Abu Publications

Abu Publications வாய்மையும், தூய்மையும் எழுதுவதற்கு ...

04/08/2025

நம்முடைய வாழ்க்கையில் நேரிடையாக வருபவர்கள் நல்லதோ கெட்டதோவான ஒருவித பாடத்தைக் கற்றுக் கொடுத்துவிட்டுச் சென்று விடுகின்றனர்...

பலவற்றுக்கான தீர்வு என்பது இறைவன்புறமிருந்து நாம் அறியாமலே நம்மிடம் வந்து சேர்ந்துவிடுகிறது...

01/08/2025

குழந்தைகள் தானாக அவர்களாகவே நிறைய கற்றுக்கொண்டு வளர்வார்கள்.....

அவ்வப்போது தேவையான நல்ல விஷயங்களைச் சொல்லிச் சொல்லி நாம் நெறிப்படுத்த வேண்டியிருக்கிறது...

மிரட்டி பணியவைத்து நம் சொந்தக் கருத்துகளை திணித்து அல்ல...அன்புக் காட்டி அரவணைத்து...மிக மெதுவாக மலர்கொத்துகளை விரல்களால் ஸ்பரிசிப்பது போல...

அதற்கு நாம் முதலில் நல்லவைகளை நிறையவே கற்றுக்கொண்டு நம்மை நெறிபடுத்திக் கொள்ள வேண்டியிருக்கிறது...
பிள்ளைகளின் மனதில் நெகடிவ்களை புகுத்தி அவர்களின் பிற்கால வாழ்க்கையை கேள்விக்குறியாக்கிவிடாமலிருக்க...

30/07/2025

பெரியவர்களின் பேச்சுக்களை கவனிக்கும் வளர் இளம் பருவத்தினர் வார்த்தைகள் ஒவ்வொன்றிற்கும் அர்த்தம் கேட்பார்கள்...

அவர்களின் பெற்றவர்களோ,உடனிருக்கும் மற்றவர்களோ பேசும் வார்த்தைகளை நிதானித்து பேசுவது அவசியம்..

குழந்தைகளின் நல்ல வளர்ப்பின் முறை அலட்சியம் காட்டாத அவரவர் பெற்றோர் கைகளில்தான் இருக்கிறது...

30/07/2025

எந்த உறவாயினும் குடும்பத்திற்கு உள்ளே நுழையாமல் தள்ளியிருந்து உறவாடுவதே சிறப்பு...

27/07/2025

திருமணத்திற்கு பிறகான வாழ்க்கை என்பது தான் பெற்ற அல்லது வளர்த்த குழந்தைகளை நல்ல பண்புகள் நிறைந்த குழந்தைகளாக உருவாக்கி சமுதாயத்தை சிறப்புற மேம்படுத்துவதற்காகத்தான் இருக்க வேண்டும்...

மக்களிடையே கல்வித்தரமும் பணப்புழக்கமும் அதிகரித்திருக்கும் நிலையில்...
நடைமுறையில் பல இடங்களில் பிள்ளை வளர்ப்பின் தரம் குறைந்திருப்பது அவர்களின் எதிர்காலம் பற்றின ஒருவித கலக்கத்தையே ஏற்படுத்துகிறது...🤔

25/07/2025

ஏனையோருக்கும் செவி வழியாவது எல்லாம் தெரிந்திருக்கும் என்கிற எண்ணங்களில்லாமல் தனக்கு மட்டுமே எல்லாம் தெரியும் என்கிற பாவனைகள் கொண்ட மனிதர்கள் பின்னொரு நாளில் எள்ளல்களுக்குள்ளாக்கப்படுகின்றனர்...

23/07/2025

முக்கி முக்கி வளைத்து வளைத்து பொய்யாகப் பேசுவதை விட நாவைக் கட்டிப்போட்டு ஊமையாகத் திரிவது மேல் தானே...🤔

20/07/2025

சிலருக்கு சிலபோது எழுதுவது என்பது மனங்களில் உள்ள பாரங்களையும் சேர்த்து இறக்கி வைப்பதற்குத்தான்...🤔

18/07/2025

பெண் சுதந்திரம் என்றால் என்ன...🤔

நான் எல்லாவற்றையும் கற்றுக்கொள்ள ஆர்வப்படுகிறேன்....

ஆனால் சமையலை கற்றுக் கொள்ளாமல் விலகி நிற்கிறேன்...

நான் என்ன சமையற்காரியா...
நான் என்ன வேலைக்காரியா...
நான் என்ன சலவைக்காரியா...
நான் என்ன கக்கூஸ்காரியா...

காதல் உணர்வு மட்டும் இல்லாதிருந்தால்... திருமணம் செய்து கொள்ளாமல் இருந்திருந்தால்....
மனைவியாகியிருக்க மாட்டேன்...
குழந்தைகளை பெற்று வளர்த்து அல்லல்பட்டிருக்க மாட்டேன்...
நான் ஒரு சுதந்திரப் பறவையாகவே இருந்திருப்பேன்...

நினைத்த நேரம் தூங்கி...
நினைத்த நேரம் எழுந்து...
நினைத்த நேரம் தின்று...
நினைத்த நேரம் குளித்து...
யாருக்கும் அடங்காமல் ...
திமிராகப் பேசித் திரிந்து...
கண்டநேரத்திலும் கண்ட இடமும் சென்று...
வெளியில் அலைந்து திரிந்து...
பெரும் பைத்தியக்காரி பட்டம் வாங்கியிருப்பேன்...

பிறருடன் பழகுவதற்கும் ஒரு லிமிட் உண்டு என்பதே தெரியாமல் நடந்துகொண்டு...
நான் சொல்வதுதான் சரி என்று வாதித்துக் கொண்டு...
ஊர் சுற்றுவதையும் வெளியுணவு உண்பதையும் மட்டுமே பழக்கப்படுத்திக் கொண்டு..
முழு சோம்பேறியாக வாழ்க்கைத் தரத்தை பாழ்படுத்திக் கொண்டு...
ஆணுக்குப் பெண் சரிசமம் என்று கற்பனையில் குதிரையோட்டிக் கொண்டு...

பிள்ளைகளை...
கணவரை...
இம்சித்து... அடக்கியாண்டு...
யார்தான் நான்...
என்னதான் வேண்டும் எனக்கு...என்பதே புரியாமல்...குண்டு சட்டியில் குதிரை ஓட்டிக் கொண்டிருக்கும் ஜான்சிராணியாக வலம் வந்து கொண்டிருக்கிறேன்...

பெண் சுதந்திரம் பேசிப் பேசி அடுத்த கட்டத்திற்கு எப்படி நகர்வது என்பது விளங்காமல்...
தனிமையில் எதையோ வரைந்து வரைந்து தாள்களை கசக்கி எறிகிறேன்...

என்ன ஆயிற்று எனக்கு...

ஏய் லூசு...என்னடி பண்ற இருட்ல... சமைக்கலையா...பசங்க ட்யூஷன் விட்டு வர்ற நேரமாச்சு...
கணவர் விளக்கை ஒளிரவிட்டார்

லூஸா...இருட்டா....🤔
நான் தொடுதிரையில் கற்பனைக் குதிரையை தட்டிவிட்டு கண்களைப் பறிக்கும் ஒளியில் அல்லவா பறந்துகொண்டிருந்தேன்

அவிழ்ந்து கிடந்த கூந்தலை அள்ளி ரப்பர் பேண்ட்குள் திணித்துக்கொண்டு எழுந்தேன்
ப்ரிஜ்குள்ளிருந்து தோசை மாவை எடுத்து வெளியில் வைக்கணும்
பசங்க பசியோடு வரும்..என்கிற நார்மல் அம்மாவின் கவலையோடு....😟

16/07/2025

கசந்து நிற்பவர்களுக்கு மனதார கண்ணியமாக உதவிகள் செய்பவர்களுக்கு சில தலையீடுகளும் குறுக்கீடுகளும் வரத்தான் செய்யும்...

நல்ல மனசுள்ள மனிதர்களுக்கு மகா மட்டமான மனிதர்களின்
நரித்தந்திரங்களும் நயவஞ்சகங்களும் பழகிப் போனவைகள் தான்...புதிதல்ல...

கைப்பாவைகளான குறுமதி கொண்ட மனித மனங்கள் படு கேவலமான குரூரங்கள் நிறைந்தவை...

நல்ல மனிதர்களுக்கு இறைவன் போதுமானவன்❤🤲

14/07/2025

ஒரு நிலையில் நில்லாமல் ஏறி இறங்கும் மனம் கொண்ட மனிதர்களால் பிற மனிதர்களின் மன அமைதிக்கு என்றும் பங்கம்தான்...
அதுவும் இணையர்களானால் கேட்கவே வேண்டாம்...மிகுந்த சிரமத்திற்குள்ளாகவே நேரிடும்...🤔

09/07/2025

மொத்த வீட்டு மனுஷாளுக்கும் என்ன வேணும்னு பார்த்து பார்த்து செய்யற பெண்களோ ஆண்களோ குடித்தனக்காரரகளாம... 🤔

தனக்கு மட்டும் என்ன தேவைன்னு எடுத்துக்கற பெண்களோ ஆண்களோ சுயநலக்காரர்களாம்...🤔

Address

Mayiladuthurai
609001

Telephone

+919944271549

Website

Alerts

Be the first to know and let us send you an email when Abu Publications posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Abu Publications:

Shortcuts

Share

Category