Murbad Updates - मुरबाड अपडेट्स

04/11/2025

खासदार बाळ्यामामांचा,माजी खासदार कपिल पाटील यांच्या वर टीका : “कपिल पाटीलांच्या निष्काळजीपणामुळे मुरबाड रेल्वे प्रकल्प रखडला”

मुरबाड │ प्रतिनिधी
मुरबाड येथे आयोजित पत्रकार परिषदेत खासदार सुरेश (बाळ्यामामा) म्हात्रे यांनी माजी केंद्रीय मंत्री कपिल पाटील यांच्यावर जोरदार हल्लाबोल करताना म्हटले की, “कपिल पाटलांच्या निष्काळजीपणामुळे मुरबाड रेल्वे प्रकल्प रखडला आहे. ते दहा वर्ष सत्तेत होते, पण या कालावधीत त्यांनी मुरबाडच्या जनतेसाठी काहीच ठोस केले नाही.”

खासदार म्हात्रे पुढे म्हणाले, “मी सत्ताधारी पक्षाचा खासदार असतो तर हा विषय कधीच मिटला असता. मुरबाडकरांना रेल्वेसेवेचा लाभ मिळावा म्हणून आम्ही सातत्याने प्रयत्न करत आहोत, पण मागील कार्यकाळात केवळ आश्वासने दिली गेली, प्रत्यक्षात काहीच काम झाले नाही.”

पत्रकार परिषदेत त्यांनी मुरबाड रेल्वे प्रकल्पाबरोबरच इतर अनेक प्रलंबित विषयांवर भाष्य केले. शेतकऱ्यांच्या नुकसान भरपाईचा मुद्दा, पत्रकार भवन, तसेच कल्याण-मुरबाड महामार्गाचा विलंब या विषयांवर त्यांनी प्रशासनाला आणि माजी मंत्र्यांना जबाबदार धरले.

खासदार म्हात्रे यांनी उपस्थित माध्यम प्रतिनिधींना सांगितले की, मुरबाडकरांच्या विकासासाठी सर्व प्रलंबित आश्वासने पूर्ण करण्यासाठी ते संबंधित मंत्रालयांशी थेट संवाद साधत आहेत. “मुरबाडचा विकास रोखून धरला जाणार नाही. येत्या काळात या प्रकल्पांना नवचैतन्य मिळेल,” असा ठाम विश्वास त्यांनी व्यक्त केला.

या पत्रकार परिषदेमुळे मुरबाड तालुक्यातील राजकीय वातावरणात चांगलाच उत्साह आणि चर्चा रंगली आहे.

मुरबाड अपडेट :- चेतन सुधीर पोतदार

सविस्तर बातमी पाहण्यासाठी खालील व्हिडिओ वर टच करा👇

बाळ्यामामांचा कपिल पाटीलांवर हल्लाबोल : “कपिल पाटीलांच्या निष्काळजीपणामुळे मुरबाड रेल्वे प्रकल्प रखडला”मुरबा...

27/10/2025

बातमी: प्रवाशांच्या जीवाशी खेळ! मुरबाड-बदलापूर
(MH-20-BL-1484) बसची 'व्हिडिओ'तून भीषण दुर्दशा उघड; प्रवासी संतापले!
बदलापूर:

दी.२६/१०/२०२५ रोजी सकाळी ८:३० वाजता मुरबाडहून बदलापूरकडे येणाऱ्या एसटी बस क्रमांक (MH-20-BL-1484) ची अत्यंत दयनीय आणि धोकादायक असून. सकाळची वेळ असल्याने बसमध्ये नोकरदार आणि विद्यार्थ्यांची मोठी गर्दी होती. मात्र, या बसची अवस्था पाहून प्रवासी अक्षरशः संतापले असून, "एसटी महामंडळ प्रवाशांच्या जीवाशी खेळत आहे का?" असा संतप्त सवाल उपस्थित केला जात आहे.

१. तुटलेली आसने: बसमधील अनेक सीट्स तुटलेल्या अवस्थेत आहेत. काही सीट्सचे स्पंज पूर्णपणे बाहेर आले आहेत, तर काही आसने जागेवरून निखळण्याच्या स्थितीत आहेत.
२. खिडक्यांची दुरवस्था: अनेक खिडक्यांच्या काचा तुटलेल्या आहेत किंवा त्या थरथरत आहेत. पावसाळ्यात या खिडक्यांमधून थेट पाणी आत येत असल्याची तक्रार प्रवाशांनी केली.
३. उखडलेले फ्लोअरिंग: बसच्या आतील फ्लोअरिंग (तळ) अनेक ठिकाणी उखडले आहे, ज्यामुळे प्रवाशांना उभे राहणेही कठीण झाले आहे.
४. गळके छप्पर आणि गंजलेला पत्रा: बसचा पत्रा ठिकठिकाणी गंजलेला असून, छप्परही गळके असल्याची भीती प्रवाशांनी व्यक्त केली. बस चालताना संपूर्ण गाडीचा थरकाप उडत होता.
प्रवाशांची संतप्त प्रतिक्रिया
सकाळी ८:३० ची वेळ ही ऐन गर्दीची वेळ असते. कामावर जाणाऱ्या नोकरदारांना आणि शाळेत जाणाऱ्या विद्यार्थ्यांना नाईलाजाने या 'भंगार' बसमधून जीव मुठीत धरून प्रवास करावा लागला.
बस रस्त्यात कधी बंद पडेल किंवा हिचा अपघात कधी होईल, याचा नेम नाही. एसटी प्रशासनाला प्रवाशांच्या जीवाची काहीच किंमत नाही का?

प्रशासनाचे दुर्लक्ष
MH-20-BL-1484 ही बस म्हणजे एसटी महामंडळाच्या ग्रामीण भागातील सेवेच्या दुर्लक्षाचे प्रतीक बनली आहे. बसच्या देखभाल-दुरुस्तीकडे पूर्णपणे कानाडोळा केल्याचे या व्हिडिओवरून स्पष्ट होत आहे. एखादी मोठी दुर्घटना घडल्यानंतरच प्रशासनाला जाग येणार का, असा प्रश्न आता केला जात आहे.
धोकादायक बस तातडीने सेवेतून काढून टाकावी आणि या मार्गावर चांगल्या व सुरक्षित बसेस उपलब्ध करून द्याव्यात.
हॅशटॅग:
#एसटीमहामंडळ #भंगारबस #प्रवाशांचीसुरक्षा #मुरबाड #बदलापूर #एसटीबसचीदुर्दशा

मुरबाड अपडेट:- चेतन सुधीर पोतदार

16/10/2025

सायबर गुन्हे आणि नशामुक्तीबाबत जनजागृती – न्यू इंग्लिश स्कूल मुरबाड मध्ये ठाणे ग्रामीण पोलिसांचा उपक्रम

मुरबाड │ प्रतिनिधी
समाजात वाढत असलेल्या सायबर गुन्ह्यांबरोबरच स्वतःला अधिकारी म्हणून सादर करून होणाऱ्या फसवणुकीच्या घटनांवर नियंत्रण आणण्यासाठी जनजागृती करणे अत्यंत आवश्यक झाले आहे. याच हेतूने ठाणे ग्रामीण पोलीस दल, उपविभागीय पोलीस अधिकारी कार्यालय मुरबाड, आणि मुरबाड पोलीस स्टेशन यांच्या संयुक्त विद्यमाने मुरबाड न्यू इंग्लिश स्कूल येथे सायबर जनजागृती अभियान आणि नशामुक्ती मार्गदर्शन कार्यक्रमाचे आयोजन करण्यात आले.

या कार्यक्रमात उपविभागीय पोलीस अधिकारी अनिल लाड यांनी विद्यार्थ्यांना सायबर गुन्ह्यांबाबत सविस्तर मार्गदर्शन केले. त्यांनी सांगितले की, आजच्या डिजिटल युगात मोबाईल, इंटरनेट आणि सोशल मीडियाचा वापर सुरक्षित पद्धतीने करणे आवश्यक आहे. अनोळखी लिंक, कॉल किंवा स्वतःला अधिकारी म्हणवणाऱ्या व्यक्तींवर विश्वास ठेवू नये, असे त्यांनी विद्यार्थ्यांना स्पष्ट केले.

तसेच मुरबाड पोलीस स्टेशनचे वरिष्ठ पोलीस निरीक्षक दादासाहेब एडके यांनी विद्यार्थ्यांना सोशल मीडियावर होणाऱ्या फसवणुकीपासून सावध राहण्याचे आवाहन केले. त्यांनी सांगितले की, प्रत्येक नागरिकाने जागरूक राहून अशा प्रकारच्या गुन्ह्यांची त्वरित माहिती पोलिसांना दिल्यास समाज सुरक्षित राहील.

या उपक्रमाद्वारे विद्यार्थ्यांना सायबर सुरक्षा, नशामुक्त जीवनशैली आणि सामाजिक जबाबदारी याबद्दल मौल्यवान संदेश देण्यात आला. कार्यक्रमानंतर उपस्थितांनी पोलिस दलाचे कौतुक करत अशा जनजागृती मोहिमा सातत्याने राबविण्याची मागणी केली.

मुरबाड अपडेट:-चेतन सुधीर पोतदार

सविस्तर बातमी पाहण्यासाठी खालील व्हिडिओवर टच करा👇

सायबर गुन्हे आणि नशामुक्तीबाबत जनजागृती – मुरबाड न्यू इंग्लिश स्कूलमध्ये ठाणे ग्रामीण पोलिसांचा उपक्रममुरबाड ....

14/10/2025

मुरबाडमध्ये शिवसेनेचा भव्य महामेळावा — खासदार डॉ. श्रीकांत शिंदे यांची उपस्थिती

मुरबाड │ प्रतिनिधी
शिवसेने तर्फे मुरबाड येथे आयोजित करण्यात आलेल्या भव्य महामेळाव्याला कार्यकर्त्यांचा आणि जनतेचा उत्स्फूर्त प्रतिसाद लाभला. मुरबाडच्या राजकीय वातावरणात नवचैतन्य निर्माण करणारा हा महामेळावा शिवसेना नेते संतोष जाधव यांच्या पुढाकाराने आणि उत्कृष्ट नियोजनातून मोठ्या उत्साहात पार पडला.

या प्रसंगी खासदार डॉ. श्रीकांत शिंदे यांनी उपस्थित राहून जनतेशी संवाद साधला. त्यांनी आपल्या भाषणात सांगितले की, “मुरबाड तालुक्यासाठी अडीच कोटी रुपयांपेक्षा अधिक निधी मिळवून विकासकामांना गती देण्यात आली आहे.” तसेच राज्यातील विकासयोजनांमध्ये मुरबाडचा सहभाग वाढविण्यासाठी प्रयत्न सुरू असल्याचे त्यांनी स्पष्ट केले.

मेळाव्यात लाडक्या बहिणींची मोठ्या संख्येत उपस्थिती राहिली. महिलांनीही या सभेत उत्साहाने सहभाग घेतला.
या महामेळाव्याद्वारे स्थानिक पातळीवर पक्षाच्या संघटनात्मक बळकटीसह जनतेच्या अडचणी, मागण्या आणि विकासकामांचा आढावा घेण्यात आला.

कार्यक्रमाचे आयोजन उत्तम नियोजनासह करण्यात आले होते. संतोष जाधव आणि त्यांच्या टीमने संपूर्ण तयारी करत मोठ्या संख्येने लोकांना एकत्र आणले. या मेळाव्यामुळे मुरबाड तालुक्यात शिवसेनेचा जनसंपर्क अधिक दृढ झाला आहे.

मुरबाड अपडेट :-चेतन सुधीर पोतदार

सविस्तर व्हिडिओ पाहण्यासाठी खालील व्हिडिओ वर टच करा👇

मुरबाडमध्ये शिवसेनेचा भव्य महामेळावा — खासदार डॉ. श्रीकांत शिंदे यांची उपस्थितीमुरबाड │ प्रतिनिधीशिवसेने तर्फ....

03/10/2025

विजयादशमीच्या मुहूर्तावर राष्ट्रवादी काँग्रेसचे युवा जिल्हाध्यक्ष प्रतीक प्रमोद हिंदुराव यांच्या जनसंपर्क कार्यालयाचे उपमुख्यमंत्री अजितदादा पवार यांच्या हस्ते उद्घाटन

*मुरबाड │* विजयादशमीच्या शुभमुहूर्तावर राष्ट्रवादी काँग्रेस पक्षाचे युवा जिल्हाध्यक्ष प्रतीक प्रमोद हिंदुराव यांच्या जनसंपर्क कार्यालयाचे उद्घाटन उपमुख्यमंत्री अजितदादा पवार यांच्या हस्ते मोठ्या उत्साहात पार पडले.

या सोहळ्याला महिलांसह कार्यकर्ते व स्थानिक नागरिकांची मोठ्या प्रमाणावर उपस्थिती होती. उद्घाटनावेळी बोलताना उपमुख्यमंत्री अजित पवार यांनी प्रतीक प्रमोद हिंदुराव यांच्या कार्यशैलीचे कौतुक करत, “जनसंपर्क कार्यालयाच्या माध्यमातून सर्वसामान्यांच्या समस्या सोडविण्यास मदत होईल. समाजहितासाठी कार्य करण्याची संधी प्रत्येकाने साधावी,” असे मत व्यक्त केले.

यावेळी सामाजिक, राजकीय व विविध क्षेत्रातील मान्यवर उपस्थित होते. ठाणे जिल्ह्यातील अनेक कार्यकर्त्यांनी या कार्यक्रमाला हजेरी लावून युवा नेतृत्वाला शुभेच्छा दिल्या.

कार्यक्रमाचे विशेष आकर्षण म्हणजे विजयादशमीच्या सणाच्या पार्श्वभूमीवर झालेला हा उपक्रम, ज्यामुळे परिसरात आनंद व उत्साहाचे वातावरण होते.

मुरबाड अपडेट :- चेतन सुधीर पोतदार

सविस्तर बातमी पाहण्यासाठी. खालील व्हिडिओवर क्लिक करा👇

विजयादशमीच्या मुहूर्तावर राष्ट्रवादी काँग्रेसचे युवा जिल्हाध्यक्ष प्रतीक प्रमोद हिंदुराव यांच्या जनसंपर्क क....

03/10/2025

मुरबाडमध्ये माहेर हॉस्पिटलचे आमदार किसन कथोरे यांच्या हस्ते भव्य उद्घाटन

मुरबाड │ मुरबाड शहरात डॉ. स्नेहल स्वप्नील वाघचौरे यांच्या माहेर हॉस्पिटल आणि नर्सिंग होम चे उद्घाटन आज विजयादशमीच्या शुभ मुहूर्तावर मोठ्या उत्साहात पार पडले. उद्घाटन सोहळा मुरबाड विधानसभेचे आमदार किसन कथोरे यांच्या हस्ते संपन्न झाला.

या प्रसंगी ठाणे जिल्हा परिषदेचे माजी उपाध्यक्ष सुभाष पवार यांच्यासह राजकीय, वैद्यकीय, सामाजिक व पत्रकारिता क्षेत्रातील अनेक मान्यवर मोठ्या संख्येने उपस्थित होते.

उद्घाटन सोहळ्याला आलेल्या मान्यवरांनी डॉ. स्नेहल वाघचौरे यांच्या या उपक्रमाचे कौतुक केले व माहेर हॉस्पिटल मुरबाड व परिसरातील नागरिकांच्या आरोग्यसेवेसाठी नवे पर्व ठरेल असा विश्वास व्यक्त केला.

, मुरबाड अपडेट :-चेतन सुधीर पोतदार

सविस्तर व्हिडिओ पाहण्यासाठी.खालील व्हिडिओ टच करा👇

मुरबाडमध्ये माहेर हॉस्पिटलचे आमदार किसन कथोरे यांच्या हस्ते भव्य उद्घाटनमुरबाड │ मुरबाड शहरात डॉ. स्नेहल स्वप्.....

30/09/2025

National media Conference-2025

26-30 September 2025

-Venue -
Brahma kumari, Shantivan, Abu Road (Raj.)

Bdlapu Updates-chetan Potdar

www.youtube.com/ : Brings Daily Murli Class Live from Shantivan, Murli Saar, Text Murli with Audio, Amritvela Meditation 3.30 am to 4.45 am (M...

28/09/2025

मुरबाड अपडेट्सचे सहसंपादक चेतन पोतदार यांचा माउंट आबू येथील नॅशनल मीडिया कॉन्फरन्समधील अविस्मरणीय अनुभव

मुरबाड │ मुरबाड अपडेट्स चे सहसंपादक चेतन सुधीर पोतदार यांनी अलीकडेच राजस्थानातील माउंट आबू येथे आयोजित नॅशनल मीडिया कॉन्फरन्स मध्ये सहभाग नोंदवला. हा भव्य कार्यक्रम ब्रह्माकुमारी संस्थेच्या मधुबन (स्टुडिओ) केंद्रात पार पडला.

या कॉन्फरन्समध्ये देशभरातील नामांकित पत्रकार, संपादक आणि मीडिया क्षेत्रातील तज्ज्ञांनी एकत्र येऊन नवमाध्यमांची बदलती दिशा, समाज माध्यमांचा प्रभाव, पत्रकारितेतील नैतिकता आणि जबाबदारी या विषयांवर सखोल चर्चा केली.

चेतन पोतदार यांनी सांगितले की, मधुबन येथील शांत व आध्यात्मिक वातावरणात झालेला हा अनुभव त्यांच्या पत्रकारितेच्या वाटचालीत नवा अध्याय ठरेल. परिषदेत समाजहितासाठी सकारात्मक पत्रकारितेचे महत्त्व अधोरेखित करण्यात आले, जे प्रत्येक पत्रकाराने लक्षात ठेवण्यासारखे असल्याचे त्यांनी नमूद केले.

यावेळी त्यांनी प्रजापिता ईश्वरी विश्वविद्यालय मुरबाड शाखेतील ब्रह्माकुमारी वैशाली दीदींच्या मार्गदर्शनाबद्दलही विशेष कृतज्ञता व्यक्त केली.

या संपूर्ण प्रवासातून त्यांना मीडिया क्षेत्रात अधिक जबाबदारीने आणि सकारात्मकतेने कार्य करण्यासाठी नवी ऊर्जा व प्रेरणा मिळाल्याचे पोतदार यांनी सांगितले.

✍️ अभिजीत प्रधान
संस्थापक आणि संपादक, मुरबाड अपडेट्स

सविस्तर व्हिडिओ पाहण्यासाठी.खालील व्हिडिओ वर टच करा👇

मुरबाड अपडेट्सचे सहसंपादक चेतन पोतदार यांचा माउंट आबू येथील नॅशनल मीडिया कॉन्फरन्समधील अविस्मरणीय अनुभवमुरबा.....

28/09/2025

National media Conference-2025

26-30 September 2025

-Venue -
Brahma kumari, Shantivan, Abu Road (Raj.)

Murbad Updates - मुरबाड अपडेट्स Updates-chetan Potdar

National Media Conference - 2025Role of Media for Promoting Peace, Unity and Trust in SocietyMedia Wing, RERFFrom 26th to 30th September 2025,Organizer's: Me...