The Link

02/06/2025

04/05/2025

📌 ভইচ অভাৰ আৰ্টিষ্টে ইনবক্সত যোগাযোগ কৰক

29/03/2025

✅ কৃষ্ণকান্ত সন্দিকৈৰ পৰা ননী গোপাল মহন্তলৈ

✅ বৰ্তমানৰ উপাচাৰ্যই ছাত্ৰ-ছাত্ৰীক ফেপেৰি পাতি ধৰে।
কয়- মোক মাৰা তোমালোকে

✅ কিন্তু পূৰ্বে পৰিৱেশ তেনে নাছিল।
বিশ্ববিদ্যালয়ৰ প্ৰথম উপাচাৰ্য কৃষ্ণকান্ত সন্দিকৈয়ে দায়িত্ব গ্ৰহণ কৰাৰ পিছত অসমৰ প্ৰধানমন্ত্ৰী তথা শিক্ষামন্ত্ৰী গোপীনাথ বৰদলৈয়ে কাম কেনে চলিছে সেই বিষয়ে আলোচনা কৰিবলৈ গৈছিল৷
তেওঁ মাতি পঠিয়ালে বিশ্ববিদ্যালয়ৰ পঞ্জীয়ক ফণীধৰ দত্তক৷ দত্তই সন্দিকৈলৈ খবৰ পঠিয়ালে। কিন্তু কৃষ্ণকান্ত সন্দিকৈয়ে ক’লে
মই বৰদলৈক লগ ধৰিব নোৱাৰোঁ
বিশ্ববিদ্যালয়ৰ ভিতৰত ৰাজনৈতিক নেতাৰ প্ৰৱেশ নিষেধ
স্বাভাৱিকতে বৰদলৈ হতভম্ব হ’ল। তেওঁ উভতি গ’ল।
গোপীনাথ বৰদলৈয়ে তাৰ পিছতো পণ্ডিত কৃষ্ণকান্ত সন্দিকৈক লগ ধৰিবলৈ চেষ্টা কৰিছিল৷ আনকি বৰদলৈৰ অনুৰোধতে ৰাজ্যপালেও সন্দিকৈক গুৱাহাটীৰ ছাৰ্কিট হাউচলৈ মাতি পঠিয়াইছিল৷ কিন্তু সন্দিকৈ নাচোৰবান্দা৷
তেতিয়া প্ৰধানমন্ত্ৰী বৰদলৈ হতাশ হ’ল৷ এদিন হতাশা পঞ্জীয়ক ফণীধৰ দত্তৰ আগতে প্ৰকাশ কৰিলে৷
সেয়ে দত্তই এদিন সন্দিকৈক কাণ চোৱালে
গোপীনাথ বৰদলৈৰ সৈতে এদিন কথা পতাটো ভাল হ’ব!
কিন্তু সন্দিকৈ আকৌ গৰজিহে উঠিল৷ তেওঁ ক’লে
আগতেই কৈ থৈছোঁ-বিশ্ববিদ্যালয়লৈ বিধানসভাৰ সদস্য আহিব নোৱাৰিব
চৰকাৰে আমাৰ কামত মাত মাতিব নোৱাৰিব
সেই কথাটোৱেই বহুদিন ভাবি চিন্তি পঞ্জীয়ক দত্তই গোপীনাথ বৰদলৈক কৈছিল৷ তেতিয়াহে সম্বিত ফিৰাই পালে গোপীনাথ বৰদলৈয়ে৷ হাঁহি হাঁহিয়েই উপাচাৰ্যক লগ পোৱাৰ আশা পৰিত্যাগ কৰিলে লোকপ্ৰিয় বৰদলৈয়ে৷
সেইখন বিশ্ববিদ্যালয়তে বৰ্তমান উপাচাৰ্যই ছাত্ৰ-ছাত্ৰীক ফেপেৰি পাতি ধৰিছে৷ কৃষ্ণকান্তৰ পৰা ননীগোপাল মহন্তলৈ পাৰ হৈ গৈছে দীঘলীয়া অধ্যায়৷ ✅

27/03/2025

কেৱল ৰীলছৰ বাবেই নহয়, স্বাস্থ্যৰ বাবেও উপকাৰী বগেনভেলিয়া

কেৱল ৰীলছ বনাবলৈয়েই ভাল নহয়৷ বগেনভেলিয়া ফুল খাবও পাৰি৷
আচুৰ্য বৰপাত্ৰৰ গানৰ বাবে অসমত বৰ্তমান ট্ৰেণ্ডিং হৈ আছে বগেনভেলিয়া৷ কিন্তু এই ফুলপাহৰ ঔষধি গুণৰ কথা বহুতে নাজানে৷
বগেনভেলিয়া ফুলৰ বড় স্বাস্থ্যৰ বাবে অত্যন্ত উপকাৰী৷ বগেনভেলিয়াত কেন্সাৰ প্ৰতিৰোধী উপকৰণ ফাইট’কেমিকেল পোৱা যায়৷ লগতে ইয়াত থাকে প্ৰাকৃতিক ইনছুলিন পিণ্ট’ল৷ যি ডায়েবেটিছ প্ৰতিৰোধ কৰে৷
বগেনভেলিয়া এণ্টি-অক্সিডেণ্টৰেও সমৃদ্ধ৷ গতিকে ফুলবিধ খালে শৰীৰৰ ৰোগ প্ৰতিৰোধ ক্ষমতা বৃদ্ধি হয়৷
বিশেষকৈ থাইলেণ্ডত বগেনভেলিয়া খাদ্য হিচাপেও প্ৰচলিত৷ ফুলবিধৰ ব্যঞ্জনৰ নাম হৈছে ডক মাই থট dok mai thot৷ দেশখনত বগেনভেলিয়াৰ মাজৰ কেশডাল আঁতৰাই ফুলপাহ চাউলৰ গুৰি আৰু চুজিৰে লেটিয়াই বড় হিচাপে খোৱা হয়৷ সেয়ে থাইলেণ্ডত কেন্সাৰ ৰোগীৰ সংখ্যা কম৷
মেক্সিকোত কাহৰ ঔষধ হিচাপে বগেনভেলিয়া প্ৰচলিত৷ শ্বাসজনিত যিকোনো ৰোগ উপশমৰ বাবে বগেনভেলিয়া ভাজি খোৱা হয়৷
আফ্ৰিকাত অন্ত্ৰৰ সমস্যাৰ নিৰাময়ৰ বাবে বগেনভেলিয়াৰ ব্যঞ্জনৰ প্ৰচলন আছে৷ ফুলবিধ খালে তেজ শুদ্ধি হয় বুলিও বিজ্ঞানে স্বীকৃতি দিছে৷ বিহফোঁহাৰ সমস্যাত ঘনাই আখ্ৰান্ত লোকসকলে বগেনভেলিয়াৰ বড় খোৱাটো উপকাৰী৷
বগেনভেলিয়াত ফাইট’কেমিকেল উপকৰণো পোৱা যায়৷ এইবিধ উপকৰণে কেন্সাৰ ৰোধ কৰে৷ গতিকে কেৱল বগেনভেলিয়াৰ তলত ৰীল বনায়েই ৰৈ নাথাকিব৷ ৰীল বনোৱাৰ পিছত চুজিৰ সৈতে বড় বনাই খাব বগেনভেলিয়া৷

19/03/2025

✅ অসমলৈ কিয় অহা নাই নাৰিকল
✅ ১০০ টকাৰ তলত অসমত নাৰিকল পাবলৈয়েই নাই৷ কেৰ্কেটুৱাই বাৰী উদং কৰাৰ ফলত অসমত চাহিদাৰ ২০ শতাংশ নাৰিকলহে উৎপাদন হয়৷ বাকী ৮০ শতাংশ নাৰিকলেই অসমলৈ বাহিৰৰ পৰা আহে৷ কেৰালাৰ সৰু সৰু নাৰিকল ১০০ টকাত তিনিটাপৰ্যন্ত বিক্ৰী কৰে বেপাৰীয়ে৷ কিন্তু অসমৰ ডাঙৰ নাৰিকলৰ দাম যোৰাত কমেও ১০০ টকা৷
কিন্তু কিছুদিনৰ পৰা কমিছে কেৰেলিয়ান নাৰিকলৰ সৰবৰাহ৷ তাৰ কাৰণ হৈছে শেহতীয়া কুম্ভমেলা৷ বৰ্তমান প্ৰয়াগৰাজত নাৰিকলৰ দ’মে সমস্যাৰহে সৃষ্টি কৰিছে৷ ভক্তই গংগাত বিসৰ্জন দিয়া নাৰিকল জ্বলায়ো শেষ কৰিব পৰা নাই প্ৰশাসনে৷
এইপৰ্যন্ত গংগাৰ পৰা কমেও ২৫ কোটি নাৰিকল তোলা হৈছে৷ স্নানৰ সময়ত ভক্তই নদীত উটুৱাই দিয়া নাৰিকল বিশেষ যন্ত্ৰৰ জৰিয়তে সংগ্ৰহ কৰিছে NGOৰ কৰ্মীয়ে৷ তেওঁলোকে নদীৰ মাজৰ পৰা নাৰিকল উঠাই পাৰত দ’ম কৰিছে৷
তথাপি কিন্তু গংগা নাৰিকল মুক্ত হোৱা নাই৷ ২৫ কোটি নাৰিকলৰ ভাগে ভাগে দ’ম বান্ধি জ্বলাই দিয়া হৈছে৷ ফলত প্ৰয়াগৰাজত নাৰিকলৰ গোন্ধে আমোলমোলাই গৈছে৷ নাৰিকলৰ জুইৰ ধোৱাই ছানি ধৰিছে কুম্ভমেলাৰ আকাশ৷
মহা কুম্ভ শেষহোৱালৈ ২৫ কোটি টকা মূল্যৰ নাৰিকল নদীৰ এটা এলেকাৰ পৰাই তোলা হৈছে৷ কিন্তু তাতকৈ বেছি মূল্যৰ নাৰিকল এতিয়াও নদী আবৃত কৰি ৰাখিছে৷ গংগাৰ কেবাকিলোমিটাৰ এলেকাত নাৰিকলৰ বাবে নেদেখা হৈ পৰিছে পানী৷
প্ৰয়াগৰাজলৈ আকৌ নাৰিকল সৰবৰাহ কৰিছে দক্ষিণ ভাৰতৰ বেপাৰীয়ে৷ ৰে’ল আৰু ট্ৰাকৰ জৰিয়তে কেৰালাৰ পৰা দৈনিক ১০ কোটি টকাৰ নাৰিকল প্ৰয়াগৰাজনৈ নিয়া হৈছে৷ তাত চ’ৰা দামত নাৰিকল বেচিছে কেৰালাৰ বেপাৰীয়ে৷
কিন্তু কুম্ভমেলাৰ বাবে অসমলৈ কমিছে নাৰিকলৰ সৰবৰাহ৷ ফলত কেৰালাৰ সৰু নাৰিকলৰে যোৰা ১০০ টকালৈ বাঢ়িছে৷ অসমীয়াৰ সকাম-নিকামে দৰকাৰী নাৰিকল নোহোৱা হৈছে বজাৰত৷

15/03/2025

✅ মানে নোৱাৰিলে, বান্দৰে পাৰিলে
✅ আম্বানিৰ পুতেকে চিৰিয়াখানলৈ হাতী নিয়াৰ সময়ত অসমৰ বহু ঠাইৰ লোকে বান্দৰবোৰো লৈ যাবলৈ কাকূতি কৰিছিল৷
কথাটো ধেমেলিয়া যদিও গূঢ়াৰ্থ কিন্তু চিন্তনীয়৷ লাহে লাহে উদ্বেগজনকভাৱে অসম মানুহৰ সলনি বান্দৰৰ ৰাজ্যত পৰিণত হৈছে৷ বান্দৰৰ অত্যাচাৰত অতিষ্ঠ হৈ বাসস্থানেই সলনি কৰিছে অসমীয়াই৷
মানৰ অক্ৰমণেও লৰ-চৰ কৰাব নোৱাৰা অসমীয়া বান্দৰৰ ভয়ত পলাইছে৷ কাৰণ কপিকুলৰ অত্যাচাৰত ঘৰত নাথাকে জলকীয়া পুলিও৷
শিৱসাগৰৰ কালুগাঁও, ডিব্ৰুগড়ৰ টিংখাং, যোৰহাটৰ তিতাবৰ আদিত আগতেও বান্দৰৰ উপদ্ৰৱ চলিছিল৷ পিছে বিগত এমাহৰ পৰা নিত্যনতুন স্থানত সাম্ৰাজ্য পাতিছে বান্দৰৰ জাকে৷
অভাৱনীয় হাৰত সংখ্যা বৃদ্ধিৰ পৰিপ্ৰেক্ষিতত কপিকুলে সাম্ৰাজ্য বহলাইছে৷ ফলত যোৰহাটৰ ৬০ শতাংশ গ্ৰামাঞ্চলতে বান্দৰৰ অত্যাচাৰত খেতি কৰিবলৈ এৰি দিছে অসমীয়াই৷
ডিব্ৰুগড়ৰ ৭০ শতাংশ গাঁৱত বৰ্তমান চলিছে বান্দৰৰ উৎপাত৷ ফলত চহকী পৰিয়ালে গাঁৱৰ ঘৰ এৰি চহৰলৈ প্ৰব্ৰজন কৰিছে৷
শোণিতপুৰ, বিশ্বনাথ আদি জিলাত আগতে বান্দৰৰ উৎপাত নাছিল৷ কিন্তু এতিয়া তাতো বান্দৰে কাকো খেতি কৰিবলৈ নিদিয়ে৷
আন নালাগে, ধানো নষ্ট কৰিছে বান্দৰে৷ ঘৰৰ অমিতাৰ পৰা নাৰিকললৈ সকলো বান্দৰে ধ্বংস কৰিছে৷
এতিয়া কঠোৰ চৰকাৰী ব্যৱস্থা অবিহনে বান্দৰৰ পৰা অসমীয়াক কোনেও ৰক্ষা কৰিব নোৱাৰে৷ গ্ৰাম্য অৰ্থনীতি ধ্বংস হৈ যোৱাৰ সময়ত চৰকাৰে কৰিব লাগিব বান্দৰৰ জন্মনিয়ন্ত্ৰণ৷
আনহাতে এতিয়াহে ৰাইজে গম পাইছে ভয়াৱহতাৰ কথা৷ বান্দৰ বৰ্তমান কেৱল মাংসভোজীয়েই হৈ থকা নাই, বাঘৰ দৰেই আক্ৰমণাত্মকো হৈ পৰিছে৷ আগতে মানুহ দেখিলেই বান্দৰ পলাইছিল৷ পিছে সংখ্যাবৃদ্ধিৰ পিছত খাদ্য আৰু বাসস্থানৰ অভাৱে বন্যপ্ৰাণীক উন্মাদ কৰি পেলাইছে৷ সঘনাই মানুহৰ আক্ৰমণৰ সন্মুখীন হোৱাৰ পিছত কাৰোলৈ কেৰেপ নকৰা হৈছে বান্দৰে৷
এয়াই প্ৰতিপন্ন কৰি এজন লোকক কামুৰি ফালি পেলালে উন্মাদ বান্দৰে৷ শিৱসাগৰৰ কালুগাঁৱত এই ঘটনা সংঘটিত হ’ল৷ অঞ্চলটোৰ মগৰাহাট গড়কাষৰীয়া গাঁৱৰ অমৃত বৰুৱা নামৰ লোকজনে বান্দৰ খেদিবলৈ চেষ্টা কৰিছিল৷ পিছে তেতিয়াই উভতি ধৰি বান্দৰৰ জাকে তেওঁকে বগৰাই পেলালে৷ লোকজনৰ কলাফুলৰ মঙহ আজুৰি লৈ গ’ল উন্মাদ বান্দৰে৷
এই ঘটনাই পৰিস্থিতিৰ ভয়াৱহতা প্ৰতিপন্ন কৰিলে৷ বান্দৰৰ প্ৰাকৃতিক চৰিত্ৰ সলনি হৈছে বুলি প্ৰত্যক্ষদৰ্শীয়ে ইতিমধ্যে প্ৰকাশ কৰিছে৷
আনহাতে শিৱসাগৰৰ কালুগাঁৱত বিগত প্ৰায় কুৰিবছৰধৰি অব্যাহত আছে বান্দৰৰ আক্ৰমণ৷ ঘৰতে পাচলি খেতিও কৰিব নোৱাৰা গঞাই সকলো সামগ্ৰী কিনিয়েই পেট প্ৰৱৰ্তন কৰিছে৷ জলকীয়া এডালো ঘৰত ৰুব নোৱাৰাৰ ফলতে অৰ্থনৈতিক অৱস্থাও শোচনীয় হৈ পৰিছে গঞাৰ৷
সমান্তৰালকৈ উজনিৰ প্ৰায়বোৰ জিলাতে বৃদ্ধি হৈছে বান্দৰৰ উৎপাত৷ হয়তো আৰু কিছুদিন পিছত মানুহক উলিয়াই ঘৰো বান্দৰেই দখল কৰিব৷

13/03/2025

✅ পথাৰত মদৰ ভঙা বটলে ভৰি কাটিছে খেতিয়কৰ

✅ অসমৰ মুঠ ৩.৬৬ কোটি জনসংখ্যাৰ ভিতৰত অসমীয়াৰ সংখ্যা কিমান! নিজকে অসমীয়া বুলি গৌৰৱেৰে পৰিচয় দিয়া লোকৰ সংখ্যা বৰ বেছি ১ কোটি ২৫ বা ২৬ লাখ৷ তাতকৈ কিন্তু কোনোপধ্যে এই পৰিসংখ্যা আধিক নহয়৷
পিছে ৰাজনৈতিক আৰু সামাজিক যুঁজত বিধ্বস্ত সৰু জাতিটো সুৰাৰ বাবেও ধ্বংস হ’বলৈ ওলাইছে৷ মাত্ৰ ১.২৫ কোটি লোকৰ ভিতৰত সুৰাপায়ীৰ হৈছেগৈ প্ৰায় ৫২ শতাংশ লোক৷ অসমৰ সমাজ জীৱনত পূৰ্বে মদাহী বুলি চিনাকি আছিল মাত্ৰ এজন বা দুজন লোকৰ৷ নিশা মদ্যপান কৰাসকলক গঞা সমাজেও বৰ্জন কৰি চলিছিল৷
পিছে সেই পৰিসংখ্যা সম্প্ৰতি ওলোটা হৈ গৈছে৷ প্ৰতিখন অসমীয়া গাঁৱতে মদ নোখোৱাকৈ আছে এজন বা দুজন যুৱকেহে৷ অৱশিষ্ট ডেকাৰ পৰা বুঢ়ালৈ সকলোৱে মদ্যপান কৰে৷
✅ কিন্তু মদ্যপানৰ ক্ৰমবৰ্ধিত মাত্ৰাই অসমীয়া সমাজ ব্যৱস্থাকে ক্ষতিগ্ৰস্ত কৰিছে৷ পুৰুষৰ মাজত মদ্যপানৰ মাত্ৰা বঢ়াৰ বাবে বৃদ্ধি হৈছে অবিবাহিত যুৱতীৰ সংখ্যা৷ কাৰণ মদাহী যুৱকৰ সৈতে বিয়াত বহিবলৈ বেছিভাগ যুৱতীৰে সাহস নাই৷ যোৱা ৮ বছৰত যুৱকজনৰ মদ্যপানৰ অভ্যাসৰ বাবে কমেও ৫৮ হাজাৰ বিয়া ভাগিছে৷ বিভিন্ন এলেকাত ছমাহজুৰি চৰজমিন সমীক্ষা চলাই আমি এই তথ্য লাভ কৰিছোঁ৷
✅ আপোনালোকে সম্ভৱতঃ জানে- ৰাছিয়াত বৰ্তমান এজন পুৰুষৰ বিপৰীতে আছে ১০ গৰাকী যুৱতী৷ তেওঁলোক বিবাহযোগ্য৷ কিন্তু বিয়াৰ বাবে বিচাৰি পোৱা নাই দৰা৷ কিয়নো ৰাছিয়াত পুৰুষৰ সংখ্যা আচৰিতভাৱে কম৷
অৱশ্যে ইয়াৰ কাৰণ আছে৷ বিশ্বযুদ্ধৰ সময়ত ৰাছিয়াত সুৰাৰ প্ৰচলন অত্যধিক হৈ পৰিছিল৷ বিশেষকৈ ভ’ডকা নামৰ পানীয়বিধে গ্ৰাস কৰিছিল ৰাছিয়াৰ যুৱকসকলক৷ তেওঁলোকে হকে-বিহকে ভ’ডকা পান কৰাৰ ফলত এটা প্ৰজন্ম ধ্বংস হৈ গ’ল৷
সুৰাপানৰ অভ্যাসৰ বাবে ৰাছিয়াৰ পুৰুষকুল লিভাৰৰ ৰোগত আক্ৰান্ত হ’ল৷ বিশ্বযুদ্ধতো প্ৰাণ হেৰুৱালে বহু যুৱ সৈনিকে৷ গতিকে ৰাছিয়াত মহিলাৰ তুলনাত পুৰুষৰ সংখ্যা কমি গ’ল৷ এতিয়াও সেই অনুপাত প্ৰয়োজনীয় হোৱাগৈ নাই৷
✅ সেই একেই পৰিস্থিতিৰ দিশে অসমো অগ্ৰসৰ হৈছে৷ অসমত এৰেইঞ্জ মেৰিজৰ পূৰ্বে এজন যুৱকৰ বিষয়ে কইনাৰ পৰিয়ালে CBIৰ দৰে তদন্ত কৰাটো অত্যাৱশ্যকীয় হৈ পৰিছে৷ কাৰণ প্ৰায় প্ৰতিজন যুৱকেই বৰ্তমান মদ্যপায়ী৷ কেৱল কম-বেছিৰ অনুপাততহে কইনাৰ অভিভাৱকে বিবাহৰ সিদ্ধান্ত ল’ব পাৰে৷
আপুনি যদি হায়দৰাবাদ অথবা বাংগালুৰুৰ হস্পিতেললৈ যায়, তেন্তে দেখিব লিভাৰৰ ৰোগত আক্ৰান্ত অসমীয়া ডেকা৷ প্ৰতিদিনে অসমৰ পৰা ৰে’ল আৰু বিমানযোগে গড়ে চাৰিজন যুৱক লিভাৰৰ চিকিৎসাৰ বাবে বৰ্হিৰাজ্যলৈ যায়৷
✅ তেওঁলোকৰ মদ্যপানৰ ফল ভুগিব লাগে পৰিয়ালে৷ শেষত ৫০ লাখ টকা খৰচ কৰাৰ পিছতো পৰিয়ালৰ সদস্যই লিভাৰ দান কৰি সুস্থ কৰিব লাগে পুত্ৰ বা স্বামীক৷ এই ধৰণৰ ঘটনা অসমৰ সমাজত একেবাৰে সূলভ৷ প্ৰতিটো অঞ্চলতে আছে লিভাৰ সংৰোপণ কৰা ৰোগী৷
কিন্তু ইয়াতো এটা আচৰিত অনুপাত আছে৷ ৰাজ্যৰ পাহাৰীয়া জনজাতি অথবা আহোম, সোণোৱাল-কছাৰী আদিৰ মাজত লিভাৰৰ ৰোগীৰ সংখ্যা তুলনামূলকভাৱে কিছু কম৷ কিন্তু তেওঁলোকৰ মাজত সুৰাপানৰ মাত্ৰা বেছি৷ পিছে কোচ, কলিতা, কেওট অথবা ব্ৰাহ্মণ আদিবোৰৰ লিভাৰৰ ৰোগী বেছি৷ এইসকলৰ শৰীৰে আকণ্ঠ মদ্যপান সহিব নোৱাৰে৷
✅ অৱশ্যে এটা পৰ্যায় অতিক্ৰম কৰাৰ পিছত জনজাতীয় যুৱকো লিভাৰৰ ৰোগত আক্ৰান্ত হ’বলৈ লৈছে৷ অসমৰ যিসকল লিভাৰৰ ৰোগীয়ে বৰ্হিৰাজ্যত চিকিৎসা গ্ৰহণ কৰে সেইসকলৰ ৮০ শতাংশ হৈছে এলক’হলিক ফেটী লিভাৰত আক্ৰান্ত৷
মদে যে কেৱল এইটো সমস্যাই সৃষ্টি কৰিছে তেনেকুৱাও নহয়৷ নিচাগ্ৰস্ত যুৱকে নিশা গ্ৰামাঞ্চলত অতপালি কৰাটো সচৰাচৰ ঘটনা হৈ পৰিছে৷ যিখন সমাজত পূৰ্বে মদেই বৰ্জনীয় আছিল, তাতেই মদাহী যুৱকে নিশা উৎপাত কৰাটো সাধাৰণ ঘটনালৈ পৰ্যৱসিত হৈছে৷
মদাহী স্বামীৰ সৈতে থাকিব নোৱাৰি বিচ্ছেদ ঘটাইছে পত্নীয়ে৷ অসমত মদৰ পয়োভৰ যেতিয়াৰ পৰা বাঢ়িছে, তেতিয়াৰ পৰাই বৃদ্ধি হৈছে নিঃসন্তান দম্পতিৰ সংখ্যা৷ প্ৰতিখন গাঁৱতে IVFৰ জৰিয়তে সন্তান লাভ স্বাভাৱিক হৈ পৰিছে৷ বাহিৰৰ পৰা অহা বিশেষজ্ঞ চিকিৎসকে বিশেষ পদ্ধতিৰে সন্তান জন্ম দিয়াৰ বিনিময়ত লৈ গৈছে কোটি কোটি টকা৷
ৰাছিয়াৰ পুৰুষৰ দৰে অসমৰ পুৰুষকুলো ক্ৰমে নপুংসক হৈ পৰিছে৷ মদৰ বাহিৰে একোতে আসক্তি নোহোৱা হৈছে অসমীয়া পুৰুষৰ৷
✅ উদ্বেগজনকভাৱে অসম নিৱাসী বাঙালীসকলৰ মাজতো কিন্তু বাঢ়িছে মদাহীৰ সংখ্যা৷ কিন্তু মুছলমানৰ মদ্যপায়ী লোকৰ সংখ্যা হ্ৰাস পাইছে৷
ভাতৃ ৰোহিতেশ্বৰ শইকীয়াৰ হত্যাৰ পিছত তদানীন্তন মুখ্যমন্ত্ৰী হিতেশ্বৰ শইকীয়াই হকে-বিহকে সুৰা বিপণী আবণ্টন দিয়াৰ ধাৰাও ক্ৰমে বৃদ্ধিহে হৈছে৷ কিছুদিন পূৰ্বেও অসমত নতুনকৈ স্থাপন কৰা হৈছে ৫০ খন ৱাইন শ্বপ৷
মদাহীৰ উৎপাতৰ পৰিপ্ৰেক্ষিততে অসমত ধানৰ উৎপাদনো কমিছে৷ কাৰণ পথৰ দাঁতিৰ পথাৰত দ’ম বান্ধিছে মদৰ খালী বটলে৷ বৰ্তমান প্ৰায়বোৰ কৃষকে ট্ৰেক্টৰেৰে মাটি চহায়৷ গতিকে ট্ৰেক্টৰৰ ট্ৰেইলাৰে ভাঙি গুড়ি কৰি পেলায় মদৰ বটল৷ সেয়ে চহোৱাৰ পূৰ্বে পথাৰত আছুতীয়াকৈ চাফাই চলাব লাগে৷ তাৰ বাবেও কৰিব লাগে অতিৰিক্ত খৰচ৷
কিন্তু ইমানবোৰ সমস্যাৰ বিষয়ে আলোচনাৰ পিছতো মদ হৈ পৰিছে অসমীয়া যুৱকৰ সন্ধিয়াৰ সংগী৷ ৱাইন শ্বপত সন্ধিয়াৰ ভিৰ গতানুগতিক হৈ পৰিছে৷ যিখন অসমত পূৰ্বে কোনো লোকে লুকাই-চুৰকৈ সুৰা ক্ৰয় কৰিবলৈ, তাতে বৰ্তমান নিসংকোচে একেলগে ডেকা-বুঢ়াই মদ কিনে৷
পিছে ৰাছিয়াৰ পুৰুষকুলে পূৰ্বৰ ভুলৰ শুধৰণি কৰিলে৷ ভ’ডকা খাই আওমৰণে মৰা লোকসকলৰ উত্তৰ পুৰুষে সুৰা বৰ্জন কৰিলে৷ সেয়ে ৰাছিয়াত ভ’ডকাৰ প্ৰচলন কমিল, বাঢ়িল শীতল পানীৰ বিক্ৰী৷ বৰ্তমান আনকি ককটেইল পাৰ্টীটো শীতল পানীয়হে খাই ৰাছিয়াৰ নৱ প্ৰজন্মই৷
কিন্তু অসমত পৰিস্থিতি একোৱেই সলনি হোৱা নাই৷ জাতিৰ পৰিচয়সদৃশ গামোচাখনেৰেই চিপ লৈছে অসমীয়াই৷ বৰ্তমান অসমীয়াই মদ খোৱা নাই, মদেহে খাইছে অসমীয়াক৷

13/03/2025

✅ অসমীয়া সমাজ যিমানে বিশৃংখল হৈ পৰিছে, সিমানে শৃংখলাবদ্ধ হৈ পৰিছে মুছলমান সমাজ৷ বহুতে অস্বীকাৰ কৰিব পাৰে, কিন্তু এয়াই বাস্তৱতা৷ অসমীয়াৰ বিশৃংখলতা নামঘৰৰ পৰা শ্মশানলৈ বিয়পি পৰিছে৷ ক্ৰমে অভাৱনীয় ধৰণেৰে কদৰ্য হৈ পৰিছে পৰিস্থিতি৷
আন কথা ক’বই নালাগে, অসমৰ কোনো এখন শ্মশানতে মদ নহ’লে চিতা নজ্বলে৷ গ্ৰামাঞ্চলত শৱ দাহৰ সময়ত স্থানীয় যুৱকক মদৰ যোগান ধৰিবই লাগিব৷ শৱ দাহনৰ সময়তো তেওঁলোকে মদ্যপান কৰিবই৷
এই কথাটো প্ৰতিখন গাঁৱৰ ৰাইজেই স্বীকাৰ কৰিব৷ মদ নহ’লে যে চিতাজুই নজ্বলে সেয়াই অসমীয়া সমাজৰ বিশৃখংলতা প্ৰমাণ কৰিছে৷ মুখাগ্নিৰ পিছত মৃতকৰ আত্মীয় ঘৰমুৱা হোৱাৰ পিছতে শ্মশানত আৰম্ভ হয় মদ্যপান৷
তদুপৰি অসমৰ মাত্ৰ ২০ শতাংশ হিন্দু বসতিপ্ৰধান এলেকাতহে ৰাজহুৱা শ্মশান আছে৷ বাকীবোৰত ঘৰৰ বাৰীতে মৃতকৰ সৎকাৰ কৰা হয়৷ পিছে কোনো মুছলমান বসতিপ্ৰধান এলেকাতে এনে পদ্ধতিৰে মৃতকক বিদায় দিয়া নহয়৷ ৰাজহুৱা কবৰখানাত সন্মান সহকাৰে শুৱাই দিয়া হয় মৃতকক৷
বৰপেটাৰ কেবাখনো গাঁৱৰ যুৱকে আমাৰ ওচৰত প্ৰকাশ কৰা অনুসৰি তেওঁলোকে কিন্তু জানাজাৰ বাবে সমূহীয়া বৰঙনিৰ পদ্ধতি অৱলম্বন কৰে৷ অসমৰ প্ৰায়বোৰ মুছলমান গাঁৱতে এই নিয়ম প্ৰচলিত হৈ আছে৷
নিয়ম অনুসৰি গাঁৱৰ যুৱকসকলে মাহিলী সামান্য পৰিমাণৰ ধন সংগ্ৰহ কৰে৷ সেই ধনেৰেই গাঁৱৰ মৃতকৰ জানাজা কৰা হয়৷ অৰ্থাৎ জানাজাৰ বাবে প্ৰয়োজনীয় কোনো সামগ্ৰীয়েই মৃতকৰ পৰিয়ালে দিবলগীয়া নহয়৷ গাঁৱৰ যুৱকে মিলি পৰিয়ালটোক উদ্ধাৰ কৰে৷
যদি মৃতকৰ আত্মীয় দূৰত থাকে তেন্তে সেইজন আহি পোৱালৈ শৱদেহ বৰফৰ বাকচত ৰখাৰো ব্যৱস্থা আছে৷ ইয়াৰ বাবে কিন্তু মৃতকৰ পৰিয়ালে চিন্তা কৰাৰ দৰকাৰ নাই৷ সকলো গাঁৱৰ যুৱকে কৰে৷
কিন্তু হিন্দু অসমীয়া গাঁৱত এনে কোনো সামাজিক নিয়ম নাই৷ শৱদেহ সৎকাৰৰ বাবে বাৰীৰ পৰা বাঁহ কটাৰ দায়িত্ব স্থানীয় যুৱকেই পালন কৰে৷ কিন্তু সৎকাৰৰ বাবে প্ৰয়োজনীয় ঘিউৰ পৰা সকলো সামগ্ৰী মৃতকৰ পৰিয়ালে কিনি দিব লাগিব৷
আনকি বৰ্তমান টায়াৰেৰে শৱ সৎকাৰৰ নিয়মো কৰি লৈছে গাঁৱৰ যুৱকে৷ তেওঁলোকে সোনকালে দাহন শেষ হ’বলৈ চিতাত জাপি দিছে পুৰণি টায়াৰ৷ ফলত শৱ দাহৰ সময়ত টায়াৰৰ গোন্ধ আৰু ধোৱাই ছানি ধৰিছে বৃহত্তৰ অঞ্চল৷
তদুপৰি শ্মশানত মদৰ আড্ডা হৈ পৰিছে সকলো হিন্দু অসমীয়াৰে স্বাভাৱিক নিয়ম৷ সামাজিক নীতি বুলি ভাবিয়েই শ্মশানলৈ যোৱা যুৱকক মৃতকৰ পৰিয়ালে মদৰ যোগান ধৰিছে৷
সংক্ষেপে খৰি দিয়া বুলি কোৱা যুৱকসকলৰ আপ্যায়ন কেৱল ইয়াতে শেষ হোৱা নাই৷ শ্ৰাদ্ধত ভকতৰ বাবে নিৰামিষ ব্যঞ্জন গোটালেও দাহ কাৰ্য কৰা যুৱকৰ বাবে মাছ-মাংস গোটাবলগীয়া হৈছে মৃতকৰ পৰিয়ালে৷
এনে নিয়মবোৰ অলিখিত যদিও প্ৰতিটো এলেকাতে হৈ পৰিছে স্বাভাৱিক৷ গাঁৱৰ ৰাইজে শ্মশানত মদৰ যোগান ধৰাটো সামাজিক নীতি বুলি ভাবি লৈছে৷ যি হিন্দু সমাজখন কৰি তুলিছে বিশৃংখল৷ বৰ্তমানলৈ এনে কাণ্ডৰ বিষয়ে কোনেও মাত মতা নাই৷ কিন্তু সামাজিক অৱক্ষয়ে অনাগত সময়ত যে অসমতে ভয়াৱহ ৰূপ ল’ব সেয়াও নিশ্চিত৷
শ্মশানত মদৰ আড্ডাৰ বিপৰীতে কিন্তু প্ৰতিখন মুছলমান গাঁৱতে ৰাজহুৱা পুঁজিৰে নিৰ্মাণ কৰা হৈছে কবৰখানা৷ চৰকাৰী সহায় নোলোৱাকৈ গাঁৱৰ ৰাইজে গাঁঠিৰ ধন ভাঙি কবৰখানাৰ দেৱাল সাজিছে৷ খিলঞ্জীয়া বিশৃংখলতাৰ সময়ত শৃংখলাবদ্ধভাৱে অন্তিম বিদায়ৰ নিয়ম পালন কৰিছে মুছলমানে৷

05/09/2024

🔹 শিক্ষক দিৱস বিশেষ
🔹 ৰাধাকৃষ্ণনৰ ভণ্ডামীঃ পাণ্ডিত্যৰ নেদেখা দিশ

ডঃ ৰাধাকৃষ্ণন প্ৰফেছৰ যদুনাথ সিনহাই যেতিয়া কুম্ভীলক বৃত্তিৰ অভিযোগ উত্থাপন কৰিছিল তেতিয়া ডঃ সৰ্ৱেপল্লী ৰাধা....

04/07/2024

লাজ ঢাকিবলৈ আবোল-তাবোল কথা ক’লেও প্ৰথমে আলফাৰ ঊৰ্ধ্বতন মহলে গমেই পোৱা নাছিল সঞ্জয় ঘোষৰ অপহৰণৰ কথা৷ ধৰি নিয়াৰ প.....

03/07/2024

আগতে ৰাষ্ট্ৰৰ ভঁৰালত ধন আছিল৷ গতিকে খৰচী উদ্যোগবোৰ গ্ৰহণ কৰিছিল চৰকাৰে৷ কিন্তু এতিয়া ৰাষ্ট্ৰ নহয়, ব্যক্তিগত খ....

20/12/2023

🔸 গ্ৰাম্য পৰম্পৰা