15/10/2025
साईबाबा आश्रमशाळेत तीन दिवसीय उत्सवात श्री साईबाबा मूर्तीची स्थापना 🕉️
कन्हान (प्रतिनिधी):
साईबाबा आश्रमशाळा टेकाडी (को.ख.), ता. पारशिवनी, जि. नागपूर येथे नव्याने बांधण्यात आलेल्या श्री साई मंदीरात तीन दिवसीय भव्य उत्सव साजरा करण्यात आला. श्री साईबाबा मूर्तीची विधिवत स्थापना, भजन–किर्तन, गोपालकाला आणि महाप्रसाद यांसह हा प्राणप्रतिष्ठा महोत्सव थाटात पार पडला.
शनिवार (दि. ११ ऑक्टोबर) रोजी सायंकाळी ५ वाजता साईबाबा आश्रमशाळेच्या पटांगणातून संकल्प रथयात्रा आणि साईपालखी मिरवणूक काढण्यात आली. या मिरवणुकीत शालेय विद्यार्थी, भजनमंडळ, लेझीम पथक आणि डिजेचा समावेश होता. उत्साहात निघालेल्या पालखी मिरवणुकीचे मंदिरात आगमन झाल्यानंतर धार्मिक विधी पार पाडले गेले.
रविवार (दि. १२ ऑक्टोबर) रोजी सकाळी श्री साईबाबा मूर्तीचे पूजन, भजन आणि पूजा-अर्चना पार पडल्यानंतर सायंकाळी ४ वाजता मूर्तीची प्राणप्रतिष्ठा करण्यात आली. त्यानंतर आरती आणि प्रसाद वितरणाचा कार्यक्रम झाला. रात्री ८ वाजता आयोजित स्वागत सत्कार समारंभास प्रमुख अतिथी म्हणून पालकमंत्री मा. चंद्रशेखर बावनकुळे, मंत्री आशिष जैस्वाल, मा. नितीन तेलगोटे, माजी आमदार टेकचंद सावरकर, आदिवासी उपायुक्त मा. दिंगाबरजी चव्हाण, भाजप पदाधिकारी आशिष पाठक, तसेच शाळेचे संचालक आणि आदिवासी आश्रमशाळा संघाचे सचिव मा. किशोर वानखेडे, सौ. हर्षाताई वानखेडे, सचिव मा. राजेश सरोदे यांची उपस्थिती लाभली. महाराष्ट्रभरातून आलेल्या विविध आदिवासी आश्रमशाळांच्या संचालकांचा शाल, श्रीफळ, पुष्पगुच्छ आणि स्मृतिचिन्ह देऊन सन्मान करण्यात आला.
सोमवार (दि. १३ ऑक्टोबर) रोजी सकाळी आरती, भजन, किर्तन यानंतर दुपारी गोपालकाला व सायंकाळी ४ ते ८ वाजेपर्यंत महाप्रसादाचे आयोजन करण्यात आले.
या संपूर्ण कार्यक्रमाच्या यशस्वितेसाठी साईबाबा आश्रमशाळेचे संचालक मा. किशोर रा. वानखेडे, वानखेडे परिवार, तसेच मुख्याध्यापक संजय काळे, बालपांडे सर, अनिल वानखेडे सर, अभिलाश काळमेघ, निखाडे सर, यावले, डहाके, मेश्राम, चौधरी, डोंगरे, चव्हाण, मंहत, कदम, कापसे, आडे, सातपुते, खिळेकर, खंगार, शिक्षिका चव्हाण मॅडम, पोपटे, नाईक, नरूले, साक्षी खोरे, तसेच शिक्षकेत्तर कर्मचारी चंदु चौधरी, गणेश हुड, पुरुषोत्तम पाटील, रंजीत पाजुर्णे आणि विद्यार्थ्यांनी परिश्रम घेतले.
✨ श्रद्धा, सेवा आणि संस्कार यांचा संगम ठरलेला हा तीन दिवसीय श्री साईबाबा प्राणप्रतिष्ठा उत्सव सर्व उपस्थितांसाठी अविस्मरणीय ठरला. ✨
कॅमेरा मन नितीन मेश्राम सोबत रॉबिन निकोसे यांची रिपोर्ट
