23/09/2025
ਸਿੱਖ ਜਿਸਦੀ ਮਦਦ ਕਰਨ, ਓਹੀ ਸਿੱਖਾਂ ਦੇ ਡਾਂਗ ਵਰ੍ਹਾਉਂਦਾ।
ਨਾਭਾ ਦੀ ਡੀਐਸਪੀ ਮਨਦੀਪ ਕੌਰ ਚੀਮਾ 15 ਕੁ ਸਾਲ ਪਹਿਲਾਂ ਪਿੱਛੇ ਜਾਵੇ ਤਾਂ ਉਸਨੂੰ ਯਾਦ ਆਵੇਗਾ ਕਿ ਇਹ ਸਰੀ ਆਈ ਸੀ, ਇਹ ਮੰਗ ਲੈ ਕੇ ਗਰੀਬ ਘਰ ਦੀ ਐਥਲੀਟ ਹਾਂ ਤੇ ਅੱਗੇ ਪੜ੍ਹਨ ਲਈ ਪੈਸੇ ਹੈਨੀ, ਮਦਦ ਕਰੋ। ਮੈਂ ਇਸ 'ਤੇ ਆਪਣੇ ਅਖਬਾਰ "ਚੜ੍ਹਦੀ ਕਲਾ" ਵਿੱਚ ਸਟੋਰੀ ਵੀ ਕੀਤੀ ਸੀ।
ਸਰੀ ਦੇ ਗੁਰਦੁਆਰਾ ਸਾਹਿਬ ਦਸਮੇਸ਼ ਦਰਬਾਰ ਦੀ ਸੰਗਤ ਨੇ ਉਸ ਵਕਤ ਪੰਜ ਕੁ ਲੱਖ ਰੁਪਿਆ ਇਕੱਠਾ ਕਰਕੇ ਇਸਦੀ ਝੋਲੀ ਪਾਇਆ ਸੀ ਕਿ ਜਾ ਬੱਚੀਏ! ਆਪਣਾ ਭਵਿੱਖ ਸੁਆਰ ਲੈ। ਨਗਰ ਕੀਰਤਨ 'ਚ ਇਸਨੂੰ ਸਨਮਾਨਿਤ ਵੀ ਕੀਤਾ ਤਾਂ ਕਿ ਹੌਂਸਲਾ ਅਫਜ਼ਾਈ ਹੋਵੇ। (ਇਹ ਤਸਵੀਰ ਓਸੇ ਵਕਤ ਦੀ ਹੈ, ਹੋਰ ਵੀ ਲੱਭ ਪੈਣਗੀਆਂ)
ਪਰ ਬੜਾ ਦੁੱਖ ਹੋਇਆ ਜਦੋਂ ਉਹੀ ਮਨਦੀਪ ਕੌਰ ਚੀਮਾ (ਡੀਐਸਪੀ) ਕਿਸਾਨਾਂ ਨਾਲ ਖੁਦ ਉਲਝੀ, ਉਨ੍ਹਾਂ ਦੀਆਂ ਪੱਗਾਂ ਲੁਹਾਈਆਂ, ਕਿਸਾਨ ਔਰਤ ਦੇ ਵਾਲ ਪੱਟੇ ਤੇ ਉਲਟਾ ਕਿਸਾਨਾਂ ਨੂੰ ਗੁੰਡੇ ਦੱਸ ਰਹੀ ਹੈ।
ਭੈਣੇ, ਸ਼ਰਮ ਕਰ।
-ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ
