04/03/2026
ഏറെ നാളത്തെ കാത്തിരിപ്പിനൊടുവിൽ എനിക്കെന്റെ അഞ്ചാമത്തെ കുഞ്ഞ് പിറന്നിരിക്കുന്നു.
ഗർഭം ധരിച്ചത് എന്റെ തലച്ചോറിലാണ്;
പ്രസവിച്ചത് എന്റെ അഞ്ചാമത്തെ കൺമണിയെയും!
ഈറ്റുനോവും പെറ്റുനോവും അസ്വസ്ഥതകളും നിറഞ്ഞ, കഠിനമായ ഒരു കാലഘട്ടത്തെ അതിജീവിച്ചാണ് ഈ കുഞ്ഞ് ഭൂമിയിലേക്ക് വന്നത്.
ഒരു കുഞ്ഞ് തന്റെ ഓമനയായി പിറക്കണമെന്ന് ആഗ്രഹിക്കാത്ത അപ്പന്മാരുണ്ടാവില്ല. എന്നാൽ, ആ കുഞ്ഞിനെ തനിക്ക് തന്നെ പ്രസവിക്കണമെന്ന് ആഗ്രഹിച്ച്, സ്വന്തം തലച്ചോറിൽ വർഷങ്ങളോളം ഗർഭം ധരിച്ച്, ഒടുവിൽ അതിന് ജന്മം നൽകിയ ഒരു അപ്പനാണ് ഞാൻ.
അതെ, ഈ കുഞ്ഞിന്റെ അപ്പനും അമ്മയും ഞാൻ തന്നെയാണ്!
'സിപ്രോസ് അഗ്രോ കെമിക്കൽ പ്രൈവറ്റ് ലിമിറ്റഡ്' - എന്റെ അഞ്ചാമത്തെ ഓമനക്കുഞ്ഞ്!
ഈറ്റുനോവും പേറ്റുനോവും അനുഭവിച്ചപ്പോൾ ഗൈനക്കോളജിസ്റ്റ് മാരായി ഒപ്പം നിന്ന് പ്രിയ സഹധർമ്മിണി ലാലിക്കും നാലുമക്കൾക്കും ഹൃദയപൂർവ്വം നന്ദി പറയുന്നു
ലാലി പ്രസവിച്ച നാല് മക്കളെക്കളെപ്പോലെ തന്നെ ഏറെ കാലം ഞാൻ മനസ്സിൽ കൊണ്ടുനടന്ന, ലാളിച്ച, പരിപാലിച്ച സ്വപ്നം. ഇന്ന് പിച്ചവെച്ച് നടന്നു തുടങ്ങുകയാണ്.
കഴിഞ്ഞ 20 വർഷത്തെ ഹൈജീൻ പ്രോഡക്ഷൻ മേഖലയിലെ എന്റെ കഠിനാധ്വാനവും അറിവും അനുഭവങ്ങളും ചേർത്തുവെച്ച് ഈ കമ്പനി പ്രവർത്തനം ആരംഭിക്കുമ്പോൾ, ഇത് എനിക്ക് വെറുമൊരു ബിസിനസ്സല്ല, എന്റെ ആത്മാശം കൂടിയാണ്
വീഴ്ചകളിൽ നിന്ന് ഉയിർത്തെഴുന്നേൽപ്പിന്റെ നാളുകൾ:
ഓർഗാനിക് ഫാമിംഗും എക്സ്പോർട്ടിംഗുമായി നല്ല നിലയിൽ കാര്യങ്ങൾ മുന്നോട്ട് പോകുമ്പോഴാണ് 2018-19 പ്രളയകാലത്തെ കൃഷി നാശം, പിന്നിട് കോവിഡും
അതിനെ അതിജീവിച്ച് വരുമ്പോൾ ദുബായിലെ ബിസിനസ് പങ്കാളിയുടെ കൊടിയചതിയും വിശ്വാസവഞ്ചനയും എന്നെ വല്ലാതെ തളർത്തികളഞ്ഞു.
സാമ്പത്തികമായി തകർന്ന്, കിടപ്പാടം പോലും നഷ്ടമായി, നാല് മക്കളും ഭാര്യയുമായി തെരുവിലേക്ക് ഇറങ്ങേണ്ടി വന്ന ഗതികേട്.
മനസ്സിനേക്കാളേറെ ആരോഗ്യവും തളർന്ന കാലം.
മക്കളുടെ ഉപരിപഠനം പോലും പ്രതിസന്ധിയിലായ കാലം,
പക്ഷേ, ഒരു മോട്ടിവേഷൻ ട്രെയിനർ ആയതിൻ്റെ ഏറ്റവും വലിയ ഗുണം എനിക്കുതന്നെ അനുഭവിക്കാനായി,
ക്ലാസുകളിൽ ഉപയോഗിക്കുന്ന ടിപ്പ്സുകൾ എന്നെത്തന്നെ മോട്ടിവേറ്റ് ചെയ്യാൻ ഉപയോഗിച്ച് ഞാൻ മനസ്സിനെ പിടിച്ചു നിറുത്തി.
അതേസമയം റോഡിൽ അടിതെറ്റി വീഴുകയും കുഴിയിലേക്ക് ഉരുണ്ടുപോവുകയും ചെയ്തവൻ ഇനി ഒരിക്കലും തിരിച്ചു വരില്ലെന്ന് ഉറപ്പിച്ച്, ഒരു കൈസഹായം പോലും ചെയ്യാതെ ഉപേക്ഷിച്ചവരോട് എനിക്ക് നന്ദിയേയുള്ളൂ.
എന്നിൽ നിന്നും സഹായം സ്വീകരിച്ച ശേഷം എന്നെ തിരിച്ചു കുത്തിയ മഹാന്മാരും മഹതികളും,
കിട്ടിയ അവസരത്തിൽ രാഷ്ട്രീയപരമായി ഇല്ലാതാക്കാൻ ശ്രമിച്ച കുലംകുത്തികൾ
വ്യക്തിഹത്യ തേജോവധം,
വിശ്വാസവഞ്ചന,
കള്ളകേസുകൾ,
അപവാദ പ്രചരണം
സിവിൽ കേസുകൾ,
കോടതി അറ്റാച്ച്മെൻ്റുകൾ, തുടങ്ങി
ഒരാളെ ഇല്ലാതാക്കാനുള്ള എല്ലാത്തരം പരിശ്രമങ്ങളും നടത്തിയവരും ഒത്താശ ചെയ്തവരും നിരവധിയുണ്ട്. ഇവരെയാരെയും ഞാൻ ഒരു തരത്തിലും ഉപദ്രവിച്ചിട്ടില്ല എന്നത് മറ്റൊരു യാഥാർത്ഥ്യം,
ആ വീഴ്ചയിൽ നിന്നാണ് ഞാൻ കരുത്ത് നേടിയത്.
ഞാൻ സഹായിച്ചവർ,പഠിപ്പിച്ചവർ എന്നിലൂടെ ജീവിതം കരുപ്പിടിച്ചവർ, എന്നെ ഊറ്റി വിറ്റവർ അങ്ങിനെ നിരവധി പേരിൽ ആരെങ്കിലുമൊക്കെ ഒരു കൈ തന്നിരുന്നുവെങ്കിൽ എന്ന് വല്ലാതെ ആശിച്ചു.
കൂടെ നിന്ന ചങ്കുകൾക്ക് ഹൃദയം നിറഞ്ഞ നന്ദി:
ദുബായ് ൽ നിന്ന് ഹൃദയസംബന്ധമായും നാട്ടിൽ വെച്ച് ശ്വാസകോശ സംബന്ധമായും ഗുരുതര ആരോഗ്യപ്രശ്നം നേരിട്ടിരുന്നു , എന്നെ വിളിക്കാനെത്തിയ മരണത്തിൻ്റെ ചിറകടി ശബ്ദം ഞാൻ കിടന്ന മുറിക്ക് പുറത്ത് കേട്ടിരുന്നു ' എന്നാൽ എന്നെ പ്രതിഫലേശ്ച കൂടാതെ പാരമ്പര്യ വൈദ്യത്തിൻ്റെ കരുത്തിൽ ജീവിതത്തിലേക്ക് തിരികെ കൈപിടിച്ചുയർത്തിയത് പ്രിയ സുഹൃത്ത് നിലമ്പൂർ ഷൈൻ വൈദ്യരാണ്. # Vaidyar Shine Bhaskar (കഷായപ്പുര ) സ്നേഹപൂർവ്വം നൽകിയ ചികിൽസയ്ക്ക്അദ്ദേഹത്തിനും ഗുരുപരമ്പരയ്ക്കും പ്രണാമം.
എന്റെ സ്വപ്നങ്ങൾക്ക് പ്രൊഫഷണൽ ടച്ച് നൽകി ശൈശവ ദിശയിലുള്ള കമ്പനിയുടെ വളർച്ചക്ക് വേണ്ടി നിസീമമായ പ്രവർത്തനങ്ങളുമായി കൂടെ നിൽക്കുന്ന Instance Book എന്ന Start Up ൻ്റെ Founder കൂടിയായാ അജി ഫ്രാൻസിസ് ആണ് Sipros Agro & Chemical PLtd ൻ്റെ CEO ആയി സേവനം ചെയ്യുന്നത്,
തലനിറയെ സംരംഭകത്വ ആശയവുമായി ഒപ്പം നിൽക്കുന്ന അജി ഫ്രാൻസിന് ഹൃദയപൂർവ്വം നന്ദി
സർവ്വവും തകർന്നവന്റെ ഓട്ടക്കീശയിലേക്ക് ലക്ഷങ്ങൾ നിക്ഷേപം നടത്തിയും ബാങ്ക് ബാധ്യതകൾ ഏറ്റെടുത്തും കരുത്ത് പകർന്ന hike ൻ്റെ മാനേജിങ്ങ് ഡയറക്ടർ പദവി വഹിക്കുന്ന ഷൈമോൾ -ബിബിൻ(Corporate Trainer & State Treasurer, Kerala Youth Promotion Council.) ബിബ ദമ്പതികൾക്കും നന്ദി
സാമ്പത്തീക പ്രതിസന്ധികളിൽ എന്റെ സിബിൽ സ്കോറിന് കോട്ടം തട്ടാതെ ലക്ഷങ്ങളുടെഫണ്ടുകൾ നൽകി റോളിംഗിന് സഹായിച്ച പ്രിയ സുഹൃത്ത് GK,
എൻ്റെ വലിയൊരു സാമ്പത്തിക ബാധ്യത എനിക്ക് വേണ്ടി മാനേജ് ചെയ്യുന്ന കസിൻ സന്തോഷ് മാത്യു അറയ്ക്കപറമ്പിൽ നോട് ഒത്തിരി നന്ദി
കമ്പനിയിൽ വിശ്വാസമർപ്പിച്ച് ലക്ഷങ്ങളുടെ ഇൻവെസ്റ്റ് ചെയ്ത രാജേഷ് ബാല ഉൾപ്പെടെ നാട്ടിലും വിദേശത്തുമുള്ള ഇൻവെസ്റ്റർമാർ എന്നിവരോട് കടപ്പെട്ടിരിക്കുന്നു.
ഒപ്പം സ്വദേശത്തും വിദേശത്തുമുള്ള നല്ലവരായ വൈദികൾ ഉൾപ്പെടെയുള്ള പ്രവാസി സുഹൃത്തുക്കൾ, ചെറുതും വലുതുമായ കൈ വായ്പ നൽകി സഹായിച്ചതിനും നന്ദി.
കൂടാതെ, PMEGP സ്കീമിലൂടെ തുണയായ യൂണിയൻ ബാങ്ക് വടക്കഞ്ചേരി ബ്രാഞ്ച്, മുൻ മാനേജർ മഹേഷ് സാർ അഭിൻ ദാസ് ഉൾപ്പടെയുള്ള ആലത്തൂർ വ്യവസായ വകുപ്പിലെ ഉദ്യോഗസ്ഥർ,
ലോഗോ പ്രകാശനം ചെയ്ത ബഹുമാനപ്പെട്ട മന്ത്രി റോഷി അഗസ്റ്റിൻ,
പ്രോജക്ട് റിപ്പോർട്ട് പ്രകാശനം ചെയ്ത ബഹുമാനപ്പെട്ട മന്ത്രി പി. രാജീവ്,
പ്രാർത്ഥനകളിലൂടെയും സപ്പോർട്ടുകളിലൂടെയും കരുത്തേകിയ ഫാ. ജെയ്സൺ കൊള്ളന്നൂർ, ഫാ. വർഗീസ് ചേരോലി ആൻ്റി ത്രേസ്യാ അറയ്ക്കൽ, എന്നിവരോടുള്ള നന്ദി വാക്കുകളിൽ ഒതുക്കാൻ കഴിയില്ല.
എൻ്റെ NLP ഗുരുവും മെൻ്ററുമായ കാലടി ആത്മമിത്ര ഡയറക്ടർ Fr.Toby SJയെ നന്ദിയോടെ ഓർക്കുന്നു.
സാമ്പത്തിക സഹായത്തിനു സാഹചര്യമില്ലാത്തപ്പോഴും പ്രാർത്ഥനയിലൂടെ യും മോറൽ സപ്പോർട്ടിലൂടെയും കരുത്ത് പകർന്ന വൈദികർ, സിസ്റ്റേഴ്സ്, കൂട്ടുകാർ, മക്കൾ, ബന്ധുക്കൾ എന്നിവരെയും സ്മരിക്കുന്നു.
ജിവിതത്തിൽ ഇത്രയേറെ ദുരന്തങ്ങൾ വന്നപ്പോഴും ആത്മവിശ്വാസത്തോടെ തലയുയർത്തി നിൽക്കുവാൻ എൻ്റെ പ്രാപ്തനക്കിയത് KCYM പ്രവർത്തങ്ങളിലൂടെ ഞാൻ നേടിയ ഊർജ്ജമാണ് എന്ന് അഭിമാനത്തോടെ സ്മരിക്കുന്നു.
ഇന്ന് സിപ്രോസ് മാർക്കറ്റിലേക്ക് 'HIKE' എന്ന ഹൈജിൻ ബ്രാൻഡുമായി എത്തുകയാണ്. 15 വ്യത്യസ്ത ഉൽപ്പന്നങ്ങളാണ് ആദ്യഘട്ടത്തിൽ പുറത്തിറങ്ങുന്നത്. ഒപ്പം 'SWADESI' എന്ന പേരിൽ നിലവിലുള്ള റീട്ടൈൽ ഔട്ട്ലെറ്റുകളുടെ കൂടുതൽ ശാഖകൾ ഉടൻ ആരംഭിക്കും.
എന്നെ സ്നേഹിച്ചവർക്കും, തളർത്തിയവർക്കും, പുറകിൽ നിന്ന് കുത്തിയവർക്കും, ഊർജ്ജം നൽകിയവർക്കും ഹൃദയപൂർവ്വം നന്ദി പറയുന്നു.
ഫീൽഡിലും ഫാക്ടറിയിലുമായി 20 തൊഴിലവസരങ്ങളൊരുക്കിയാണ് Sipros പ്രവർത്തനം ആരംഭിക്കുന്നത്.
ഓർക്കുക: വീഴുന്നത് സ്വാഭാവികമാണ്. എന്നാൽ വീണിടത്ത് തന്നെ കിടന്ന് തളർന്ന് മരിക്കുന്നത് പരാജയമാണ്. എഴുന്നേറ്റ് ഓടുക, മരണം വരെ ഓടുക... ഈ ലോകം നിനക്ക് കൂടി അവകാശപ്പെട്ടതാണ്
NB: സഹായിച്ച ചില വ്യക്തികളുടെ പേരുകൾ ബോധപൂർവ്വം ഒഴിവാക്കിയിട്ടുണ്ട്, അവർക്ക് പ്രത്യേകം നന്ദി
സന്തോഷ് അറയ്ക്കൽ
MD Sipros Agro & Chemical P Ltd
