23/06/2025
माननीय सोबिता गौतम र माननीय हरि ढकाल ले भारतका पुर्व उपराष्ट्रपति लाई भेटेपछि यस्तो लेखिन माननीय सोबिता गौतम ले ✍️✍️हिजो प्रवासी नेपाली सम्पर्क मञ्चको कार्यक्रममा सम्बोधन गर्न भारतको कर्नाटक राज्यको बैंगलोरमा रहेको अवसरमा माननीय हरी ढकालज्यूसँगै भारतका पूर्वउपराष्ट्रपति श्री एम. वेंकैया नायडूसँग अनौपचारिक भेटवार्ता गर्ने अवसर मिल्यो ।
उक्त संक्षिप्त भेटका क्रममा भएको संवादमा भारतमा रहेका प्रवासी नेपालीहरूको अवस्था, समस्या, नेपाल–भारत सम्बन्धका विविध आयामहरू तथा दीर्घकालीन संरचित समन्वय आवश्यकताका विषयहरू केन्द्रमा रहे । सो अवसरमा हामीले राष्ट्रिय स्वतन्त्र पार्टीको मूल दृष्टिकोण, राजनीतिक उद्देश्य र अभियानका बारेमा समेत संक्षिप्त जानकारी गरायौँ ।
यो भेटवार्ता पूर्णतः अनौपचारिक प्रकृतिको थियो । उहाँको आत्मीयता, अनुभव र विचारप्रति हामी गहिरो कृतज्ञता व्यक्त गर्दछौं ।
यस्ता संवादहरूले क्षेत्रीय सहकार्य, आपसी समझदारी र जनस्तरको सम्बन्धलाई अझ प्रगाढ बनाउन मद्दत पुर्याउने विश्वास लिएको छौं ।
