Jiten chetia"sasoni”

25/07/2025

24/07/2025

তোমাৰ আঙুলি পাবত গজি উঠে,,,মোৰ প্ৰেম ঠিকনা………
………………………………………
পবালি পবালি
তোমাৰ ধুনীয়া আঙুলিত
গজি উঠে
মোৰ প্ৰেম ঠিকনা ---

হাতখন তোমাৰ
অনুভৱ বোৰ মোৰ

চুই চোৱানা চুই চোৱা
মোৰ উত্তাপিত কলিজাৰ
সঁচা স্পন্দন

ভাল লগাবোৰ উজাই আহক বুকুলৈ
শিহৰণ হৈ সমগ্ৰ সত্বা চুই যাওক
এটি কম্পিত অনুৰাগ

কাৰণ
নিঃসংগতাত বলি হৈ কেতিয়াও নিপিন্ধো এন্ধাৰৰ পোচাক
জীৱনত ৰঙ আছে
দুখক সুখী কৰি
সেয়েহে
জীৱন জিজ্ঞাসা পূৰাও।

জিতেন চেতিয়া

23/07/2025

পিতাই কৰ্ষিত জীৱনে সোনফুল মাতে
------------------------------------------------------
বহাগৰ বকিয়াইদি আগুৱাই অহা ,
বাৰিষাৰ ঢলত প্লাৱিতা হয় ,
পিতাই কৰ্ষিত জীৱন ৷
উৰ্বৰা সুখত লহপহকৈ জী উঠা
পিতাই আশা আই দুহাতেৰে তুলি ধৰে ,
সেউজ কামনাত ৷
এইবাৰ কঁঠালৰ মুচি সৰকৈ ওলমিছে
পদুমী
আমেই বান কঁঠালেই ধান
নিয়নি কৰা শব্দ বুটলি আনি
পিতায়ে আইক কয়
পিয়ালিৰ পানী পটাত বিয়পি পৰে
আই পিতাই মধুৰ আলাপ
প্ৰেমাকুল হৈ উঠে পৰিবেশ
য’ত বিলাসিতাই আমনি নকৰে,
চহা আই- পিতায়ে নাজানে বিলাসিতাৰ আঁচলত ফুলা
ফুলৰ ৰং কেনেকুৱা !
আইয়ে দিয়া ফিকা চাহৰ সোৱাদ লৈ,
সুখৰ সংসাৰ গঢ়া পিতাইৰ কথাবোৰ,
আইৰ কাণত যুৰীয়া থুৰীয়াহৈ
জিলিকে ৰ’দত !!

✍️✍️ জিতেন চেতিয়া

21/07/2025

এটি সুন্দৰ দিনৰ শুভকামনাৰে _

20/07/2025

এজন ব্যক্তি যাৰ নামেই এটা বৃহত অনুষ্ঠান যাৰ পৰিচয় নিৰ্ভিক,স্পষ্টবাদী আৰু কলমক গুৰুত্ব দিয়া স্বাভিমানী পুৰুষ নাহৰকটীয়া দীঘলাপথাৰৰ নিবাসী প্ৰয়াত ডামচাও বুলন শইকিয়া। প্ৰথম পৰিচয়তে যেন শব্দৰ মালিতাই শব্দৰ ৰঙালিচা হেলা ৰঙে পাৰি দিয়ে।নাহৰকটীয়াৰ সমাজ জীৱনত তেখেতৰ অবদান কিমান তাক হয়তু শব্দৰে সমাপন কৰিবলৈ মোৰ সিমান সামথ্য নাই কাৰণ তেওঁ এখন অ-ঘোষিত বৃহত্তৰ অসমীয়া সমাজ আছিল।য'ত ধৰ্ম,বৰ্ণ,জাতিৰ কোনো স্থান নাছিল আছিল কেৱল মানুহ প্ৰমুল্যৰ গুৰুপ্ত।নাহৰকটীয়াৰ সকলো স্তৰৰ মানুহে ব্যক্তিগত ভাৱে পৰিচিত আছিল। এক বজ্ৰ কণ্ঠৰ অধিকাৰী কবলৈ ভয় নকৰা নিৰ্ভিক ,স্পষ্টবাদী ব্যক্তিজন যেতিয়া আমাৰ তিনি-আলিৰ আদ্দাত লগ পাওঁ যেতিয়া তেওঁ শব্দৰে হৈতে ধেমালি কৰি কথাবোৰ যতিয়া কয় তেতিয়া কিবা কবিতা কবিতা যেন লাগে।তেওঁৰ যি যাত্ৰা এজন সংবাদ কৰ্মীৰ পৰা বৌধ ভিক্ষু,গন্থকাৰ,প্ৰবন্থকাৰ,কবি,সমাজ সংগঠক,নাহৰকটীয়া প্ৰেছ গ্লিল প্ৰতিষ্ঠাপক আদি কৈ শেষ নোহোৱা অনুষ্ঠান-প্ৰতিষ্ঠানৰ সংগঠক যাৰ সমিক্ষ্যা কৰা আমাৰ যোগ্যতায়ে নাই তথাপিও তেওঁ পৰা পোৱা এটা স্পষ্ট পৰামৰ্শ আজিওঁ মনৰ মাজত সংপৃত হৈ আছে "সংগঠন কৰিছ ক'ৰ কিন্তুু হেও নহবি'! শেষত এটাই ক'ম নাহৰকটীয়াক প্ৰধান্য দিয়া এই ব্যক্তিজন কোনো মহাপুৰুষ বা মহান মনিষি নহয় কিন্তুুু তাতকৈ কমো নহয়।মানুহৰ মন জয় কৰা মানুহ জন সদায়ে আমাৰ মনত জীয়াই থাকিব।তেও কিন্তুু ৰাজনীতি কৰা নাছিলে সেইকাৰণে তেওঁ সকলোৰে প্ৰিয় হৈ আছিল।তেওঁ প্ৰতি থকা মোৰ শ্ৰদ্ধা,মৰম,ভালপোৱা এই দৰে প্ৰকাশ কৰিলোঁ।
Chao Bijoy Chandan Rajkonwar
Rudra Sagar Buragohain
Sagar Sonowal
Naba Saikia New
Chao Nabadeep Boruah

20/07/2025

এৰাতিৰ বাবে মই মাতাল হব খোজো ফটিকাৰ ৰাগীত ।

এৰাতিৰ বাবে মই মাতাল হম ফটিকাৰ ৰাগীত
এপেগ এপেগকৈ গলাধন কৰি যাম মদিৰা
লজ্বাহীন নগ্নতা

মনটো মোৰ উৰুঙা হৈ পৰিব

ছৈ নিদিযা জীৱনৰ পৰিভাষা
কেচাঁ বুটৰ সানমিহলিত চোৱাই চোৱাই নাশ কৰি
পি যাম ফটিকাৰ গৰল

জহন্নামে যায যদিও যাওঁক মোৰ এনিশা

আই গভ'ত থাকোতে পিতাই সপোন দেখিছিলে
আল্লাদিনৰ চাকিটোৰ নিচিনা তেজাল সপোন
কবপাৰি
এইযা পিতাই সোনালী সপোন
কাৰণ সপোন দেখা তেনেই সহজ
সপোনক বাস্তৱলৈ অনাটোহে জটিল ভগ্নাংশ

আজি ওৰে ৰাতি কেবল পি যাম সুৰা
মাতাল হম মন গলে কান্দিম মন গলে হাঁহিম
উপন্যাসৰ পৃষ্ঠা পঢ়া দৰে পঢ়িম
জুপুৰী ঘৰবোৰত নিবাস প্ৰাণীৰ চটফটনি
এজাক ভেনামাখিৰ ভোনভোননিৰ অথ'
শগুন সভাৰ লুভীযা কায্য'বিৱৰনী
জুমি জুমি চাম
একুৱাৰিমৰ অহং অভিজাত্যত উশাহ সলাৱ নোৱাৰা সভ্যতা

পি যাম কেৱল পি যাম
সুৰাৰ শেষ টোপাল কণাটো বিচাৰিম
জীৱনৰ আমেজ
পৰাধীন আত্মাৰ ফুটা কপালত ঢপৰিযাই ঢপৰিযাই চিঞৰিম
আই এম এ ডেম কেযাৰ

এইযা হব মোৰ এদিন সুখৰ পঞ্জি

18/07/2025

যি নিজক বিশ্বাস কৰিব নোৱাৰে সিয়েই অন্ধবিশ্বাস আকোঁৱালি বিশ্বাস বুলি প্ৰতিপন্ন কৰিব বিচাৰে _