bhoslekhemrajsawant

19/03/2023

*🌿🥭🌿तोच सृष्टीचा मैतर🌿🌻🌿*
आला वसंत बहार
सांगे आंब्याचा मोहर
वृक्ष-लता वर आली
पाने फुले मनोहर॥धृ॥
ऐका अधून मधून
कोकिळेचे मधुस्वर
माघ फाल्गुना आधीच
झाला चैत्र का अधीर॥१॥
चित्र रेखिले सृष्टीने
पहा किती हे सुंदर
स्वर्ग असेल कोठला
काय याहून सुंदर॥२॥
पाखरांचा गुंजारव
ऐका फांदी -फांदीवर
नव वर्षाचे स्वागत
हेच असे खरोखर॥३॥
सृष्टी उभविते गुढी
जणू वसंता खातर
करी सृष्टीचे जतन
तोच सृष्टीचा मैतर॥४॥

🥭🌿🌼🌿🥭🌿🌻🌿🥭🌿🌼🌿🥭🌿🌻🌿🥭

6 Likes, 0 Comments - कोकण_मंडळी 🚩 () on Instagram: "अक्षरेच माझे सगे अन् अक्षरेच माझे सो�..."

25/02/2023

25/02/2023

15/02/2023

!!श्री गुरूदेव दत्त !!
रोज थोडे तरी नामस्मरण
केल्यावाचून राहू नकोस,
सद्गुरू पहातायेत तुला
नामस्मरण मात्र विसरु नकोस....

तुझ्या वाटेत आडवे खूप येतील...
पायात पाय घालून पाडतील....
त्यांना घाबरून तुझं
उभे राहणं सोडू नकोस..
सद्गुरू पहातायेत तुला
नामस्मरण मात्र विसरु नकोस....

तुझं कौतुक प्रत्येकाला इथं
रुचेलच असं नाही...
कौतुकासाठी तुझं नाव
सुचेलच असं नाही...
तू मात्र इतरांचं कौतुक
करण्यास कचरु नकोस...
सद्गुरू पहातायेत तुला
नामस्मरण मात्र विसरु नकोस....

तुला सुद्धा मन आहे
हे माहीत आहे मला.....
पण ब्रह्मांडाचा स्वामी असताना काय रे कमी तुला....
इतरांना भरभरून देणं मात्र
कधी सोडू नकोस ...
सद्गुरू पहातायेत तुला
नामस्मरण मात्र विसरु नकोस....

रडावंसं वाटत तेव्हा
रडून मोकळा हो...
कार्यासाठी लढावंसं वाटत तेव्हा,
लढून मोकळा हो....
रडण्यामध्ये मात्र तुझे
कार्य विसरू नकोस
सद्गुरू पहातायेत तुला
नामस्मरण मात्र विसरु नकोस....

तुझ्या कार्याचे कोणाला पुरावे
द्यायची गरज नाही...
कुणासाठी तुला कार्य
सोडायची गरज नाही....
सद्गुरू संकल्पासाठी पुढे
चालणं तू सोडू नकोस.......
सद्गुरू पहातायेत तुला
नामस्मरण मात्र विसरु नकोस....

#दत्तगुरु #श्री_गुरुदेव_दत्त

14/02/2023

13/02/2023

🌹🌹सर्व साधक परिवारास श्री संत गजानन महाराज १४५ व्या प्रकट दिनाच्या हार्दिक शुभेच्छा🌹🌹

आज १३ फेब्रुवारी सोमवार गजानन महाराज प्रकट दिनानिमित्त कोटी कोटी प्रणाम🙏🙏

गजानन महाराज यांच्या प्रकट होण्याची कथा पुढीलप्रमाणे आहे..

श्री गजानन महाराजांचा जन्म कुठे व कधी झाला हे अज्ञात आहे. परंतु गजानन महाराज माघ वद्य ७ शके १८०० , २३ फेब्रुवारी १८७८ या दिवशी ऐन तारुण्यात ते शेगांव जि. बुलढाणा येथे दिगंबरावस्थेत दृष्टीस पडले . त्या वेळी ते देवीदास पातुरकरांच्या मठाबाहेर उष्ट्या पत्रावळीतील शिते उचलून खात होते. ह्या संदर्भात दासगणूंनी लिहिले आहे:

"कोण हा कोठीचा काहीच कळेना।
ब्रह्माचा ठिकाणा कोण सांगे।
साक्षात ही आहे परब्रह्ममूर्ती।
आलीसे प्रचिती बहुतांना॥"

जसा कुशल जवाहीर कोळशाच्या तुकड्यांमधून अनमोल हिरा शोधून काढतो त्याप्रमाणे बंकटलाल आगरवाल ह्याने त्यांचे महत्त्व ओळखले. त्याला महाराजांचे प्रथम दर्शन झाले ते असे, - "दंड गर्दन पिळदार। भव्य छाती दृष्टी स्थिर। भृकुटी ठायी झाली असे॥"

जेव्हा बंकटलालने त्यांना जेवणाविषयी विचारले त्यावेळी महाराजांनी नुसतेच शून्य दृष्टीने त्याच्याकडे पाहिले. कारण महाराज त्यावेळी तुर्या* अवस्थेत होते . (तुर्या* अवस्था : जागृति म्हणजे जागे असणे, सुषुप्ति म्हणगे झोपणे आणि स्वप्नावस्था ह्या तीन अवस्थांच्या पलीकडील स्थितीस तुर्या अवस्था अथवा व्रह्मस्थिति अथवा सहजसमाधि असे म्हणतात) *महाराज एक महान आणि असामान्य असे योगी आहेत ह्याची बंकटलालला तत्काळ आणि मनोमन खात्री पटली. त्या महान भक्ताने त्यांचे श्रेष्ठत्व ओळखून त्यांना स्वगृही आणले. जेथे संतांचा वास तेथेच भगवंताचा निवास, ह्या उक्तीप्रमाणे:
"बंकटलालाचे घर। झाले असे पंढरपूर।
लांबलांबूनीया दर्शनास येती। लोक ते पावती समाधान॥,"

बंकटलालाचे घर भक्तांनी दुमदुमून गेले. जरी पहिले काही महिने श्री गजानन महाराज बंकटलालाकडे राहिले तरीदेखिल सच्च्या परमहंस संन्याशाप्रमाणे काही कालानंतर त्यांनी त्यांचे वास्तव्य तिथून बदलून गावातील मारुतीच्या मंदिरात स्थिर केले. संत हे उपाधिरहित असल्याकारणाने गजानन महाराजदेखिल उपाधिपासून दूर राहण्याकरिता अनेक वेळा मठ सोडून कुठेतरी भटकंती करण्यास निघून जात. शेगांवात राहून महाराजांनी अनेक लीला करून लोकांचे कल्याण केले व त्यांना भक्तीमार्गाला लावले.

सद्‌गुरू अक्कलकोटचे श्री स्वामी समर्थ हे गजानन महाराजांचे सद्‌गुरू होते. या संदर्भात असे सांगितले जाते की ज्या दिवशी तरूण वयातील गजानन महाराज श्री स्वामींना भेटण्यास अक्कलकोटला येणार होते त्यादिवशी श्री स्वामी अतिशय आनंदात होते.

12/02/2023

*🏠घर काय असत ?🏠*
घर - घर काय असत ? घर घरच असत !
घर *पुरुषांसाठी गुंतवणूक* असते,
घर *स्त्रियांसाठी मोहक फसवणूक* असते,
घरात *आसवांची अडवणूक* होते
हेच घर *शेजा-यांसाठी करमणूक* असत....
घराला पाय नसतात तरी ते *चालत असत,*
हात नसून हि त्याच *बोट* धराव लागत,
चालवणारा *थांबला* तरी घर सतत *पळत असत,*
जस घोड्याला मालकाच *सूतक* नसत
घराला *भिंती* असतात, भिंतीना *कान* असतात
कानात *हवा* शिरून मोठ मोठी *वादळ* होतात
पाऊस नसताना हि येतो *पूर,* ढगांशी देन घेण नसत
माणसे दुरावतात पण घर मात्र *तिथच असत*
*पाल असो वा महाल*, जिथे *निवारा* तेच घर असत,
*सुख आणि स्वप्नांच* एकच नात असत,
उघड्यावर ही थाटता येतो *सुखी संसार,*
जिथे *जिव्हाळा आणि प्रेम,* तिथेच घर असत,
*कारण घर हे फक्त घरच असत !*🏠

🏠🏠🏠
-------------------worldwide_promotionmagazinemagazine_ decors club_
women

diaries
.

12/02/2023

गोव्यात समुद्रकिनारी मद्यपान केल्यास ५० हजार रुपये दंड, कार्निव्हलसाठी विशेष नियोजन!कोरोनानंतर तब्बल दोन वर्षांनी यंदा गोव्यात १८ ते २१ फेब्रुवारी दरम्यान कार्निव्हलचे आयोजन करण्यात आले आहे. गोव्यातील नागरिक कार्निव्हलच्या तयारीला लागले आहेत. तसेच महोत्सवाची घोषणा होताच आता पर्यटकांनीही गोव्याची वाट धरली आहेगोव्यात मोपा आंतरराष्ट्रीय विमानतळ सुरू झाले असून देश -विदेशातील सुमारे ६० ते ७० हजार पर्यटक हवाई मार्गे या कार्निव्हलसाठी गोव्यात दाखल होतील असा अंदाज व्यक्त केला जात आहे. त्यामुळे या पार्श्वभूमीवर विशेष नियमावलींचे पालन करणे सर्व पर्यटकांना बंधनकारक असणार

#गोवा #कोकणी

09/02/2023

दशावतार नाटक ही सिंधुदुर्ग जिल्ह्यातील लोककला. आणि या दशावतार नाटकात स्त्रीपात्र ही भूमिका साकारणारा, स्त्रियांनाही स्त्रीसौंदर्याने भुरळ पाडणारा कलाकार श्री. सहदेव परब (वेंगुर्ले) याची अप्रतिम वेशभूषा.