21/04/2026
যমুনামুখৰ কণমানি প্ৰতিভা ১৮ মহীয়া আৰহাম আহমেদে গঢ়িলে ৰাজ্যিক ৰেকৰ্ড*
নগাঁও জিলাৰ যমুনামুখৰ এজন অতি কণমানি শিশু, মাত্ৰ ১৮ মাহ ২৮ দিন বয়সীয়া আৰহাম আহমেদে তেওঁৰ অসাধাৰণ বুদ্ধিমত্তা আৰু স্মৃতি শক্তিৰ জৰিয়তে ২০২৫–২৬ বৰ্ষৰ Assam Book of Record-ৰ অধীনত “Early Learning Achievement” শাখাত ৰাজ্যিক ৰেকৰ্ড স্থাপন কৰি সমগ্ৰ অঞ্চলটোক গৌৰৱান্বিত কৰিছে।
আৰহাম আহমেদ হৈছে যমুনামুখৰ বৰজাৰী মাজগাও ওৰফে আমতলা অঞ্চলৰ বাসিন্দা ৰফিক উদ্দিন আৰু মৌচুমি বেগমৰ একমাত্ৰ পুত্ৰ। তেওঁৰ পিতৃ ৰফিক উদ্দিন যমুনামুখ উচ্চতৰ মাধ্যমিক বিদ্যালয়ত এজন শিক্ষক হিচাপে কৰ্মৰত। পৰিয়ালৰ শৃংখলাবদ্ধ পৰিবেশ, নিয়মীয়া অনুশীলন আৰু পিতৃ-মাতৃৰ যত্ন-স্নেহৰ ফলতেই আৰহামে ইমান কম বয়সতে এনে এক অসাধাৰণ কৃতিত্ব অৰ্জন কৰিবলৈ সক্ষম হৈছে বুলি পিতৃ ৰফিক উদ্দিনে মত প্ৰকাশ কৰিছে।
