Tirur News Live, Palghat (2026)

23/08/2026

*🚫 നേന്ത്രക്കായ വില മാനംമുട്ടി; തൂശനിലയ്ക്കും വൻ ഡിമാൻഡ്*

2026 ഓഗസ്റ്റ് 23

മലപ്പുറം: ഓണം അടുത്തെത്തിയതോടെ നേന്ത്രക്കായയ്ക്കും വാഴയിലയ്ക്കും തീവില. മുൻവർഷങ്ങളെ അപേക്ഷിച്ച് ഏറ്റവും ഉയർന്ന നിരക്കിലേക്കാണ് നേന്ത്രവില കുതിച്ചുയരുന്നത്.

ജില്ലയിലെ പ്രധാന പച്ചക്കറി ഹോൾസെയിൽ വിപണിയായ മഞ്ചേരിയിൽ ഇന്നലെ നേന്ത്രക്കായയ്ക്ക് കിലോയ്ക്ക് 57 രൂപ മുതൽ 60 രൂപ വരെ ഉയർന്നിട്ടുണ്ട്. റീട്ടെയിൽ ഔട്ട്ലറ്റ്ലെറ്റുകളിൽ നേന്ത്രയ്ക്ക് കിലോയ്ക്ക് 75 മുതൽ 78 രൂപ വരെയാണ് ഈടാക്കുന്നത്. ശർക്കര ഉപ്പേരിയും ചിപ്‌സും ഓണസദ്യയ്ക്ക് ഒഴിച്ചുകൂടാനാവാത്ത വിഭവങ്ങളായതിനാൽ വൻതോതിൽ നേന്ത്രക്കായയുടെ ആവശ്യകത ഉയർന്നു.

കർണാടകയിലും തമിഴ്‌നാട്ടിലും ഉത്പാദനം കുറഞ്ഞതും കേരളത്തിൽ കനത്ത മഴ കാരണം പലയിടത്തും വാഴക്കൃഷി നശിച്ചതുമാണ് വിപണിയിൽ പെട്ടെന്നുണ്ടായ ഈ ക്ഷാമത്തിനും വിലക്കയറ്റത്തിനും കാരണം. വയനാട് ഉൾപ്പെടെയുള്ള ഉത്പാദന കേന്ദ്രങ്ങളിൽ വിളവെടുപ്പിന് പാകമായ കുലകളുടെ ലഭ്യത കുറഞ്ഞതും തിരിച്ചടിയായി. ഓണക്കാലത്തിന് തൊട്ടുമുമ്പ് വരെ 20-25 രൂപ നിരക്കിൽ വിറ്റുപോയിരുന്ന നേന്ത്രക്കായയ്ക്ക് പെട്ടെന്ന് ഉയർന്ന വില ലഭിക്കുന്നത് കർഷകർക്ക് ആശ്വാസമാകുന്നുണ്ടെങ്കിലും, ഓണച്ചന്തകളെ ആശ്രയിക്കുന്ന സാധാരണക്കാരായ ഉപഭോക്താക്കൾക്ക് ഇത് കനത്ത തിരിച്ചടിയാണ്
--------------------
*⚠️ BREAKING NEWS*
*ഗ്രൂപ്പിൽ ജോയിൻ ചെയ്യൂ*👇
https://chat.whatsapp.com/HrcyjBbOFrD1Xe33E5A38r?s=cl&p=i&mlu=4&amv=2
-----------------------

05/08/2026

'റിസയുടെ ആത്മഹത്യാ കുറിപ്പിൽ എല്ലാം വ്യക്തം, വിദേശത്തേക്ക് കടന്ന ഭർത്താവിനെ അറസ്റ്റ് ചെയ്യണം'; 20കാരിയുടെ ആത്മഹത്യയിൽ ആരോപണങ്ങളുമായി കുടുംബം

കണ്ണൂർ: കണ്ണൂർ പൊയ്ത്തുംകടവിൽ ഫാത്തിമത്ത് റിസ (20) ആത്മഹത്യ ചെയ്‌ത സംഭവത്തിൽ ഭർത്താവിനെതിരെ ഗുരുതര ആരോപണങ്ങളുമായി കുടുംബം.

കല്ല്യാണം കഴിഞ്ഞ് 8 മാസമാകും മുൻപെ റിസ ജീവനൊടുക്കിയത് ഭർത്താവ് ആസിഫിൻറെ പീഡനം കാരണമാണെന്നും ആസിഫ് ലഹരി ഉപയോഗിക്കുന്നത് റിസ കണ്ടു, ഇതുൾപ്പെടെ ആത്മഹത്യക്ക് കാരണമായി, റിസ സുഹൃത്തിന് അയച്ച ഓഡിയോ മെസേജിൽ എല്ലാം വ്യക്തമാണെന്നും ബന്ധുക്കൾ ആരോപിച്ചു. വിദേശത്തേക്ക് കടന്ന ആസിഫിനെ ഉടൻ അറസ്റ്റ് ചെയ്യണം എന്നും ഇവർ ആവശ്യപ്പെട്ടു. റിസ മരിച്ച ദിവസം തന്നെ ആസിഫ് വിദേശത്തേക്ക് കടന്നിരുന്നു. റിസയുടെ മുറിയിൽ നിന്ന് കിട്ടിയ ആത്മഹത്യ കുറിപ്പും, കൂട്ടുകാരിക്ക് അയച്ച വാട്സ് ആപ്പ് സന്ദേശങ്ങളും ചൂണ്ടിക്കാട്ടിയാണ് വീട്ടുകാരുടെ ആരോപണം.

കഴിഞ്ഞ ചൊവ്വാഴ്ചയാണ് റിസ ജീവനൊടുക്കിയത്. വീട്ടിലെ കിടപ്പുമുറിയിൽ തൂങ്ങിയ നിലയിലായിരുന്നു. ആത്മഹത്യാ പ്രേരണ കുറത്തിന് ആസിഫിനെ പ്രതി ചേർത്ത് വളപട്ടണംപൊലീസ് കേസെടുത്തിട്ടുണ്ട്. വിദേശത്തേക്ക് കടന്ന ഇയാളെ തിരികെയെത്തിക്കാനുള്ള ശ്രമവും പൊലീസ് നടത്തുന്നുണ്ട്. മുൻപ് ഭർതൃവീട്ടിൽ വെച്ചും റിസ ആത്മഹത്യയ്ക്ക് ശ്രമിച്ചിരുന്നു. ദുബായിൽ ജോലി ചെയ്‌തിരുന്ന ആസിഫ് മാസത്തിൽ പല തവണ നാട്ടിലെത്തുമായിരുന്നെന്നും ഒന്നോ രണ്ടോ ദിവസം നിന്ന ശേഷം തിരികെ മടങ്ങുമെന്നും ഇതിൽ സംശയങ്ങളുണ്ടെന്നും റിസയുടെ മരണത്തിന് ശേഷം നാട്ടുകാരും പ്രതികരിച്ചു.

(ആത്മഹത്യ ഒന്നിനും പരിഹാരമല്ല.

അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക. ടോൾ ഫ്രീ നമ്പർ: Toll free helpline number: 1056)

03/08/2026

സംസ്ഥാനത്ത് നാളെയും ശക്തമായ മഴ തുടരും,
12 ജില്ലകളിൽ ഓറഞ്ച് അലർട്ട്

തിരുവനന്തപുരം: സംസ്ഥാനത്ത് നാളെയും അതിശക്തമായ മഴ തുടരുമെന്ന് കേന്ദ്രകാലാവസ്ഥാ വകുപ്പിൻ്റെ മുന്നറിയിപ്പ്. തീവ്രമഴ മുന്നറിയിപ്പിനെ തുടർന്ന് നാളെ 12 ജില്ലകളിൽ ഓറഞ്ച് അലർട്ട് പ്രഖ്യാപിച്ചു.
തിരുവനന്തപുരം, കൊല്ലം ഒഴികെയുള്ള ജില്ലകളിലാണ് ഓറഞ്ച് അലർട്ട് പ്രഖ്യാപിച്ചത്. തിരുവനന്തപുരത്തും കൊല്ലത്തും യെല്ലോ അലർട്ടാണ്.

തെക്കൻ ഗുജറാത്ത് തീരം മുതൽ വടക്കൻ കേരള തീരം വരെ തീരദേശ ന്യൂനമർദ്ദ പാത്തി ദുർബലമായി. ഇതിന്റെ ഭാഗമായി ഏഴുവരെയുള്ള തീയതികളിൽ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്ക് സാദ്ധ്യതയെന്ന് കാലാവസ്ഥാ വകുപ്പിന്റെ മുന്നറിയിപ്പിൽ പറയുന്നു.

ആഗസ്റ്റ് 3,4 തീയതികളിൽ കേരളം- കർണാടക- ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ 60 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാദ്ധ്യതയുണ്ട്. ഓറഞ്ച് അലർട്ട് പ്രഖ്യാപിച്ച ജില്ലകളിൽ 24 മണിക്കൂറിൽ 115. 6 എംഎം മുതൽ 204.4 എംഎം വരെ മഴ ലഭിക്കുമെന്നാണ് പ്രതീക്ഷിക്കുന്നത്. തീവ്ര മഴ കണക്കിലെടുത്ത് ഏഴ് ജില്ലകളിൽ ജില്ലാ കളക്‌ടർമാർ അവധി പ്രഖ്യാപിച്ചിട്ടുണ്ട്. കോഴിക്കോട്, കോട്ടയം, പത്തനംതിട്ട, തൃശൂർ, കോഴിക്കോട്, കാസർകോട് ജില്ലകളിലാണ് കളക്‌ടർമാർ അവധി പ്രഖ്യാപിച്ചത്

03/08/2026

മഞ്ചേരിയിൽ അമ്പലക്കുളത്തിൽ നീന്തുന്നതിനിടെ ബിരുദ വിദ്യാർഥി മുങ്ങിമരിച്ചു

മലപ്പുറം:മഞ്ചേരിയിൽ അമ്പലക്കുളത്തിൽ നീന്തുന്നതിനിടെ ബിരുദ വിദ്യാർഥി മുങ്ങിമരിച്ചു. മഞ്ചേരി തൃക്കലങ്ങോട് കരിക്കാട് സ്വദേശി ശ്രീനിവാസന്റെ മകൻ ശ്രീഹരിയാണ് മരിച്ചത്.

കരിക്കാട് സുബ്രഹ്മണ്യസ്വാമി ക്ഷേത്ര കുളത്തിൽ കൂട്ടുകാരോടൊപ്പം നീന്താനിറങ്ങിയപ്പോഴായിരുന്നു അപകടം. നീന്തുന്നതിനിടെ ശ്രീഹരി ഒഴുക്കിൽപെടുകയായിരുന്നു.

03/08/2026

വാട്ടർ ടാങ്ക് വൃത്തിയാക്കുന്നതിനിടെ കെട്ടിടത്തിന്റെ മുകളിൽ നിന്ന് വീണു പരപ്പനങ്ങാടി സ്വദേശി മരിച്ചു

പരപ്പനങ്ങാടി :എറണാകുളം കലൂരിൽ, താമസിക്കുന്ന ഫ്ലാറ്റിൽ വാട്ടർ ടാങ്ക് വൃത്തിയാക്കുന്നതിനിടെ കാൽ വഴുതി വീണു പരപ്പനങ്ങാടി സ്വദേശി മരിച്ചു . പരപ്പനങ്ങാടി നെടുവ മൂകാംബിക ക്ഷേത്രത്തിനു കിഴക്കു വശം പാലീരി ശങ്കരനാരായണൻ എന്ന രവിയുടെ മകൻ അശ്വിൻ (27) ആണ് മരിച്ചത് .

മാതാവ് കറുത്തേടത്തു സീമ എറണാകുളം കലൂരിൽ ഡിആർ ടി (
dept recovary tribunal)
കോടതിയിൽ ജീവനക്കാരിയാണ്. കലൂരിൽ തന്നെയുള്ള ഫ്ലാറ്റിലായിരുന്നു താമസം.

നാലു നിലകളുള്ള കെട്ടിടത്തിന്റെ മുകളിൽ വാട്ടർ ടാങ്ക് വൃത്തിയാക്കുന്നതിനിടെ താഴെ വീഴുകയായിരുന്നു. ഞായറാഴ്ച രാത്രി 9.30 ഓടെയാണ് സംഭവം. നെടുവ കറുത്തേടത്തു വീട്ടിൽ സംസ്കരിച്ചു .

03/08/2026

ന്നും രണ്ടുമല്ല, 7 അടി നീളമുള്ള ഭീമൻ മുതല..! പ്രളയത്തിനിടെ വീട്ടിലെ കുളിമുറിയിൽ ക്ഷണിക്കപ്പെടാത്ത അതിഥിയെ കണ്ട് ഞെട്ടി നാട്ടുകാർ

പ്രളയബാധിത പ്രദേശത്തെ വീട്ടിൽ ഭീമൻ മുതല. 7 അടി നീളമുള്ള മുതലയെയാണ് വീട്ടിലെ കുളിമുറിയിൽ കണ്ടെത്തിയത്.രാത്രിയിൽ വീട്ടുകാർ ഉറങ്ങിക്കിടക്കുന്ന സമയത്ത് വളർത്തുനായ്ക്കൾ നിർത്താതെ കുരയ്ക്കുന്നത് കേട്ട് എഴുന്നേറ്റപ്പോഴാണ് അപ്രതീക്ഷിതമായി ഈ അതിഥിയെ ഇവർ കാണുന്നത്.
ഉടൻതന്നെ പരിഭ്രാന്തരായ വീട്ടുകാർ വനംവകുപ്പിനെ വിവരം അറിയിക്കുകയായിരുന്നു.

പ്രളയക്കെടുതിക്കിടെ ഗുജറാത്തിലെ ആനന്ദ് ജില്ലയിലാണ് സംഭവം. സ്ഥലത്തെത്തിയ വനംവകുപ്പ് ഉദ്യോഗസ്ഥർ ഏകദേശം ഒരു മണിക്കൂറോളം നീണ്ട പരിശ്രമത്തിനൊടുവിലാണ് യാതൊരു പരിക്കുകളും ഇല്ലാതെ മുതലയെ പിടികൂടിയത്. തുടർന്ന് സുരക്ഷിതമായി സമീപത്തുള്ള ജലാശയത്തിലേക്ക് തന്നെ ഇതിനെ തിരികെ വിടുകയും ചെയ്‌തു. മഴക്കാലത്ത് ഇത്തരം സംഭവങ്ങൾ പതിവാണെന്നും, ജലാശയങ്ങൾ കരകവിഞ്ഞൊഴുകുന്നതാണ് വെള്ളത്തിലെ ജീവികൾ കരയിലേക്ക് കയറിവരാൻ കാരണമെന്നും ഉദ്യോഗസ്ഥർ വ്യക്തമാക്കുന്നു. ഭക്ഷണം തേടിയും ശരീരത്തിന്റെ താപനില നിയന്ത്രിക്കാനുമാണ് ഇവ മനുഷ്യവാസമുള്ള സ്ഥലങ്ങളിലേക്ക് എത്തുന്നത്.

26/07/2026

കുറ്റിപ്പുറത്ത് ബസ് തലകീഴായി മറിഞ്ഞു; ഒരുമരണം, ഇരുപതോളം പേര്‍ക്ക് പരിക്ക്

അപകടത്തെ തുടർന്ന് ബസ്സിൽ നിന്നും റോഡിലേക്ക് തെറിച്ചു വീണ ആളാണ്‌ മരണപ്പെട്ടത്, ഇരുപതോളം പേർക്ക് പരിക്ക് പറ്റിയിട്ടുണ്ട്, പരിക്ക് ഗുരുതരമായവരെ കോട്ടക്കലിലെ സ്വകാര്യ ആശുപത്രിയിൽ കൊണ്ടുപോയിട്ടുണ്ട്.
റെയിൽവേ ഓവർ ബ്രിഡ്ജിനും കൈലാസിനും സമീപമാണ് സംഭവം..
കോഴിക്കോട് തൃശൂര്‍ റൂട്ടിലോടുന്ന ബസ്സാണ് അപകടത്തില്‍ പെട്ടത്.
അമിത വേഗമാണ് അപകടകാരണം എന്നാണ് സൂചന. ബസ്സ് വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. മരിച്ചയാളെ തിരിച്ചറിഞ്ഞിട്ടില്ല. ഓടിക്കൂടിയ നാട്ടുകാരാണ് രക്ഷാ പ്രവര്‍ത്തനം നടത്തിയത്.

26/07/2026

തൊപ്പി എവിടെ ?: കേസെടുത്ത് ഒന്നരമാസം പിന്നിട്ടിട്ടും കണ്ടെത്താനാകാതെ പോലീസ്

തിരൂർ : സോഷ്യല്‍ മീഡിയ ലൈവിലൂടെ അധിക്ഷേപിച്ച സംഭവത്തില്‍ കേസ് രജിസ്റ്റർ ചെയ്ത് ഒന്നരമാസം പിന്നിട്ടിട്ടും പ്രമുഖ യൂട്യൂബർ 'തൊപ്പി' എന്ന നിഹാദിനെ കണ്ടെത്താനാകാതെ പോലീസ്.

കേസിലെ രണ്ടാം പ്രതിയായ ഷമീർ സി.ജെ.പി സമരവേദിയിലെത്തി ലൈവ് വീഡിയോ ചെയ്തിട്ടും ഇയാളെ പിടികൂടാൻ പോലീസിന് കഴിഞ്ഞില്ലെന്ന വിമർശനവും ശക്തമാണ്.(YouTuber Thoppi still absconding, Kerala Police Fail To Arrest YouTuber)

നിലവില്‍ കേസിലെ നാലാം പ്രതി മുഹമ്മദ് മാത്രമാണ് റിമാൻഡിലുള്ളത്. ആലുവ റൂറല്‍ പോലീസ് രജിസ്റ്റർ ചെയ്ത മറ്റൊരു കേസില്‍ നിഹാദ് മുൻകൂർ ജാമ്യാപേക്ഷ സമർപ്പിച്ചിട്ടുണ്ടെങ്കിലും, മഞ്ചേരി പോലീസ് രജിസ്റ്റർ ചെയ്ത ഈ കേസില്‍ ഇതുവരെ മുൻകൂർ ജാമ്യത്തിനായി കോടതിയെ സമീപിച്ചിട്ടില്ല. ഗെയിമിംഗ് ലൈവ് സ്ട്രീമിംഗുകളിലൂടെ വലിയ സ്വാധീനം ഉണ്ടാക്കിയ തൊപ്പിയും സംഘവും, നിരന്തരമായി ഉപയോഗിക്കുന്ന അശ്ലീല-മോശം ഭാഷകളുടെ പേരില്‍ നേരത്തെയും കടുത്ത വിമർശനങ്ങള്‍ നേരിട്ടിരുന്നു.

26/07/2026

സിഎംആര്‍എല്‍-എക്സാലോജിക് കേസ്: അന്വേഷണം പിണറായി വിജയനിലേയ്ക്ക്, ചോദ്യംചെയ്യാൻ ഇഡി

സിഎംആർഎല്‍-എക്സാലോജിക് പണമിടപാട് കേസില്‍ അന്വേഷണം പ്രതിപക്ഷനേതാവ് പിണറായി വിജയനിലേയ്ക്ക്. കേസില്‍ അദ്ദേഹത്തെ ചോദ്യംചെയ്യാനുള്ള നീക്കത്തിലാണ് ഇഡിയെന്നാണ് വിവരം.
ഡല്‍ഹിയിലെ ഇഡി അഡ്ജുഡിക്കേറ്റിംഗ് അതോറിറ്റിക്ക് കൊച്ചി ഇഡി ഓഫീസ് നല്‍കിയ റിപ്പോർട്ടിലാണ് ഇതുസംബന്ധിച്ച്‌ സൂചനയുള്ളത്.

ഏപ്രില്‍ 17ന് സിഎംആ‌ർഎല്‍ എംഡി എസ്‌എൻ ശശിധരൻ കർത്ത ഇഡിയ്ക്ക് നല്‍കിയ മൊഴിയാണ് അന്വേഷണം പിണറായി വിജയനിലേയ്ക്ക് തിരിയാൻ കാരണമായത്. എക്സാലോജിക് ഡയറക്ടറായ വീണയ്ക്ക് പണം നല്‍കിയത് പിണറായിയുമായുള്ള വ്യക്തബന്ധത്തിന്റെ പേരിലായിരുന്നുവെന്നായിരുന്നു ശശിധരൻ കർത്തയുടെ മൊഴി. മാത്രമല്ല ഐടി കണ്‍സള്‍ട്ടൻസി സേനവങ്ങളുടെ പേരില്‍ 2.78 കോടി രൂപ ലഭിച്ചത് സേവനങ്ങളാെന്നും നല്‍കാതെയായിരുന്നുവെന്ന് വീണയും ഇഡിയ്ക്ക് നല്‍കിയ മൊഴിയില്‍ വ്യക്തമാക്കിയിരുന്നു.
ഈ മൊഴികളുടെ അടിസ്ഥാനത്തിലാണ് ഇഡി പിണറായി വിജയനെ ചോദ്യംചെയ്യാനൊരുങ്ങുന്നത്. കഴിഞ്ഞയാഴ്ച ഇഡി സ്പെഷ്യല്‍ ഡയറക്ടർ പ്രശാന്ത് കുമാർ കേസുകളുടെ അവലോകനത്തിനായി കൊച്ചിയിലെത്തിയപ്പോള്‍ പിണറായിയെ ചോദ്യംചെയ്യുന്നത് സംബന്ധിച്ച്‌ ചർച്ച നടന്നിരുന്നു. എന്നാല്‍ ഡയറക്ടർ രാഹുല്‍ നവീന്റെ അനുമതി വാങ്ങിയതിന് ശേഷം ചോദ്യംചെയ്യല്‍ മതിയെന്നായിരുന്നു ഉദ്യോഗസ്ഥർക്ക് നല്‍കിയ നി‌ർദേശം. നിലവില്‍ ഇതിന് അനുമതി നല്‍കിയതായാണ് വിവരം

26/07/2026

ഡല്‍ഹിയില്‍ വിദ്യാര്‍ഥികള്‍ക്കെതിരായ പോലിസ് ക്രൂരത; 12 ചോദ്യങ്ങള്‍ക്ക് അമിത് ഷാ മറുപടി പറയണം

ന്യൂഡല്‍ഹി: ഡല്‍ഹി പോലിസ് ജന്തര്‍മന്ദറില്‍ വിദ്യാര്‍ഥികളെ ക്രൂരമായി ആക്രമിച്ച സംഭവത്തില്‍ കേന്ദ്ര ആഭ്യന്തര മന്ത്രി അമിത് ഷാ 12 ചോദ്യങ്ങള്‍ക്ക് മറുപടി പറയേണ്ടി വരും.
പെല്ലറ്റ് തോക്കുകള്‍ ഉള്‍പ്പെടെ വിദ്യാര്‍ഥികള്‍ക്ക് നേരെ പ്രയോഗിച്ചിട്ടും അമിത് ഷാ മൗനം തുടരുകയാണ്. ഡല്‍ഹി പോലിസ് കേന്ദ്ര ആഭ്യന്തര മന്ത്രാലയത്തിന് റിപ്പോര്‍ട്ട് ചെയ്യുന്നു, തിങ്കളാഴ്ച രാജ്യ തലസ്ഥാനത്ത് വിദ്യാര്‍ത്ഥികള്‍ക്കെതിരേ അഴിച്ചുവിട്ട സെന്‍ട്രല്‍ റിസര്‍വ് പോലിസ് സേനയുടെ ഒരു വിഭാഗമായ റാപ്പിഡ് ആക്ഷന്‍ ഫോഴ്സും കേന്ദ്ര ആഭ്യന്തര മന്ത്രി അമിത് ഷായുടെ മന്ത്രാലയത്തിന് കീഴിലാണ്. ജൂലൈ 20 തിങ്കളാഴ്ച സമാധാനപരമായി പ്രതിഷേധിച്ച വിദ്യാര്‍ഥികള്‍ക്കെതിരായ ക്രൂരമായ പോലിസ് നടപടിയുടെ ഉത്തരവാദിത്തം ഷായുടേതാണ്.

പോലിസ് ക്രൂരതയുടെ തെളിവുകള്‍ പുറത്തുവന്നു കൊണ്ടിരിക്കുകയാണ്. പെല്ലറ്റ് തോക്ക് കൊണ്ടുള്ള ആക്രമണത്തില്‍ പരിക്കേറ്റ ഒരു വിദ്യാര്‍ഥിയുടെ വലതു കണ്ണിന്റെ കാഴ്ച നഷ്ടപ്പെട്ടിരുന്നു. അമിത് ഷായുടെ ഉത്തരവില്ലാതെ പോലിസ് പ്രവര്‍ത്തിക്കില്ലെന്ന വിമര്‍ശനം ശക്തമാണ്. പോലിസിന്റെ നിയന്ത്രണം ഷായുടെ ഓഫിസിനാണ്. വിദ്യാര്‍ഥികളുടെ 12 ചോദ്യങ്ങള്‍ക്ക് അമിത് ഷാ മറുപടി പറയേണ്ടി വരും.

1. ജലപീരങ്കികള്‍ ഉപയോഗിക്കാത്തത് എന്തുകൊണ്ട്?

ഇന്ത്യയിലെ സാധാരണ ജനക്കൂട്ട നിയന്ത്രണ പ്രോട്ടോക്കോളുകള്‍ പാലിക്കാതെയാണ് പോലിസ് അതിക്രമമെന്ന വിമര്‍ശനം ശക്തമാണ്. ആദ്യം ഏറ്റവും കുറഞ്ഞ ദോഷകരമായ പ്രതിരോധ മാര്‍ഗങ്ങള്‍ ഉപയോഗിക്കുന്നു. ജലപീരങ്കികളാണ് പ്രാഥമിക മാരകമല്ലാത്ത രീതി, ഇത് ജനക്കൂട്ടത്തെ പിരിച്ചുവിടാന്‍ ഉപയോഗിക്കേണ്ടതും ശാരീരിക ബലപ്രയോഗത്തിലേക്ക് നീങ്ങുന്നതിന് മുമ്പ് ഉപയോഗിക്കേണ്ടതുമാണ്. ഈ നിര്‍ണായക നടപടി മറികടക്കുന്നത്, അസംബ്ലി സമാധാനപരമായി കൈകാര്യം ചെയ്യാനുള്ള ശ്രമത്തേക്കാള്‍ ഉടനടി അക്രമത്തിലേക്ക് നീങ്ങുന്നതിനെ സൂചിപ്പിക്കുന്നു. തിങ്കളാഴ്ച ഈ നടപടിക്രമം മറികടന്നതിന്റെ കാരണം ഷാ വിശദീകരിക്കണം.

2. ആണികളുള്ള ലാത്തികള്‍ എന്തിനാണ് ഉപയോഗിച്ചത്?
സുരക്ഷാ ഉദ്യോഗസ്ഥര്‍ പ്രയോഗിച്ച ചില ബാറ്റണുകളില്‍ ആണികളുണ്ടെന്ന് റിപ്പോര്‍ട്ടുകളും ദൃശ്യ തെളിയിക്കുന്നു. ഈ രീതിയില്‍ ഒരു സാധാരണ കലാപ നിയന്ത്രണ ഉപകരണം മനഃപൂര്‍വ്വം പരിഷ്‌കരിക്കുന്നത് ഗുരുതരമായ മുറിവുകള്‍ ഉണ്ടാക്കാന്‍ കഴിവുള്ള ഒരു മാരകായുധമാക്കി മാറ്റുന്നു. യുവതികള്‍ ഉള്‍പ്പെടെയുള്ള നിരായുധരായ വിദ്യാര്‍ത്ഥികള്‍ക്കെതിരെ ഇത്തരം ക്രൂരമായ ഉപകരണങ്ങള്‍ വിന്യസിക്കുന്നത് അടിസ്ഥാന മനുഷ്യാവകാശങ്ങളുടെയും സ്ഥാപിത പോലീസ് മാര്‍ഗ്ഗനിര്‍ദ്ദേശങ്ങളുടെയും ലംഘനമാണ്. ഈ ബാറ്റണുകള്‍ പരിഷ്‌കരിക്കാനും വിദ്യാര്‍ത്ഥികള്‍ക്കെതിരെ അവ ഉപയോഗിക്കാനും ആരാണ് അനുമതി നല്‍കിയതെന്ന് ആഭ്യന്തര മന്ത്രി വിശദീകരിക്കണം.

3. പെല്ലറ്റ് തോക്കുകള്‍ വെടിവയ്ക്കാന്‍ ആരാണ് ഉത്തരവിട്ടത്?

പെല്ലറ്റ് തോക്കുകള്‍ അവസാന ആശ്രയമായി മാത്രമേ ഉപയോഗിക്കാവൂ, കാരണം അവ സ്ഥിരമായ കാഴ്ച നഷ്ടം, ശാരീരിക പരിക്കുകള്‍, ഗുരുതരമായ ആഘാതം എന്നിവയ്ക്ക് കാരണമാകുമെന്നതില്‍ കുപ്രസിദ്ധമാണ്. പരിക്കേറ്റ പ്രതിഷേധക്കാരില്‍ നിന്നുള്ള ഒന്നിലധികം മെഡിക്കല്‍ റിപ്പോര്‍ട്ടുകളും സാക്ഷ്യങ്ങളും ലോഹ പെല്ലറ്റുകള്‍ വേര്‍തിരിച്ചെടുത്തതായി സ്ഥിരീകരിക്കുന്നു, ഇത് ഡല്‍ഹി പോലിസിന്റെ നിഷേധങ്ങള്‍ക്ക് വിരുദ്ധമാണ്. കേന്ദ്ര ആരോഗ്യമന്ത്രി ജെ പി നദ്ദ ആശുപത്രിയില്‍ ഇരകളില്‍ ഒരാളെ സന്ദര്‍ശിച്ചതിനാല്‍ ഈ ആയുധം ഉപയോഗിച്ചതായി സര്‍ക്കാരിന് അറിയാം. ഷായുടെ കീഴിലുള്ള ആര്‍എഎഫ് ദേശീയ തലസ്ഥാനത്ത് ഈ വിവാദ ആയുധം വിന്യസിച്ചത് സംസ്ഥാനം വിദ്യാര്‍ത്ഥികള്‍ക്കെതിരെ ബലപ്രയോഗം നടത്തുന്നതിലെ ഭയാനകമായ വര്‍ദ്ധനവിനെ അടയാളപ്പെടുത്തുന്നു. യുവാക്കള്‍ക്കെതിരെ ആരാണ് അവരുടെ ഉപയോഗത്തിന് അനുമതി നല്‍കിയതെന്നും അതിനുശേഷം ഷാ ഇതിനെക്കുറിച്ച്‌ എന്താണ് ചെയ്തതെന്നും പൊതുജനങ്ങള്‍ കൃത്യമായി അറിയേണ്ടതുണ്ട്.

4. അനുപാതമില്ലാത്ത ബലപ്രയോഗം നടത്തിയത് എന്തുകൊണ്ടാണ്, പുരുഷ പോലിസുകാര്‍ യുവതികളെ അടിച്ചത് എന്തുകൊണ്ട്?
പ്രതിഷേധ സ്ഥലത്ത് നിന്നുള്ള നിരവധി വീഡിയോകളില്‍ പുരുഷ പോലീസ് ഉദ്യോഗസ്ഥര്‍ സ്ത്രീ വിദ്യാര്‍ത്ഥികളെ ആക്രമിക്കുന്നത് കാണിക്കുന്നു, വനിതാ പ്രതിഷേധക്കാരെ കൈകാര്യം ചെയ്യാന്‍ വനിതാ പോലിസ് ഉദ്യോഗസ്ഥര്‍ മാത്രം വേണമെന്ന പ്രോട്ടോക്കോളുകള്‍ നേരിട്ട് ലംഘിക്കുന്നു. സമാധാനപരമായി മാര്‍ച്ച്‌ നടത്തിയ വിദ്യാര്‍ത്ഥികള്‍ ഉയര്‍ത്തുന്ന ഭീഷണിയുമായി താരതമ്യം ചെയ്യുമ്പോള്‍, തലയ്ക്ക് നേരെയുള്ള ലാത്തി ചാര്‍ജിന്റെയും വസ്ത്രങ്ങള്‍ വലിച്ചുകീറിയതിന്റെയും ക്രൂരത തികച്ചും വ്യത്യസ്തമാണ്. ജനക്കൂട്ടം അക്രമാസക്തരായി എന്ന് പോലീസ് അവകാശപ്പെടുന്നിടത്ത് പോലും, പ്രതികരണം ആനുപാതികവും ലിംഗഭേദം കുറഞ്ഞതുമായി തുടരേണ്ടതുണ്ട്. റിപ്പോര്‍ട്ടുകളില്‍ ഉദ്ധരിച്ചിരിക്കുന്ന വീഡിയോ തെളിവുകള്‍ ഇതിനെ ഉടനടി ഉത്തരവാദിത്തപ്പെടുത്തേണ്ട വിഷയമാക്കുന്നു. സ്ഥലത്തുണ്ടായിരുന്ന മുതിര്‍ന്ന പോലീസ് ഉദ്യോഗസ്ഥര്‍ ഉള്‍പ്പെടെയുള്ളവരുടെ സ്ഥാപിത പോലീസ് പെരുമാറ്റത്തോടുള്ള വ്യക്തമായ അവഗണനയാണ് ഇത് പ്രതിഫലിപ്പിക്കുന്നത്, ഇത് അവരെ യുവതികള്‍ക്കെതിരായ അക്രമത്തില്‍ പങ്കാളികളാക്കുന്നു. തന്റെ നിയന്ത്രണത്തില്‍, പോലീസ് സേന എല്ലാ നിയമങ്ങളും ലംഘിക്കാന്‍ ഇത്ര ധൈര്യപ്പെടുന്നത് എന്തുകൊണ്ടാണെന്ന് ഷാ വിശദീകരിക്കണം.

5. സിവില്‍ വേഷത്തില്‍ ബാറ്റണ്‍ ധരിച്ച ചില പുരുഷന്മാര്‍ പോലീസിനൊപ്പം വിദ്യാര്‍ത്ഥികളെ മര്‍ദ്ദിച്ചത് എന്തുകൊണ്ട്?

6. മിക്ക പോലീസ് ഉദ്യോഗസ്ഥരും നെയിം ടാബുകള്‍ ധരിക്കാത്തത് എന്തുകൊണ്ട്?

7. ഒരു സ്ത്രീയെ തല്ലുന്നതായി കണ്ട മുതിര്‍ന്ന പോലീസ് ഉദ്യോഗസ്ഥനെതിരെ എന്ത് നടപടിയാണ് സ്വീകരിച്ചത്?

8. അന്ന് എത്ര കണ്ണീര്‍ വാതക ഷെല്ലുകള്‍ പ്രയോഗിച്ചു, ഏത് സ്ഥലത്താണ്?

9. പോലീസ് ബാരിക്കേഡുകളില്‍ വൈദ്യുതി പ്രവാഹമുണ്ടോ?

10. എത്ര പേരെ കസ്റ്റഡിയിലെടുത്തു, ഏതൊക്കെ കുറ്റങ്ങള്‍ ചുമത്തി?

11. സംഭവങ്ങളില്‍ വകുപ്പുതല അന്വേഷണത്തിനോ മജിസ്റ്റീരിയല്‍ അന്വേഷണത്തിനോ ഉത്തരവിട്ടിട്ടുണ്ടോ?

12. ആഭ്യന്തര മന്ത്രാലയത്തില്‍ നിന്ന് ഇതുവരെ ഒരു പ്രസ്താവനയും വരാത്തത് എന്തുകൊണ്ട്?

ദേശീയ തലസ്ഥാനത്തിന്റെ ഹൃദയഭാഗത്ത് അഭൂതപൂര്‍വമായ അക്രമവും പ്രതിപക്ഷത്തിന്റെ നിരന്തരമായ ആവശ്യങ്ങളും ഉണ്ടായിരുന്നിട്ടും, കേന്ദ്ര ആഭ്യന്തര മന്ത്രി പൂര്‍ണ്ണ നിശബ്ദത പാലിച്ചു.

Tirur News Live

23/08/2026

05/08/2026

03/08/2026

03/08/2026

03/08/2026

03/08/2026

26/07/2026

26/07/2026

26/07/2026

26/07/2026

Address

Website

Alerts

Shortcuts

Share

Category

Listing takedown request