05/11/2025
पोकलोक कामराङ अन्तर्गत नन्दगाउँ जिपियुमा एसकेएम पार्टीको समिति गठन तथा सदस्यता अभियान सम्पन्न
पोकलोक, ५ नोभेम्बर २०२५।
पोकलोक कामराङ निर्वाचन क्षेत्र अन्तर्गत ३८ नं. नन्दगाउँ जिपियुमा आज सिक्किम क्रान्तिकारी मोर्चा (एसकेएम) पार्टीको समिति गठन तथा सदस्यता अभियान (Membership Drive) कार्यक्रम भव्य रूपमा सम्पन्न भयो।
कार्यक्रमका प्रमुख अतिथि विकास विभाग तथा खाद्य तथा नागरिक आपूर्ति विभागका माननीय मन्त्री एवम् क्षेत्रीय विधायक श्री भोजराज राई रहनुभएको थियो। उहाँलाई पार्टी कार्यकर्ता र स्थानीय जनसमुदायले उत्साहपूर्वक स्वागत गरेका थिए।
यस अवसरमा पोकलोक–नन्दगाउँ जिल्ला समष्टिकी माननीय जिल्ला पञ्चायत सदस्य श्रीमती विष्णु माया शर्मा, आसाङथाङ–सालघारी जिल्ला समष्टिका माननीय जिल्ला पञ्चायत सदस्य श्री दोर्जी भोटिया, देन्चुङ जिल्ला समष्टिका माननीय जिल्ला पञ्चायत सदस्य श्री अल्बर्ट तामाङ, साथै पोकलोक र देन्चुङ जिपियुका माननीय पञ्चायतगण, पूर्व पञ्चायतगण, राज्य स्तरीय एसकेएम सामाजिक सञ्जालकी सचिव श्रीमती अनु तामाङ, क्षेत्रीय अध्यक्ष श्री ग्याल्पो लेप्चा, महासचिव श्री देवराज राई, सल्लाहकार श्रीमती जुनु लेप्चा र श्री एस.बी. भण्डारी, संयुक्त सचिव श्री कमल गुरुङ, उपाध्यक्ष श्री पूर्ण विश्व, युवा संयोजक श्री नगेन तामाङ, ओएसडी श्री फुर्देन लेप्चा र श्रीमती छिरिङ डेम भुटिया, श्रीमती रवीना राई, पूर्व जिल्ला नारी संयोजिका श्रीमती बबिता लिम्बू, पूर्व जिल्ला पञ्चायत श्री रबिन्द्र राई, साथै क्षेत्रीय सिएलसी सदस्यहरू, सक्रिय पार्टी कार्यकर्ता, युवा तथा नारी शक्ति सदस्यहरूको उल्लेखनीय उपस्थिति रहेको थियो।
कार्यक्रम अन्तर्गत पोकलोक जिपियुका सात वटै वॉर्डहरूबाट युवा तथा महिलाहरूको वॉर्डस्तरीय समिति गठन गरी पार्टीको जिम्मेवारी हस्तान्तरण गरिएको छ।
मन्त्री राईले आफ्नो सम्बोधनमा पार्टीको संगठनात्मक बल सुदृढ पार्दै जनताको सेवा र विकासका अभियानलाई अझ प्रभावकारी बनाउन सबैलाई एकताबद्ध भएर काम गर्न आह्वान गर्नुभयो।
सदस्यता नवीकरण तथा समिति गठनको यस अभियानले एसकेएम पार्टीको संगठनात्मक संरचना सुदृढ गर्दै जनतासँगको प्रत्यक्ष सम्पर्क र विश्वास अझ मजबुत बनाउने लक्ष्य लिएको आयोजकले जानकारी दिएका छन्।
