്ധതി വട്ടമണ്ണപ്പുറം എ.എം.എൽ.പി സ്കൂളിലെ ആരോഗ്യ ക്ലബ്ബിന്റെ നേതൃത്വത്തിൽ സംഘടിപ്പിച്ചു. വിദ്യാർത്ഥികളേയും യുവജനങ്ങളേയും കാർന്ന്തിന്നുകൊണ്ടിരിക്കുന്ന ലഹരി എന്ന വൻ വിപത്തിനെതിരെ സമൂഹത്തെ ഉണർത്തുക എന്ന ലക്ഷ്യവുമായാണ് പരിപാടി സംഘടിപ്പിച്ചത്‌. സ്വഭാവരൂപീകരണം നടക്കുന്ന കുഞ്ഞുപ്രായത്തിൽ ലഹരി വിരുദ്ധ മനോഭാവം വളർത്തുന്നതിനും മുതിർന്നവരെ സ്നേഹപൂർവ്വം ബോധവൽക്കരിക്കുന്നതിനും ഉതകുന്ന രീതിയിലായിരുന്നു പരിപാടി സംഘടിപ്പിച്ചത്‌.

പരിപാടി ഒളിമ്പ്യൻ ആകാശ്‌ എസ്‌ മാധവ്‌ ഉദ്ഘടനം ചെയ്‌തു. അലനല്ലൂർ ഗ്രാമപഞ്ചായത്ത്‌ ക്ഷേമകാര്യ സ്റ്റാൻഡിംഗ്‌ കമ്മിറ്റി ചെയർമാൻ അലി മഠത്തൊടി അധ്യക്ഷത വഹിച്ചു. 'ലഹരിയല്ല ജീവിതം, ജീവിതമാണ് ലഹരി' എന്ന വിഷയത്തിൽ അലനല്ലൂർ സാമൂഹിക കേന്ദ്രത്തിലെ ഹെൽത്ത്‌ ഇൻസ്പെക്ടർ പി.കെ ഷംസുദ്ദീൻ ക്ലാസ്സെടുത്തു. അലനല്ലൂർ ഗ്രാമ പഞ്ചായത്ത്‌ മുൻ പ്രസിഡന്റുമാരായ കെ.ടി ഹംസപ്പ, മഠത്തൊടി റഹ്മത്ത്‌, എടത്തനാട്ടുകര പാലിയേറ്റീവ്‌ കെയർ സെക്രട്ടറി റഹീസ്‌ എടത്തനാട്ടുകര, എടത്തനാട്ടുകര ചാരിറ്റി കൂട്ടായ്മ പ്രസിഡന്റ്‌ ഷമീം കരുവള്ളി, പി.ടി.എ പ്രസിഡന്റ്‌ അയ്യൂബ്‌ മുണ്ടഞ്ചീരി, പ്രധാനാധ്യാപകൻ സി.ടി മുരളീധരൻ, പി.ടി.എ വൈസ്‌ പ്രസിഡന്റുമാരായ റസാഖ്‌ മംഗലത്ത്‌, ഷിഹാബ്‌ വെളുത്തേടത്ത്‌, എസ്‌.എം.സി അംഗം നാസർ കാപ്പുങ്ങൽ, ഷൗക്കത്തലി കാപ്പുങ്ങൽ, റഷീദ്‌ ചതുരാല, കെ ഉമ്മർ, പി റഷീദ്‌, ടി.പി നൂറുദ്ദീൻ, എം മുസ്തഫ അധ്യാപകരായ കെ.എം.ഷാഹിന സലീം, കെ.മിന്നത്ത്,എം.പി മിനീഷ, സി മുഹമ്മദാലി, എ.പി ആസിം ബിൻ ഉസ്മാൻ, എം ഷബാന ഷിബില, ഐ ബേബി സൽവ, എൻ ഷാഹിദ് സഫർ,എം മാഷിദ എന്നിവർ സംബന്ധിച്ചു.

03/12/2022

'പൈതൃകം' സാംസ്കാരിക പ്രദർശനമൊരുക്കി വട്ടമണ്ണപ്പുറം എ.എം.എൽ.പി സ്കൂളി‌ലെ വിദ്യാർത്ഥികൾ‌
╌╌╌╌╌╌╌╌╌╌╌╌╌╌
എടത്തനാട്ടുകര: വട്ടമണ്ണപ്പുറം എ.എം.എൽ.പി. സ്കൂളിൽ 'പൈതൃകം' സാംസ്കാരിക പ്രദർശനം സംഘടിപ്പിച്ചു. നൂറ്റാണ്ടുകളുടെ പഴക്കമുള്ള കേരളത്തിന്റെ സാംസ്കാരിക പൈതൃകം, തനതായ കലകൾ, ഭാഷ, സാഹിത്യം മുതലായവ പുതുതലമുറയിലേക്ക്‌ എത്തിക്കാനും അതിലൂടെ പഴയകാലത്തെക്കുറിച്ച്‌ വ്യക്തമായ ധാരണ കുട്ടികളിലുണ്ടാക്കാനും ഉതകുന്നതരത്തിലായിരുന്നു പരിപാടി. അറുനൂറിൽ പരം പഴയകാല വസ്തുക്കളും, സാംസ്കാരിക നായകന്മാരുടെ ചിത്രങ്ങളും, കേരളത്തനിമ വിളിച്ചോതുന്ന കലാരൂപങ്ങളുടെ ചിത്രങ്ങളും പ്രദർശനത്തിന് മാറ്റുകൂട്ടി. പരിപാടി മണ്ണാർക്കാട്‌ ബ്ലോക്ക്‌ പഞ്ചായത്ത്‌ പ്രസിഡന്റ്‌ കെ.പി ബുഷറ ഉദ്ഘാടനം ചെയ്തു. പി.ടി.എ പ്രസിഡ്ന്റ്‌ അയ്യൂബ്‌ മുണ്ടഞ്ചീരി അദ്ധ്യക്ഷത വഹിച്ചു.

സംസ്ഥാന കശുവണ്ടി ബോർഡ്‌ അംഗവും അലനല്ലൂർ സഹകരണ ബാങ്ക്‌ പ്രസിഡന്റ്‌ മൻസിൽ അബൂബക്കർ, പ്രവാസി സഹകരണ ബാങ്ക്‌ പ്രസിഡന്റ്‌ എം.പി അബൂബക്കർ മാസ്റ്റർ, എം.പി.ടി.എ പ്രസിഡന്റ്‌ കെ കാർത്തിക കൃഷ്‌ണ, സ്റ്റാഫ്‌ കൺവീനർ, സി മുഹമ്മദാലി, പ്രധാനാധ്യാപകൻ സി.ടി മുരളീധരൻ, പി.ടി.എ വൈസ്‌ പ്രസിഡ്ന്റ് റസാഖ്‌ മംഗലത്ത്‌, എം.പി.ടി.എ വൈസ്‌ പ്രസിഡന്റ്‌ പി ഫെമിന, കുഞ്ഞമ്മു പാറോക്കോട്ട്, കെ.പി കുഞ്ഞുമുഹമ്മദ്‌, എസ്‌.എം.സി അംഗങ്ങളായ നാസർ കാപ്പുങ്ങൽ, സുബൈർ പാറോക്കോട്ട്‌, വി അബൂബക്കർ, അധ്യാപകരായ കെ.എം ഷാഹിന സലീം, കെ.എ മിന്നത്ത്‌, ടി ഹബീബ, എം.പി മിനീഷ, എ.പി ആസിം ബിൻ ഉസ്മാൻ, എം ഷബാന ഷിബില, ഐ ബേബി സൽവ, എൻ ഷാഹിദ്‌ സഫർ, എം മാഷിദ, കെ സൗമ്യ, വി അനിത, പി അജിത, കെ ഷംസീത ബീഗം, സി അശ്വതി, എം നിഷ, എം മുസ്തഫ എന്നിവർ സംബന്ധിച്ചു. പ്രദർശനം വീക്ഷിക്കാൻ കെ.സ്‌.എച്ച്‌.എം ആർട്ട്സ്‌ കോളേജിലെ വിദ്യാർത്ഥികളും പരിസരങ്ങളിലെ സ്കൂളിലെ വിദ്യാർത്ഥികളും രക്ഷിതാക്കളും നാട്ടുകാരും എത്തിച്ചേർന്നു.

03/12/2022

ഗവ.എല്‍.പി.എസ് എടത്തനാട്ടുകര മൂച്ചിക്കലിലെ' ഒളിമ്പിയ' സ്കൂൾ കായികമേള നടത്തി

➖➖➖➖➖➖➖➖➖

എടത്തനാട്ടുകര : ജി.എല്‍.പി.എസ് എടത്തനാട്ടുകര മൂച്ചിക്കലിലെ ഒളിമ്പിയ സ്കൂൾ കായികമേള കുരുന്നുകളില്‍ ആവേശം തീ൪ത്തു. മുന്‍ കേരള പോലീസ് ഫുട്ബാൾ താര൦ സി.സാജിദ് ഉദ്ഘാടനം നിർവ്വഹിച്ചു. പി.ടി.എ പ്രസിഡന്റ് എ൦.ജിനേഷ് അധ്യക്ഷത വഹിച്ചു.

പ്രി പ്രെെമറി മുതല്‍ എല്ലാ ക്ലാസിലെയു൦ എല്ലാ വിദ്യാർത്ഥികളെയു൦ പങ്കെടുപ്പിച്ച് നടത്തിയ കായികമേള കുരുന്നുകൾക്ക് വേറിട്ട അനുഭവമായി. വിവിധ ഹൗസുകളുടെ മാ൪ച്ച് പാസ്റ്റു൦ കുട്ടികളുടെ എയ്റോബിക് ഡാന്‍സു൦ നടന്നു.

കൂടുതല്‍ പോയിന്റ് നേടി ബ്ലൂ ഹൗസ് ഓവറോള്‍ ചാമ്പ്യന്‍മാരായി.റെഡ് ഹൗസ് രണ്ടാമതു൦ യെല്ലോ ഹൗസ് മൂന്നാ൦ സ്ഥാനവു൦ നേടി. ഒന്നാ൦ സ്ഥാന൦ നേടിയ ഹൗസിനുള്ള ട്രോഫി മലബാർ ഡ്രൈവിങ് സ്കൂൾ ഉടമ കെ.പി യൂനുസു൦ ഓരോ സ്ഥാനക്കാ൪ക്കുള്ള മെഡലുകള്‍ പി.ടി.എ വെെസ് പ്രസിഡന്റ് പി.പി നൗഷാദലിയു൦ വ്യക്തിഗത ചാമ്പ്യന്‍മാ൪ക്കുള്ള സമ്മാനങ്ങള്‍ കരുവള്ളി കോ൦ പ്ലക്സ് എ൦.ഡി ഷമി൦ കരുവള്ളി എന്നിവരു൦ സ്പോണ്‍സ൪ ചെയ്തു.

പ്രധാനാധ്യാപകൻ പി.നാരായണൻ,
അധ്യാപകരായ സി.ജമീല, എന്‍.അലി അക്ബർ, കെ.രമാദേവി, പി.ജിഷ,സി.പി വഹീദ, കെ.നുസെെബ,കെ.പി സാലിഹ, പി.പ്രിയ,ഇ.പ്രിയങ്ക,സി.പി മുഫീദ, കെ.ഷീബ എന്നിവരു൦ പി.ടി.എ അ൦ഗങ്ങളായ പി.ജ൦ഷാദ് ഖാൻ, എ൦.പി.ടി.എ പ്രസിഡന്റ് കെ.ഫസ്ബിയ,വെെസ് പ്രസിഡന്റ് കെ.ഷാഹിന എന്നിവ൪ നേതൃത്വം നല്‍കി.

26/11/2022

*പരിശുദ്ധ ഖുർആൻ ഖത്തം പൂർത്തിയാക്കി അഷ്‌ഫിൻ
=====================
എടത്തനാട്ടുകര:-എടത്തനാട്ടുകര SMEC സെന്ററിൽ, കുരുന്ന് ഹൃദയങ്ങൾക്ക് ഖുർആനിന്റെ വെള്ളി വെളിച്ചം പകർന്നു നൽകുന്ന അൽമനാർ ഖുർആനിക് പ്രീസ്കൂൾ* മൂന്നാം വർഷ വിദ്യാർത്ഥി അഷ്‌ഫിൻ*വിശുദ്ധ ഖുർആൻ (ഖത്‍മുൽ ഖുർആൻ) പൂർത്തിയാക്കി.

എടത്തനാട്ടുകര മുണ്ടക്കുന്ന് തോണിക്കര അബൂബക്കറിന്റെ പേരമകനും അൻവർ ലുബൈന ദമ്പതികളുടെ മകനായ അഷ്‌ഫിൻ മുഴുവനായും തജ്‌വീദോടുകൂടി പാരായണം ചെയ്ത് മികവ് തെളിയിച്ചിരിക്കുകയാണ്. അൽമനാർ അധ്യാപകരുടെ മേൽനോട്ടത്തിൽ അഞ്ച് മാസം കൊണ്ടാണ് തജ്‌വീദോടുകൂടി
അഷ്‌ഫിൻ ഖുർആൻ മുഴുവനായും പാരായണം ചെയ്തത്. .

Online Edathanattukara news

19/08/2023

07/12/2022

05/12/2022

05/12/2022

04/12/2022

04/12/2022

04/12/2022

04/12/2022

03/12/2022

03/12/2022

03/12/2022

26/11/2022

Address

Website

Alerts

Contact The Business

Shortcuts

Share

Category