12/08/2026
सीमेवरील वीर भावांसाठी पाठवा प्रेमाचा धागा! 🇮🇳
बहिणीच्या हातातील राखीचा धागा भावाला केवळ प्रेमाची आठवण करून देत नाही, तर त्याच्या पाठीशी कोणीतरी खंबीरपणे उभे असल्याची जाणीव करून देतो. आपल्या सुरक्षेसाठी देशाच्या सीमेवर अहोरात्र तैनात असलेल्या प्रत्येक वीर जवानाला यंदाच्या रक्षाबंधनाला प्रेमाचा स्नेहधागा पाठवूया!
'सकाळ' च्या या स्तुत्य 'सैनिकांसाठी राखी पाठवा' अभियानात प्रसिद्ध अभिनेत्री प्राजक्ता माळी सहभागी झाल्या असून त्यांनी सर्वांना या मोहिमेत जोडले जाण्याचे आवाहन केले आहे. तसेच, भारतीय कृषी विद्यालय व ज्युनिअर कॉलेजच्या विद्यार्थिनींनीही स्वतः राख्या जमा करून 'सकाळ' कार्यालयात सुपूर्द करत या उपक्रमात आपला खारीचा वाटा उचलला आहे.
तुम्हाला काय करायचे आहे?
तुम्ही तयार केलेल्या किंवा आणलेल्या राख्या १८ ऑगस्टपूर्वी 'सकाळ' कार्यालयात प्रत्यक्ष भेटून किंवा टपालाने (Post) पोहोचतील अशा बेताने पाठवाव्यात. 'सकाळ'तर्फे या राख्या सीमेवरील जवानांपर्यंत पोहोचवल्या जातील.
📍 राख्या पाठवण्याचा पत्ता:
संयोजक, 'सैनिकांसाठी राख्या पाठवा' अभियान,
सकाळ कार्यालय, २७४-१ वर्धा हाऊस, दुसरा-तिसरा माळा,
सेंट्रेल बाजार रोड, रामदासपेठ, नागपूर ४४००१०
📞 अधिक माहितीसाठी संपर्क:७७२२०४९८००
आपल्या सीमेवरील भावांना "आम्ही तुमच्या कायम सोबत आहोत" हा संदेश देण्यासाठी सर्व शाळा, महाविद्यालये, महिला मंडळे, संस्था आणि नागरिकांनी या अभियानात मोठ्या संख्येने सहभागी व्हावे!
