महाराष्ट्र शेतकरी

16/09/2025

ट्रॅक्टर खरेदीची सुनामी येणार..!

गेल्या वर्षीच्या तुलनेत यंदा पाऊस चांगला असल्यामुळे देशभरात ट्रॅक्टरच्या विक्रीत तब्बल 25% वाढ झाली आहे. 2025 च्या ऑगस्ट महिन्यात 73 हजार 199 ट्रॅक्टरची विक्री झाली. गेल्या वर्षी हीच संख्या ऑगस्टमध्ये 54, 733 इतकी होती. यंदा जुलै 2025 च्या तुलनेतही ऑगस्ट महिन्यात ट्रॅक्टरच्या विक्रीत वाढ झाली आहे. जुलै महिन्यात 72 हजार 797 ट्रॅक्टरची विक्री झाली होती. जीएसटी कपातीमुळे सुद्धा ट्रॅक्टरच्या खरेदीमध्ये नवरात्र उत्सवानंतर आणखी गती येण्याची शक्यता आहे. ट्रॅक्टर अँड मेकॅनिझेशन असोसिएशनने ही आकडेवारी जाहीर केली आहे.

16/09/2025

शेतातील खर्च कमी करायचा तर विना नांगरणी, शून्य मशागत शेती करा | दीपक जोशी

16/09/2025

बाजार समितीच्या सभापती, उपसभापतींच्या मानधन आणि भत्त्यांत वाढ

राज्यातील कृषी उत्पन्न बाजार समित्यांमधील सभापती आणि उपसभापतींच्या मानधनात आणि भत्त्यांमध्ये राज्य सरकारने वाढ केली आहे. पणन संचालकांनी दिलेल्या निर्णयानुसार ज्या बाजार समितींचे जसे उत्पन्न जसे असेल त्यानुसार ही वाढ असेल. सर्वाधिक पंचवीस हजार तर कमीत कमी पाच हजारांची ही वाढ आहे. पूर्वी हे मानधन दहा हजार आणि एक हजार २५० रुपये एवढे होते. २५ कोटींपेक्षा अधिक उत्पन्न असणाऱ्या सभापतींना २५ हजार तर उपसभापतीला १२ हजार ५०० रुपये वाढ मिळेल. १० कोटी ते २५ कोटी रुपये उत्पन्न असणाऱ्या सभापतींना २२ हजार रुपये आणि उपसभापतींना ११ हजार रुपये मानधन मिळणार आहे.

#बाजारसमिती

15/09/2025

बीड जिल्ह्यातील वडवणी तालुक्यातील देवडी येथील कृष्णा परमेश्वर गवळी हा एक रुग्ण पुणे येथील गॅलॅक्झी केअर मल्टिस्पेशालिटी हॉस्पिटलमध्ये एडमिट आहे. त्यांचे स्वादुपिंडाचे ऑपरेशन झाले आहे. त्यांचे बंधू रामेश्वर गवळी यांनी सांगितले की आमच्याकडे एक लाख रुपये होते, तेवढे खर्च झाले आहेत. आता हॉस्पिटलचे बिल आणि मेडिकलसाठी पैसे नाहीत. हॉस्पिटल खासगी असल्यामुळे कुठलीही सरकारी स्कीम नाही. त्यामुळे मदतीची गरज आहे. दानशूर व्यक्तींना मदतीचे आवाहन गवळी कुटुंबाने केले आहे.

दानशूरांना मदतीचे आवाहन
संपर्क

१. कृष्णा गवळी - 8208136193
2. रामेश्वर गवळी -9527221661

(सूचना - रामेश्वर गवळी यांनी चॅनेलच्या नंबरवर मेसेज करून ही विनंती केली आहे. ज्या बांधवांना मदत करायची असेल त्यांनी वरील नंबरवर व्हिडिओ कॉल करून मदतीचा हात देण्यास हरकत नाही.)

15/09/2025

आता गॅस सिलिंडरची गरज नाही | धूर न होणारी सुरक्षित शेगडी बाजारात | महाराष्ट्र शेतकरी

14/09/2025

सोलार सिस्टिमसाठी शासकीय अनुदान | Solar System Subsidy | महाराष्ट्र शेतकरी

14/09/2025

नेत्यांना एकच सांगायचं आहे की कारमध्ये बसून जेवण करतानाचे व्हिडिओ टाकण्यापेक्षा कांद्याच्या प्रश्नावर आवाज उठवावा

13/09/2025

13/09/2025

सध्या एक किलो कांद्याचे उत्पादनासाठी सरासरी 15 ते 17 रुपये खर्च येतो मात्र बाजारभाव फक्त दहा ते बारा रुपये किलो आहे. शेतकऱ्यांचा उत्पादन खर्च सुद्धा निघणे मुश्किल होत आहे. केंद्र सरकारने खरेदी केलेला कांदा बाजारात विक्री करण्याऐवजी रेशन दुकानांमधून वितरित करावा, अशी मागणी काही शेतकरी संघटनांनी केली आहे.

कांद्याला दर मिळत नसल्यामुळे शेतकरी आर्थिक संकटात सापडले आहेत. उत्पादन खर्च अपेक्षाही बाजारात भाव कमी असल्याने शेतकरी हवालदिल झाला असून केंद्र सरकारच्या माध्यमातून खरेदी केलेला कांदा बाजारात आणू नये, अशी मागणी रयत क्रांती संघटनेने नाफेडकडे केली आहे.

एका किलो कांद्याचे उत्पादन घ्यायचे झाल्यास 17 रुपये तरी खर्च येतो. त्या तुलनेत बाजारभाव अतिशय कमी असल्याने उत्पादन खर्च निघण्याची शक्यता बिलकूल नाही. पुढच्या काळात नाफेड व एनसीसीएफचा कांदा बाजारात आल्यानंतर दरामध्ये आणखी दोन ते तीन रुपयांची घसरण होऊ शकते. त्यामुळे शेतकरी पूर्णपणे उध्वस्त होऊ शकतो, अशी भीती शेतकरी संघटना व्यक्त करत आहेत.

केंद्र सरकारने खरेदी केलेला कांदा बाजारात विक्री करण्याऐवजी रेशन दुकानांमधून वितरित करावा अन्यथा कांदा बाजारात आल्यास तीव्र आंदोलन केले जाईल, असा इशारा संघटनेने दिला आहे.

#नाफेड #कांदाबाजारभाव

13/09/2025

सध्या प्रत्येक गावामध्ये शेतात जाणाऱ्या रस्त्यांचा मोठा प्रश्न आहे. अनेकांना शेतात जाण्यासाठी पाऊलवाटही नाही. त्यामुळे चांगली जमीन असूनही उत्पादन घेण्यात अडचण येत आहे किंवा शेजारी शेतकऱ्यांशी वाद होत आहेत.

या पार्श्वभूमीवर सरकारने आता विशेष मोहीम घेतली असून 17 सप्टेंबर ते 2 ऑक्टोबर या दरम्यान शेत रस्ते तसेच पाणंद रस्त्यांना क्रमांक देण्यात येणार आहेत. यामुळे यामुळे रस्त्यांची ओळख निश्चित होऊन त्या रस्त्यांना अधिकृत दर्जा मिळेल.

या मोहिमेमुळे प्रत्येक शेताला किमान 12 फूट रुंदीचा रस्ता मिळण्यासाठी प्रयत्न केले जाणार आहेत. रस्त्याच्या मोजण्यासाठी कोणतेही शुल्क आकारले जाणार नाही. याशिवाय अतिक्रमणे काढण्यासाठी शेतकऱ्यांना पोलीस बंदोबस्तासाठी खर्च करावा लागणार नाही. पूर्वी रस्त्यांची मोजणी झाली की त्या ठिकाणी दगड लावले जात होते मात्र आता झाडे लावण्यात येणार आहेत.

१७ सप्टेंबरपासून राज्यात शेत रस्ते, पाणंद रस्त्यांना क्रमांक देण्याची मोहीम राबविली जाणार आहे. जवळपास ५० लाख शेतकऱ्यांचा शेतरस्त्याचा प्रश्न यानिमित्ताने मार्गी लागेल असे मानले जाते.शेतरस्त्यांचा प्रश्न सोडविण्यासाठी सीमांकन केले जाणार असून, शिवरस्त्यावरील अतिक्रमणे हटविण्याची जबाबदारी तहसील प्रशासनाकडे राहील.

13/09/2025

दर्जेदार कांद्याचे 90 दिवसांमध्ये उत्पन्न | कमी वेळेत भरघोस फायदा देणारी व्हरायटी एल 883 | महाराष्ट्र शेतकरी

13/09/2025

काही लोकांमुळे खरोखरच सरपंच/उपसरपंच हे अतिशय मानाचे पद बदनाम झालेले आहे. काय वाटते तुम्हाला?