మన నెల్లూరు మన నారాయణ

20/07/2025

మాచర్ల నియోజకవర్గం రెంటచింతల మండలం పాల్వాయిగేటు గ్రామానికి చెందిన టీడీపీ నేత నంబూరి శేషగిరి రావు మృతి దిగ్భ్రాంతికి గురిచేసింది. 2024 సాధారణ ఎన్నికల సమయంలో పాల్వాయిగేట్ లోని ఓ బూత్ లో వైసీపీ నేతలు సాగించిన విధ్వంసం పట్ల ఆయన ఎదురొడ్డి నిలిచారు. శేషగిరి రావు పోరాటం టీడీపీ నేతలు, కార్యకర్తల్లో ఎంతో స్ఫూర్తి నింపింది. ఆయన మరణం పార్టీకి తీరనిలోటు. శేషగిరి రావు కుటుంబానికి పార్టీ అన్నివిధాల అండగా ఉంటుంది. ఆయన మృతి పట్ల కుటుంబ సభ్యులకు నా ప్రగాఢ సానుభూతిని తెలియజేస్తున్నారు.

14/07/2025

14/07/2025

13/07/2025

వైవిధ్యభరితమైన పాత్రలతో సినీ ప్రేక్షకుల అభిమానాన్ని చూరగొన్న ప్రముఖ నటులు కోట శ్రీనివాసరావు గారి మరణం విచారకరం. సుమారు నాలుగు దశాబ్దాల పాటు సినీ, నాటక రంగాలకు ఆయన చేసిన కళా సేవ, ఆయన పోషించిన పాత్రలు చిరస్మరణీయం. విలన్ గా, క్యారెక్టర్ ఆర్టిస్ట్ గా ఆయన పోషించిన ఎన్నో మధురమైన పాత్రలు తెలుగు ప్రేక్షకుల మదిలో శాశ్వతంగా నిలిచిపోతాయి. ఆయన మృతి తెలుగు సినీ రంగానికి తీరనిలోటు. 1999లో విజయవాడ నుంచి ఎమ్మెల్యేగా గెలిచి ఆయన ప్రజాసేవ చేశారు. వారి కుటుంబ సభ్యులకు నా ప్రగాఢ సానుభూతిని తెలియజేస్తున్నాను.

08/07/2025

ప్రముఖ సంగీత దర్శకులు కీరవాణి తండ్రి, రచయిత శివశక్తి దత్తా గారి మృతి బాధాకరం. తన అద్భుత రచనలతో తెలుగు ప్రేక్షకుల గుండెల్లో చెరగని ముద్ర వేసుకున్న శివదత్తా మరణం తెలుగు చలనచిత్ర రంగానికి తీరని లోటు. ఆయన రాసిన పాటలు పాన్ ఇండియా స్థాయిలో విజయాలు సాధించాయంటే అది తెలుగువారికి దక్కిన గౌరవం. శివదత్తా ఆత్మకు శాంతి చేకూరాలని కోరుకుంటున్నాను. కీరవాణి కుటుంబ సభ్యులకు నా ప్రగాఢ సానుభూతి తెలుపుతున్నాను.

07/07/2025

రాజు వేగేశ్న ఫౌండేషన్ ఫౌండర్ మెంబర్ ఆనంద రాజు గారి మృతి ఎంతో బాధించింది. వేగేశ్న ఫౌండేషన్ ద్వారా ఆయన అందించిన సేవలు మరువలేనివి. దేవాలయాల్లో సౌకర్యాల కల్పనకు విశేష కృషి చేశారు. భూరి విరాళాలతో అన్న సత్రాలు, తాగునీటి ప్లాంట్లు, ఆసుపత్రుల్లో వసతుల కల్పన వంటి ఎన్నో కార్యక్రమాలు చేపట్టి ప్రజలకు అద్భుత సేవలు అందించారు. సేవా కార్యక్రమాల ద్వారా ఎంతో మంది హృదయాల్లో మంచి పేరు తెచ్చుకున్న ఆనంద రాజు గారి మృతి తీరని లోటు. వారి కుటుంబ సభ్యులకు నా ప్రగాఢ సానుభూతి తెలుపుతున్నాను.

06/07/2025

04/07/2025

బడుగు బలహీన వర్గాల ఆశాజ్యోతి, సామాజిక న్యాయం కోసం పోరాడిన యోధుడు వంగవీటి మోహన్ రంగా గారి జయంతి సందర్భంగా ఆ మహనీయునికి ఘన నివాళులు.ప్రజల గుండెల్లో చిరస్థాయిగా నిలిచిపోయిన వారి ఆశయాలు యువతకు స్ఫూర్తిదాయకం.