28/08/2026
प्रति,
मा. आयुक्त,
श्रीमती अश्विनी भिडे,
बृहन्मुंबई महानगरपालिका,
मुंबई.
विषय: पाम कोर्ट कॉम्प्लेक्स, मालाड पश्चिम येथील अनधिकृत मॅलोर्का स्पा आणि निवडक कारवाईचा गंभीर आरोप — पी/नाॅर्थ मलाड पश्चिम अधिकाऱ्यांकडून आयुक्त कार्यालयाच्या आदेशाची केराची टोपली
संदर्भ:
१. तक्रार निवारण पोर्टलवरील तक्रारी दि. २६.०३.२०२६ आणि २७.०७.२०२६
२. सहाय्यक आयुक्त, पी/पश्चिम वॉर्ड यांचे पत्र क्र. DIS/URDM/MUMS/2026/339, COM/HOUS/2026/658, TAL/URDM/BORI/2026/1359, 1360 दि. २५.०८.२०२६
३. एमआरटीपी कायदा कलम ५३(१) अन्वये नोटीस क्र. २०८६९१
मा. आयुक्त महोदया,
मार्च २०२६ पासून मी मुंबई ४०० ०६४, मालाड पश्चिम, लिंक रोड, डी-मार्ट जवळ, पाम कोर्ट कॉम्प्लेक्स, अकॉर्ड निधी (ऑर्चर्ड निधी) च्या दुसऱ्या मजल्यावरील अनधिकृत मॅलोर्का स्पाबाबत वारंवार तक्रार केली आहे. बारा ते पंधरा खोली अनधिकृतपणे बांधण्यात आल्या आहेत. तक्रार निवारण पोर्टलवर दोनदा नोंद झाली. पाच महिन्यांनंतर, काल २७ ऑगस्ट २०२६ रोजी पी/पश्चिम वॉर्ड कार्यालयाने एम.आर.टीपी कायद्याच्या कलम ५३(१) अन्वये नोटीस बजावल्याचे कळविले.
ही नोटीस दिली म्हणजे कारवाई झाली असे नाही. ही नोटीस म्हणजे केवळ कागदावरची औपचारिकता आहे. जिथे अधिकाऱ्यांना मलाई मिळते, तिथे कारवाई थांबते. जिथे सामान्य नागरिकाचा छोटासा पत्र्याचा शेड असतो, तिथे दुसऱ्या दिवशी नोटीस आणि सतत पाठपुरावा.
माझ्याकडे असे आणखी दोन ठळक उदाहरणे आहेत. एका नागरिकाच्या बाराव्या मजल्यावरील ओपन टेरेसवर पत्रे टाकण्यात आली होती. तक्रार मिळाल्यानंतर दुसऱ्या दिवशीच नोटीस काढण्यात आली आणि अधिकाऱ्यांनी सातत्याने पाठलाग करून ती पत्रे काढून टाकली. इथे मात्र बारा-पंधरा अनधिकृत खोल्या बांधून स्पा चालू आहे, तरीही आजतागायत प्रत्यक्ष कारवाई झालेली नाही. सातत्याने तक्रार करूनही विभागाने डोळेझाक केली.
हा निवडक अंमलबजावणीचा स्पष्ट नमुना आहे. एका ठिकाणी एका दिवसात कारवाई, दुसऱ्या ठिकाणी पाच महिने उशिरा कागदी नोटीस आणि त्यानंतर मौन. अशा लाचखोर आणि निवडक कारवाई करणाऱ्या अधिकाऱ्यांमुळे महानगरपालिकेची प्रतिष्ठा धुळीस मिळत आहे. आयुक्त कार्यालयाचे आदेश पी/नाॅर्थ मलाड पश्चिम विभागात केराची टोपली दाखवली जाते आहेत, असेच चित्र आहे.
मा. आयुक्त, आपण या प्रकरणी स्वतः लक्ष घालून संबंधित अधिकाऱ्यांवर कठोर कारवाई कराल का? अनधिकृत बांधकाम तात्काळ पाडण्यात येईल का? निवडक कारवाई आणि भ्रष्टाचाराची चौकशी होईल का?
या विभागाचे सहाय्यक आयुक्त एवढे हुशार आहेत की त्याने नोटीस काढली परंतु ती फक्त तक्रारदाराची दिशाभूल करणारी आहे त्या नोटीस मध्ये त्यांनी उल्लेख केला आहे की पी/ दक्षिण असा उल्लेख केलेला आहे परंतु हे अनधिकृत बांधकाम पी/ नॉर्थ या या विभागात येते परंतु हे अधिकारी एवढे मुजूर आहेत की ज्या विभागात हे काम करतात त्यांना आपला विभाग कोणता आहे हे सुद्धा माहिती नसावे हे दुर्दैव आहे.
या पत्राची प्रत मी जनतेसमोरही ठेवत आहे, कारण ही केवळ एका नागरिकाची तक्रार नाही, तर महानगरपालिकेच्या विश्वासावर प्रश्नचिन्ह आहे.
आपला विश्वासू,
संपादक: संजय मंगेश भैरे
अक्राॅस मुंबई व अक्रॉस स्टेट वृत्तपत्र
महाराष्ट्र उपाध्यक्ष: डिजिटल मीडिया संपादक पत्रकार संघटना महाराष्ट्र राज्य
दिनांक: २८ ऑगस्ट २०२६
