मिलिकथुङ टाइम्स् Millik thung Times

23/10/2025

हार्दिक श्रद्धाञ्जली।।
भाईटीका मनाउन जाँदै गर्दा वाहन दुर्घटनामा दिदी- भाइको मृत्यु।।‌

मिरिकको नोलडाडामा हिजो भएको वाहन दुर्घटनामा दिदी-भाईको मृत्यु भएको छ। दिदी विनिता तामाङ र भाई हिमालयन जिमका जिम ट्रेनर 28 वर्षका वाङ्छेन तामाङको मृत्यु भएको हो।
दिदी भाइ, मिरिकका बासिन्दा थिए र भाइटीका मनाउन मिरिक जाँदै थिए।
नेपालमा विवाह गरेकी विनिता गर्भवती रहेको बताइएको छ।

22/10/2025

नौल डाँडामा गाडी दुर्घटना, तीन जना को मृत्यु सूत्र थाहा लागे अनुसार मिरिक देखि काकरीभित्ता चल्ने गाडी भनी बताएको छ ।

जान्नमा आएको छ, मृत्युहुने एकजना सौरेनीको हो भन्ने छ।

20/10/2025

20/10/2025

Happy Diwali

17/10/2025

*गोर्खा राष्ट्रिय मुक्ति मोर्चा*
*प्रेस विज्ञप्ति*
*१७ अक्टोबर २०२५*

गोर्खा राष्ट्रिय मुक्ति मोर्चा भारत सरकारप्रति हार्दिक आभार प्रकट गर्दछ। विशेषतः आदरणीय प्रधानमन्त्री श्री नरेन्द्र मोदीज्यू तथा आदरणीय गृहमन्त्री श्री अमित शाहज्यूलाई हामी धन्यवाद दिन चाहन्छौँ, जस अन्तर्गत श्री पंकज कुमार सिंहलाई गोर्खा समुदायको दीर्घकालीन राजनैतिक समस्याको समाधानका निम्ति वार्ताकार (Interlocutor) का रूपमा नियुक्त गरिएको छ।
यो ऐतिहासिक निर्णयले भारत सरकारको गोर्खा समुदायप्रतिको संवेदनशीलता, प्रतिबद्धता र न्यायपूर्ण दृष्टिकोणलाई स्पष्ट रूपमा प्रतिविम्बित गर्दछ। यस पहलसँगै, अब केही सीमित व्यक्ति वा समूहहरू मात्र होइन, बरु सबै सरोकारवाला पक्षहरूले आफ्ना विचार, सुझाव र धारणा रचनात्मक रूपमा प्रस्तुत गर्ने अवसर प्राप्त गर्नेछन्।
हामी विश्वास गर्दछौं कि यस समावेशी र परामर्शमूलक प्रक्रियाले गोर्खा समुदायको दीर्घकालीन राजनैतिक आकांक्षा पूरा गर्ने दिशामा एक ठोस, न्यायपूर्ण र स्थायी मार्ग प्रशस्त गर्नेछ। यो कदमले दार्जीलिङ–पहाड तथा सम्पूर्ण क्षेत्रको शान्ति, स्थायित्व र समृद्धिको यात्रालाई अझ बलियो बनाउनेछ भन्ने हाम्रो दृढ विश्वास छ।

*मन घिसिङ*
*अध्यक्ष*
*गोर्खा राष्ट्रिय मुक्ति मोर्चा।*

17/10/2025

Swoopna suman at Darjeeling.

15/10/2025

प्रेस विज्ञप्ति
१५ अक्टोबर, २०२५

हाम्रो क्षेत्रमा पहिरो र बाढ़ीको विभिषिकापछि अन्ततः मुख्यमन्त्री सुश्री ममता ब्यानर्जीज्यू केही प्रभावित ठाउँहरूको दौड़ाहामा जानुभएको देख्दा राम्रो लागेको छ। मलाई आशा छ कि यहाँ भएको प्राकृतिक विध्वंशको प्रत्यक्ष अवलोकन गरेपछि उहाँ हाम्रो क्षेत्रमा आइलागेको यस त्रासदीलाई आधिकारिक रूपले “आपदा” अधिसूचित गर्न सहमत हुनुहुनेछ।

हाम्रो दार्जिलिङ पहाड़, तराई, अनि डुवर्स क्षेत्रमा हालै आइलागेको त्रासदीको भयङ्कर मात्रालाई देखेर पनि पश्चिम बङ्गालकी माननीय मुख्यमन्त्री सुश्री ममता ब्यानर्जीज्यू र पश्चिम बङ्गाल सरकारले अहिलेसम्म यसलाई आधिकारिक रूपले “आपदा” घोषणा गर्न अस्वीकार गर्नु अत्यन्तै तर्कहीनता अनि दुःखको विषय हो।

उहाँले विभिन्न बहानाहरू बनाएर आफ्नो यस निष्क्रियतालाई न्यायसङ्गत ठहराउन जारी राख्नुभएता पनि आपदा प्रबन्धन अधिनियम, २००५ (DMA) को अनुच्छेद ३८ अन्तर्गतका नियमहरूअनुसार आफ्नो राज्य सिमानाभित्र उत्पन्न प्राकृतिक विध्वंशको सम्बोधन गर्ने उत्तरदायित्व सो राज्य विशेषको हुन्छ। राज्य सरकारले आधिकारिक रूपमा “आपदा” अधिसूचित गरेपछि मात्रै केन्द्रीय सरकारले थप सहायता उपलब्ध गराउन सक्छ।

हाम्रो क्षेत्रका जनताले २०२३ देखि भयङ्कर क्षय-क्षति भोग्दै आइरहेको भएता पनि पश्चिम बङ्गाललाई १५औँ वित्त आयोगद्वारा २०२१-२०२६ को अवधिका लागि आवन्टित ₹5900 करोड़ आपदा राहत कोषको कुनै हिसाब-किताब छैन। यसमध्ये ७५% कोष केन्द्रीय सरकार अनि २५% कोष राज्यद्वारा प्रदान गरिएको छ।
वित्त वर्ष २०२५-२६ का लागि राज्यसँग ₹१,३११.२० करोड़को जम्मा SDRF आवन्टन छ, जसमध्ये केन्द्रको ₹९८३ करोड़अनि राज्यको ₹३२८ करोड़ योगदान छ।

वित्त वर्ष २०२१ देखि वित्त वर्ष २०२५-२६ सम्मका लागि पश्चिम बङ्गाल सरकारलाई आवन्टित राज्य आपदा राहत कोष निम्नप्रकारले छः

आजका समाचार रिपोर्टहरूअनुसार, माननीय मुख्यमन्त्रीले मृतकहरूका लागि ₹५ लाख अनि यस त्रासदीमा क्षतिग्रस्त घरहरूलाई ₹१.२ लाख दिने घोषणा गर्नुभएको छ। सामान्य रूपले हिसाब गर्ने हो भने पनि पुनर्वास अनि आवास सहायतालाई मिलाएर जम्मा राहत खर्च मुश्किलले ₹१० करोड़ दिइँदैछ।

तर, यदि सरकारले एसडीआरएफ आवन्टनको (वित्त वर्ष २०२५-२६ को मात्रै) १०% पनि प्रयोग गर्ने हो भने पीड़ितहरूलाई सहायता गर्न, उनीहरूका घरहरूको पुनर्निर्माण गर्न, आजीविकाको व्यवस्थापन गर्न, अनि क्षतिग्रस्त सार्वजनिक पूर्वाधारको मर्म्मत कार्यका लागि तत्कालै लगभग ₹१३० करोड़ परिचालन गर्न सकिन्छ।

राज्य सरकारले यस त्रासदीलाई आधिकारिक रूपले “आपदा” अधिसूचित गर्न अस्वीकार गरेर हाम्रो क्षेत्रमा प्रभावित मानिसहरूको पुनर्वास गर्न, अनि पूर्वाधारहरूको मर्म्मत गर्नका लागि कोषहरू अनि अतिरिक्त स्रोत-संसाधनहरूको आवन्टनलाई रोक्ने प्रयास गरिरहेको छ। यो कुनै दुर्भावनाभन्दा कम होइन।

मैले सदा भन्दै आएको छु कि आपदाको राजनीतिकरण गर्नु हुँदैन। तर, यस त्रासदीलाई आधिकारिक रूपले “आपदा” अधिसूचित गर्न अस्वीकार गरेर राज्य सरकारले हजारौं प्रभावित नागरिकहरूलाई समयमा अनि पर्याप्त मात्रामा सहायता पाउनु पर्ने उनीहरूको न्यायपूर्ण अधिकारबाट वञ्चित गरिरहेको छ।

यसका अतिरिक्त, पश्चिम बङ्गाल सरकारको आपदा प्रबन्धन एवम् नागरिक सुरक्षा विभागको अक्षमता स्पष्ट रूपमा देखिएको छ। उनीहरू कुनैपनि किसिमको आपदा न्यूनीकरण उपयाहरू गर्नमा असफल भएका छन्। हाम्रो क्षेत्रमा आपदाको स्थितिको सामना गर्ने तयारी शून्य छ।

पश्चिम बङ्गालको आपदा प्रबन्धन एवम् नागरिक सुरक्षा विभागले वित्त वर्ष २०२५-२६ मा ₹३२७९ करोड़को आवन्टन प्राप्त गरेको छ।

यसमध्ये कति रकम दार्जिलिङ, कालेबुङ अनि उत्तर बङ्गाल क्षेत्रमा आयो भन्ने बारेमा मलाई थाहा छैन। तर, यस बजेटको १०% पनि विध्वंश न्यूनीकरण र प्रतिक्रियाको दिशामा प्रयोग गरिएको भए हाम्रो क्षेत्रमा आइलागेको प्राकृतिक विध्वंशको सम्बोधनका लागि तत्कालै ₹३२७.९ प्रयोग गर्न सकिने थियो। तर यस्तो लाग्छ कि पश्चिम बङ्गालको आपदा प्रबन्धन एवम् नागरिक सुरक्षा विभागका लागि आवन्टित कोष र बजेट जम्मै हावामा बिलाएको छ।

यो उचित समय हो कि सरकारले यस प्राकृतिक आपदाको भयङ्कर मात्रालाई बुझेर दार्जिलिङ पहाड़, तराई अनि डुवर्सका जनताको कल्याणलाई प्राथमिकतामा राख्दै संवेदनशीलता अनि तत्परतासँग काम गरोस्।

राजु बिष्ट
लोकसभा सांसद दार्जिलिङ एवं
राष्ट्रीय प्रवक्ता, भारतीय जनता पार्टी

15/10/2025

इजरायल सरकारले बिपिन जोशीलाई आफ्ना नागरिक सरह सम्मान र सुविधा दिने घोषणा गरेको छ। साथै, उनका परिवारलाई पनि इजरायली नागरिकलाई जस्तै सहयोग, सहायता र दीर्घकालीन रेखदेखको व्यवस्था गर्ने प्रतिबद्धता जनाएको छ।

स्रोत : lightnepal

15/10/2025

I want to give a huge shout-out to my top Stars senders. Thank you for the support!

Aisha Prava Chettri Vlog

15/10/2025

सिलगुढी जङ्गसनमा एकजना सेना जवानको मृत्यु

आज बिहान सिलिगुडी जंक्शन नजिक एक जना सशस्त्र सीमा बल (एसएसबी) का जवानको शव फेला परेको छ। मृतकको परिचय सिक्किमको पाक्योंगस्थित एसएसबीको ६९औं बटालियनमा कार्यरत जवानका रूपमा भएको पुष्टि गरिएको छ।

स्थानीय प्रहरी र एसएसबी अधिकारीहरूले मृत्युको कारण पत्ता लगाउन अनुसन्धान सुरु गरेका छन्। शवलाई पोष्टमार्टमका लागि पठाइएको जानकारी छ।

खबर श्रोत - झ्याल अनलाइन ।

15/10/2025

छोटाकोठी गाँउका संगम परिवारद्वारा मिलिकथुङको मुख्य सडक मर्मति।

मिलिकथुङ भएर छोटाकोठी खर्बनी जाने मुख्य सडक केही ठाउँमा एकदमै जिर्ण थियो। छोटाकोठी संगम परिवारद्वारा हिज 14तारिख मंगलबारको दिन सो सडक मिलिकथुङ गाँउमा आएर श्रम दान मार्फत मर्मति गरेका छन्। संगम परिवारलाई हार्दिक धन्यवाद।

15/10/2025

मिरिक-सिलगढीको बैकल्पिक बाटो नोल-पुटुङमा २ दिनमा ३ वटा गाडी दुर्घटना

यस्तै बाटोमा गाडी कुदाउँने? कि बाटो चौडादार बनाउँने? प्रश्न जनताको

५ अक्टोबर बिहानीपखको पैह्रोले मिरिक -सिलगढीको सम्बन्ध बिच्छेद गरायो।दुधे बालसन नदीमाथिको स्टील ब्रीज भाँचिदियो। त्यसपछि बैकल्पिक बाटोको रूपमा टिङलिंङ फाटक भएर धुसेनी, मिलिकथुङ, नोलडाँडा,पुटुङ,खोप्रेल हुँदै बेलगाछी भएर सिलगढी पुग्ने यो बाटो प्रयोग गरियो,गरिन्दैछ,तर यो बाटोमा शुरुदेखि नैं जामको समस्या भएर गयो,के नहोस पनि सानो बाटो, धेरै गाडी कुदेपछि जाम हुन्छ नै।तर सोमबार र मंगलबार दुइ दिनमा ३ वटा गाडी दुर्घटना यहाँ भयो।

रिलिफका समानहरु बोकेर मिरिक गइरहेको तीनवटा पिकअप भ्यानहरु दुइ दिनमा तीन ठाउँमा पल्टियो,धन्न मान्छे केही भएनन्,तर स्थानीयवासीको प्रश्न यो छ कि - बाटोलाई बैकल्पिक प्रयोग गरेपछि यसको मरम्मति पनि त हुनुपर्यो, अहिले पनि पुटुङमा ठाउँ ठाउँमा पैह्रो गएको छ।

यसरी निरन्तर गाडीहरु कुदिरहे गाडीको लोडले फेरि पैह्रो जाँदैन भन्न मिल्दैन,यसको पनि बिकल्प छ ,नोलडाँडा देखि छोटाटिङलिङ सम्मको बाटो ठीकै छ तर छोटाटिङलिङ देखि खोप्रेलको बाटो जीर्ण अवस्थामा छ,डाउन मात्र गाडी जान सक्छ, यसलाई शीघ्र मर्मत गरेर यसलाई एकतर्फी ओह्रालो जानको निम्ति प्रयोग गरेर पुटुङको बाटोलाई उकालो मात्र जाने एकतर्फी गरिए ,यस बाटोमा जामको समस्या धेरै कम भएर जान्छ।

स्थानीय नोलडाँडा ,छोटाटिङलिङ,पुटुङ र खोप्रेलका जनताको मांग अनुसार यस बर्ष मात्र नभएर भविष्यमा पनि मिरिक-सिलगढी माझको बाटो कतै अवरुद्ध भए नोल -पुटुङकै बाटो प्रयोग गर्नैपर्छ, यसैले समयमा नै यस बाटोलाई पीडब्ल्युडी बिभागलाई हस्तान्तरण गरेर छोटाटिङलिङको बाटोलाई पनि यसैमा अन्तर्भुक्त गरि एकतर्फी प्रयोग गरिए आम मानिसहरुले जस्तै आपदामा पनि दुख नपाउने आम जनताको मांग रहेको छ।