MVM Live News 3

02/08/2026

नागपुरात तुकाराम मुंडे यांचा जन संवाद Live

02/08/2026

नाले-नदी सफाईवर 34 कोटींचा खर्च; तरीही नागपूर पाण्यात, RTI मधून धक्कादायक माहिती
नागपूर : नागपूर महानगरपालिकेने गेल्या चार ते पाच वर्षांत नाले आणि नद्यांच्या सफाईसाठी तब्बल 34 कोटी 48 लाख रुपये खर्च केले असतानाही प्रत्येक पावसाळ्यात शहरातील अनेक भागांमध्ये पाणी साचणे, नाले तुंबणे आणि नागरिकांना मोठ्या गैरसोयींचा सामना करावा लागत असल्याचे वास्तव कायम आहे. त्यामुळे मनपाच्या सफाई कामकाजाच्या प्रभावीपणावर गंभीर प्रश्नचिन्ह उपस्थित झाले आहे.
सामाजिक कार्यकर्ते अभय कोलारकर यांनी माहिती अधिकार (RTI) अंतर्गत मागवलेल्या माहितीतून हा खर्च आणि त्याचे तपशील समोर आले आहेत. मनपाच्या घनकचरा व्यवस्थापन व यांत्रिकी विभागाने दिलेल्या माहितीनुसार, 2022-23 मध्ये 99 लाख रुपये, 2023-24 मध्ये 1.93 कोटी रुपये, 2024-25 मध्ये 7 कोटी रुपये आणि 2025-26 मध्ये 8 कोटी रुपये नाले सफाईसाठी खर्च करण्यात आले.
चालू 2026-27 आर्थिक वर्षातही नाले सफाईसाठी 9 कोटी रुपये आणि नद्यांच्या सफाईसाठी 4.95 कोटी रुपये खर्चास मंजुरी देण्यात आली आहे. अशा प्रकारे नाले व नदी सफाईवर एकूण खर्च 34.48 कोटी रुपयांपर्यंत पोहोचला आहे.
आरटीआयमधील माहितीनुसार, सफाईसाठी वापरण्यात आलेल्या पोकलेन मशिन्सवरही मोठा खर्च करण्यात आला आहे. 2024 मध्ये 2.89 कोटी रुपये आणि 2025 मध्ये 5.30 कोटी रुपये, असे एकूण 8.19 कोटी रुपये केवळ मशिन्सच्या भाड्यावर खर्च झाले. तसेच 2022 ते 2026 या कालावधीत मशिन्सच्या डिझेलवर 1.63 कोटी रुपये खर्च करण्यात आले.
दरम्यान, कोट्यवधी रुपयांचा खर्च दाखवला जात असला तरी प्रत्यक्षात शहरातील झोन 1 ते 10 मध्ये नदी व नाले सफाईसाठी केवळ 169 कर्मचारी कार्यरत असल्याची माहितीही समोर आली आहे. त्यामुळे उपलब्ध मनुष्यबळ आणि कोट्यवधींचा खर्च यामध्ये मोठी तफावत असल्याचा आरोप होत आहे.
दरवर्षी पावसाळ्यात शहरातील प्रमुख रस्ते आणि निवासी भागांमध्ये पाणी साचत असल्याने नागरिकांमध्ये तीव्र नाराजी आहे. खर्चाच्या तुलनेत अपेक्षित परिणाम दिसून न आल्याने मनपाच्या नियोजन, देखरेख आणि कामाच्या गुणवत्तेबाबत प्रश्न उपस्थित होत असून, या खर्चाची सखोल चौकशी करण्याची मागणीही जोर धरत आहे.

02/08/2026

नागपुर : लग्नाचे आमिषाने पैसे
उकळणाऱ्या 'लुटेरी दुल्हन'ला अटक

02/08/2026

देशभरात 'मीही स्वदेशी समर्थक' राष्ट्रव्यापी अभियानाचा शुभारंभ

नवी दिल्ली, दि. १ ऑगस्ट : स्वदेशी जागरण मंचातर्फे देशभरात १ ऑगस्टपासून 'मीही स्वदेशी समर्थक' या राष्ट्रव्यापी जनजागरण अभियानाला प्रारंभ करण्यात आला आहे. मंचाचे अखिल भारतीय संयोजक आर. सुंदरम यांनी मदुराई येथून या अभियानाची सुरुवात केली.
अभियानाचा शुभारंभ करताना त्यांनी सांगितले की, भारताची खरी प्रगती स्वदेशीच्या मार्गानेच शक्य आहे. प्रत्येक नागरिकाने स्वदेशीचा समर्थक बनून देशी उत्पादनांचा वापर आणि प्रचार करण्यासाठी पुढाकार घ्यावा. परकीय वस्तू किंवा विचारांच्या आधारावर देश सर्वांगीण प्रगती करू शकत नाही. भारताला समृद्ध आणि आत्मनिर्भर बनविण्यासाठी प्रत्येक नागरिकाने स्वदेशीचा स्वीकार करणे आवश्यक असल्याचे त्यांनी नमूद केले. मंचाचे अखिल भारतीय सहसंयोजक डॉ. अश्वनी महाजन यांनी दिल्लीतून, डॉ. धनपत राम अग्रवाल यांनी कोलकाता येथून, डॉ. राजीव कुमार यांनी मुरादाबाद येथून, डॉ. अजय पतकी यांनी बिकानेर येथून तसेच अखिल भारतीय प्रचार प्रमुख डॉ. धर्मेंद्र दुबे यांनी गुवाहाटी येथून अभियानाची सुरुवात केली. डॉ. अश्वनी महाजन यांनी सांगितले की, हे अभियान पूर्णपणे डिजिटल माध्यमातून राबविण्यात येणार आहे. डिजिटल नोंदणी, सोशल मीडिया, क्यूआर कोड आणि ऑनलाइन जनसंपर्काच्या माध्यमातून अधिकाधिक नागरिकांना या अभियानाशी जोडले जाईल. अभियानात सहभागी होणाऱ्या प्रत्येक व्यक्तीला डिजिटल स्वरूपात 'स्वदेशी समर्थक' प्रमाणपत्रही देण्यात येणार आहे.
या अभियानांतर्गत नागरिकांनी स्वदेशी उत्पादनांना प्राधान्य देणे, स्वदेशी भाषा, वेशभूषा, जीवनशैली आणि संयुक्त कुटुंब व्यवस्थेला प्रोत्साहन देणे, युवकांना स्वावलंबन, उद्योजकता, नवकल्पना आणि स्वरोजगारासाठी प्रेरित करणे, राष्ट्रहितासाठी कार्य करणाऱ्या शक्तींना सहकार्य करणे तसेच देशाची एकता, अखंडता आणि सर्वांगीण विकासासाठी कार्य करण्याचा संकल्प करायचा आहे.
डॉ. धर्मेंद्र दुबे यांनी सांगितले की, देशातील सर्व राज्ये आणि जिल्ह्यांमध्ये व्यापक जनजागृती मोहीम राबवून सुमारे दोन कोटी नागरिकांना या ऑनलाइन संकल्प अभियानाशी जोडण्याचे उद्दिष्ट ठेवण्यात आले आहे.

01/08/2026

हिंदू धर्माच्या कथित अपमानाविरोधात भाजयुमोचे राहुल गांधी, पप्पू यादव यांच्या विरोधात आंदोलन
नागपूर, दि. १ ऑगस्ट : हिंदू धर्माचा कथित अपमान केल्याचा आरोप करत भारतीय जनता युवा मोर्चा (भाजयुमो)च्या वतीने शनिवारी नागपुरातील व्हेरायटी चौकात काँग्रेस नेते राहुल गांधी आणि खासदार पप्पू यादव यांच्या विरोधात जोरदार निदर्शने करण्यात आली.
आंदोलनादरम्यान कार्यकर्त्यांनी इंडिया आघाडीविरोधात घोषणाबाजी करत निषेध व्यक्त केला. हिंदू धर्म आणि सनातन परंपरेबाबत आक्षेपार्ह वक्तव्ये सहन केली जाणार नाहीत, असा इशारा आंदोलनकर्त्यांनी दिला.
यावेळी भाजयुमोच्या पदाधिकारी आणि कार्यकर्त्यांनी मोठ्या संख्येने सहभाग घेत संबंधित नेत्यांनी हिंदू समाजाची माफी मागावी, अशी मागणी केली. तसेच भविष्यात धर्मभावना दुखावणारी वक्तव्ये टाळावीत, अन्यथा राज्यभर तीव्र आंदोलन छेडण्यात येईल, असा इशाराही देण्यात आला.

01/08/2026

छत्रपती शिवाजी महाराज महसूल समाधान शिबिराला नागरिकांचा उत्स्फूर्त प्रतिसाद
नागपूर, दि. १ ऑगस्ट : महाराष्ट्र शासनाच्या वतीने नागरिकांच्या महसूलविषयक समस्या तातडीने सोडविण्याच्या उद्देशाने पूर्व नागपुरातील पारडी परिसरातील गंगा सेलिब्रेशन हॉल येथे छत्रपती शिवाजी महाराज महसूल समाधान शिबिराचे आयोजन करण्यात आले. शिबिराला नागरिकांचा उत्स्फूर्त प्रतिसाद लाभला.
शिबिराचे उद्घाटन आमदार कृष्णाजी खोपडे यांच्या प्रमुख उपस्थितीत झाले. यावेळी विभागीय आयुक्त विजयालक्ष्मी बिद्री, मनपा आरोग्य सभापती मनीषा अतकरे, नगरसेवक दीपक वाडीभस्मे, अरुण हारोडे, दिलीप दिवटे आणि संजय अवचट यांची प्रमुख उपस्थिती होती.
या शिबिरामध्ये महसूल विभागाशी संबंधित विविध प्रकरणांबाबत नागरिकांना मार्गदर्शन करण्यात आले. तसेच दाखले, प्रमाणपत्रे, जमीनविषयक नोंदी आणि इतर महसूलविषयक समस्यांच्या त्वरित निवारणासाठी संबंधित विभागांच्या अधिकाऱ्यांनी नागरिकांच्या अर्जांची तपासणी करून आवश्यक कार्यवाही केली.
यावेळी उपस्थित मान्यवरांनी शासनाच्या जनकल्याणकारी योजनांचा लाभ प्रत्येक पात्र नागरिकापर्यंत पोहोचविण्यासाठी अशा समाधान शिबिरांचे महत्त्व अधोरेखित केले. नागरिकांनीही शिबिराच्या माध्यमातून महसूलविषयक कामे एकाच ठिकाणी आणि सुलभ पद्धतीने होत असल्याबद्दल समाधान व्यक्त केले.

01/08/2026

अमरावती येथे तुकाराम मुंढे यांचा विद्यार्थ्यांशी संवाद

01/08/2026

01/08/2026

महा live News Big breaking नागपूर
पंडित दयाशंकर तिवारी ह्यांना काँग्रेस अध्यक्षांचे प्रत्युत्तर.

तुम्हांला कश्यात इंटरेस्ट आहें मला माहिती आहें.
ईशाऱ्याने केले
गंभीर आरोप.
नागपूर यावर आपली प्रतिक्रिया सांगा

#महालाईव्हन्यूज





#नागपूर
#राजकारण

01/08/2026

🟥 नागपुरात पाणी साचण्यावर उच्च न्यायालयाचे गंभीर निरीक्षण; कायमस्वरूपी उपाययोजना करा – मनपाला फटकार 😒

महा Live News | विशेष महेश शिंपी यांची माहिती

नागपूर : २८ जुलै रोजी झालेल्या मुसळधार पावसानंतर शहरातील विविध भागांत झालेल्या जलभरावामुळे शालेय विद्यार्थी आणि नागरिकांना मोठा त्रास सहन करावा लागला. या प्रकरणाची गंभीर दखल घेत मुंबई उच्च न्यायालयाच्या नागपूर खंडपीठाने नागपूर महानगरपालिकेला (मनपा) चांगलेच धारेवर धरले आहे.

शुक्रवारी झालेल्या सुनावणीत मनपाने सादर केलेल्या शपथपत्रावर न्यायालयाने तीव्र नाराजी व्यक्त केली. न्यायमूर्ती उर्मिला जोशी-फालके आणि न्यायमूर्ती निवेदिता मेहता यांच्या खंडपीठाने मनपा अधिकाऱ्यांवर केवळ कागदोपत्री काम केल्याचा ठपका ठेवत, शहरातील जलभरावावर कायमस्वरूपी उपाययोजना का करण्यात आल्या नाहीत, असा सवाल उपस्थित केला.

"ठोस उपाययोजना का नाहीत?"

'जनमंच' संस्थेने रस्त्यांच्या सिमेंटीकरणाविरोधात दाखल केलेल्या जनहित याचिकेवर सुनावणीदरम्यान न्यायालयाने स्पष्ट शब्दांत सांगितले की, अल्पावधीत झालेल्या अतिवृष्टीमुळे पाणी साचणे समजू शकते; मात्र दरवर्षी हीच परिस्थिती निर्माण होत असताना त्यावर कायमस्वरूपी उपाययोजना करण्यासाठी कोणतेही ठोस प्रयत्न झालेले दिसत नाहीत.

मनपाचा दावा – अतिवृष्टीमुळे जलभराव

मनपाच्या मुख्य अभियंता लीना उपाध्ये यांनी सादर केलेल्या शपथपत्रात, कमी वेळेत झालेल्या अतिवृष्टीमुळे शहरातील पावसाच्या पाण्याच्या निचरा यंत्रणेवर अतिरिक्त ताण आल्याने जलभराव झाल्याचा दावा करण्यात आला आहे.

तसेच, आपत्ती व्यवस्थापन, ड्रेनेज, अग्निशमन, आरोग्य विभाग आणि झोन कार्यालयांच्या पथकांनी तातडीने घटनास्थळी पोहोचून पंप आणि सक्शन मशीनच्या साहाय्याने पाणी काढल्याचेही नमूद करण्यात आले आहे. शहरातील सर्व १० झोनकडून जलभरावाची कारणे तसेच अल्पकालीन आणि दीर्घकालीन उपाययोजनांबाबत अहवाल मागविण्यात आल्याची माहितीही मनपाने दिली.

"जबाबदारी नेमकी कोणाची?"

मनपाचे उत्तर अपुरे असल्याचे नमूद करत न्यायालयाने, नागरिकांच्या सुरक्षिततेसाठी कायमस्वरूपी उपाययोजना करण्याची जबाबदारी नेमकी कोणाची आहे, असा प्रश्न उपस्थित केला. दरवर्षी न्यायालयाला हस्तक्षेप करण्याची वेळ येऊ नये, यासाठी प्रशासनाने ठोस कृती आराखडा तयार करावा, असे निर्देशही खंडपीठाने दिले.

तज्ज्ञांची नियुक्ती का नाही?

प्रत्येक विभाग एकमेकांवर जबाबदारी ढकलत असून प्रत्यक्ष कामापेक्षा कागदोपत्री कामावर भर दिला जात असल्याची टिप्पणी न्यायालयाने केली. नागरिकांना दरवर्षी या समस्येला सामोरे जावे लागत असेल, तर कायमस्वरूपी उपाय शोधण्यासाठी तज्ज्ञांची नियुक्ती का केली जात नाही, असा सवालही न्यायालयाने उपस्थित केला. समाधानकारक उत्तर न दिल्यास मनपा आयुक्तांना नोटीस बजावण्यात येईल, असा इशाराही खंडपीठाने दिला.

पीडब्ल्यूडीच्या कामांवर मनपाचा ठपका

शहरातील काही भागांतील जलभरावासाठी मनपाने सार्वजनिक बांधकाम विभागाच्या (World Bank Project) सुरू असलेल्या कामांना जबाबदार धरले आहे. सोमलवार शाळेसमोरील जलभराव हा पावसाच्या पाण्याच्या नाल्याच्या बांधकामामुळे झाल्याचा दावा करण्यात आला. तसेच नरेंद्रनगर रेल्वे अंडरब्रिजमधील जलभरावाची जबाबदारीही पीडब्ल्यूडीकडे असल्याचे मनपाने स्पष्ट केले.

४ ऑगस्टला पुढील सुनावणी

या प्रकरणाची पुढील सुनावणी ४ ऑगस्ट रोजी होणार आहे. याचिकाकर्त्यांतर्फे ॲड. परवेज मिर्झा आणि ॲड. मृणाल चक्रवर्ती, मनपातर्फे ॲड. जेमिनी कासट, तर नासुप्रतर्फे ॲड. गिरीश कुंटे यांनी न्यायालयात बाजू मांडली.

– महा Live News | विशेष प्रतिनिधी : महेश शिंपी