RON

RON Bringing you real-time updates from Nepal & the world. Follow us. Stay informed.

प्रधानमन्त्री केपी शर्मा ओली आज अपराह्न रसुवा जाँदैछन्। रसुवागढी भन्सार क्षेत्रमा बाढीले ठूलो क्षति पुर्‍याएपछि घटनास्थल...
08/07/2025

प्रधानमन्त्री केपी शर्मा ओली आज अपराह्न रसुवा जाँदैछन्। रसुवागढी भन्सार क्षेत्रमा बाढीले ठूलो क्षति पुर्‍याएपछि घटनास्थलको अवलोकन गर्न गृहमन्त्री रमेश लेखकसहित ओली रसुवा प्रस्थान गर्न लागेका हुन्। यद्यपि, उनको समय तालिका भने अझै टुंगो लागेको छैन।

राष्ट्रिय स्वतन्त्र पार्टीकी सांसद सोबिता गौतमले आरोप लगाउँदै भनिन् कि प्रधानमन्त्री केपी शर्मा ओलीको स्पेन भ्रमणको बहान...
08/07/2025

राष्ट्रिय स्वतन्त्र पार्टीकी सांसद सोबिता गौतमले आरोप लगाउँदै भनिन् कि प्रधानमन्त्री केपी शर्मा ओलीको स्पेन भ्रमणको बहानामा गएका केही व्यक्ति उतै बेपत्ता भएका छन्। उनले प्रतिनिधि सभामा उच्चस्तरीय छानबिन समिति गठनको माग गरिन् र सरकारप्रति गम्भीर प्रश्न उठाइन्। यसअघि माओवादी नेता सापकोटाले पनि भ्रमणमा मानव तस्करीको आरोप सार्वजनिक गरेका थिए।
#स्पेनभ्रमण #मानवतस्करीआरोप #रास्वपा

राष्ट्र बैंकका तथ्यांकले देखाउँछ, यो वर्ष जेठमा मासिक आधारमा औसत मूल्य वृद्धि २.७२ प्रतिशत मात्र रह्यो, जुन आठ वर्षयताकै...
08/07/2025

राष्ट्र बैंकका तथ्यांकले देखाउँछ, यो वर्ष जेठमा मासिक आधारमा औसत मूल्य वृद्धि २.७२ प्रतिशत मात्र रह्यो, जुन आठ वर्षयताकै न्यून हो। अघिल्लो वर्ष साउनदेखि जेठसम्मको औसत वृद्धि ५.६२ प्रतिशत थियो भने यस वर्ष घटेर ४.२४ प्रतिशतमा सीमित भयो। तरकारी, मरमसला र मासु सस्तो हुँदा घ्यु तेल, गैरमदिराजन्य पेय पदार्थ र कपडाजुत्ताको मूल्य भने उल्लेख्य रूपमा बढेको छ ।

चीनबाट आएको बाढीले त्रिशूली करिडोरका जलविद्युत् आयोजना ठप्प बनाउँदै नेपाल विद्युत् प्राधिकरणको २५० मेगावाटभन्दा बढी उत्प...
08/07/2025

चीनबाट आएको बाढीले त्रिशूली करिडोरका जलविद्युत् आयोजना ठप्प बनाउँदै नेपाल विद्युत् प्राधिकरणको २५० मेगावाटभन्दा बढी उत्पादन बन्द गराएको छ। रसुवागढी, चिलिमे र माथिल्लो त्रिशूली थ्री एमा ड्याम र गेटमा क्षति पुगेको छ। यद्यपि, माग अनुसार विद्युत् आपूर्ति भने अन्य आयोजनाबाट नियमित भइरहेको छ।

सावित्रा भण्डारी ‘साम्बा’को सम्मानमा नामकरण गरिएको लमजुङको साम्बा चोक पर्यटकको नयाँ गन्तव्य बन्न थालेको छ। मर्स्याङ्दी ग...
08/07/2025

सावित्रा भण्डारी ‘साम्बा’को सम्मानमा नामकरण गरिएको लमजुङको साम्बा चोक पर्यटकको नयाँ गन्तव्य बन्न थालेको छ। मर्स्याङ्दी गाउँपालिकाले सावित्राको होर्डिङ बोर्ड र स्तम्भ निर्माण गरेर चोकलाई ‘साम्बा चोक’ नाम दिँदै उनीप्रतिको सम्मान अभिव्यक्त गरेको छ। दैनिक सयौँ पर्यटक यहाँ पुगेर फोटो, भिडियो र टिकटक बनाउँदै रमाइलो गर्छन्। यहाँको प्रचारप्रसारसँगै होटल व्यवसायसमेत फस्टाउँदै गएको छ।

अमेरिकी राष्ट्रपति डोनाल्ड ट्रम्पले अगस्ट १ देखि जापान र दक्षिण कोरियाबाट हुने आयातमा २५% कर लगाउने घोषणा गरेका छन्। ट्र...
08/07/2025

अमेरिकी राष्ट्रपति डोनाल्ड ट्रम्पले अगस्ट १ देखि जापान र दक्षिण कोरियाबाट हुने आयातमा २५% कर लगाउने घोषणा गरेका छन्। ट्रुथ सोसलमार्फत पठाएको पत्रमा उनले यी करहरू विशेष हुने र यदि ती देशहरूले पनि कर बढाए, अमेरिका पनि त्यहि अनुपातमा कर वृद्धि गर्ने चेतावनी दिएका छन्। ह्वाइट हाउसका प्रेस सचिवका अनुसार कर लागू हुनुअघि जुलाई ९ देखि अगस्ट १ सम्म अन्तिम तयारी हुनेछ।

रसुवाको गोसाइँकुण्ड गाउँपालिका–२ मा मंगलबार बिहान ३ बजे अकस्मात बाढी जाँदा १२ नेपाली र ६ चिनियाँ नागरिकसहित १८ जना बेपत्...
08/07/2025

रसुवाको गोसाइँकुण्ड गाउँपालिका–२ मा मंगलबार बिहान ३ बजे अकस्मात बाढी जाँदा १२ नेपाली र ६ चिनियाँ नागरिकसहित १८ जना बेपत्ता भएका छन्। ९ जनालाई उद्धार गरिएको छ। इलाका प्रहरी कार्यालय टिमुरेका ३ सुरक्षाकर्मी समेत सम्पर्कविहीन छन्। बाढीले सडक र इभी चार्जिङ स्टेशनमा ठूलो क्षति पुर्याएको छ भने कैयौँ सवारीसाधन बगेका छन्।

चीनतर्फबाट आएको भीषण बाढीले रसुवामा नेपाल–चीन जोड्ने मितेरी पुल बगाएको छ। बाढीका कारण ड्राइफोर्ट र भन्सार क्षेत्रमा पनि ...
08/07/2025

चीनतर्फबाट आएको भीषण बाढीले रसुवामा नेपाल–चीन जोड्ने मितेरी पुल बगाएको छ। बाढीका कारण ड्राइफोर्ट र भन्सार क्षेत्रमा पनि ठूलो क्षति पुगेको प्रहरीले जनाएको छ। साथै, केही सवारी साधन पनि बगाएको रसुवा प्रहरीले पुष्टि गरेको छ।

आज २०८२ साल असार २४ गते मंगलबार। असार शुक्ल पक्षको त्रयोदशी तिथि। प्रदोष व्रत। तदनुसार सन् २०२५ जुलाई ८ तारिख।
08/07/2025

आज २०८२ साल असार २४ गते मंगलबार। असार शुक्ल पक्षको त्रयोदशी तिथि। प्रदोष व्रत। तदनुसार सन् २०२५ जुलाई ८ तारिख।

नेपाली कांग्रेसका सभापति शेरबहादुर देउवाले पार्टीको बैठकमा स्पष्ट रूपमा भनेका छन् – “म छोड् भनेर छोड्ने मान्छे होइन।” ने...
07/07/2025

नेपाली कांग्रेसका सभापति शेरबहादुर देउवाले पार्टीको बैठकमा स्पष्ट रूपमा भनेका छन् – “म छोड् भनेर छोड्ने मान्छे होइन।” नेताहरूले उनलाई हटाउने चर्चा चलिरहेका बेला देउवाले आफू संविधान मान्ने र पार्टी महाधिवेशन समयमै गराउने बताए। उनले पार्टी विधानअनुसार १ वर्षसम्म समय थप गर्न सकिने पनि उल्लेख गरे।

प्रधानमन्त्री केपी शर्मा ओलीले भनेका छन् कि नेपालले बाह्य सहयोगको भरमा होइन, आफ्नै पौरख र मेहिनतले मात्र दिगो विकास गर्न...
07/07/2025

प्रधानमन्त्री केपी शर्मा ओलीले भनेका छन् कि नेपालले बाह्य सहयोगको भरमा होइन, आफ्नै पौरख र मेहिनतले मात्र दिगो विकास गर्न सक्छ। काठमाडौंमा आयोजित कार्यक्रममा उनले नेपालीलाई पौरखी जनताको रुपमा चिनाउँदै, चीनजस्तो ठूलो देश पनि बाह्य सहयोगले होइन, आफ्नै मेहनतले अघि बढेको उदाहरण दिएका छन्। उनले नेपालमा केही विपरीत कुराहरू भइरहेका बताए।

अस्ट्रेलियाको चर्चित ‘डेथ क्याप’ च्याउ विषाक्तता काण्डमा एरिन प्याटरसनलाई तीन जनाको हत्या र एक जनाको हत्या प्रयासको अभिय...
07/07/2025

अस्ट्रेलियाको चर्चित ‘डेथ क्याप’ च्याउ विषाक्तता काण्डमा एरिन प्याटरसनलाई तीन जनाको हत्या र एक जनाको हत्या प्रयासको अभियोगमा दोषी ठहर गरिएको छ। उनले बीफ वेलिङ्टनमा विषालु च्याउ मिसाएर आफ्ना पूर्वश्रीमान्‌का परिवारलाई खान दिएको अभियोग लाग्यो। यो घटना अस्ट्रेलियाभर र अन्तर्राष्ट्रिय स्तरमा निकै चर्चित भयो। सजायको फैसला चाँडै सुनाइनेछ।

Address

Mumbai

Website

Alerts

Be the first to know and let us send you an email when RON posts news and promotions. Your email address will not be used for any other purpose, and you can unsubscribe at any time.

Contact The Business

Send a message to RON:

Shortcuts

Share

Category