Millat Times Urdu

Millat Times Urdu This Page for Urdu Service
(2)

Millat Times is an independent Multilingual Digital Media House Under Supervision of Millat News Network Private Limited
publishes in four languages Urdu, Hindi, English & Bangla.

ایرانی وزارتِ خارجہ کے ترجمان اسماعیل بقائی نے ہندوستانی تجارتی جہازوں پر امریکی حملوں کو شدید الفاظ میں ہدفِ تنقید بنات...
12/06/2026

ایرانی وزارتِ خارجہ کے ترجمان اسماعیل بقائی نے ہندوستانی تجارتی جہازوں پر امریکی حملوں کو شدید الفاظ میں ہدفِ تنقید بناتے ہوئے اسے امریکہ کی جاری پالیسی کا کھلا ثبوت قرار دیا ہے۔
انہوں نے اپنے بیان میں کہا کہ ان حملوں کے نتیجے میں کم از کم تین بھارتی شہریوں کی جانیں گئیں، جو اس بات کی واضح علامت ہے کہ امریکہ "مسلح لوٹ مار" اور "ریاستی قزاقی" جیسی روش پر قائم ہے۔ ان کے مطابق یہ طرزِ عمل نہ صرف غیر ذمہ دارانہ ہے بلکہ عالمی سطح پر قائم اصولوں کے لیے بھی خطرہ بنتا جا رہا ہے۔
اسماعیل بقائی نے جاں بحق ہونے والے بھارتی ملاحوں کے اہلِ خانہ اور دوستوں سے ہمدردی کا اظہار کرتے ہوئے بھارتی عوام اور حکومت کے ساتھ تعزیت پیش کی۔

مکہ مکرمہ سے جاری ایک بیان میں مسلم ورلڈ لیگ (MWL) نے ایران کی جانب سے اردن، بحرین اور کویت کے خلاف جاری کارروائیوں پر س...
12/06/2026

مکہ مکرمہ سے جاری ایک بیان میں مسلم ورلڈ لیگ (MWL) نے ایران کی جانب سے اردن، بحرین اور کویت کے خلاف جاری کارروائیوں پر سخت ردِعمل ظاہر کیا ہے اور اسے خطے کے امن و استحکام کے لیے سنگین خطرہ قرار دیا ہے۔
مسلم ورلڈ لیگ کے جنرل سیکرٹریٹ کی طرف سے جاری اعلامیے میں تنظیم کے سیکرٹری جنرل اور تنظیم علمائے مسلمین کے چیئرمین شیخ ڈاکٹر محمد بن عبد الکریم العیسیٰ نے کہا کہ ایران کی بار بار کی جانے والی یہ کارروائیاں نہ صرف انسانی اور بین الاقوامی اصولوں کی خلاف ورزی ہیں بلکہ مذہبی اقدار کے بھی منافی ہیں۔ ان کا کہنا تھا کہ اس طرزِ عمل سے خطے میں امن کی بحالی کی کوششیں متاثر ہو رہی ہیں اور حالات مزید کشیدہ ہو سکتے ہیں۔
انہوں نے زور دیا کہ صورتحال کو مزید بگڑنے سے بچانے کے لیے فوری طور پر مذاکرات کی طرف واپسی ناگزیر ہے۔ اس سلسلے میں انہوں نے پاکستان کے کردار کو اہم قرار دیتے ہوئے کہا کہ پاکستان اس عمل میں مؤثر قیادت کر رہا ہے، جبکہ ریاست قطر بھی اس سمت میں سرگرم کوششیں کر رہی ہے۔

مہاراشٹر کے چھترپتی سمبھاجی نگر میں جائیداد کے تنازع نے ایک دردناک رخ اختیار کر لیا، جہاں بیٹے نے عدالت میں مقدمہ ہارنے ...
12/06/2026

مہاراشٹر کے چھترپتی سمبھاجی نگر میں جائیداد کے تنازع نے ایک دردناک رخ اختیار کر لیا، جہاں بیٹے نے عدالت میں مقدمہ ہارنے کے بعد اپنے 82 سالہ والد کو سڑک پر قتل کر دیا۔

متوفی سید جعفر قمرالدین پٹیل ایک ریٹائرڈ سرکاری ملازم تھے، جنہوں نے اپنے بیٹے عبدالرحمن عبدالجعفر پٹیل کے خلاف بدسلوکی اور گھریلو تنازعات کے سبب گھر خالی کرانے کے لیے عدالت سے رجوع کیا تھا۔ تقریباً دو سال تک جاری رہنے والی قانونی لڑائی کے بعد عدالت نے والد کے حق میں فیصلہ سنایا اور بیٹے کو مکان خالی کرنے کا حکم دیا۔

فیصلہ ملنے کے بعد جعفر پٹیل اپنی بیٹی کے ساتھ عدالت سے واپس لوٹ رہے تھے کہ راستے میں عبدالرحمن نے ان کی گاڑی رکوائی اور بھرے بازار میں چاقو سے حملہ کر کے انہیں شدید زخمی کر دیا۔ زخموں کی تاب نہ لاتے ہوئے وہ موقع پر ہی دم توڑ گئے۔

حملے میں ان کی بیٹی بھی زخمی ہوئی ہے، جسے علاج کے لیے اسپتال منتقل کیا گیا۔ پولیس نے ملزم عبدالرحمن کو گرفتار کر لیا ہے اور واقعے کی مزید تفتیش جاری ہے

سعودی عرب کی ہیئۃ التراث نے مدینہ منورہ کے علاقہ المہد میں آثارِ قدیمہ کے دوسرے مرحلے کے سروے کے بعد 1774 اسلامی آثار ک...
12/06/2026

سعودی عرب کی ہیئۃ التراث نے مدینہ منورہ کے علاقہ المہد میں آثارِ قدیمہ کے دوسرے مرحلے کے سروے کے بعد 1774 اسلامی آثار کی دستاویز بندی مکمل کر لی ہے، جن میں ایک نایاب پتھریلا نقش بھی شامل ہے جس پر خلیفۂ ثانی حضرت عمر بن خطابؓ کا نام درج ہے۔
سعودی خبر رساں ایجنسی واس کے مطابق اس سروے کے دوران 156 نئے آثارِ قدیمہ کے مقامات کی نشاندہی ہوئی، جو اس علاقے کی تاریخی وسعت اور مختلف ادوار کی تہذیبی جھلک پیش کرتے ہیں۔
دستاویز بندی میں 461 اسلامی نقوش، 34 ثمودی نقوش، 1259 چٹانی تصاویر، 11 پتھریلے ڈھانچے، 3 قدیم عمارتیں اور محلات، دو تاریخی قافلوں کے راستے اور 4 کنویں شامل ہیں۔
خاص طور پر دو نقوش نے ماہرین کی توجہ حاصل کی، ایک میں "محمد رسول اللہ" درج ہے، جبکہ دوسرے میں یہ عبارت لکھی ہوئی پائی گئی:
"اللہ ولی عمر بن الخطاب فی الدنیا والآخرة"
جو ابتدائی اسلامی دور کی جھلک پیش کرتی ہے۔

سماج وادی پارٹی کے صدر اور اتر پردیش کے سابق وزیر اعلیٰ اکھلیش یادو کی بیٹی ادیتی یادو کے خلاف سوشل میڈیا پر گمراہ کن او...
12/06/2026

سماج وادی پارٹی کے صدر اور اتر پردیش کے سابق وزیر اعلیٰ اکھلیش یادو کی بیٹی ادیتی یادو کے خلاف سوشل میڈیا پر گمراہ کن اور قابلِ اعتراض مواد پھیلانے کے معاملے میں کانپور کے سائبر کرائم تھانے میں مقدمہ درج کر لیا گیا ہے۔ پولیس نے تین افراد کو نامزد کرتے ہوئے ڈیجیٹل شواہد کی جانچ شروع کر دی ہے۔
شکایت سماج وادی وکلاء سبھا کے قومی سکریٹری پروین یادو کی جانب سے دی گئی، جس میں الزام لگایا گیا کہ سوشل میڈیا پر ادیتی یادو کی شبیہ کو نقصان پہنچانے کے لیے جھوٹی اور گمراہ کن معلومات پھیلائی گئیں۔
شکایت کے مطابق 9 جون کو ایک سوشل میڈیا پوسٹ وائرل ہوئی جس میں ادیتی یادو کے بارے میں چوری اور دیگر مجرمانہ سرگرمیوں سے متعلق دعوے کیے گئے تھے۔ یہ بھی الزام ہے کہ ایک تصویر میں ترمیم کر کے اسے پھیلایا گیا تاکہ ان کی ساکھ متاثر ہو۔
پولیس نے بھرت کمار پٹیل، ناگیشور سنگھ بگھیل، اور ونود کمار یادو کو نامزد کیا ہے۔ ان کے خلاف بھارتیہ نیائے سنہتا اور انفارمیشن ٹیکنالوجی ایکٹ کی متعلقہ دفعات کے تحت مقدمہ درج کیا گیا ہے۔
سائبر پولیس کا کہنا ہے کہ وائرل پوسٹ کے ماخذ، متعلقہ سوشل میڈیا اکاؤنٹس، استعمال شدہ ڈیوائسز اور اپ لوڈ کی گئی جگہ کا تکنیکی تجزیہ کیا جا رہا ہے، جس کے بعد مزید قانونی کارروائی کی جائے گی۔

دہلی ہائی کورٹ نے کشمیری انسانی حقوق کے کارکن خرم پرویز کو دہشت گردی فنڈنگ معاملے میں ضمانت دے دی ہے۔ یہ مقدمہ قومی تحقی...
10/06/2026

دہلی ہائی کورٹ نے کشمیری انسانی حقوق کے کارکن خرم پرویز کو دہشت گردی فنڈنگ معاملے میں ضمانت دے دی ہے۔ یہ مقدمہ قومی تحقیقاتی ایجنسی (این آئی اے) نے یو اے پی اے کے تحت درج کیا تھا۔
جسٹس نوین چاولا اور جسٹس رویندر دودیجا پر مشتمل بنچ نے 17 دسمبر 2024 کے اس فیصلے کو چیلنج کرنے والی اپیل منظور کر لی، جس میں نچلی عدالت نے خرم پرویز کی ضمانت مسترد کر دی تھی۔ عدالت نے کہا کہ ضمانت کچھ شرائط کے ساتھ دی گئی ہے، تفصیلی حکم ابھی جاری ہونا باقی ہے۔
خرم پرویز کو 22 نومبر 2021 کو سری نگر سے گرفتار کیا گیا تھا اور 25 فروری 2022 سے وہ عدالتی حراست میں تھے۔ اپیل دائر کیے جانے تک وہ تقریباً تین سال سے زائد عرصہ جیل میں گزار چکے تھے۔

شاملی کے رہائشی محمد علی عرف آیوش ملک نے میڈیا سے گفتگو کرتے ہوئے اپنے بارے میں پھیلائی گئی میڈیائی پروپیگنڈوں کو مستر...
08/06/2026

شاملی کے رہائشی محمد علی عرف آیوش ملک نے میڈیا سے گفتگو کرتے ہوئے اپنے بارے میں پھیلائی گئی میڈیائی پروپیگنڈوں کو مسترد کر دیا ہے۔
انہوں نے کہا کہ یہ تاثر دیا جا رہا تھا کہ چاندنی قریشی نے انہیں اپنے جال میں پھنسا کر زبردستی مذہب تبدیل کروایا، تاہم حقیقت اس کے برعکس ہے۔ آیوش ملک نے واضح طور پر کہا، "میں مسلمان ہو چکا ہوں۔ اگر میں نے مذہب تبدیل کر لیا ہے تو پھر واپسی کا کیا مطلب ہے؟ واپسی اسی وقت ہوگی جب میں دوبارہ ہندو بن جاؤں، ورنہ اس کا مطلب یہ ہوگا کہ میں کبھی مسلمان بنا ہی نہیں تھا۔"
انہوں نے مزید کہا کہ ان کے خلاف درج ایف آئی آر خاندان اور سماجی دباؤ کے تحت کرائی گئی ہے اور ان کا خاندان بھی اسی دباؤ کا سامنا کر رہا ہے۔
ایک سوال کے جواب میں انہوں نے کہا، "اگر کوئی مسلمان بن جائے تو وہ دوبارہ ہندو نہیں ہو سکتا، اور اگر وہ پلٹ جائے تو اس کا مطلب ہے کہ وہ کبھی مسلمان تھا ہی نہیں۔"

08/06/2026

شاملی میں آیوش ملک اور چاندنی قریشی معاملے نے نیا رخ اختیار کر لیا ہے، جہاں پہلے کچھ حلقوں خصوصا میڈیا کی جانب سے یہ دعویٰ کیا جا رہا تھا کہ چاندنی قریشی نے آیوش ملک کو محبت کے جال میں پھنسا کر ان کا مذہب تبدیل کروایا۔
اب خود آیوش ملک سامنے آئے ہیں اور میڈیا سے گفتگو میں کہا ہے کہ انہوں نے اپنی مرضی سے اسلام قبول کیا۔ ان کا کہنا تھا، "الحمدللہ میں مسلمان ہوں، یہ سارا معاملہ بے روزگار لوگوں کی چال ہے۔"
آیوش ملک نے بتایا کہ وہ پاکستانی نزاد اسلامی اسکالر ڈاکٹر اسرار احمد سے متاثر ہیں اور انہی کی تقاریر سن کر اسلام کی طرف مائل ہوئے۔ انہوں نے کہا کہ وہ 2008 میں ہی اسلام قبول کر چکے تھے اور اسی دوران دین کی بنیادی باتیں بھی سیکھ لی تھیں۔
انہوں نے یہ بھی کہا کہ انہوں نے کئی بار اپنا نام تبدیل کرانے کی کوشش کی، لیکن کوئی وکیل یا متعلقہ ادارہ اس کے لیے تیار نہیں ہوا۔
گھر والوں کی طرف سے ایف آئی آر کے معاملہ پر انہوں نے کہا کہ ان کے گھر والوں پر مقامی ہندو سماج کے لوگوں کی جانب سے دباؤ ڈالا جا رہا تھا، جس کے باعث یہ صورتحال پیدا ہوئی۔

08/06/2026

دہلی کے کانسٹی ٹیوشن کلب میں اپوزیشن اتحاد انڈیا الائنس کی ایک اہم میٹنگ جاری ہے، جس میں اپوزیشن کی تقریباً دو درجن جماعتوں کی شرکت کا دعویٰ کیا جا رہا ہے۔

اس میٹنگ میں راہل گاندھی، سونیا گاندھی اور ملکارجن کھرگے کے ساتھ ساتھ عمر عبداللہ، اکھلیش یادو اور محبوبہ مفتی سمیت کئی بڑے رہنما موجود ہیں۔ خاص بات یہ بتائی جا رہی ہے کہ ٹی ایم سی کی سربراہ ممتا بنرجی بھی اس میٹنگ میں شریک ہیں۔

کچھ دیگر رہنما ویڈیو کانفرنسنگ کے ذریعے اس میٹنگ میں شامل ہو رہے ہیں۔

Address

Delhi
110025

Telephone

+917982679313

Website

Alerts

Be the first to know and let us send you an email when Millat Times Urdu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Millat Times Urdu:

Shortcuts

Share

Category