09/09/2026
जलिरहेको पहाडको आगोबाट जन्मेको पार्टी हो BGPM। आफैं जलेर पहाड शान्त बनाउनुबाट हामीले राजनीतिको श्रीगणेश गर्यौं।
पहाड शान्त मात्र पारेनौ, गोर्खाको अस्थायी किपट जीटीएलाई पुनः हिँड्न सिकायौं। जनमत पाएर त्यसको व्यवस्थापन गर्यौ। तेइस वर्षसम्म गर्भमै थुनिएको पञ्चायती राज फर्काएर ल्यायौं। चुनाव गरायौं। अधिकांश पञ्चायत समिति र ग्राम पञ्चायतमा पार्टीले नयाँ नेतृत्व जन्मायौ। स्थापनाको तीन वर्षभित्रै सयौं नयाँ नेतृत्वको विकास गर्ने काम BGPM ले गर्यो।
आज हामीले पार्टीको छैटौँ स्थापना दिवसकाे उत्सव मनायौं। मलाई थाहा छ कि BGPM पार्टी अनि पार्टीका कार्यकर्ता कहिले थाक्दैन। कहिले झुक्दैन। कहिले हार्दैन। आजको जमघट हाम्रो जोश, जागर अनि एकआपस प्रतिको आस्था अनि भरोसाको चिन्ह हो।
BGPM पार्टीलाई माया गरेर अनि विस्वास गरेर उत्सवमा आउनु हुने हरेक कार्यकर्तालाई हृदयबाट नै धन्यवाद। हाम्रो विचारहरूलाई अनलाईन सुन्नुहुने अनि हाम्रो उत्सवमा रमाउनु हुने प्रत्येक समर्थकलाई धन्यवाद।
छ वर्ष अघि रोपेको विरुवा आज ठुलो वृक्षमा परिणत भएको छ। यस वृक्षले धेरै फलहरू फलायो। कतीपय कारण वस् केही पातहरु चुँडिएर पनि गए। तर चुँडिएर गएता पनि म आज पनि त्यहीँ छु जहाँ तपाईंहरूले छोडी जानु भएको थियो। घर फर्की आउनु चाहनुहुन्छ भने मेराे घरको दैलो सदैव खुल्ला छ।
अब आगामी दिनमा के गर्ने त?
मैले आजको मेरो सन्देशमा भने कि क्षेत्रीयता बचाउनु हामी आफ्नै खुट्टाको भरमा उभिएका छौं। गोर्खा जातिले न्याय पाउनु हो भने गोर्खाको नेतृत्वहरू एक मञ्चमा आउनु पर्छ। हाम्रो समयमा क्षेत्रीयता खोसिएको छ। यसलाई फर्काएर ल्याएनौं भने हामीलाई कलंक लाग्नेछ।
क्षेत्रीयता फर्काउने पहल नै हाम्रो प्राथमिकता रहनेछ। पहाडको जनताले BGPM लाई miss गर्दैछ। हामी तपाईंहरूको आवाज अवश्य बन्नेछौ।
-अनित थापा
