Jaggu Aneesh

22/10/2025

22/10/2025

❤️ അരവിന്ദ് ഐ ഹോസ്പിറ്റൽ — സേവനം എന്ന വാക്കിന്റെ യഥാർത്ഥ അർത്ഥം ❤️

ഇത് തിരുനെൽവേലിയിൽ ഉള്ള അരവിന്ദ് ഐ ഹോസ്പിറ്റൽ ആണ്…
പേരൊന്നുകേട്ടാൽ "ഒരു ആശുപത്രി" എന്നു തോന്നാം.
പക്ഷേ അകത്ത് കയറുന്ന നിമിഷം തന്നെ മനസിലാകും —
ഇത് ചികിത്സയ്ക്കുള്ള സ്ഥലമല്ല, സേവനത്തിനുള്ള താവളമാണ്. ❤️

തമിഴ്‌നാട്ടിൽ നിരവധി ശാഖകൾ ഉള്ള ഈ സ്ഥാപനം,
തന്റെ ആസ്ഥാനം മധുരയിലാണ്.
കണ്ണുമായി ബന്ധപ്പെട്ട എന്ത് പ്രശ്നമായാലും,
ഇവിടെ ലഭിക്കുന്ന ചികിത്സ വളരെ കുറഞ്ഞ ചിലവിൽ തന്നെ.

1976-ൽ സർക്കാർ സേവനത്തിൽ നിന്ന് വിരമിച്ച
ഡോ. ഗോവിന്ദപ്പ വെങ്കടസ്വാമി എന്ന ദൈവിക ഡോക്ടറാണ്
ഇത് ആരംഭിച്ചത്.
ഇന്നോളം 3.2 കോടി രോഗികളെ പരിശോധിക്കുകയും,
അവരിൽ നാൽപ്പതുലക്ഷം പേരുടെ കണ്ണുകൾക്ക് വെളിച്ചം തിരികെ നൽകിയിരിക്കുന്നു.
അതിലേറെയും ശസ്ത്രക്രിയകൾ സൗജന്യമായോ അതീവ കുറഞ്ഞ നിരക്കിലോ ആണു ചെയ്തത്.

വെറും 100 രൂപ രജിസ്ട്രേഷൻ ഫീസ് അടച്ച് കസേരയിൽ ഇരുന്നാൽ മതി —
സിസ്റ്റർമാർ തന്നെ വന്നു വിളിച്ച് കൂട്ടി കൊണ്ടുപോകും.
കണ്ണ് സംബന്ധിച്ച എല്ലാ ടെസ്റ്റുകളും പൂർണമായും സൗജന്യം!

എന്നാൽ ഇതിലെ ഏറ്റവും വിലപ്പെട്ട കാര്യം മരുന്നോ ശസ്ത്രക്രിയയോ അല്ല...
അവർക്കുള്ള മനുഷ്യബഹുമാനമാണ് ഏറ്റവും വലിയ ചികിത്സ.
അവിടെ കടന്നാൽ തന്നെ,
നൂറുകണക്കിന് സിസ്റ്റർമാരും ഡോക്ടർമാരും
"സർ" എന്ന വിളിയിലാണ് നമ്മളെ അഭിസംബോധന ചെയ്യുന്നത്.

അവരുടെ മുഖത്ത് സ്നേഹപൂർവ്വമായ പുഞ്ചിരി,
മനസ്സിൽ നിന്നുള്ള ചോദ്യം —
"സർ, ഭക്ഷണം കഴിച്ചോ?" ❤️

അത് കേൾക്കുന്ന നിമിഷം തന്നെ,
മനസിന്റെ പകുതി അസുഖം മാറിപ്പോകും.

ഇവിടത്തെ ഹോസ്പിറ്റലിറ്റിയും സേവന മനോഭാവവും
ആരോഗ്യ സേവനത്തെക്കുറിച്ചുള്ള നമ്മുടെ കാഴ്ചപ്പാടിനെ തന്നെ മാറ്റും.

ഇത് ഒരു ആശുപത്രിയല്ല…
ഒരു അനുഭവമാണ്. ❤️

അരവിന്ദ് ഐ ഹോസ്പിറ്റൽ — വെളിച്ചം പകർന്നു തരുന്നവർക്കുള്ള വെളിച്ചം...♥️💜💙👍👍👍👍👍✅✅✅✅✅✅✅✅✅✅

20/10/2025

നാളെ...ഞായറാഴ്ച ആയിട്ട് എന്താ പരിപാടി?
ഇത് വരേയും ഒന്നും തീരുമാനിച്ചില്ല എങ്കിൽ നമുക്ക് കന്യാകുമാരിയിലേയ്ക്ക് ഒരു യാത്ര പോയാലോ ❤️

അറിഞ്ഞില്ലേ... നെടുമങ്ങാട് ഡിപ്പോയിൽ നിന്നും നാളെ പുലർച്ചെ 03.00 മണിയ്ക്ക് കന്യാകുമാരിയിലേയ്ക്ക് ബസ് സർവീസ് തുടങ്ങുന്നു! ത്രിവേണി സംഗമത്തിലെ ഉദയ സമയത്ത് ബസ് എത്തിച്ചേരും...

തുടർന്ന് ഉദയം കണ്ട് ഭക്ഷണം ഒക്കെ കഴിച്ച് ഒന്ന് ഫ്രഷായി കന്യാകുമാരിയിലെ പകൽ കാഴ്ചകൾ ഒക്കെ ആസ്വദിച്ച് ഉച്ച കഴിഞ്ഞ് വിവേകാനന്ദ പാറയിൽ പോയി കുറച്ച് സമയം ചെലവഴിച്ച് അസ്തമയം ഒക്കെ കണ്ട് രാത്രി 07.00 മണിയ്ക്കുള്ള നെടുമങ്ങാട് ബസിൽ കയറി മടക്കയാത്ര ആരംഭിക്കാം... രാത്രി 10 മണിയൊക്കെ കഴിഞ്ഞ് നെടുമങ്ങാട് എത്താം...

അപ്പോൾ എങ്ങനാ... കന്യാകുമാരിയ്ക്ക് പോയാലോ... അതും നമ്മുടെ കോയിക്കൽ കൊമ്പനൊപ്പം ❤️

⏰സർവീസിന്റെ മുഴുവൻ സമയവിവരം

🌈നെടുമങ്ങാട്-കന്യാകുമാരി SF
(തിരുവനന്തപുരം-നെയ്യാറ്റിൻകര-കളിയിക്കാവിള-മാർത്താണ്ഡം-നാഗർകോവിൽ-ശുചീന്ദ്രം വഴി)
03.00AM നെടുമങ്ങാട്
03.30AM തിരുവനന്തപുരം
05.45AM കന്യാകുമാരി

🌈കന്യാകുമാരി-കൊട്ടാരക്കര SF
(ശുചീന്ദ്രം-നാഗർകോവിൽ-മാർത്താണ്ഡം-കളിയിക്കാവിള-നെയ്യാറ്റിൻകര-തിരുവനന്തപുരം-വെഞ്ഞാറമൂട്-കിളിമാനൂർ-ആയൂർ വഴി)
07.30AM കന്യാകുമാരി
08.00AM നാഗർകോവിൽ
09.05AM കളിയിക്കാവിള
09.30AM നെയ്യാറ്റിൻകര
10.00AM തിരുവനന്തപുരം
11.30AM കൊട്ടാരക്കര

🌈കൊട്ടാരക്കര-കന്യാകുമാരി SF
(ആയൂർ-കിളിമാനൂർ-വെഞ്ഞാറമൂട്-വെമ്പായം-നെടുമങ്ങാട്-ആര്യനാട്-കാട്ടാക്കട-നെയ്യാറ്റിൻകര-കളിയിക്കാവിള-മാർത്താണ്ഡം-നാഗർകോവിൽ-ശുചീന്ദ്രം വഴി)
12.00PM കൊട്ടാരക്കര
12.20PM ആയൂർ
12.40PM കിളിമാനൂർ
01.10PM വെഞ്ഞാറമൂട്
01.30PM നെടുമങ്ങാട്
01.45PM ആര്യനാട്
02.00PM കാട്ടാക്കട
02.20PM നെയ്യാറ്റിൻകര
02.40PM കളിയിക്കാവിള
03.40PM നാഗർകോവിൽ
04.10PM കന്യാകുമാരി

🌈കന്യാകുമാരി-നെടുമങ്ങാട് SF
(ശുചീന്ദ്രം-നാഗർകോവിൽ-മാർത്താണ്ഡം-കളിയിക്കാവിള-നെയ്യാറ്റിൻകര-തിരുവനന്തപുരം-പേരൂർക്കട വഴി)
07.00PM കന്യാകുമാരി
07.30PM നാഗർകോവിൽ
08.30PM കളിയിക്കാവിള
08.50PM നെയ്യാറ്റിൻകര
09.20PM തിരുവനന്തപുരം
10.00PM നെടുമങ്ങാട്

മാന്യ യാത്രക്കാർ യാത്ര ചെയ്ത് വിജയിപ്പിക്കണം എന്ന് അറിയിക്കുന്നു 🥰

02/10/2025

26/09/2025

എന്റെ ജീവൻ രക്ഷിക്കാൻ തന്റെ കാലുകൾ നഷ്ടപ്പെടുത്തിയ അശ്വതി ചേച്ചിയെ ഞാൻ എന്റെ ജീവിതത്തിലേക്ക് കൂട്ടുകയാണ്. പ്രായം കൊണ്ട് 5 വയസിന് മൂത്തവൾ, ഇരുകാലുകളും നഷ്ടപ്പെട്ടവൾ, വീട്ടിൽ ജോലിക്ക് നിന്ന സ്ത്രീയുടെ മകൾ , ജാതിയിൽ താഴ്ന്നവൾ, സാമ്പത്തികമായി പിന്നോട്ട് നിക്കുന്നവർ. അങ്ങനെ ഒരുപാട് കടമ്പകൾ കടന്നാണ് ഈ വിവാഹത്തിലേക്ക് എത്തിച്ചേർന്നത്. 🥰🥰

എനിക്ക് അഞ്ചു വയസുള്ളപ്പോഴാണ് അശ്വതി ചേച്ചിക്ക് തന്റെ കാലുകൾ നഷ്ടപ്പെടുന്നത്. നമ്മുടെ വീട്ടിൽ ജോലിക്ക് നിന്ന രമണി അമ്മയുടെ മകളാണ് അശ്വതി ചേച്ചി. രാവിലെ രമണിയമ്മയും ചേച്ചിയും ഞങ്ങടെ വീട്ടിലേക്ക് വരും. ഇവിടെ നിന്നാണ് ചേച്ചി സ്കൂളിൽ പോകുന്നത്. തിരിച്ചും ഇങ്ങോട്ട് തന്നെ വരും. പിന്നേ രാത്രി ആകുന്നതുവരെ നമ്മൾ രണ്ടും കൂടി കളിക്കും. എനിക്ക് ഭയങ്കര ഇഷ്ടമായിരുന്നു അശ്വതി ചേച്ചിയെ.

അങ്ങനെ ഒരു ദിവസം അശ്വതി ചേച്ചി സ്കൂളിൽ നിന്നും വരുന്നതും കാത്ത് വീട്ടുമുറ്റത്ത് ഇരിക്കുകയായിരുന്നു ഞാൻ. ദൂരെ നിന്നും ചേച്ചി വരുന്നത് കണ്ട ഞാൻ തുറന്ന് കിടന്ന ഗേറ്റ് വഴി നേരേ റോഡിലേക്ക് ഇറങ്ങി. അന്ന് എനിക്ക് നേരേ പാഞ്ഞു വന്ന ലോറിക്ക് മുന്നിൽ നിന്നും ഓടി വന്ന് എന്നെ എടുത്ത് മാറ്റിയത് അശ്വതി ചേച്ചിയാണ്. എന്നാൽ എന്നെ എടുത്ത് മാറ്റുന്നതിനിടെ ബാലൻസ് നഷ്ടമായ ആ അഞ്ചാം ക്ലാസ്സുകാരിയുടെ കാലുകളിൽ കൂടി ലോറിയുടെ ചക്രങ്ങൾ കയറിയിറങ്ങി.

അതിന് ശേഷം എന്റെ കൂടെ ഓടികളിക്കാൻ അശ്വതി ചേച്ചി വന്നിട്ടില്ല. അമ്മയുമൊത്തു അശ്വതി ചേച്ചിയുടെ വീട്ടിൽ പോയതും എന്തൊക്കെയോ കൊടുത്തതും ഒക്കെ ചെറിയൊരു ഓർമയുണ്ട്. എന്നെക്കണ്ടാൽ എപ്പോഴും ഓടിവന്ന് എടുക്കാറുള്ള ചേച്ചി അന്ന് ഒന്നും മിണ്ടാതെ കട്ടിലിൽ തന്നെ കിടക്കുകയായിരുന്നു. കുറച്ച് നാൾക്ക് ശേഷം അച്ഛനുമൊത്ത് വീൽചെയർ കൊടുക്കാൻ പോയതും എനിക്ക് ഓർമയുണ്ട്. പിന്നേ കുറേ നാളത്തേക്ക് ഞാൻ ചേച്ചിയെ കണ്ടിട്ടില്ല. അങ്ങനെ ഞാൻ പതിയെ ചേച്ചിയെ മറന്നു.

പിന്നീട് ഞാൻ വീണ്ടും ചേച്ചിയെ കാണുന്നത് ചേച്ചി പ്ലസ്ടു ജയിച്ച് കോളേജിൽ ചേരാൻ നിൽക്കുന്ന സമയത്താണ്. അന്ന് അച്ഛനൊരു എലെക്ട്രിക്ക് വീൽ ചെയർ ചേച്ചിക്ക് സമ്മാനമായി നൽകി. അന്ന് വികാരധീനയായി അമ്മ ചേച്ചിയെ ചേർത്ത് പിടിച്ച് എന്നെ രക്ഷിച്ച കഥ പറയുമ്പോഴാണ് എനിക്ക് ആ സംഭവിന്റെ വ്യാപ്തി മനസ്സിലാകുന്നത്. ഞാൻ അതൊക്കെ പണ്ടേ മറന്നുപോയിരുന്നു. പിന്നീട് ചേച്ചിയുടെ അടുക്കൽ ഞാൻ ട്യൂഷനും പോയതോടെ ചേച്ചിയുമായി വീണ്ടും അടുത്തു. ബാംഗ്ലൂരിൽ ജോലിയൊക്കെയായി അങ്ങോട്ട്‌ മാറിയപ്പോഴും ചേച്ചിയുമായി ഞാൻ കോൺടാക്ട് വെച്ചിരുന്നു. നാട്ടിൽ വരുമ്പോഴൊക്കെ ചേച്ചിയെ കാണാൻ പോകുന്നത് പതിവായി. എന്തോ ഒരു വൈകാരികമായ ബന്ധം ചേച്ചിയുമായി എനിക്ക് ഉണ്ടായിരുന്നു.

അങ്ങനെ ഒരിക്കൽ ഞാൻ ലീവിന് നാട്ടിലെത്തിയ ഒരു ദിവസം രമണിയമ്മ ഏറെ വിഷമിച്ചു അമ്മയോട് സംസാരിക്കുന്നത് ഞാൻ കേട്ടു. ചേച്ചിക്ക് ഉറപ്പിച്ച് വെച്ചിരുന്ന കല്യാണ ആലോചന മുടങ്ങിപ്പോയത്രേ. ചേച്ചിക്ക് ഒരുപാട് കല്യാണലോചനകൾ മാറി പോയ ശേഷമാണ് ഒരെണ്ണം ശെരിയാകുന്നത്. ലെറ്റർ വരെ അടിച്ച് പലരേയും വിളിച്ച ശേഷമാണ് ഇത് മുടങ്ങുന്നത്. ചേച്ചിക്ക് അമ്മയാകാൻ കഴിയില്ല എന്നാരോ അവരോട് പറഞ്ഞത്രേ. ആ വാചകം ചേച്ചിയെ വല്ലാണ്ട് തളർത്തിക്കളഞ്ഞു.

എനിക്ക് അപ്പോൾ ചേച്ചിയെ കാണണമെന്ന് തോന്നി ഞാൻ ഉടൻ തന്നെ ചേച്ചിയുടെ വീട്ടിലേക്ക് പോയി. വീട്ടിലെത്തിയപ്പോൾ അവിടെ ആരുമുണ്ടായില്ല, ഫോൺ വിളിച്ചപ്പോൾ അമ്പലത്തിലാണെന്ന് പറഞ്ഞത്കൊണ്ട് ഞാൻ നേരേ അങ്ങോട്ട്‌ പോയി. എന്നെ കണ്ടു പുഞ്ചിരിച്ച ആ മുഖത്തെ കലങ്ങിയ കണ്ണുകളിൽ നിന്നും എനിക്ക് ചേച്ചിയുടെ ഉള്ളിലെ സങ്കടം മനസ്സിലാക്കാൻ കഴിഞ്ഞു.

അമ്പലത്തിന് മുന്നിലെ ആലിന്റെ ചുവട്ടിലിരുന്ന് നമ്മൾ കുറേ നേരം സംസാരിച്ചു. എന്റെ ബാംഗ്ലൂരിലെ ജോലിക്കാര്യങ്ങൾ ഉൾപ്പടെ പല കാര്യങ്ങളും നമ്മൾ സംസാരിച്ചെങ്കിലും കല്യാണം മുടങ്ങിയ കാര്യം മാത്രം ചേച്ചി മിണ്ടിയില്ല. ഒടുവിൽ ഞാൻ അങ്ങോട്ട്‌ ചേച്ചിയോട് ചോദിച്ചു. എനിക്ക് വിഷമമാകുമെന്ന് കരുതിയാണോ കല്യാണം മുടങ്ങിയ കാര്യം ചേച്ചി എന്നോട് പറയാഞ്ഞത് എന്ന്. അതിന് ചേച്ചി പറഞ്ഞ മറുപടി എന്നെ കണ്ടപ്പോൾ ചേച്ചി അക്കാര്യമൊക്കെ മറന്നുപോയി എന്നായിരുന്നു.

“ഞാൻ ചേച്ചിയെ കല്യാണം കഴിച്ചോട്ടെ?” പെട്ടെന്ന് എന്റെ നാവിൽ നിന്ന് അങ്ങനെ ഒരു ചോദ്യം വന്നതും അമ്പലത്തിൽ മണി മുഴങ്ങിയതും ഒരുമിച്ചായിരുന്നു. തമാശയായി കണ്ട് ആദ്യം അത് ചിരിച്ച് കളഞ്ഞെങ്കിലും പിന്നീടുള്ള എന്റെ സംഭാഷണത്തിൽ നിന്നും അതൊരു തമാശ ആയിരുന്നില്ലെന്ന് ചേച്ചിക്ക് മനസ്സിലായി. അതൊന്നും ശെരിയാകൂലഡാ നീ അത് വിട് എന്ന് പറഞ്ഞ് കൊണ്ട് പോകാനൊരുങ്ങിയ ചേച്ചിയെ പിടിച്ച് നിർത്തി നല്ലോണം ആലോചിച്ചിട്ട് എനിക്കൊരു മറുപടി തരണമെന്ന് പറഞ്ഞു വിട്ടു.

ചേച്ചി പലതവണ പല കാര്യങ്ങൾ പറഞ്ഞു എന്നെ പിന്തിരിപ്പിക്കാൻ ശ്രമിച്ചെങ്കിലും എന്റെ തീരുമാനം ഉറച്ചതായിരുന്നു. എന്റെ ജീവൻ രക്ഷിക്കാൻ സ്വന്തം ജീവൻ പണയം വെക്കാൻ തയ്യാറായ അഞ്ചാം ക്ലാസ്സുകാരിയെക്കാൾ നല്ലൊരു പെണ്ണിനെ എനിക്ക് വേറെ കിട്ടില്ല എന്ന് എനിക്കുറപ്പായിരുന്നു. ഒടുവിൽ ചേച്ചി സമ്മതം മൂളിയെങ്കിലും കടമ്പകൾ ഒരുപാട് ഉണ്ടായിരുന്നു.

എന്റെ അച്ഛനെയും അമ്മയേയും സമ്മതിപ്പിക്കുന്നതിനേക്കാൾ ബുദ്ധിമുട്ടായിരുന്നു ബന്ധുക്കളെ സമ്മതിപ്പിക്കാൻ. അതിനേക്കാൾ ബുദ്ധിമുട്ട് ആയിരുന്നു രമണിയമ്മയെ സമ്മതിപ്പിക്കാൻ. കുറച്ചധികം ബുദ്ധിമുട്ടിയെങ്കിലും ഒടുവിൽ എല്ലാവരുടേയും സമ്മതത്തോടെയും അനുഗ്രഹത്തോടെയും തന്നെ നമുക്ക് ഒന്നിക്കാൻ സാധിക്കുമല്ലോ എന്ന സന്തോഷത്തിലാണ് നമ്മൾ. ഞാനെടുത്ത തീരുമാനത്തിലെ തെറ്റും ശെരിയുമൊന്നും എനിക്കറിയില്ല. പക്ഷേ ഒരുകാര്യം എനിക്ക് ഉറപ്പ് പറയാൻ സാധിക്കും. എന്റെയുള്ളിൽ ജീവൻ ഉള്ളിടത്തോളം കാലം ഞാൻ ചേച്ചിയെ ചേർത്ത് പിടിക്കും.❤️❤️❤️

24/09/2025

18/09/2025