18/09/2025
उनी हुन् खोटाङका जेन-जी युवा प्रवेश दाहाल जो यतिबेला निकै चर्चामा छन् । जताततै उनका भिडियो क्लिपहरू भाइरल छन् । कतिले त दोस्रो मदन भण्डारी पनि भन्ने गरेका छन् । उनको स्वर र वाकशैली मदन भण्डारीको झल्को आउने खालको लाग्छ ।
उनी भन्छन्: "यो आन्दोलनमा कोठा भाडामा बस्ने साधारण मान्छे आएका हुन् । अहिले विद्यार्थीले कोठा भाडामा नपाउने स्थिति भएको छ। गाउँका किसानका, मजदुरका सन्तान आएर यो आन्दोलन सफल पारेको हो। त्यसैले आज कसैले कसैलाई राजनीतिक दबाबमा पारेर उत्तेजना नपारियोस्। अब हामी सडकमा आउन चाहान्नौं तर सडकका माग सम्बोधन गर्न चाहान्छाैं। हामी माननीय सम्पुर्ण मन्त्री ज्युहरुलाई भेट्न चाहान्छाैं। हाम्रा मागहरु सुन्नुपर्छ ।" यस्तै यस्तै उनका थुप्रै भनाइ तथा धारणाहरू टिकटक लगायतका सामाजिक सञ्जालमा भाइरल छन् । युवा मात्र नभएर माथिल्लो पुस्ताका पनि धेरैले उनको प्रशंसा गरिरहेका छन् ।
