03/08/2026
"উন্নয়নৰ" ভাষণ আৰু কিমান শুনিম?
মাজুলী–লোহিত খাৱলী আঞ্চল সংযোগী পথৰ আজিৰ অৱস্থাই বহু কথাই কৈ দিয়ে। বছৰ বছৰ ধৰি একেই সমস্যা, একেই দুখ-কষ্ট, কিন্তু সমাধান ক'ত? আজি এনে পৰিস্থিতি সৃষ্টি হৈছে যে এগৰাকী গৰ্ভৱতী মহিলাক চিকিৎসাৰ বাবে ট্ৰেক্টৰত কঢ়িয়াই নিবলগীয়া হৈছে। এই দৃশ্য কেৱল এটা দুৰ্ভাগ্যজনক ঘটনা নহয়—ই দায়িত্বহীনতা আৰু অৱহেলাৰ এক জীৱন্ত প্ৰতিচ্ছবি।
মাজুলীৰ নিজা বিধায়ক থকাৰ পিছতো যদি ৰাইজে আজিও এনেকৈ জীৱনৰ বিপদ লৈ যাতায়াত কৰিবলগীয়া হয়, তেন্তে উন্নয়নৰ দাবী কেনেকৈ বিশ্বাস কৰিব? নিৰ্বাচনৰ সময়ত প্ৰতিশ্ৰুতি দিয়াটো সহজ, কিন্তু সেই প্ৰতিশ্ৰুতি বাস্তৱায়ন কৰাটোৱেই হৈছে প্ৰকৃত দায়িত্ব। এটা ভাল ৰাস্তা কোনো বিলাসিতা নহয়। ই এজন গৰ্ভৱতী মাকৰ জীৱন, এজন ৰোগীৰ চিকিৎসা, এজন ছাত্ৰৰ শিক্ষা আৰু হাজাৰ হাজাৰ সাধাৰণ মানুহৰ দৈনন্দিন জীৱনৰ সৈতে জড়িত। মাজুলী–লোহিত খাৱলী আঞ্চল সংযোগী পথৰ এই দুৰৱস্থা আৰু কিমান দিন চলিব? ৰাইজে এতিয়া কেৱল আশ্বাস নহয়, দৃশ্যমান কাম বিচাৰে।
এয়া ৰাজনীতিৰ বিষয় নহয়, এয়া মানুহৰ জীৱন-মৰণৰ বিষয়।
Himanta Biswa Sarma
CMO Assam
