18/08/2025
#ନୁଆଁଖାଇ_ଉପଲକ୍ଷେ_ଚେସ_ପ୍ରତିଯୋଗିତା
ପଦ୍ମପୁର ର ଅଗ୍ରଣୀ ସ୍ଵେଛାସେବୀ ଅନୁଷ୍ଠାନ ଏ.ବି.ସି.ଡି. (ଏସୋସିଏସନ ଅଫ ଦ ବ୍ରୋଡ଼ ମାଇଣ୍ଡେଡ ଫର କମ୍ୟୁନିଟି ଡେଭଲପମେଣ୍ଟ) ର ଆୟୋଜନରେ ସ୍ଥାନୀୟ ରାଜବୋଡା ସମ୍ବର ହାଇସ୍କୁଲ ଠାରେ ୨୭ ତମ ନୂଆଖାଇ ଭେଟଘାଟ ପାଳନ ଅବସରରେ ନୂଆଖାଇ ଚେସ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ମୁଖ୍ୟଅତିଥି ଭାବରେ ପଦ୍ମପୁର ଉପଖଣ୍ଡ ପୋଲିସ ଅଧିକାରୀ ପାଣ୍ଡବ ଶବର ଯୋଗଦାନ କରି ମାଁ ସମଲେଶ୍ୱରୀଙ୍କ ପୂଜାଅର୍ଚ୍ଚନା କରି ପ୍ରତିଯୋଗିତା କୁ ନିଜେ ପ୍ରଥମ ଚାଲ ଦେଇ ଉଦଘାଟନ କରିଥିଲେ । ମୁଖ୍ୟଅତିଥି ଖେଳାଳି ମାନଙ୍କ ଉଦେଶ୍ୟରେ ତାଙ୍କ ବକ୍ତବ୍ୟରେ କହିଥିଲେ ଚେସ ଖେଳ ହେଉଛି ବୁଦ୍ଧିମତା, ଧେର୍ଯ୍ୟ ଓ ସହନଶୀଳତାର ଖେଳ । ପଦ୍ମପୁର ଟାଉନ ସମେତ ସୋହେଲା,ଜୁରିଆ, ଭରସୁଜା,ଡେଙ୍ଗଜୁରୀ, ଉପର ବାହାଲ,ଦହିତା, ଦମେଇପାଲି,କନଙ୍ଗାଁ, ଢୋଲବନ୍ଧ,ବରିକେଲ, ବରିହା ପୂଖାପାଣି,ବୁବୁଡା, ଭେଉଁରିଆ,ସତିଭଟା, କଂସିଂହା,ବନ୍ଧେଇପାଲି,ସାରଙ୍ଗପୁର,ଡୁଙ୍ଗୁରିପାଲି, ପାଟଣାଗଡ,ବରଗଡ, ଅତାବିରା ଠାରୁ ପ୍ରାୟ ୬୦ ଜଣ ୭ ବର୍ଷ ଛୋଟ ଶିଶୁ ରୁ ୭୫ ବର୍ଷ ବୃଦ୍ଧ ପ୍ରତିଯୋଗୀ ମାନେ ଅଂଶଗ୍ରହଣ କରି ଏବିସିଡି କାର୍ଯ୍ୟକର୍ତା ଙ୍କ ମନୋବଳ କୁ ଉତ୍ସାହିତ କରିଥିଲେ । ସାତ ରାଉଣ୍ଡ ବିଶିଷ୍ଟ ଏହି ପ୍ରତିଯୋଗିତାରେ ଓମ୍ ପ୍ରକାଶ ସତନାମୀ ୬. ୫ ପାଇ ଚମ୍ପିଆନ୍ ହୋଇଥିବା ବେଳେ ଗୋବିନ୍ଦଚନ୍ଦ୍ର ସାହୁ, ଭରସୁଜା, ଅଭିଜିତ ବାଗ, ପାଟଣାଗଡ଼, ସମୀର ମେହେର, ପଦ୍ମପୁର ଯଥାକ୍ରମେ ଦ୍ବିତୀୟରୁ ଚତୁର୍ଥ ସ୍ଥାନ ଅଧିକାର କରିଥିଲେ। ପଦ୍ମପୁରର ଅଂଜଳି ମେହେର ଶ୍ରେଷ୍ଠ ମହିଳା ଓ କୁଧରେନପାଲିର ପ୍ରତ୍ୟୁଷ ରଂଜନ ଭୋଇ ଶ୍ରେଷ୍ଠ ଜୁନିଅର ଖେଳାଳି ବିବେଚିତ ହୋଇଥିଲେ।ସଫଳ ଖେଳାଳି ମାନଙ୍କୁ ନୂଆଁଖାଇ ଭେଟଘାଟ ଅବସରରେ ବିଜୟୀ ଟ୍ରଫି ମାନ ପ୍ରଦାନ କରାଯିବ। କମିଟିର ଉପଦେଷ୍ଟା ତଥା ଜାତୀୟ ଆର୍ବିଟର ଶ୍ରୀଯୁକ୍ତ କେଶରଞ୍ଜନ ପ୍ରଧାନ ପ୍ରତିଯୋଗିତା ପରିଚାଳନା କରିଥିବା ବେଲେ ସଭାପତି ଅନିଲ ବେହେରା,ସମ୍ପାଦକ ରଘୁନାଥ ପୁରୀ, ସହ ସମ୍ପାଦକ ପ୍ରତାପ ନାଥ,କୋଷାଧକ୍ଷ୍ୟ ସୁରେଶ ମିଶ୍ର,ସହଦେଵ ମେହେର, ଲିଙ୍ଗରାଜ ସାହୁ,ରବିନ୍ଦ୍ର ଦାଶ
ଅଂଶୁମାନ ମେହେର,ସୁନୀଲ ଭୋଇ,ସୁମନ୍ତ ସାହୁ,ଅମୀୟ ପୁରୋହିତ,ଟୁନା ବାରିକ, ରମେଶ ଗୁର୍ଲା, ଶାନ୍ତସଂଗ୍ରାମ ଭୋଇ, ତୁଷାରକାନ୍ତ ପଧାନ, ସରୋଜ ଦାନୀ, ସରୋଜ ଯୋଶୀ, କାର୍ଯ୍ୟକ୍ରମରେ ସହଯୋଗ କରିଥିଲେ ।ଉଦଯାପନୀ ଉତ୍ସବର ମୁଖ୍ୟ ଅତିଥି ପଦ୍ମପୁର ପୋଲିସ ବିଭାଗ ର ଥାନା ଅଧିକାରୀ ଶ୍ରୀମତୀ ମମତା ନାଏକ ଖେଳାଳି ମାନଙ୍କ ଉଦ୍ଦେଶ୍ୟରେ ବକ୍ତବ୍ୟ ରଖିଥିଲେ ଓ ପ୍ରତିଯୋଗୀ ମାନଙ୍କୁ ମାନପତ୍ର ପ୍ରଦାନ କରିଥିଲେ। ଶେଷରେ କମିଟି ର ସମ୍ପାଦକ ଧନ୍ୟଵାଦ ଅର୍ପଣ କରିଥିଲେ ।
