25/09/2025
मुंबई गुन्हेगारी बातमी
पत्रकार / अब्दुल चौधरी
मुंबईतील मालाड पश्चिम भागातील मालवणी परिसरातील जुलीयस वाडी येथे एक मोठी घटना थोडक्यात टळली. तीन वर्षांच्या चिमुकल्याची हत्या करण्याच्या प्रयत्नात असलेल्या आरोपीला पोलिसांनी वेळेवर रंगेहाथ पकडले.
मिळालेल्या माहितीनुसार, मुलाच्या आईने स्वतः मालवणी पोलीस ठाण्यात जाऊन तक्रार नोंदवली होती. तक्रार मिळताच पोलिसांनी तात्काळ घटनास्थळी धाव घेतली आणि चिमुकल्याचे प्राण वाचवले. आरोपी त्या मुलाच्या गळ्यात वायरचा फास लावून त्याचा जीव घेण्याच्या प्रयत्नात होता.
कळते आहे की मुलाच्या आईवर एकतर्फी प्रेम करणाऱ्या आरोपीने तिला जबरदस्तीने आपले बनविण्याचा दबाव टाकला होता. मात्र महिलेने नकार दिल्यानंतर संतापलेल्या सरफऱ्या आशिकाने निर्दयीपणे त्या निष्पाप मुलाला ठार मारण्याचा प्रयत्न केला.
सध्या पोलिसांनी आरोपीला अटक केली असून त्याच्यावर खुनाच्या प्रयत्नाचा गुन्हा दाखल करण्यात आला आहे. पुढील तपास सुरू आहे.
यावेळी मालवणी पोलिसांनी नागरिकांना आवाहन केले आहे की परिसरात कुठे वाद-विवाद किंवा भांडण होत असल्यास त्याकडे दुर्लक्ष करू नका. आपण स्वतः वाद मिटवू शकत नसाल, तरी किमान पोलिसांना फोन करून माहिती द्या — कारण तुमच्या एका फोनमुळे एखाद्याचे प्राण वाचू शकतात.
