https://www.facebook.com/388059271056379/

Nenmara Vartha - നെന്മാറ വാർത്ത, Nemmara (2025)

30/09/2025

തൊഴുത്തിലെ തൂണ് മറിഞ്ഞുവീണ് അയിലൂർ കയറാടിയിൽ ക്ഷീരകര്‍ഷകന് ദാരുണാന്ത്യം

⚪30-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

നെന്മാറ: തൊഴുത്തിലെ തൂണ് ദേഹത്തേക്ക് മറിഞ്ഞുവീണ് ക്ഷീരകർഷകന് ദാരുണാന്ത്യം. അയിലൂർ കയറാടി മരുതുഞ്ചേരി മുഹ്സിൻ മൻസിലില്‍ മീരാൻ സാഹിബ് (71) ആണ് മരിച്ചത്. ഇന്നലെ ഉച്ചയ്ക്ക് ഒന്നരയോടെ പശുവിനെ കറക്കാനായി തൊഴുത്തില്‍ പോയസമയത്ത് കാറ്റില്‍ മറിഞ്ഞ മേല്‍ക്കൂരയിലെ പ്ലാസ്റ്റിക് ഷീറ്റ് വലിച്ചുകെട്ടാൻ ശ്രമിക്കുന്നതിനിടെയാണ് സിമന്‍റ്കട്ട കൊണ്ട് നിർമിച്ച തൂണ്‍ ദേഹത്തേക്ക് മറിഞ്ഞു വീണത്.

ശബ്ദം കേട്ട് വീട്ടുകാരും അയല്‍ക്കാരും ചേർന്ന് ഗുരുതരമായി പരിക്കേറ്റ മീരാൻ സാഹിബിനെ നെന്മാറയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മരണം സ്ഥിരീകരിച്ചു. അടിപ്പെരണ്ട ക്ഷീരോല്‍പാദക സംഘം മുൻജീവനക്കാരനാണ്. നെന്മാറ പോലീസ് ഇൻക്വസ്റ്റ് നടത്തി. പോസ്റ്റ്മോർട്ടത്തിനായി മൃതശരീരം ജില്ലാ ആശുപത്രിയിലേക്ക് മാറ്റി. സംസ്കാരം ഇന്ന് വൈകീട്ട് മൂന്നിന് കയറാടി ജുമാ മസ്ജിദ് ഖബർസ്ഥാനില്‍. പരേതരായ മൊയ്തീൻകുട്ടി, ആമിന ദമ്ബതികളുടെ മകനാണ്. ഭാര്യ: മുംതാജ്. മക്കള്‍: മുഹ്സിൻ, മുത്തഹസിൻ (ബിഎച്ച്‌ ഇഎല്‍ ബാംഗ്ലൂർ), മുഹ്സിന. മരുമക്കള്‍: തസ്നി ( ദുബായ്), ഷംന, അഷറഫ് ( ദുബായ്).

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

26/09/2025

നെന്മാറ-ഒലിപ്പാറ പാത നവീകരണം പൂർത്തിയാക്കാത്തതിൽ പ്രതിഷേധം: ഇന്ന് സ്വകാര്യ ബസുകളുടെ സൂചനാ പണിമുടക്ക്

⚪26-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

നെന്മാറ: : നവീകരണത്തിനായി പൊളിച്ച നെന്മാറ-ഒലിപ്പാറ പാത നവീകരണം പൂർത്തിയാക്കാത്തതിൽ പ്രതിഷേധിച്ച് വെള്ളിയാഴ്ച ഒലിപ്പാറ റൂട്ടിൽ സ്വകാര്യ ബസുകൾ സൂചനാപണിമുടക്ക് നടത്തും. നെന്മാറ-അയിലൂർ ഗ്രാമപ്പഞ്ചായത്തുകളിലൂടെ കടന്നുപോകുന്ന മലയോരവാസികളുടെ പ്രധാന യാത്രാവഴിയാണ് രണ്ടുവർഷമായിട്ടും നവീകരണം നടക്കാതെ കിടക്കുന്നത്.

അടിപ്പെരണ്ട, ഒലിപ്പാറ ഭാഗങ്ങളിലേക്ക് നെന്മാറയിൽ നിന്ന് 25-ലധികം സ്വകാര്യ ബസുകളാണ് സർവീസ് നടത്തുന്നത്. നവീകരണഭാഗമായി പാതയുടെ മിക്ക ഭാഗങ്ങളിലെയും ഉപരിതലം പൊളിച്ചതോടെ വാഹനങ്ങൾക്ക് കേടുപറ്റുകയും സമയത്തിന് ഓടിയെത്താതിരിക്കുകയും ചെയ്യുന്നത് സാമ്പത്തികനഷ്ടത്തിന് ഇടയാക്കുന്നതായി ബസുടമകൾ പറയുന്നു. കണിമംഗലംമുതൽ തിരുവഴിയാട് വരെ പാതയിലെ പഴയ റോഡ്‌ പൂർണമായും പൊളിച്ചുനീക്കിയിട്ടുണ്ട്.

19-ന് നിയമസഭയിൽ കെ. ബാബു എംഎൽഎ സബ്മിഷൻ ഉന്നയിച്ചതോടെ ഒരാഴ്ചയ്ക്കുള്ളിൽ പണി തുടങ്ങിയില്ലെങ്കിൽ കരാറുകാരനെ ഒഴിവാക്കുമെന്ന് പൊതുമരാമത്ത് വകുപ്പുമന്ത്രി മറുപടി നൽകിയിരുന്നു. പാത നിർമാണത്തിനുള്ള കുറച്ച് യന്ത്രങ്ങളും മെറ്റലും മാത്രമാണ് കഴിഞ്ഞദിവസങ്ങളിലായി എത്തിച്ചിട്ടുള്ളത്.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

24/09/2025

നെല്ലിയാമ്പതി ചുരം പാതയിൽ ഓടുന്ന ബസിലേക്ക്‌ മരക്കൊമ്പ് പൊട്ടിവീണു

⚪24-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

*നെല്ലിയാമ്പതി* : നെല്ലിയാമ്പതി ചുരം പാതയിൽ, ഓടുന്ന കെഎസ്ആർടിസി ബസിന്റെ മുന്നിലെ ചില്ലിലേക്ക്‌ മരക്കൊമ്പ് പൊട്ടിവീണു. മുൻവശത്തെ ചില്ല് പൂർണമായും തകർന്നതോടെ ഡ്രൈവറുടെ കൈയ്ക്ക് പരിക്കേറ്റു. ചൊവ്വാഴ്ച രണ്ടുമണിയോടെ പോത്തുണ്ടി കൈകാട്ടി ചുരം പാതയിൽ കുണ്ടറച്ചോലയ്ക്ക് സമീപമാണ് അപകടം.

ഡ്രൈവർ ഗിരീഷിന്റെ ഇരുകൈകൾക്കും പരിക്കേറ്റു. ഇതോടെ, ബസ് പാതയരികിൽ നിർത്തിയിടുകയായിരുന്നു. ഒരുമണിക്കൂറിനുശേഷം വന്ന സ്വകാര്യ ബസിലാണ് യാത്രക്കാർ നെല്ലിയാമ്പതിയിലേക്ക് യാത്ര തുടർന്നത്. ഗിരീഷിനെ നെന്മാറ സാമൂഹികാരോഗ്യ കേന്ദ്രത്തിലെത്തിച്ച് ചികിത്സ നൽകി.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

23/09/2025

മേലാർകോട് ശുദ്ധജല വിതരണ പദ്ധതി പൈപ്പ് പൊട്ടി, കുടിവെള്ളം പാഴാകുന്നു

⚪23-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

ചിറ്റിലഞ്ചേരി ∙ പോത്തുണ്ടി ശുദ്ധജല വിതരണ പദ്ധതിയിലെ പൈപ്പ് പൊട്ടി ഒരാഴ്ചയായിട്ടും നന്നാക്കാൻ നടപടിയില്ലാത്തത് നാട്ടുകാരെയും യാത്രക്കാരെയും വ്യാപാരികളെയും ദുരിതത്തിലാക്കുന്നു. മേലാർകോട് പഴയ തിയറ്റർ ജംക്‌ഷനിലാണ് പൈപ്പ് പൊട്ടി വെള്ളം പാഴാകുന്നത്. ഒരാഴ്ചയിൽ കൂടുതലായി വെള്ളം പാഴാകാൻ തുടങ്ങിയിട്ട്. ഒന്നിടവിട്ട ദിവസങ്ങളിലാണ് ഇവിടേക്ക് ജലവിതരണം നടക്കുന്നത്. രാവിലെ മുതൽ ഉച്ചയ്ക്കു ജലവിതരണം നിലയ്ക്കുന്നതു വരെ ഇതിലൂടെ വെള്ളം പാഴായി പോകുകയാണ്. പാഴായി പോകുന്ന വെള്ളം എതിർ ദിശയിൽ കെട്ടി നിന്ന ശേഷം തുടർന്ന് റോഡിലൂടെ ഒഴുകി കനാലിലേക്ക് എത്തുകയാണ്. വെള്ളം കെട്ടി നിൽക്കുന്നതാണ് ഏറെ ദുരിതമാകുന്നത്.

കെട്ടി നിൽക്കുന്ന വെള്ളത്തിൽ അമിത വേഗത്തിൽ വരുന്ന വാഹനങ്ങൾ കയറുമ്പോൾ വെള്ളം തെറിച്ച് സമീപത്തെ വ്യാപാര സ്ഥാപനത്തിന്റെ ഉള്ളിലേക്ക് എത്തുകയാണ്. കാൽനടക്കാരുടെ ദേഹത്തേക്കും വെള്ളം തെറിക്കുന്നുണ്ട്. ഈ ചെളി വെള്ളത്തിൽ ചവിട്ടി വേണം നാട്ടുകാർക്ക് യാത്ര ചെയ്യുവാൻ. അധികൃതരോട് ഒട്ടേറെ തവണ പരാതിപ്പെട്ടെങ്കിലും നടപടിയെടുക്കാൻ തയാറായിട്ടില്ലെന്ന് പറയുന്നു. റോഡ് പുനരുദ്ധാരണത്തിന്റെ ഭാഗമായി റോഡരിക് കോൺക്രീറ്റ് ചെയ്തതിന്റെ അരികിലായിട്ടാണ് പൈപ്പ് പൊട്ടിയിരിക്കുന്നത്.

മണിക്കൂറുകൾ വെള്ളം പാഴാകുന്നത് നാട്ടുകാരിൽ പ്രതിഷേധവും ഉയർത്തിയിട്ടുണ്ട്. പലയിടത്തേക്കും വെള്ളം എത്താത്ത അവസ്ഥയും വരുത്തുന്നുണ്ട്. പൈപ്പ് പൊട്ടിയതിലൂടെ മണ്ണും മറ്റും ഉള്ളിലേക്ക് കയറി ചെളിവെള്ളം കുടിക്കുന്നത് മൂലം പലവിധ രോഗങ്ങളും പിടിപെടുമോയെന്ന ഭീതിയും ഉപഭോക്താക്കളെ അലട്ടുന്നുണ്ട്. പൈപ്പ് പൊട്ടിയത് നന്നാക്കാൻ അടിയന്തര നടപടി വേണമെന്ന് നാട്ടുകാർ ആവശ്യപ്പെട്ടു.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

𝐖𝐡𝐚𝐭𝐬𝐀𝐩𝐩

19/09/2025

നെന്മാറ അയിലൂരിൽ വൈദ്യുതി കുരുക്കുപയോഗിച്ച്‌ മാനിനെ പിടികൂടിയ രണ്ടുപേര്‍ അറസ്റ്റില്‍

⚪19-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

നെന്മാറ : മാനിനെ വൈദ്യുത കുരുക്കില്‍പെടുത്തി വേട്ടയാടി മാംസമെടുത്ത രണ്ടുപേർ പിടിയില്‍. അയിലൂർ കയറാടി കൈതച്ചിറയില്‍ രമേഷ് ബാബു എന്ന മൊട്ട ബാബു (47), കയറാടി സുനീഷ് (36) എന്നിവരെയാണ് അറസ്റ്റുചെയ്തത്. അയിലമുടി വനമേഖലയോടുചേർന്ന് ആള്‍താമസമില്ലാത്ത കൈതച്ചിറയിലെ തോട്ടത്തിലെ വൈദ്യുതലൈനില്‍നിന്നും അനധികൃതമായി വൈദ്യുതിയെടുത്ത് കുരുക്കുണ്ടാക്കിയാണ് മാനിനെ കെണിയില്‍പെടുത്തിയത്.

മാനിന്‍റെ ഇറച്ചി വാങ്ങാൻ എത്തിയ ആളാണ് കയറാടി സ്വദേശി സുനീഷ്. കെണിയില്‍പ്പെട്ടുചത്ത മാനിന്‍റെ മാംസം പാചകം ചെയ്യുകയും ശേഷിച്ച മാംസം സൂക്ഷിക്കുകയും ചെയ്തത് പോലീസ്, വനം വകുപ്പ് എന്നിവർ കണ്ടെടുത്തു.

രാത്രി അനധികൃതമായി വൈദ്യുതി മോഷ്ടിച്ച കുരുക്കുണ്ടാക്കിയതായാണ് അന്വേഷണത്തില്‍ കണ്ടെത്തിയത്.

പോലീസിനും വനം വകുപ്പിനും ലഭിച്ച രഹസ്യ വിവരത്തിന്‍റെ അടിസ്ഥാനത്തിലുള്ള അന്വേഷണത്തിലാണ് പ്രതികളെ നെന്മാറ പോലീസ് പിടികൂടിയത്. പോലീസ് പിടികൂടിയ പ്രതികളെ വനംവകുപ്പിനു കൈമാറുകയായിരുന്നു.

അറസ്റ്റ് രേഖപ്പെടുത്തിയ പ്രതികളെ കോടതിയില്‍ ഹാജരാക്കും. വൈദ്യുത ബോർഡ് വിജിലൻസ് സംഘവും സ്ഥലം സന്ദർശിച്ചു.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

17/09/2025

അറ്റകുറ്റപണി: കരിമ്പാറ ഗോമതി റോഡിൽ നാളെ മുതൽ ഗതാഗത നിയന്ത്രണം
⚪17-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF
അയിലൂർ: കരിമ്പാറ ഗോമതി റോഡിലെ കി.മി.6/500 (അയിലൂർ 18/09/2025 തിയ്യതി മുതൽ ഒരാഴ്ച കാലയളവിൽ റോഡിൽ അറ്റകുറ്റപണികൾ പ്രവർത്തി നടക്കുന്നതിനാൽ, പ്രവർത്തി പൂർത്തീകരിക്കുന്നുവരെ പാളിയമംഗലത്തുനിന്നും അയിലൂർ ഭാഗത്തേക്ക് വരുന്ന എല്ലാ വാഹനങ്ങളും കുണ്ടുകാട് ജങ്ഷനിൽ നിന്നും
ഇടത്തോട്ട് തിരിഞ്ഞു ചേർക്കുളം വഴിയോ, അല്ലെങ്കിൽ കാരക്കാട്ടുപറമ്പ് - പാലക്കപ്പാറ്റ വഴി അയിലൂർ മന്നം കുണ്ടുകാട് നിന്നും വലത്തോട്ട് തിരിഞ്ഞു പൂളക്കപ്പറമ്പ് കളരി തെക്കേത്തറ വഴി അയിലൂർ ബസ്സ് സ്റ്റാൻഡി ലേക്കും തിരിച്ചും അതേ വഴിയിലൂടെ തന്നെ പോകേണ്ടതാണെന്ന് നെന്മാറ പൊതുമരാമത്ത് വകുപ്പ് അസിസ്റ്റന്റ് എഞ്ചിനീയർ അറിയിച്ചു.
✅നെന്മാറ പ്രാദേശിക വാർത്തകൾ
WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

16/09/2025

ഗംഗോത്രി ഇംഗ്ലീഷ് മീഡിയം സ്കൂൾ നെന്മാറ
ISO9001 / 2015 Certified

Contact: 04923 243556, 956722097, 94400226432

12/09/2025

വിവാഹാഭ്യർഥന നിരസിച്ചു; നെന്മാറയിൽ യുവതിയെയും പിതാവിനെയും വെട്ടിപ്പരുക്കേൽപിച്ചു; പ്രതി അറസ്റ്റിൽ

⚪12-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

നെന്മാറ∙ വിവാഹാഭ്യർഥന നിരസിച്ച വിരോധത്തിൽ യുവതിയെയും പിതാവിനെയും വീട്ടിൽ കയറി വെട്ടിപ്പരുക്കേൽപിച്ചു. സംഭവത്തിൽ സ്വകാര്യ ബസ് ഡ്രൈവർ മേലാർകോട് കൂളിയാട് ഗിരീഷിനെ (29) പൊലീസ് അറസ്റ്റ് ചെയ്തു. നെന്മാറ എൻഎസ്എസ് കോളജിനു സമീപം വലതല ഹൗസിൽ സതീഷ്കുമാർ (45), മകൾ ശ്രുതി (22) എന്നിവർക്കാണു പരുക്കേറ്റത്.
വിദേശത്തായിരുന്ന ഇവർ നാട്ടിൽ തിരിച്ചെത്തിയതറിഞ്ഞ് വിവാഹാഭ്യർഥന നടത്തിയ പ്രതിയോടു താൽപര്യമില്ലെന്നു പറഞ്ഞിരുന്നതായി പൊലീസ് പറഞ്ഞു. എന്നാൽ തുടർന്നും യുവതിയെ ഫോണിലൂടെ നിരന്തരം വിളിച്ചു ശല്യം ചെയ്തിരുന്നതായി ഇവർ പരാതിപ്പെട്ടു.

വിവാഹത്തിനു വഴങ്ങാതെ വന്നതോടെ ഇന്നലെ ഉച്ചയ്ക്ക് 2ന് നീളമുള്ള കത്തിയുമായി വീട്ടിൽ അതിക്രമിച്ചു കയറി ബെഡ്റൂമിൽ ഉണ്ടായിരുന്ന യുവതിയെ ആക്രമിച്ചതായും തടയാനെത്തിയ അച്ഛനെയും വെട്ടിപ്പരുക്കേൽപിച്ചതായും പൊലീസ് പറഞ്ഞു. യുവതിയുടെ കയ്യിലും മുതുകിലും അച്ഛന്റെ കൈവിരലിലും നെറ്റിയിലുമാണു പരുക്ക്. ഇരുവരുടെയും പരുക്കു ഗുരുതരമല്ല. തുടർന്നു നടന്ന അന്വേഷണത്തിൽ പ്രതിയെ ആലത്തൂർ പൊലീസ് അറസ്റ്റ് ചെയ്തു. വധശ്രമത്തിനു കേസെടുത്ത പൊലീസ് പ്രതിയെ ഇന്നു കോടതിയിൽ ഹാജരാക്കും.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

10/09/2025

വാഹനയാത്രക്കാർക്കു ഭീഷണിയായി ചിറ്റിലഞ്ചേരി - തൃപ്പാളൂർ റോഡരികിലെ മരം

⚪10-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

ചിറ്റിലഞ്ചേരി∙ തൃപ്പാളൂർ റോഡിൽ കോട്ടേക്കുളം മേൽപ്പാലത്തിനു സമീപമുള്ള മരം വാഹനയാത്രക്കാർക്കു ഭീഷണിയായിട്ടും മുറിച്ചു മാറ്റാൻ നടപടി സ്വീകരിക്കുന്നില്ലെന്നു പരാതി. റോഡരികിലാണെങ്കിലും മരത്തിന്റെ മുകൾ ഭാഗം റോഡിലേക്ക് തള്ളി നിൽക്കുന്നതാണ് അപകടത്തിനു കാരണമാകുന്നത്.ഒട്ടേറെ വാഹനങ്ങളുടെ മുകൾ ഭാഗമാണ് മരത്തിൽ ഇടിച്ച് തകരാറിലാകുന്നത്. പലപ്പോഴും ഭാഗ്യംകൊണ്ടാണ് വൻ അപകടങ്ങൾ ഒഴിവാകുന്നത്. വാഹനങ്ങളുടെ മുകൾ ഭാഗം മരത്തിൽ ഇടിക്കുന്നതോടെ നിയന്ത്രണം തെറ്റി എതിരെ വരുന്ന വാഹനത്തിൽ ചെന്നിടിക്കുകയാണ്.മരം മുറിച്ചു മാറ്റണമെന്നാവശ്യപ്പെട്ട് പഞ്ചായത്തംഗം സി.ധനലക്ഷ്മി ഉൾപ്പെടെ ഒട്ടേറെപ്പേർ എരിമയൂർ പഞ്ചായത്തിലും പൊതുമരാമത്ത് വകുപ്പിലും പരാതി നൽകിയിട്ടും നടപടി സ്വീകരിച്ചിട്ടില്ല. ഗുഡ്സ് ഓട്ടോറിക്ഷയുടെ മുകൾ ഭാഗം മരത്തിൽ ചെന്നിടിച്ചതിനെ തുടർന്ന് നിയന്ത്രണം തെറ്റി എതിരെ വന്ന ബസിൽ ചെന്നിടിച്ചിരുന്നു. അന്ന് യാത്രക്കാർക്ക് ചെറിയ പരുക്കേറ്റെങ്കിലും വൻ അപകടം ഒഴിവാകുകയായിരുന്നു.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

08/09/2025

ഓണാവധി: സന്ദർശകത്തിരക്കിൽ വീർപ്പുമുട്ടി നെല്ലിയാമ്പതിയും പോത്തുണ്ടിയും:
ഇന്നലെ മാത്രം പോത്തുണ്ടി ചെക്പോസ്റ്റിലൂടെ നെല്ലിയാമ്പതിയിലേക്കു കടന്നത് രണ്ടായിരത്തിലേറെ വാഹനങ്ങൾ

⚪08-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

നെന്മാറ∙ ഓണാവധിയിലെ അവസാന ദിവസം നെല്ലിയാമ്പതിയും പോത്തുണ്ടിയും സന്ദർശകത്തിരക്കിൽ വീർപ്പുമുട്ടി. ടൂറിസം വകുപ്പ് പോത്തുണ്ടി ഉദ്യാന പരിസരത്ത് ഇന്നലെ വൈകിട്ട് നടത്തിയ ഓണാഘോഷ പരിപാടികൾ ആസ്വദിക്കാൻ വിനോദസഞ്ചാരികളുടെ വലിയ തിരക്കായിരുന്നു. നെന്മാറ–പോത്തുണ്ടി റോഡിൽ ഗതാഗതക്കുരുക്കും ഉണ്ടായി. രാവിലെ നെല്ലിയാമ്പതിയിലേക്കു പോയി തിരിച്ചുവന്ന വിനോദസഞ്ചാരികൾ മിക്കവരും പോത്തുണ്ടി ഉദ്യാന പരിസരത്ത് വാഹനങ്ങൾ നിർത്തിയിട്ടു.

നെല്ലിയാമ്പതിയിലെ വിവിധ പ്രദേശങ്ങളിൽ സന്ദർശിക്കാൻ സൗകര്യമായി. നെല്ലിയാമ്പതിയി‍ൽ പുലയംപാറ– സീതാർകുണ്ട് റോഡ്, കൈകാട്ടി –കാരപ്പാറ റോഡ് എന്നിവിടങ്ങളിലും ഗതാഗതക്കുരുക്കുണ്ടായി. ഇന്നലെ മാത്രം പോത്തുണ്ടി ചെക്പോസ്റ്റിലൂടെ നെല്ലിയാമ്പതിയിലേക്കു കടന്നത് രണ്ടായിരത്തിലേറെ വാഹനങ്ങൾ. ഏകദേശം 10, 000 സഞ്ചാരികൾ ഇന്നലെ മാത്രം നെല്ലിയാമ്പതി സന്ദർശിച്ചു. നെല്ലിയാമ്പതിയിൽ തങ്ങാൻ ഒരു വാടക മുറി പോലും കിട്ടാതെ വന്നതോടെ മിക്ക സഞ്ചാരികളും വൈകിട്ടു തന്നെ മടങ്ങി.

വൈകിട്ട് 5ന് മുൻപ് പോത്തുണ്ടിയിൽ തിരിച്ചെത്തണമെന്ന നിർദേശമുണ്ടായിരുന്നെങ്കിലും 7 മണിക്കും വാഹനങ്ങൾ വന്നുകൊണ്ടിരുന്നു. ഓണാഘോഷത്തിന്റെ ഭാഗമായി പ്രത്യേകമായി അലങ്കരിച്ച പോത്തുണ്ടി ഉദ്യാനത്തിൽ ഗാനമേളയും വിവിധ പരിപാടികളും നടന്നു. ഏകദേശം 6500 പേർ ഉദ്യാനത്തിൽ പ്രവേശിച്ചു. വെള്ളം നിറഞ്ഞുനിൽക്കുന്ന ഡാം കാണാൻ ഉദ്യാനത്തിലൂടെ വീതി കുറഞ്ഞ പടികൾ കയറാൻ സന്ദർശകർ നന്നേ പാടുപെട്ടു.

✅നെന്മാറ പ്രാദേശിക വാർത്തകൾ

WhatsApp_ ലൂടെ നെന്മാറ, അയിലൂർ, , നെല്ലിയാമ്പതി, മേലാർകോഡ്, കൊടുവായൂർ, എലവഞ്ചേരി പഞ്ചായത്തുകളിലെ വാർത്തകൾ വേഗത്തിലറിയാൻ ഈ ലിങ്കിലൂടെ👇 പ്രവേശിക്കുക
https://chat.whatsapp.com/L6sCTrQBDY9FVltghUuhoF

05/09/2025

തിരുവോണവും നബിദിനവും നെന്മാറയിൽ നിന്നുള്ള കാഴ്ച്ച

⚪05-09-2025⚪
Join Our Whatsapp Group
https://chat.whatsapp.com/L6sCTrQBDY9FVltghUuhoF

✅നെന്മാറ പ്രാദേശിക വാർത്തകൾ

Nenmara Vartha - നെന്മാറ വാർത്ത

30/09/2025

26/09/2025

24/09/2025

23/09/2025

19/09/2025

17/09/2025

16/09/2025

12/09/2025

10/09/2025

08/09/2025

05/09/2025

Address

Website

Alerts

Shortcuts

Share

Category