Nanded City News

Home
India
Nanded
Nanded City News

Specifically focusing, Dis. Nanded, Maharashtra, Publishing since 2012 | 📞8055337333

16/01/2025

हजरत हाजी सय्याह सरवरे मगदूम बडी दर्गाह कंधार उर्स निमित्त 17 जानेवारी रोजी नांदेड जिल्ह्यात स्थानिक सुट्टी जाहीर करण्यात आली आहे.

#

16/01/2025

विधानसभा सार्वत्रिक निवडणुकीत सहकार्य ; नागार्जुना पब्लिक स्कुलचा गौरव

#नांदेड दि.१६ जानेवारी : नांदेड लोकसभा पोटनिवडणूक व विधानसभा सार्वत्रिक निवडणुकीत प्रशिक्षण व अन्य निवडणूक कार्यासाठी मदत करणाऱ्या नागार्जुन पब्लिक स्कूलच्या कर्मचाऱ्यांचा आज जिल्हाधिकाऱ्यांनी सत्कार केला.

नागार्जुना पब्लिक स्कुल ,कौठा,नांदेड या शाळेने निवडणुकीच्या प्रक्रियेसाठी तथा मतदान अधिकारी-कर्मचारी यांच्या संपूर्ण प्रशिक्षणासाठी शाळेची इमारत, परिसर,सर्व सुविधा, साधनसामग्री, डिजिटल व्यवस्था आणि मनुष्यबळ पुरविले होते. अशा सर्व बाबींचे भरीव सहकार्य केल्यामुळे शाळेस गौरव सन्मानपत्र देवून अभिजीत राऊत, जिल्हा निवडणूक अधिकारी तथा जिल्हाधिकारी, नांदेड यांच्या हस्ते नुकतेच जिल्हाप्रशासन कार्यालयात सन्मानित करण्यात आले.

डॉ. सचिन खल्लाळ, निवडणूक निर्णय अधिकारी 087 विधानसभा मतदारसंघ तथा उपविभागीय अधिकारी, नांदेड यांच्या संकल्पनेतून नितेशकुमार बोलोलू,नायब तहसीलदार यांनी लेखन केलेले सुबक गौरव सन्मानपत्र तयार करण्यात आले होते. यावेळी अभिजीत राऊत यांनी असा उपक्रम राबविल्याबद्दल अभिनंदन करुन शाळेचे कौतुक करुन आभार व्यक्त केले. भविष्यात असेच सहकार्य करण्याचे आवाहन केले. सदरील गौरव सन्मानपत्र नागार्जुना शाळेचे सचिव केशव गड्डम,प्रिसिंपाँल प्रा.शैला आर. पवार, लेखाविभाग प्रदीप पवार, सहसचिव श्रीकांत गड्डम,संचालिका श्रीमती दुर्गा श्रीकांत गड्डम,प्रशासनिक कार्यवाह मनोज महाराज, सुशील माळवतकर व मोईन खान यांनी स्विकारले. यावेळी नायब तहसीलदार नितेशकुमार बोलोलू,प्रशिक्षण कक्ष सदस्य संजय भालके,राजेश कुलकर्णी व मकरंद भालेराव यांची उपस्थिती होती. या कार्यक्रमाचे सुत्रसंचालन सेवानिवृत्त राज्य पुरस्कार प्राप्त शिक्षक आर.जी.कुलकर्णी यांनी केले तर आभार एस.व्हि.भालके यांनी व्यक्त केले.
0000

#विधानसभा

16/01/2025

भारतीय थलसेना दिनी सगरोळी सैनिकी शाळेत लढाऊ विमानांच्या चित्तथरारक कवायती : सीमा सुरक्षा दलाचे महानिरीक्षक यांचे मार्गदर्शन तर वार्षीक स्नेहसमेलनानिमित्त विद्यार्थ्यांचे कलागुणांचे सादरीकरण

भारतीय सैन्य दलात वापरली जाणारी अनेक प्रकारची लढाऊ विमाने हवेत घिरट्या घेताना पाहून संस्कृति संवर्धन मंडळ सगरोळी संस्थेच्या आणि परिसरातील शाळेतील अशा एकूण पाच हजार विद्यार्थी, शिक्षक, निमंत्रित आणि पालक यांची नजर दोन तास खिळवून ठेवली. निमित्त होते सैनिकी विद्यालय सगरोळी येथे दिनांक १५ जानेवारी रोजी आयोजित भारतीय थल सेना निमित्त आयोजित एरोमॉडलिंग शो आणि सैन्य अधिकारी यांचा सन्मान सोहळा.

एरोमोडेलिंग साठी प्रसिद्ध असलेले पुणे येथील सदानंद काळे आणि त्यांच्या संचाने भारतीय सैन्य दलातील अनेक लढाऊ विमानांची माहिती सांगत असताना प्रत्यक्षिकाद्वारे त्यांचे सादरीकरण करून उपस्थितांच्या टाळ्या मिळविल्या. तद्नंतर देशासाठी पूर्णाहुती दिलेल्या सैनिकांना चाकूर जिल्हा लातूर येथील सीमा सुरक्षा दलाचे महानिरीक्षक विनीत कुमार यांच्या हस्ते पुष्पचक्र वाहण्यात आले. यावेळी ४० हून अधिक माजी सैनिक उपस्थित होते.

मान्यवरांना सैनिकी विद्यालयातील बालसैनिकांनी मानवंदना दिल्यानंतर विनीत कुमार यांनी विद्यार्थ्याना मार्गदर्शन करताना 3D (Dedication, Devition and Determination) समर्पण, भक्ती आणि दृढनिश्चय हे तीन गुणांमुळे राष्ट्राचे रक्षण होते असे सांगितले. उपस्थित माजी सैनिकांचा सत्कार यावेळी करण्यात आला.

दुपार सत्रात पालकांसाठी मनोरंजक विविध खेळ घेण्यात आले तर रात्री सैनिकी विद्यालयातील विद्यार्थ्यानी विविध कलागुण दर्शनातून चार तास प्रेक्षकांना मोहित केले.

या एकदिवसीय कार्यक्रमाच्या यशस्वी आयोजनबद्दल संस्थेचे चेअरमन, संचालक आणि पदाधिकारी यांनी सैनिकी विद्यालय टीमचे कौतुक केले.

16/01/2025

अंबुलगा, ता. कंधार: श्री संत माणिक प्रभू महाराज पुण्यतिथीनिमित्त विविध कार्यक्रमांचे आयोजन

श्री संत माणिक प्रभू महाराज यांच्या 153व्या पुण्यतिथी व यात्रेचे आयोजन दरवर्षीप्रमाणे यंदाही अंबुलगा, तालुका कंधार येथे करण्यात आले आहे. या निमित्ताने विविध सांस्कृतिक, क्रीडा आणि पारंपरिक कार्यक्रमांचे आयोजन करण्यात आले आहे.

कार्यक्रमांची रूपरेषा:

दि. 19 व 20 जानेवारी 2025: होलीबॉल स्पर्धा (पहिलं बक्षीस ₹15,000)

दि. 21 जानेवारी 2025: कुस्ती स्पर्धा (पहिलं बक्षीस ₹21,000)

दि. 22 जानेवारी 2025: रेड्यांच्या टकरी स्पर्धा (पहिलं बक्षीस ₹21,000)

दि. 23 जानेवारी 2025: पशुप्रदर्शन

या कार्यक्रमांमुळे यात्रा अधिक उत्साहपूर्ण होणार आहे. भाविकांसाठी ही एक विशेष पर्वणी ठरणार असून, आयोजकांनी या सोहळ्यात मोठ्या संख्येने सहभागी होण्याचे आवाहन केले आहे.

16/01/2025

नामविस्तार दिनानिमित्त हदगाव तालुक्यातील चक्री येथील पंचशिल बुद्धविहारात भगवान गौतम बुद्ध यांच्या मूर्तीची प्रतिष्ठापना करण्यात आली. मूर्तीस्थापनेपूर्वी गावातून काढण्यात आलेल्या मिरवणुकीत सहभागी झालेले अनुयायी.

16/01/2025

रस्त्यावरचे 34 टक्के मृत्यू हेल्मेट न घालण्यामुळे: रस्ता सुरक्षा सप्ताहात स्वसुरक्षेचे आवाहन

नांदेड, दि. 15 जानेवारी: रस्त्यावर होणाऱ्या अपघातांमध्ये 34 टक्के मृत्यू हे हेल्मेट न घातल्यामुळे होतात. त्यामुळे नागरिकांनी कोणत्याही कायद्याची कडक अंमलबजावणी होण्याआधीच स्वसुरक्षेसाठी हेल्मेटचा वापर करावा. सीटबेल्ट लावावा आणि वाहन चालवताना भ्रमणध्वनीचा वापर टाळावा, असे आवाहन उपप्रादेशिक परिवहन कार्यालयामार्फत करण्यात आले आहे.

नांदेडसारख्या छोट्या जिल्ह्यात एका वर्षात 350 हून अधिक नागरिकांचा अपघातांमध्ये मृत्यू होतो, हा आकडा एखाद्या महामारीसारखा गंभीर आहे. वाहन चालवताना अपघाताचा धोका टाळण्यासाठी प्रतिबंधात्मक उपाययोजना करणे अत्यावश्यक आहे.

स्वसुरक्षेसाठी नागरिकांनी घ्यावयाच्या खबरदाऱ्या:

हेल्मेट आणि सीटबेल्टचा नियमित वापर

वाहन चालवताना मोबाईलचा वापर टाळणे

दारूच्या नशेत वाहन न चालवणे

वेगावर नियंत्रण ठेवणे

एलईडीसारख्या प्रखर प्रकाशाच्या दिव्यांचा वापर न करणे

रस्ता सुरक्षा सप्ताहाच्या निमित्ताने, प्रत्येकाने या नियमांचे काटेकोरपणे पालन करून स्वतःच्या व इतरांच्या सुरक्षिततेसाठी योगदान द्यावे, असे आवाहन उपप्रादेशिक परिवहन अधिकाऱ्यांनी केले आहे.

15/01/2025

केळीला योग्य दर मिळवून देण्यासाठी जळगावच्या धर्तीवर नांदेडमध्येही केळीचे क्लस्टर उभे राहावे यासाठी केंद्र सरकारकडे पाठपुरावा करू, असे आश्वासन खासदार प्रा. रवींद्र चव्हाण यांनी दिले नांदेड जिल्ह्यात मुदखेड, अर्धापूर, भोकर, नांदेडसह इतर तालुक्यात केळीचे पीक मोठ्या प्रमाणात घेतले जाते. या भागातील केळी उत्पादन वाढविण्यासाठी पायाभूत सुविधा निर्माण करणे आणि केळीला योग्य दर मिळवून देण्यासाठी जळगावच्या धर्तीवर नांदेडमध्येही केळीचे क्लस्टर उभे राहावे यासाठी केंद्र सरकारकडे पाठपुरावा करू, असे आश्वासन खासदार प्रा. रवींद्र चव्हाण यांनी दिले.मुदखेड तालुक्यातील बारड येथे माजी आमदार कै. साहेबराव बापू यांच्या निवासस्थानी खासदार चव्हाण यांनी केळी उत्पादकांशी संवाद साधला. या वेळी माजी सभापती सुनील देशमुख, काँग्रेस तालुकाध्यक्ष प्रताप देशमुख, ॲड. संदीप देशमुख, कैलास गोडसे, प्रा. संदीपकुमार देशमुख, जिल्हा परिषदेचे माजी सदस्य प्रल्हाद सोळुंके, माजी सभापती संजय बेळगे, शिवसेना जिल्हाप्रमुख बबन बारसे, स्वाभिमानी शेतकरी संघटनेचे जिल्हाध्यक्ष हनुमंत राजेगोरे, महंमद गौस, लक्ष्मण देवदे, माधव हामंद, अनुराग बारडकर आदी उपस्थित होते.खासदार चव्हाण म्हणाले, ‘‘राज्यात जळगावनंतर नांदेड जिल्ह्यातून देशाअंतर्गत व बाहेरही केळी उत्पादनाची मोठ्या प्रमाणात निर्यात होते. परंतु आजतागायत केळीचे क्लस्टर झाले नसल्यामुळे केळी उत्पादक शेतकऱ्यांना अनेक अडचणींना सामोरे जावे लागते आहे. आपण स्वतः कृषी पदवीधर असल्यामुळे शेतकऱ्यांच्या समस्या जवळून अनुभवतो.अर्धापुरी केळीसाठी प्रसिद्ध असलेला नांदेड जिल्हा आता आधुनिक पद्धतीने केळी घेत आहे. या भागात केळी उत्पादक शेतकऱ्यांसाठी कोल्ड स्टोरेज, शेतीसाठी भक्कम रस्ते इत्यादी पायाभूत सुविधांबरोबरच केळीचे क्लस्टर उभे करून केळी उत्पादक शेतकऱ्यांना त्यांच्या घामाचे, हक्काचे दाम मिळवून देऊ.’’ पीकविम्यासंदर्भात लवकरच जिल्हाधिकाऱ्यांसमवेत बैठक लावण्याचे आश्वासनही त्यांनी दिले.

हनुमंत राजेगोरे यांनी शेतकऱ्यांच्या वतीने केळी पीकविमा, रोपनिर्मिती, कोल्ड स्टोरेज आदी सुविधांबाबत चर्चा करीत नांदेड जिल्ह्यात केळीचे क्लस्टर उभे करावे, अशी मागणी खासदार प्रा. रवींद्र चव्हाण यांच्याकडे केली.

15/01/2025

शिंदे, काकडेंचा भाजप प्रवेश; काँग्रेसला आणखी एक धक्का

नांदेड, दि. १५ जानेवारी २०२५:
नांदेड जिल्ह्यात काँग्रेस पक्षाला मोठा फटका बसला असून, माजी जिल्हा परिषद सदस्य मनोहर पाटील शिंदे आणि गंगाप्रसाद काकडे यांनी भाजपात प्रवेश केला आहे. त्यांच्या समवेत नांदेड दक्षिण विधानसभा मतदारसंघातील आणि ग्रामीण भागातील अनेक सरपंच, माजी सरपंच, पदाधिकारी आणि प्रमुख कार्यकर्तेही भाजपमध्ये सामील झाले.

भाजपचे ज्येष्ठ नेते आणि माजी मुख्यमंत्री खा. अशोकराव चव्हाण यांच्या नेतृत्वाखाली पक्षप्रवेश सोहळा पार पडला. यावेळी भाजप प्रदेश उपाध्यक्ष माजी आमदार अमरनाथ राजूरकर, माजी नगरसेवक बालाजी जाधव आणि इतर महत्त्वाचे नेते उपस्थित होते.

पक्षप्रवेश करणारे महत्त्वाचे नेते व कार्यकर्ते:

माजी सरपंच: साहेबराव सेलुकर (गोपाळ चावडी), गंगाधर ऊर्फ पिंटू पाटील शिंदे (धनेगाव), पुंडलिक मस्के (बाभुळगाव).

सरपंच: दत्ता पाटील जाधव (वांगी), माधव पाटील पुयड (पिंपळगाव मिश्री).

काँग्रेस व राष्ट्रवादीचे प्रमुख कार्यकर्ते: गंगाधर नरवाडे, सतिश बस्वदे, रमेश तालीमकर.

शिंदे आणि काकडे यांच्या भाजप प्रवेशामुळे काँग्रेसची ताकद कमकुवत झाली आहे. महाविकास आघाडीतून पदाधिकारी बाहेर पडण्याचे प्रमाण वाढत असून, भाजपला ग्रामीण भागात बळ मिळत असल्याचे दिसून येत आहे.

हा बदल आगामी निवडणुकांवर मोठा परिणाम करणारा ठरू शकतो, असे तज्ज्ञांचे मत आहे.

15/01/2025

नांदेड: मुख्यमंत्री युवा कार्य प्रशिक्षणार्थ्यांचा मूक मोर्चा
दि. 15 जानेवारी 2025

नांदेडमध्ये मुख्यमंत्री युवा कार्य प्रशिक्षणार्थ्यांनी आपल्या विविध मागण्यांसाठी आज मूक मोर्चा काढला. हा मोर्चा ITI कॉर्नरपासून जिल्हाधिकारी कार्यालयापर्यंत शांततेने पार पडला.

प्रमुख मागण्या:

1. प्रशिक्षणानंतर कायमस्वरूपी रोजगाराची हमी द्यावी.

2. विद्या वेतनामध्ये लक्षणीय वाढ करावी.

3. विद्या वेतन नियमित व वेळेवर देण्याची हमी द्यावी.

प्रशिक्षणार्थ्यांनी शासनाच्या निर्णयप्रक्रियेला गती देऊन त्यांचे प्रश्न सोडवावेत अशी विनंती केली. या मूक मोर्चाला अनेकांनी पाठिंबा दर्शवला असून प्रशासनाकडून सकारात्मक प्रतिसादाची अपेक्षा आहे.

15/01/2025

महायुती मजबूत आणि एकसंध; मतभेदांच्या अफवा निराधार: संतोष पांडागळे

नांदेड, दि. १४ जानेवारी २०२५: जिल्ह्यातील महायुतीच्या नेत्यांमध्ये मतभेद असल्याचे समाजमाध्यमांवर पसरवले जाणारे वृत्त पूर्णतः चुकीचे, निराधार आणि तर्कहीन आहे. प्रत्यक्षात जिल्ह्यात महायुती एकसंध असून, नेत्यांमध्ये कोणतेही मतभेद नाहीत, असे स्पष्ट मत भाजपचे जिल्हा प्रवक्ते संतोष पांडागळे यांनी व्यक्त केले आहे.

पांडागळे यांनी सांगितले की, “राज्य पातळीवर मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार हे तिघेही एकत्रितपणे काम करत आहेत. महायुतीच्या सरकारने पहिल्या १०० दिवसांत लोकहिताच्या योजना प्रभावीपणे राबवल्या असून जालना-नांदेड समृद्धी महामार्ग प्रकल्पालाही गती दिली आहे. जिल्ह्यातही महायुतीच्या नेत्यांमध्ये प्रबळ एकजूट आहे.”

ते पुढे म्हणाले, "महाविकास आघाडी हताश आणि दिशाहीन झाली आहे. विधानसभा निवडणुकीत पराभूत झाल्यानंतर त्यांनी निराशेतून महायुतीबद्दल अफवा पसरवण्याचा प्रयत्न केला आहे. मात्र, महायुतीने विधानसभेतील सर्व ९ जागा जिंकून आपली ताकद दाखवून दिली आहे. याशिवाय, महाविकास आघाडीतील नेते आणि कार्यकर्ते आता महायुतीच्या पक्षांमध्ये सामील होत असून, यामुळे महायुतीचे स्थानिक नेतृत्व अधिक मजबूत होत आहे."

समाजमाध्यमांवरील अफवांवर विश्वास ठेवू नका, असे आवाहन करत पांडागळे यांनी महायुतीच्या एकतेवर विश्वास ठेवण्याचे जिल्हावासीयांना आवाहन केले.

15/01/2025

नांदेडचे साहसी जलतरणपटूंचा आमदार बालाजी कल्याणकर यांच्या हस्ते गौरव

नांदेड, दि. १२ जानेवारी २०२५: राष्ट्रीय युवक दिनाच्या निमित्ताने, महाराष्ट्र राज्य हौशी जलतरण संघटनेतर्फे मालवण समुद्रकिनारी २१ व २२ डिसेंबर २०२४ रोजी आयोजित साहसी सागरी जलतरण स्पर्धेत विशेष प्राविण्य मिळवणाऱ्या नांदेडच्या जलतरणपटूंचा नांदेड दक्षिणचे आमदार श्री बालाजी कल्याणकर यांच्या हस्ते सत्कार करण्यात आला. समुद्राच्या पार्श्वभूमीशिवाय या जलतरणपटूंनी मिळवलेले यश नांदेडसाठी अभिमानास्पद ठरले आहे.

स्पर्धेत सहभागी जलतरणपटूंनी विविध अंतरांत प्राविण्य मिळवले:

१० कि.मी.: राजेंद्र ताटे, गंगाधर पवार

५ कि.मी.: ईशान चालीकवार, आदित्य नरवाडे

३ कि.मी.: अभिनव गायकवाड, आरीख अश्रण शेख, श्रीया सोनटक्के, ओमकार पोलकेवार, वेदांत क्षीरसागर, जयप्रकाश क्षीरसागर, शेख फिरोज, मुकेश बुकारी, बालाजी पवार, गंगाधर सूर्यवंशी, रामेश्वर जाधव

२ कि.मी.: भास्कर आत्रे, प्रकाश बोकारे, विरभद्र इडगे, रुद्र गंदेवार, सनिधी अकोले, आरोही मोगले, संकेत तोटावार, शेख झोहा

१ कि.मी.: श्रीशा देशमुख, श्लोक सोनटक्के, मनन सावरगावे, प्रियांशु रब्बेवार, मुकेश कबनूरे, अश्रण अश्रफील शेख, मल्हार कदम

यावेळी जलतरणपटूंना मार्गदर्शन करणारे प्रशिक्षक राजेश सोनकांबळे, संघर्ष सोनकांबळे, आणि मयूर केंद्रे यांचा देखील सत्कार करण्यात आला.

कार्यक्रमाच्या अध्यक्षस्थानी राष्ट्रीय जलतरण संघटनेचे अध्यक्ष श्री बापू किनगावकर होते. त्यांनी जलतरण क्षेत्रात प्रोत्साहन देण्याचे आवाहन केले. संघटनेचे सचिव रंजीत नरवाडे यांनी जलतरण क्षेत्रातील समस्यांकडे आमदार साहेबांचे लक्ष वेधले असता, त्यांनी सकारात्मक तोडगा काढण्याचे आश्वासन दिले.

कार्यक्रमाचे सूत्रसंचालन आनंद देशमुख व अनिल बिंगेवार यांनी केले, तर सावरगावे, गंदेवार, भालेराव, आणि अकोले यांनी कार्यक्रम यशस्वी करण्यासाठी विशेष परिश्रम घेतले. गोदावरी स्विमिंग ग्रुपचे सदस्य आणि जलतरणपटू मोठ्या संख्येने उपस्थित होते.

15/01/2025

श्याम कांबळे यांना समता गौरव राज्यस्तरीय पुरस्कार जाहीर झाल्याबद्दल वंचित बहुजन आघाडीचे प्रदेश उपाध्यक्ष फारुक अहमद यांच्या हस्ते सत्कार करण्यात आला.

नांदेड: वंचित बहुजन आघाडीचे जिल्हा महासचिव, दैनिक युगांतरचे मुख्य संपादक श्याम कांबळे यांना भारतरत्न डॉ. बाबासाहेब आंबेडकर समता गौरव राज्यस्तरीय पुरस्कार 2024-2025 जाहीर झाल्याबद्दल त्यांचा वंचित बहुजन आघाडीचे प्रदेश उपाध्यक्ष फारुक अहमद यांच्या हस्ते सत्कार करण्यात आला. या वेळी ज्येष्ठ पत्रकार लक्ष्मणराव भवरे यांनीही उपस्थिती लावून श्याम कांबळे यांच्या कार्याची प्रशंसा केली.

फारुक अहमद यांनी श्याम कांबळे यांचे कौतुक करत सांगितले की, “कांबळे यांनी नेहमीच सामाजिक न्याय आणि वंचितांच्या हक्कांसाठी आवाज उठवला आहे. त्यांच्या कार्यामुळेच त्यांना हा प्रतिष्ठित पुरस्कार मिळाला असून, हा गौरव संपूर्ण जिल्ह्यासाठी अभिमानास्पद आहे.”

15/01/2025

माजी मुख्यमंत्री अशोक चव्हाण यांनी ३८ व्या अखिल भारतीय बौद्ध धम्म परिषदेत सहभाग

अर्धापूर (जि. नांदेड): माजी मुख्यमंत्री आणि खासदार अशोक चव्हाण यांनी अर्धापूर तालुक्यातील बावरीनगर, दाभड येथे महाविहारच्या वतीने आयोजित ३८ व्या अखिल भारतीय बौद्ध धम्म परिषदेत सहभाग घेतला. या प्रसंगी त्यांनी उपस्थितांशी संवाद साधत बौद्ध धर्मातील तत्त्वज्ञान, सामाजिक न्याय आणि समानतेच्या विचारांवर भाष्य केले.

कार्यक्रमादरम्यान विविध धार्मिक आणि सांस्कृतिक कार्यक्रमांचे आयोजन करण्यात आले होते. या परिषदेत मोठ्या प्रमाणात लोकांनी सहभाग घेतल्यामुळे दाभड परिसर एकात्मतेचे प्रतीक ठरले.

14/01/2025

लोहा तालुक्यात जलजीवन योजनेतील गैरप्रकारांची चौकशी होणार - आ. प्रतापराव पाटील चिखलीकर
पहिल्याच बैठकीत आ. बोंढारकर यांनी अधिकाऱ्यांना सुनावले

लोहा (वेदांत कोंडावार):
लोहा तालुक्यातील जलजीवन योजनेच्या अंमलबजावणीमध्ये गैरप्रकार झाल्याच्या तक्रारींवर आता कार्यवाही होणार आहे. "ज्या गावांमध्ये पाणीपुरवठा योजनेत चुकीचे सर्वेक्षण व निकृष्ट काम झाले आहे, त्याची चौकशी केली जाईल. गैरव्यवहार करणाऱ्यांना गय केली जाणार नाही," असे स्पष्ट विधान आ. प्रतापराव पाटील चिखलीकर यांनी केले.

लोहा तालुक्यातील संभाव्य पाणीटंचाई निवारण आणि जलजीवन योजनेच्या स्थितीचा आढावा घेण्यासाठी के.के. मंगल कार्यालयात बैठक पार पडली. बैठकीचे अध्यक्षस्थान आ. प्रतापराव पाटील चिखलीकर यांनी भूषविले, तर नांदेड दक्षिणचे आमदार आनंदराव पाटील बोंढारकर यांनी विशेष उपस्थिती दर्शवली.

चौकशीची प्रक्रिया सुरू होणार

बैठकीत आ. चिखलीकर यांनी जिल्हाधिकारी व मुख्य कार्यकारी अधिकारी यांच्या उपस्थितीत 21 किंवा 22 जानेवारी रोजी नांदेड येथे विशेष बैठक घेण्याची घोषणा केली. या बैठकीत जलजीवन योजनेच्या अपूर्ण व निकृष्ट कामांचा आढावा घेतला जाईल. संबंधित अधिकारी, गुंतवणूकदार, ग्रामविकास अधिकारी, तसेच सरपंच व सदस्य यांनाही उपस्थित राहण्याच्या सूचना देण्यात आल्या आहेत.

आ. बोंढारकर यांची अधिकाऱ्यांना कानउघडणी

आ. बोंढारकर यांनी पाणीपुरवठा विभागाला धारेवर धरत त्यांच्या मतदारसंघातील गावांमध्ये झालेल्या त्रुटी व समस्या मांडल्या. त्यांनी जलजीवन योजनेची प्रभावी अंमलबजावणी करण्यावर भर दिला.

मागील पाच वर्षांतील मरगळ दूर करण्याचे आवाहन

"गेल्या पाच वर्षांत तालुक्यात प्रशासनाला मरगळ आली होती. आता ती दूर करण्याची जबाबदारी अधिकाऱ्यांनी घ्यावी. गावांच्या दीर्घकालीन पाणीपुरवठ्यासाठी योजना तयार झाल्या, पण पाणीच पोहोचत नसेल, तर त्या योजनेचा काही उपयोग नाही," असे आ. चिखलीकर म्हणाले.

बैठकीतील मान्यवरांची उपस्थिती

बैठकीत उपविभागीय अधिकारी अरुणा संगेवार, तहसीलदार विठ्ठल परळीकर, माजी नगराध्यक्ष किरण वट्टमवार, माजी सभापती आनंदराव पाटील, विविध विभागांचे अधिकारी, ग्रामपंचायतींचे सरपंच व सदस्य उपस्थित होते. प्रास्ताविक बीडीओ डी.के. आडेराघो यांनी केले, तर सूत्रसंचालन बी.डी. जाधव यांनी केले.

आमदारांचा निर्धार

जलजीवन योजनेतील त्रुटींची चौकशी करून दोषींवर कठोर कारवाई केली जाईल, असे आ. चिखलीकर यांनी ठामपणे सांगितले. योजनेचे अपूर्ण काम लवकरच पूर्णत्वास नेण्यासाठी दोन्ही आमदारांनी प्रयत्नशील राहण्याचा निर्धार व्यक्त केला.

14/01/2025

नांदेड. बावरी नगर येथे आखील भारतिय बौध्द धम्म परिषदेला धम्म ध्वजारोहनाने प्रारंभ त्यानिमित्त महात्मा ज्योतिबा फुले पुतळा ते भारतरत्न डॉ. बाबासाहेब आंबेडकर यांच्या पुतळयापर्यंत धम्म यान संचलन करण्यांत आले. छाया करणसिंह बैस.

14/01/2025

मकर संक्रांतीनिमित्त नांदेडमध्ये बाजारपेठेत उत्साह; तिळगुळ वाण खरेदीसाठी महिलांची गर्दी

नांदेड:
मकर संक्रांतीचा सण अवघ्या काही दिवसांवर येऊन ठेपल्याने नांदेड शहरातील बाजारपेठा सजल्या आहेत. तिळगुळ, वाण, हळदी-कुंकू साठी लागणारे साहित्य खरेदी करण्यासाठी महिलांची विशेष गर्दी दिसून येत आहे.

सणासुदीच्या पार्श्वभूमीवर बाजारात विविध प्रकारच्या तिळगुळाच्या लाडवांपासून खास वाणसामग्रीपर्यंत सर्व वस्तू उपलब्ध असून ग्राहकांकडून मोठा प्रतिसाद मिळत आहे. महिलांसाठी हळदी-कुंकूचे साहित्य, वेगवेगळ्या प्रकारचे तिळगुळ व गोड पदार्थांची खरेदी करण्यात विशेष रस आहे.

उत्साहपूर्ण वातावरण:
बाजारपेठेत तिळगुळ, हलव्याचे दागिने, रांगोळी साहित्य, सणासुदीचे कपडे आणि अन्य वस्तूंची विक्री तेजीत आहे. व्यापारीही या निमित्ताने विशेष ऑफर देऊन ग्राहकांना आकर्षित करत आहेत.

मकर संक्रांतीच्या निमित्ताने "तीळ गूळ घ्या आणि गोड गोड बोला" या भावनेला प्रोत्साहन देत नांदेडकर सणाच्या तयारीला लागले आहेत.
छायाचित्र: करणसिंह बैस.

14/01/2025

राष्ट्रीय भावना जागृत करण्यात खेळाडूंचे मोलाचे योगदान - आ. श्रीजया चव्हाण
22 व्या राज्यस्तरीय सिनियर वुशु अजिंक्यपद स्पर्धेचे भोकर येथे उद्घाटन

नांदेड:
"खेळाडूंच्या शारीरिक क्षमतेसोबतच मानसिक व बौद्धिक विकास होतो, ज्यामुळे सांघिक भावना वृद्धिंगत होते आणि राष्ट्रनिर्मितीला आधार मिळतो," असे प्रतिपादन आ. ॲड. श्रीजया चव्हाण यांनी केले. त्या यशवंत महाविद्यालयाच्या ऑडिटोरियममध्ये आयोजित 22 व्या राज्यस्तरीय सिनियर वुशु अजिंक्यपद स्पर्धेच्या उद्घाटनप्रसंगी बोलत होत्या.

ऑल महाराष्ट्र वुशु असोसिएशन आणि ऑल नांदेड जिल्हा वुशु असोसिएशनच्या संयुक्त विद्यमाने या स्पर्धेचे आयोजन करण्यात आले आहे. या कार्यक्रमाचे अध्यक्षस्थान संत बाबा बलविंदरसिंघजी यांनी भूषविले, तर व्यासपीठावर शिवा संघटनेचे संस्थापक अध्यक्ष प्रा. मनोहर धोंडे, वुशु असोसिएशनचे अध्यक्ष एस.एस. कटके, जिल्हाध्यक्ष डॉ. हसंराज वैद्य, नांदेड जिल्हा मराठी पत्रकार संघाचे अध्यक्ष संतोष पांडागळे यांच्यासह मान्यवरांची उपस्थिती होती.

आ. चव्हाण यांचे प्रतिपादन:
आ. चव्हाण म्हणाल्या, "वुशु हा खेळ शारीरिक क्षमतेसह योगाभ्यासाचे धडे देतो. दक्षिण आशियातील लोकप्रिय खेळांपैकी एक असलेल्या वुशूमुळे होतकरू खेळाडूंना करिअरमध्ये चांगल्या संधी मिळतात. राज्यभरातून आलेल्या खेळाडू आणि प्रशिक्षकांचे मनःपूर्वक स्वागत करत, वुशु खेळाच्या प्रोत्साहनासाठी शासन स्तरावर प्रयत्न करू, असे आश्वासनही त्यांनी दिले."

कार्यक्रमाची वैशिष्ट्ये:
प्रारंभी दीप प्रज्वलन करून स्पर्धेचे उद्घाटन करण्यात आले. राज्यभरातून आलेल्या 2,000 पेक्षा अधिक खेळाडूंनी या स्पर्धेत सहभाग घेतला आहे. तसेच उपस्थित प्रशिक्षकांचा सन्मानही करण्यात आला.

स्पर्धेचा समारोप:
या राज्यस्तरीय वुशु स्पर्धेचा समारोप 10 जानेवारी रोजी होणार असून, खेळाडूंसाठी हा एक मोठा उत्सव ठरणार आहे. यावेळी माजी नगरसेवक दुष्यंत सोनाळे यांचे समयोचित भाषण झाले.

निष्कर्ष:
खेळांद्वारे राष्ट्रभावनेचा विकास होतो, यावर भर देत आ. श्रीजयाताई चव्हाण यांनी वुशु खेळाच्या महत्त्वाची जाणीव करून दिली आणि राज्यातील या खेळाच्या प्रगतीसाठी प्रयत्नशील राहण्याचा निर्धार व्यक्त केला.

14/01/2025

लोहा तालुक्यात जलजीवन मिशन योजनेचा बोजवारा; जनतेची उच्चस्तरीय चौकशीची मागणी

लोहा (वेदांत कोंडावार):
लोहा तालुक्यात जलजीवन मिशन योजनेअंतर्गत करण्यात आलेल्या कामांची दुरवस्था आणि त्यातील त्रुटींमुळे जनतेतून तीव्र नाराजी व्यक्त होत आहे. ‘हर घर नल से जल’ या महत्त्वाकांक्षी योजनेचा हेतू ग्रामीण भागातील प्रत्येक घराला शुद्ध पाणीपुरवठा करणे हा होता. मात्र, ठेकेदार, अधिकारी आणि लोकप्रतिनिधी यांच्या संगनमताने या योजनांचे काम निकृष्ट झाल्याचा आरोप स्थानिक ग्रामस्थांनी केला आहे.

निकृष्ट दर्जाच्या कामांची तक्रार

तालुक्यातील बेरळी खुर्द गावातील जलजीवन मिशन योजनेंतर्गत राबविण्यात आलेल्या कामांबाबत ग्रामस्थांनी गंभीर तक्रारी केल्या आहेत. काम अपूर्ण असूनही त्यासाठी बिलाची रक्कम मंजूर करण्यात आल्याचा आरोप करण्यात आला आहे. अंदाजपत्रकाप्रमाणे काम पूर्ण न झाल्याने पाण्याचा योग्यप्रकारे लाभ गावकऱ्यांना मिळत नसल्याचे समोर आले आहे.

ग्रामस्थांचा आक्रमक पवित्रा

स्थानिक नागरिकांनी प्रशासनाविरोधात आक्रमक भूमिका घेत निकृष्ट कामांची चौकशी करण्याची मागणी केली आहे. "या योजनांचा लाभ सर्वसामान्य जनतेऐवजी ठेकेदार आणि अधिकाऱ्यांना झाला आहे," असा आरोप ग्रामस्थांनी केला आहे.

उच्चस्तरीय चौकशीची मागणी

सामाजिक कार्यकर्ते बुद्धे यांनी जलजीवन मिशन अंतर्गत संपूर्ण नांदेड जिल्ह्यातील कामांची सखोल चौकशी करून दोषींवर कठोर कारवाई करण्याची मागणी विभागीय आयुक्तांकडे केली आहे. तसेच, या कामांचे ऑडिट करून भविष्यात अशा प्रकारच्या त्रुटी टाळण्याची मागणीही करण्यात आली आहे.

प्रशासनाचा निष्काळजीपणा

प्रशासनाने अनेक योजनांची कामे पूर्ण झाल्याचा दावा केला असला, तरी अनेक ठिकाणी या कामांबाबत लोकांच्या तक्रारी सातत्याने पुढे येत आहेत. त्यामुळे या योजनांमधील भ्रष्टाचाराचा पर्दाफाश होण्याची शक्यता वर्तवली जात आहे.

निष्कर्ष:

सरकारने ग्रामीण भागातील जनतेला शुद्ध पाणीपुरवठा करण्यासाठी कोट्यवधी रुपयांचा खर्च करून सुरू केलेली जलजीवन मिशन योजना अधिकाऱ्यांच्या निष्काळजीपणा आणि ठेकेदारांच्या मनमानीमुळे अपयशी ठरत असल्याचा आरोप लोकांकडून केला जात आहे. याप्रकरणी तत्काळ चौकशी होऊन दोषींवर कारवाई करण्याची गरज असल्याचे ग्रामस्थ आणि सामाजिक कार्यकर्त्यांचे मत आहे.

Address

Nanded
431605

Telephone

+918805337333

Website

http://www.Nandedcitynews.com/

Alerts

Be the first to know and let us send you an email when Nanded City News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nanded City News:

Videos

नांदेड: डीमार्टमधून खरेदी केलेल्या शेव पाकिटात अळ्या, ग्राहकांमध्नांदेडमध्ये डीमार्टमधून खरेदी केलेल्या हल्दीराम कंपनीच्या शेव पाकिटात अळ्या आढळल्याने खळबळ उडाली आहे. विशेष म्हणजे, या पाकिटांवर जुलै 2025 पर्यंतची एक्सपायरी डेट नमूद होती. धनंजय सूर्यवंशी यांनी घरी हे पाकीट उघडल्यावर अळ्या आढळल्या. त्यांनी डीमार्टमध्ये जाऊन दुसऱ्या पाकिटांची तपासणी केली असता त्यातही अळ्या आढळल्या. #nanded #news #food #dmart

Zumba master class, Contact- +919970354173 Garudkar's Zumba Classes #nanded #zumba #dance #girls

शंभरच्या पटीत लोकसंख्या असलेल्या मिनकी या छोट्याशा गावातलं पैलवार कुटुंब राहत 16 वर्षांच्या ओंकारचं यंदाचं दहावीचं वर्ष होतं.पुढच्या महिन्यापासून त्याची बोर्डाची परीक्षा सुरू होणार होती. त्याआधी ओंकार गावाकडे आले होता. या घटनेमुळे शोककळा पसरली आहे #nanded #news #student

"नीटची तयारी करणाऱ्या विद्यार्थ्याला पोलीस कर्मचाऱ्याने हॉस्टेलमध्येच बेदम मारहाण; नांदेडमधील धक्कादायक प्रकार" #nanded #news #students #police

देगलूर आणि बिलोली तालुक्यांच्या सीमेवर वाहणाऱ्या मन्याड नदीमुळे शेतकऱ्यांना जीव मुठीत धरून शेतीसाठी प्रवास करावा लागत आहे. #nanded #news #shetkari

नांदेड: गुरूजी चौकात टाटा नेक्सॉन कार नाल्यात कोसळली; जीवितहानी टळली #nanded #news #accident #car

Tukai tours Contact : +91 84216 72017 📍SHOP NO 38, 1ST FLOOR, ALI BHAI TOWER, SHIVAJI NAGER, NANDED-431602 #nanded #news #travels

रस्त्याच्या कामाचे पैसे मिळाले नसल्यामुळे बांधकाम विभागासमोर राजू हुनगून्दे सह कुटुंब ऊपोषन करत होते #nanded #news #police

नांदेड - शहरात सिख समाजाने लोहडी सण उत्साहात साजरा केला. पारंपरिक रितीरिवाजांनुसार साजऱ्या करण्यात आलेल्या या सणात समाजातील नागरिकांनी मोठ्या प्रमाणात सहभाग घेतला. लोहडीचा सण निसर्ग आणि शेतीशी संबंधित असल्याने याला विशेष महत्त्व आहे. #Nanded #news #sikh

महादेव मंदिर, वारंगा फाटा नांदेड #Nanded #news #mahadev

Nanded City News

16/01/2025

16/01/2025

16/01/2025

16/01/2025

16/01/2025

16/01/2025

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

14/01/2025

14/01/2025

14/01/2025

14/01/2025

14/01/2025

Address

Telephone

Website

Alerts

Contact The Business

Videos

Shortcuts

Share

Category