24/09/2019
निवडणुकीच्या पार्श्वभूमीवर पोलिसांचे कोंबींग ऑपरेशन
उस्मानाबाद, वन कॉलम न्यूज : पुढील महिन्यात होऊ घतलेल्या विधानसभा निवडणुकीच्या पार्श्वभूमीवर जिल्ह्यात सुरक्षेच्या दृष्टीने उपाय म्हणून जिल्हा पोलिस दलाच्या वतीने पोलीस अधीक्षक राजतिलक रोशन यांच्या मार्गदर्शनाखाली कोंबिंग ऑफरेशन करण्यात आले. यात 18 पोलीस ठाणे स्तरावर कोंबींग ऑपरेशन आयोजीत केले. यामध्ये पोलीस ठाणे अभिलेखावरील पाहिजे-फरारी आरोपी, हिस्ट्रीशीटर, माहितगार गुन्हेगार, अपराधसिध्द झालेले आरोपी, जामीनपात्र/अजामीनपात्र वॉरन्ट तसेच पोलीस ठाणे हद्दीत दाखल चोरीच्या गुन्ह्याच्या अनुषंगाने जिल्ह्यातील 18 पोलीस ठाणे व स्थानिक गुन्हे शाखा (LCB), उस्मानाबाद येथील जास्तीत जास्त पोलीस अधिकारी/कर्मचारी, गृहरक्षक दलाचे कर्मचारी यांच्या सहभागने कोंबींग ऑपरेशन करण्यात आले. ऑपरेशन दरम्यान एक पाहिजे आरोपी पकडण्यात आला, 58 अजामीनपात्र व 51 जामीनपात्र वॉरन्टची बजावणी करण्यात आली. तसेच 59 माहितगार गुन्हेगार, 54 हिस्ट्रीशीटर चेक करण्यात आले आहेत.
