01/09/2026
কাছাৰত পথ দুৰ্ঘটনাত মহিলাৰ মৃত্যু: চালকৰ অমানৱীয় কাণ্ডক লৈ ড’লু ঘাইপথত উত্তাল প্ৰতিবাদ।
বিৱৰণ: কাছাৰ জিলাৰ ড’লু ঘাইপথত সংঘটিত এক হৃদয়বিদারক পথ দুৰ্ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে। জানিব পৰা মতে, বৰখলাৰ কালিনগৰৰ ৬০ বছৰীয়া পূৰ্ণিমা সিঙক এখন তীব্ৰবেগী অট’ই খুন্দা মাৰি পেলাই দিয়ে। দুৰ্ভাগ্যজনকভাৱে, চালকজনে তেওঁক চিকিৎসালয়লৈ নিয়াৰ ভাও ধৰি হাবিত পেলাই থৈ পলায়ণ কৰে।
নিশা পৰিয়ালৰ লোকৰ তৎপৰতাত তেওঁক উদ্ধাৰ কৰি শিলচৰ মেডিকেল কলেজ হাস্পতাললৈ লৈ যোৱা হয় যদিও চিকিৎসাধীন অৱস্থাত মহিলাগৰাকীৰ মৃত্যু হয়। এই অমানৱীয় কাণ্ড আৰু মহিলাগৰাকীৰ মৃত্যুক লৈ স্থানীয় ৰাইজে শুকুৰবাৰে দিনৰ ১ বজাৰ পৰা ড’লু ঘাইপথ অৱৰোধ কৰি সাব্যস্ত কৰে উত্তাল প্ৰতিবাদ। ৰাইজে দোষী চালকজনক গ্ৰেপ্তাৰ কৰি উপযুক্ত শাস্তি প্ৰদানৰ দাবী জনাইছে।
