07/04/2026
ভোটদাতা ৰাইজলৈ গোহাৰি।
শ্ৰদ্ধাৰ 53 নং লাহৰিঘাট সমষ্টিৰ ভোটদাতা ৰাইজ যোৱা ইংৰাজী 15/03/2026 তাৰিখৰ পৰা নিৰ্বাচন আচৰণ বিধি বলবৎ হৈছে এয়া আপোনালোক সকলোৱে জানে । এইবাৰ সৰ্ব ভাৰতীয় সংযুক্ত গণতান্ত্ৰিক মৰ্চা(চমুকৈ AIUDF)দলে মোক প্ৰাৰ্থীত্ব প্ৰদান কৰিছে । প্ৰাৰ্থীত্ব ঘোষণাৰ পিছত প্ৰাৰ্থীত্বৰ আবেদন ,পৰিক্ষণ আদি কামৰ বাবে মোৰ কেইবাদিন গুছি গৈছিল । মই সীমিত সময়ৰ ভিতৰত সমষ্টিৰ চুকে কোণে দিনে নিশাই ঘুৰি অধিক জনগন সম্মানীয় মুৰব্বী, আইমাতৃ, যুৱক, যুৱতী , সমাজৰ সকলো শ্ৰেণীৰ লোকৰ লগত লগ ধৰিবলৈ আপ্ৰাণ চেষ্টা কৰিছোঁ কিন্তু বৃহৎ সমষ্টি 3 লাখতকৈ অধিক ভোটাৰ 30 খন পঞ্চায়ত 103 ৰাজহ গাঁও বৃহৎ চৰ অঞ্চল 300 ৱাৰ্ডত যাব পৰা নাই । সৰ্বোতো প্ৰকাৰৰ চেষ্টা কৰাৰ পিছতো মই আপোনালোকক লগ ধৰিব পৰা নাই সেয়ে মই দূখিত। সন্মানীয় ভোটদাতা ৰাইজ মই আপোনালোকৰ সন্তান আৰু লাহৰিঘাট সমষ্টিৰ প্ৰতিটো সমস্যাৰ লগত জড়িত । মোৰ প্ৰতিটো সভা সমিতিত ৰাইজে উপস্থিত থাকি কাৰ্যসূচী সমূহ সাফল্যমণ্ডিত কৰাত মই শুক্ৰিয়া আদায় কৰিছোঁ। যোৱা 47 বছৰৰ উন্নয়নহীন , ৰাজতন্ত্ৰিক, পৰিয়াল কেন্দ্ৰিক ৰাজনীতিৰ অৱসান ঘটাই আহক আমি গতিশীল প্ৰকৃত গণতন্ত্ৰ প্ৰতিষ্ঠা কৰোঁ। এইবাৰ অন্তত ধনবলৰ যোগেদি আপোনালোকক কোনেও বিচলিত কৰিব নোৱাৰে এয়া মোৰ দৃঢ় বিশ্বাস । Gen Z সমাজৰ পৰা আৰম্ভ কৰি জেষ্ঠ্য মুৰব্বী, সচেতন সমাজ, আই-মাতৃ সকল , পৰিবৰ্তন কামী ৰাইজে মোৰ নিৰ্বাচনী প্ৰক্ৰিয়াত দিন ৰাতি একাকাৰ কৰি কষ্ট ত্যাগ কৰা সকলোকে অন্তৰৰ অন্তস্থলীৰ পৰা অশেষ ধন্যবাদ জ্ঞাপন কৰিছোঁ। অহা 07/04/26 তাৰিখ বিয়লি 4 : 00 বজাৰ পৰা যিহেতুকে সকলো ধৰণৰ প্ৰচাৰ বন্ধ হৈ যাব সেয়ে 09/04/26 তাৰিখৰ আগত আপোনাকক লগ পোৱাটো সম্ভৱ নহ'ব। শ্ৰদ্ধাৰ ভোটদাতা ৰাইজ আপোনালোকে দয়াকৰি অহা 09/04/2026 তাৰিখে তলা চাবিৰ প্ৰতিক চিহ্নত মোক আপোনালোকৰ বহুমূলীয়া ভোট দিব বুলি আশা ৰাখিলোঁ। ইনশ্বাআল্লাহ যদি আপোনালোকৰ দয়া ও মালিকৰ ৰহমতত মই বিধায়ক নিৰ্বাচিত হও তেন্তে বিশেষকৈ আমাৰ সমষ্টিৰ জলন্ত সমস্যা যেনে
(১) শিক্ষা (Education) - লাহৰিঘাট সমষ্টিত পূৰ্ণাংগ পৰ্যায়ৰ বিজ্ঞান (Science)আৰু বাণিজ্য(Commerce) শাখাৰ মহাবিদ্যালয়(College) প্ৰতিষ্ঠা কৰিবলৈ চেষ্টা কৰিম ।
(২) যাতায়ত(Communication) উন্নত ৰাস্তাঘাট নিৰ্মাণৰ ওপৰত অধিক গুৰুত্ব দিম ।
(৩) গৰাখহনীয়া (Erosion) ব্ৰহ্মপুত্ৰ গৰাখহনীয়া প্ৰতিৰোধৰ কাৰণে সৰ্বোতো প্ৰকাৰে চেষ্টা কৰিম ।
(৪) শীততাপ নিয়ন্ত্ৰিত গুদামঘৰ(Air Condition Storeroom) কৃষকৰ উৎপাদিত সামগ্ৰীৰ সংৰক্ষণৰ বাবে উন্নত মানৰ শীততাপ নিয়ন্ত্ৰিত গুদামঘৰ বনোৱাৰ চেষ্টা কৰিম যাতে আমাৰ কৃষক ইয়াৰ দ্বাৰা লাভান্বিত হয় ।
(৫) স্বাস্থ্য (Health) যদি আপোনালোকৰ দোৱা ও আৰ্শীবাদত মই বিধায়ক হ'ব পাৰো তেন্তে উন্নতমানৰ চিকিৎসা ব্যৱস্থাৰ ওপৰত গুৰুত্ব দিম ।
(৬) Skill Development - Computer শিক্ষা আৰু কাৰিকৰী শিক্ষাৰ প্ৰতিষ্ঠান গঢ়াৰ ওপৰত গুৰুত্ব।
ওপৰত উল্লেখিত বিষয় সমূহৰ উপৰিও সমষ্টিৰ অন্য অন্য জলন্ত সমস্যা সমূহ সমাধানৰ কাৰণে সৰ্বতোপ্ৰকাৰে চেষ্টা কৰিম । সদৌ শেষত আপোনালোকৰ সুস্বাস্থ্য ও দীৰ্ঘায়ু কামনা কৰিলোঁ।
ইতি,
ধন্যবাদেৰে
ছিদ্দিক আহমেদ
53 নং লাহৰিঘাট সমষ্টিৰ AIUDF দলৰ মনোনীত প্ৰাৰ্থী।
