08/10/2025
# হাউলীৰ“মৌটুপুৰী চেতনা ৰুৰাল ডেভলপমেণ্ট ছ'ছাইটি”ৰ উদ্যোগত শতাধিক দৰিদ্ৰ লোকক লৈ নৱদ্বীপ ধাম, মায়াপুৰ তীৰ্থ ভ্ৰমণ #
বৰপেটা,৮ অক্টোবৰঃ বৰপেটা জিলাৰ হাউলীৰ অগ্ৰণী স্বেচ্ছাসেৱী বেচৰকাৰী সংস্থা “মৌটুপুৰী চেতনা ৰুৰাল ডেভলপমেণ্ট ছোছাইটি”ৰ উদ্যোগত আজি প্ৰায় শতাধিক অতি দৰিদ্ৰ বয়োজ্যেষ্ঠ পুৰুষ-মহিলাক বিনামুলীয়াভাৱে তীৰ্থ ভ্ৰমণ কৰিবলৈ ছোছাইটিখনৰ সভাপতি প্ৰদীপ কুমাৰ ঘোষে নৱদ্বীপ ধামৰ পৰা মায়াপুৰলৈ লৈ যায়। বৃহত্তৰ হাউলী অঞ্চলৰ এই বয়োজ্যেষ্ঠ দৰিদ্ৰ লোকসকলে পূৱা বৰপেটাৰোড ৰেলুৱেষ্টেচনৰ পৰা নৱদ্বীপ ধাম আৰু মায়াপুৰলৈ তীৰ্থভ্ৰমণলৈ যাত্ৰা আৰম্ভ কৰা কাৰ্যসূচী অহা ১৩ অক্টোবৰত অন্ত পৰিব বুলি মৌটুপুৰী চেতনা ৰুৰাল ডেভলপমেণ্ট ছোছাইটিৰ সভাপতি প্ৰদীপ কুমাৰ ঘোষে জানিবলৈ দিয়ে। উল্লেখ্য যে,দুখীয়া ধাৰ্মিক লোক, যিসকলে ইচ্ছা থকা স্বত্তেও ধনৰ অভাৱত নিজৰ পৱিত্ৰ ধৰ্মীয় স্থান সমূহলৈ তীৰ্থ ভ্ৰমণ কৰিব নোৱাৰে তেনেকুৱা ধাৰ্মিক লোকৰ বাবে মৌটুপুৰী চেতনা ৰুৰাল ডেভলপমেন্ট ছোছাইটি নামৰ বৰপেটা জিলাৰ এখন বেচৰকাৰী সংস্থাই বিনামূলীয়াকৈ তীৰ্থ ভ্ৰমণৰ ব্যৱস্থা কৰা পদক্ষেপক ধাৰ্মিক সচেতন মহলে যথেষ্ট সন্তুষ্টি প্ৰকাশ কৰাৰ লগতে ধৰ্মপ্ৰাণ তীৰ্থ যাত্ৰী আৰু সচেতন মহলে ভূয়ঁসী প্ৰশংসা কৰিছে।
-- বৰপেটাৰ পৰা প্ৰদীপ কুমাৰ সৰকাৰৰ ৰিপৰ্ট।
