Sndp Yogam Meenachil Union

21/09/2025

മഹാസമാധി ദിനാചരണം അരീക്കരയിൽ ഭക്തിനിർഭരമായി.

എസ് എൻ ഡി പി യോഗം ബ്രാഞ്ച് നം.157 അരീക്കര ശാഖയുടെ നേതൃത്വത്തിൽ ശ്രീനാരായണ ഗുരുദേവ തൃപ്പാദങ്ങളുടെ 98 -ാമത് മഹാസമാധി ആചരണങ്ങളുടെ ഭാഗമായി നടന്ന പരിപാടികൾ ഭക്തിനിർഭരമായി.

ശ്രീസുബ്രഹ്മണ്യ സ്വാമി ക്ഷേത്രത്തിൽ പ്രത്യേക പൂജകളും മറ്റ് പ്രതേക പൂജകളും തുടർന്ന് ഗുരുദേവ ക്ഷേത്രത്തിൽ ഗുരുപൂജ, മഹാസമാധിപൂജ തുടങ്ങി വിശേഷാൽ പൂജകളും മറ്റ് ചടങ്ങുകളും നടന്നു. ക്ഷേത്രം മേൽശാന്തി മുത്തോലപുരം പീതാംബരൻ ശാന്തികൾ, ക്ഷേത്രം ശാന്തി അജയ് എന്നിവർ നേതൃത്വം നൽകി. ശാഖാ വനിതാ സംഘം ഭാരവാഹികളുടെ നേതൃത്വത്തിൽ രാവിലെ 8 മുതൽ സമൂഹപ്രാർത്ഥനയും തുടർന്ന് ഗുരുദേവ ദർശനം വ്യക്തിജീവിതത്തിൽ എങ്ങനെ പ്രാവർത്തികമാക്കാം എന്ന വിഷയത്തിൽ ബിന്ദു ജോജോ പ്രഭാഷണവും നടത്തി. യൂണിയൻ ചെയർമാൻ സുരേഷ് ഇട്ടിക്കുന്നേൽ സമാധി ദിന സന്ദേശവും യൂണിയൻ യൂത്ത്മൂവ്മെൻ്റ് കൺവീനർ അരുൺ കുളമ്പള്ളിൽ ആശംസകളും നേർന്നു. ആയിരത്തോളം ഭക്തർ ആണ് ചടങ്ങുകളിൽ രാവിലെ മുതൽ പങ്കെടുത്തത്. സമാധി പൂജയ്ക്ക് ശേഷം മഹാപ്രസാദമൂട്ടായി കഞ്ഞിയും പുഴുക്കും വിതരണം ചെയ്തു.

പരിപാടികൾക്ക് ശാഖാ ചെയർമാൻ അനീഷ് പുല്ലുവേലിൽ, വൈസ് ചെയർമാൻ സി.റ്റി.രാജൻ, കൺവീനർ സജീവ് വയലാ, ആഘോഷക്കമ്മിറ്റി ചെയർമാൻ എ.ഡി ഹരിദാസ് ആറുകാക്കൽ, കൺവീനർ ഹരിദാസ് കാരയ്ക്കാട്ട്, രാജൻ വട്ടപ്പാറ, ബിജു അമ്മായിക്കുന്നേൽ, സാബു മൂലയിൽ, ബാലു ബാലചന്ദ്രൻ, ശശി ചെറുവീട്ടിൽ, സാജൻ നിരവത്ത്, ബാബു പ്ലാച്ചേരി, സജീവൻ കുരിക്കാട്ടുകുന്നേൽ, ജോഷി പൊട്ടക്കാനാൽ, രവീന്ദ്രൻ കലയന്താനം, ഉഷാ ഹരിദാസ്, ശ്രീല ആറുകാക്കൽ, സന്തോഷ് പള്ളിക്കാപ്പറമ്പിൽ, ഷാൻ മോഹൻ പിറവിക്കോട്ട്, ഷാജു നെടുമ്പംകാനാൽ എന്നിവർ ഉൾപ്പെടെയുള്ള ആഘോഷകമ്മിറ്റി അംഗങ്ങളും വനിതാസംഘം യൂത്ത്മൂവ്മെൻ്റ് ഭാരവാഹികളും നേതൃത്വം നൽകി.

21/09/2025

എസ്.എൻ.ഡി.പി. യോഗം പാതാമ്പുഴ ശാഖയിൽ മഹാസമാധി ദിനാചരണം നടത്തി...

പാതാമ്പുഴ :- എസ് എൻ ഡി പി യോഗം പാതാമ്പുഴ ശാഖയുടെ ആഭിമുഖ്യത്തിൽ ഗുരുദേവ ക്ഷേത്രത്തിൽ വിശ്വമഹാഗുരു ശ്രീനാരായണ ഗുരുദേവൻ്റെ തൊണ്ണൂറ്റിയെട്ടാമത് മഹാസമാധി ദിനാചരണം നടത്തി.

ഗുരുദേവ ക്ഷേത്രത്തിൽ വിശേഷാൽ പൂജകൾ, ഉപവാസപ്രാർത്ഥന, കഞ്ഞി വീഴ്ത്തൽ എന്നിവ ഉണ്ടായിരുന്നു. വൈകുന്നേരം 320 ന് മഹസമാധി പൂജ നടത്തി. മോഹനൻ ശാന്തി തമ്പലക്കാട് ക്ഷേത്ര ചടങ്ങുകൾക്ക് നേതൃത്വം നൽകി.

ചടങ്ങുകൾക്ക് ശാഖാ പ്രസിഡന്റ് ഷാജി പി.ബി. പാറടിയിൽ, വൈസ് പ്രസിഡന്റ് രാജു കോട്ടുക്കുന്നേൽ, സെക്രട്ടറി ബിനു കെ.കെ. കിഴക്കേമാറാംകുന്നേൽ, യൂണിയൻ കമ്മിറ്റിയംഗം പത്മിനി രാജശേഖരൻ, ശാഖാ മാനേജിങ് കമ്മിറ്റിയംഗങ്ങളായ വേലായുധൻ പാറടിയിൽ, ശശി പുന്നോലിൽ, ബിജു പാറയടിയിൽ, പ്രഭാകരൻ മരുതുംതറയിൽ, മനോജ് പുന്നോലിൽ, ലാലി രവി കതിരോലിൽ, രാജി ശശി കുന്നേൽ, ശാഖാ പഞ്ചായത്ത് കമ്മിറ്റിയംഗം അനീഷ് കുന്നേൽ, വനിതാസംഘം കേന്ദ്ര കമ്മിറ്റിയംഗം സ്മിത ഷാജി പാറയടിയിൽ, പ്രസിഡന്റ് സുജ ശശി പുന്നോലിൽ, സെക്രട്ടറി ലാലി കതിരോലിക്കൽ, വനിതാ സംഘം വൈസ് പ്രസിഡന്റ് രാജി കുന്നേൽ, യൂണിയൻ കമ്മറ്റിയംഗം പത്മിനി രാജശേഖരൻ, യൂത്ത് മൂവ്‌മെന്റ് ചെയർപേഴ്സൺ ദേവിക പുന്നോലിൽ, വൈസ് ചെയർമാൻ അജിത്ത് പാറടിയിൽ, കൺവീനർ രഞ്ജിത്ത് ആർ ഈഴവർവയലിൽ, ജോയിന്റ് സെക്രട്ടറി വിഷ്ണു പുത്തൻവീട്ടിൽ, യൂണിയൻ കമ്മിറ്റിയംഗം രതീഷ് ആർ. ഈഴവർവയലിൽ, ഗുരുകുലം കുടുംബയൂണിറ്റ് കൺവീനർ പ്രീതാ രാജു, ഗുരുകൃപ കുടുംബയൂണിറ്റ് ചെയർപേഴ്സൺ രാധ ഭാസി, കൺവീനർ രജനി വിനോദ് എന്നിവർ നേതൃത്വം നൽകി...

07/09/2025

എസ്.എൻ.ഡി.പി. യോഗം പാതാമ്പുഴ ശാഖയിൽ ഗുരുദേവ ജയന്തി ആഘോഷിച്ചു

പാതാമ്പുഴ: എസ്.എൻ.ഡി.പി. യോഗം പാതാമ്പുഴ ശാഖയുടെ ആഭിമുഖ്യത്തിൽ ശ്രീനാരായണ ഗുരുദേവന്റെ 171-ാമത് ജയന്തി ആഘോഷിച്ചു. ശാഖാ വനിതാ സംഘം, യൂത്ത് മൂവ്‌മെന്റ്, കുടുംബ യൂണിറ്റുകൾ, മൈക്രോ ഫിനാൻസ് യൂണിറ്റുകൾ എന്നിവയുടെ സംയുക്ത ആഭിമുഖ്യത്തിലാണ് ആഘോഷങ്ങൾ സംഘടിപ്പിച്ചത്.

ഗുരുപൂജ, പതാക ഉയർത്തൽ, ഘോഷയാത്ര, ജയന്തി സന്ദേശം, പിറന്നാൾ സദ്യ, കലാകായിക മത്സരങ്ങൾ എന്നിവ ചടങ്ങിന്റെ ഭാഗമായി നടന്നു. രാവിലെ ക്ഷേത്രത്തിൽ നട തുറന്ന് ചടങ്ങുകൾക്ക് തുടക്കമായി. ശാഖാ പ്രസിഡന്റ് ഷാജി പി.ബി. പാറടിയിൽ പതാക ഉയർത്തി.

മുരിങ്ങപ്പുറം കമലാക്ഷി കുട്ടപ്പൻ വള്ളിക്കാഞ്ഞിരത്തുങ്കലിൻ്റെ വസതിയിൽ നിന്ന് ആരംഭിച്ച ഘോഷയാത്ര മീനച്ചിൽ എസ്.എൻ.ഡി.പി. യൂണിയൻ കൺവീനർ ഉല്ലാസ് എം.ആർ.മതിയത്ത് ഫ്ലാഗ് ഓഫ് ചെയ്തു. ക്ഷേത്രത്തിൽ ഗുരുപൂജയ്ക്ക് ശേഷം മീനച്ചിൽ എസ്.എൻ.ഡി.പി. യൂണിയൻ വനിതാ സംഘം ചെയർപേഴ്സൺ മിനർവ്വ മോഹൻ ജയന്തി ദിന സന്ദേശം നൽകി. തുടർന്ന് പിറന്നാൾ സദ്യയും കലാകായിക മത്സരങ്ങളും നടന്നു.

ചടങ്ങുകൾക്ക് ശാഖാ പ്രസിഡന്റ് ഷാജി പി.ബി. പാറടിയിൽ, വൈസ് പ്രസിഡന്റ് രാജു കോട്ടുക്കുന്നേൽ, സെക്രട്ടറി ബിനു കെ.കെ. കിഴക്കേമാറാംകുന്നേൽ, യൂണിയൻ കമ്മിറ്റിയംഗം പത്മിനി രാജശേഖരൻ, ശാഖാ മാനേജിങ് കമ്മിറ്റിയംഗങ്ങളായ വേലായുധൻ പാറടിയിൽ, ശശി പുന്നോലിൽ, ബിജു പാറയടിയിൽ, പ്രഭാകരൻ മരുതുംതറയിൽ, മനോജ് പുന്നോലിൽ, ലാലി രവി കതിരോലിൽ, രാജി ശശി കുന്നേൽ, ശാഖാ പഞ്ചായത്ത് കമ്മിറ്റിയംഗം അനീഷ് കുന്നേൽ, വനിതാസംഘം കേന്ദ്ര കമ്മിറ്റിയംഗം സ്മിത ഷാജി പാറയടിയിൽ, പ്രസിഡന്റ് സുജ ശശി പുന്നോലിൽ, സെക്രട്ടറി ലാലി കതിരോലിക്കൽ, വനിതാ സംഘം വൈസ് പ്രസിഡന്റ് രാജി കുന്നേൽ, യൂണിയൻ കമ്മറ്റിയംഗം പത്മിനി രാജശേഖരൻ, യൂത്ത് മൂവ്‌മെന്റ് ചെയർപേഴ്സൺ ദേവിക പുന്നോലിൽ, വൈസ് ചെയർമാൻ അജിത്ത് പാറടിയിൽ, കൺവീനർ രഞ്ജിത്ത് ആർ ഈഴവർവയലിൽ, ജോയിന്റ് സെക്രട്ടറി വിഷ്ണു പുത്തൻവീട്ടിൽ, യൂണിയൻ കമ്മിറ്റിയംഗം രതീഷ് ആർ. ഈഴവർവയലിൽ, ഗുരുകുലം കുടുംബയൂണിറ്റ് കൺവീനർ പ്രീതാ രാജു, ഗുരുകൃപ കുടുംബയൂണിറ്റ് ചെയർപേഴ്സൺ രാധ ഭാസി, കൺവീനർ രജനി വിനോദ് എന്നിവർ നേതൃത്വം നൽകി.

07/09/2025

രാമപുരത്ത് ശ്രീനാരായണ ഗുരുദേവ ജയന്തി ആഘോഷം നടത്തി...(07-09-2025)

മഞ്ഞ കടലായി രാമപുരം ടൗൺ...

രാമപുരം: എസ്.എന്‍.ഡി.പി. യോഗം 161-ാം നമ്പര്‍ രാമപുരം ശാഖയുടെ ആഭിമുഖ്യത്തില്‍ ശ്രീനാരായണ ഗുരുദേവ ജയന്തി ആഘോഷം നടത്തി. കൊണ്ടാട് ശ്രീസുബ്രഹ്മണ്യ ഗുരുദേവ ക്ഷേത്രത്തിലും രാമപുരം ഗുരുമന്ദിരത്തിലും വിശേഷാല്‍ പൂജകള്‍ നടന്നു. രാവിലെ 9.30 ന് ക്ഷേത്രത്തില്‍ ചതയദിന പ്രാര്‍ത്ഥന, 12 ന് അമൃതഭോജനം, 4 ന് ജയന്തി ഘോഷയാത്ര എന്നിവ നടത്തി. വൈകിട്ട് 5.30 ന് ഘോഷയാത്ര രാമപുരം ഗുരുമന്ദിരത്തില്‍ സമാപിച്ചു. ഘോഷയാത്രയിൽ നൂറുകണക്കിന് ആളുകൾ പങ്കെടുത്തു. ഘോഷയാത്ര രാമപുരം ടൗണിൽ എത്തിയപ്പോൾ മഞ്ഞ കടലായി രാമപുരം ടൗൺ മാറി. തുടർന്ന് നടന്ന ജയന്തി സമ്മേളനം എസ്.എന്‍.ഡി.പി. യോഗം മീനച്ചില്‍ യൂണിയന്‍ ചെയര്‍മാന്‍ ഓ.എം. സുരേഷ് ഇട്ടിക്കുന്നേല്‍ ഉദ്ഘാടനം ചെയ്തു. ശാഖാ പ്രസിഡന്റ് സുകുമാരന്‍ പെരുമ്പ്രായില്‍ അദ്ധ്യക്ഷത വഹിച്ചു. ശാഖാ സെക്രട്ടറി സുധാകരന്‍ വാളിപ്ലാക്കല്‍, മീനച്ചില്‍ യൂണിയന്‍ യൂത്ത് മൂവ്‌മെന്റ് ചെയര്‍മാന്‍ അരുണ്‍ കുളമ്പള്ളില്‍, സലിജാ സലിം ഇല്ലിമൂട്ടില്‍, രവി കണികുന്നേല്‍, ഷാജി ഇല്ലിമൂട്ടില്‍, സന്തോഷ് കിഴക്കേക്കര, വിശ്വന്‍ രാമപുരം, അജീഷ് കൊളുത്താപ്പള്ളില്‍, ശശി മഞ്ഞപ്പള്ളില്‍, ഷാജി വെട്ടിക്കക്കുന്നേല്‍, സലിന്‍ കിഴക്കേക്കര എന്നിവര്‍ പ്രസംഗിച്ചു.

02/09/2025

എസ്.എന്‍.ഡി.പി. യോഗം രാമപുരം ശാഖ - ജയന്തി സന്ദേശ യാത്ര ആവേശമായി(02-09-2025)

രാമപുരം: ശ്രീനാരായണ ഗുരുദേവ ജയന്തി ആഘോഷത്തിന് മുന്നോടിയായി എസ്.എന്‍.ഡി.പി. യോഗം രാമപുരം ശാഖയുടെ നേതൃത്വത്തില്‍ നടത്തിയ ജയന്തി ആഘോഷ സന്ദേശ യാത്ര ആവേശമായി. നിരവധി ഇരുചക്ര വാഹനങ്ങളില്‍ പീത പതാകയുമേന്തി രാമപുരം പഞ്ചായത്തിന്റെ വിവിധ പ്രദേശങ്ങളിലും കിഴതിരി ശാഖയുടെ പ്രദേശങ്ങളിലും സന്ദേശ യാത്ര എത്തി. കൊണ്ടാട് ശ്രീസുബ്രഹ്മണ്യ ഗുരുദേവ ക്ഷേത്രാങ്കണത്തില്‍ നിന്നും ആരംഭിച്ച സന്ദേശ യാത്ര രാമപുരം ഗുരുമന്ദിരത്തില്‍ സമാപിച്ചു. ശാഖാ പ്രസിഡന്റ് സുകുമാരന്‍ പെരുമ്പ്രായില്‍ ഫ്ളാഗ് ഓഫ് ചെയ്തു. സെക്രട്ടറി സുധാകരന്‍ വാളിപ്ലാക്കല്‍, വൈസ് പ്രസിഡന്റ് സന്തോഷ് കിഴക്കേക്കര, മാനേജിംഗ് കമ്മിറ്റി അംഗങ്ങളായ വിശ്വന്‍ തണ്ടുംപുറത്ത്, അജീഷ് കൊളുത്താപ്പള്ളില്‍, കിഴതിരി ശാഖാ സെക്രട്ടറി റ്റി.പി. ജയന്‍ താഴത്തിടപ്പാട്ട്, സലിം ഇല്ലിമൂട്ടില്‍, അശോകന്‍ മാവറ, ഗോപി ഇടപ്പാട്ട്, ഷൈനി സന്തോഷ് കിഴക്കേക്കര, സുധീഷ് വാഴയ്ക്കല്‍, സുധാകരന്‍ ചിറ്റിലക്കാട്ട്, ബിന്ദു മനോജ് നെടുംതൊട്ടിയില്‍ എന്നിവര്‍ നേതൃത്വം നല്‍കി.

30/08/2025

ബഹു. എസ് എൻ ഡി പി യോഗം ജനറൽ സെക്രട്ടറി ശ്രീ.വെള്ളാപ്പള്ളി നടേശൻ അവറുകളുടെ പിറന്നാൾ ദിനത്തിൽ യൂണിയൻ ചെയർമാൻ ശ്രീ.സുരേഷ് ഇട്ടിക്കുന്നേൽ, കൺവീനർ ശ്രീ.ഉല്ലാസ് മതിയത്ത്, അഡ്മിനിസ്ട്രേറ്റീവ് കമ്മിറ്റി അംഗം ശ്രീ.അനീഷ് പുല്ലുവേലിൽ എന്നിവർ കണിച്ചുകുളങ്ങര വെള്ളാപ്പള്ളി വസതിയിലെത്തി മീനച്ചിൽ യൂണിയൻ്റെയും ശാഖകളുടെയും പേരിലുള്ള ആശംസകൾ അറിയിച്ചു.

17/08/2025