Prudent Marathi

Call Directions Website Contact the business

Prudent Marathi प्रुडंट मराठी हे एक डिजिटल न्यूज व कंटेंट प्लॅटफॉर्म असून, जगभरातील मराठी भाषिक प्रेक्षकांना जोडण्याचा याचा मुख्य उद्देश आहे.

Goanvartalive is the only trusted media of Goa highliting News from every nook and corner of the state, different aspects of Happenings, Special Reports, Documentaries along with Education, Business, Jobs and much more. The one and only foremost Goan Channel tracking Cultural, Political, Economical and Community issues.

02/09/2026

Kolhapur Rain । कोल्हापुरात १५ दिवसांच्या ब्रेकनंतर ‘वरुणराजा’चे तुफान पुनरागमन

प्रुडंट मराठी । प्रतिनिधी

कोल्हापूर (२ सप्टेंबर) - गेल्या १५ दिवसांपासून दडी मारून बसलेल्या पावसाने आज कोल्हापूर शहर आणि जिल्ह्याच्या ग्रामीण भागात दमदार पुनरागमन केले. अगदी सकाळपासूनच मुसळधार पावसाने हजेरी लावत धुमाकूळ घातला. ऐन पावसाळ्यात उन्हाच्या झळा आणि असह्य उकाड्याने त्रस्त झालेल्या कोल्हापूरकरांना या पावसाने मोठा दिलासा दिला. मात्र, या धडाकेबाज पुनरागमनामुळे जिल्ह्यात अनेक ठिकाणी जनजीवन विस्कळीत झाले. मुख्य रस्त्यांवर पाणी साचल्याने वाहतुकीचा बोजवारा उडाला.

सकाळपासूनच गडगडाटासह सुरू झालेल्या धुवाधार पावसाने अवघ्या काही तासांत शहरासह ग्रामीण भागाला झोडपून काढले. सखल भागांमध्ये पाणी साचल्याने कोल्हापूर शहरातील प्रमुख मार्गांवर वाहनांच्या लांबचलांब रांगा लागल्या. कामावर जाणारे नोकरदार, शालेय विद्यार्थी आणि वाहनधारकांची प्रचंड तारांबळ उडाली. ग्रामीण भागातील अनेक रस्ते पाण्याखाली गेल्यामुळे अंतर्गत वाहतूक ठप्प झाली.

बळीराजाला मोठा दिलासा, खरीप पिकांना 'संजीवनी'

गेल्या पंधरवड्यात पावसाने मारलेल्या दडीमुळे अन् ऐन पावसाळ्यात कडक ऊन पडत असल्याने शेतकरी चिंतेच्या गर्तेत सापडला होता. पिके करपून जाण्याची भीती निर्माण झाली होती. मात्र, आज बरसलेल्या या दमदार पावसाने सुकणाऱ्या खरीप पिकांना थेट संजीवनी दिली आहे. भात, ऊस आणि सोयाबीनच्या पिकांसाठी हा पाऊस अत्यंत फायदेशीर ठरणार असल्याने शेतकरी वर्गात समाधानाचे वातावरण आहे.

02/09/2026

NCMC कार्डचा सावळागोंधळ! विद्यार्थिनी, महिलांचे हाल; ST महामंडळाचा संतापजनक कारभार

प्रुडंट मराठी । प्रतिनिधी

कोल्हापूर (२ सप्टेंबर) - महाराष्ट्र राज्य परिवहन महामंडळाच्या तांत्रिक बिघाड आणि नियोजनशून्य कारभारामुळे सध्या सामान्य प्रवासी, वयोवृद्ध, महिला आणि ग्रामीण भागातील विद्यार्थी यांना मोठा नाहक त्रास सहन करावा लागत आहे. महामंडळाने प्रवाशांच्या NCMC स्मार्ट कार्ड सुविधा सुरू केली खरी, मात्र हेच स्मार्ट कार्ड आता प्रवाशांच्या डोकेदुखीचे मुख्य कारण ठरले आहे. स्मार्ट कार्डवर वेळेवर रिचार्ज करूनही बसमध्ये चढल्यानंतर वाहकांकडून (कंडक्टर) ‘सर्वर डाऊन आहे’ असे सांगण्यात येते. सर्वर चालत नसल्याचे कारण पुढे करत विद्यार्थ्यांना पूर्ण (फुल) तिकीट काढायला भाग पाडले जात आहे. ‘आम्ही दररोज प्रवासासाठी मोजकेच पैसे आणतो. घरची परिस्थिती हलाकीची असताना आणि कार्डवर आधीच रिचार्ज केलेला असताना, प्रत्येक वेळेस रोख रक्कमेतून फुल तिकीट कसे काढायचे? कार्ड असूनही आम्हाला दररोज आर्थिक फटका बसत आहे, यात आमची काय चूक?’ असा आक्रमक सवाल एका प्रवासी विद्यार्थिनीने उपस्थित केला आहे.

ग्रामीण भागातून प्रवास करणाऱ्या महिला आणि वयोवृद्ध आम्ही घरातून मोजकेच पैसे घेऊन निघतो. सरकारने महिलांसाठी हाफ तिकीट योजना जाहीर केली खरी, पण कार्ड असूनही आम्हाला पूर्ण तिकीट काढून प्रवास करावा लागत असेल, तर या सवलतीचा फायदा काय? खेडेगावातील गरीब जनतेची अशी फसवणूक करू नका."

02/09/2026

Raju Shetti । राजू शेट्टींच्या विरोधात शिवसेनेचा शिंदे गट आक्रमक

प्रुडंट मराठी । प्रतिनिधी

कोल्हापूर (२ सप्टेंबर) - आमदार राजेश क्षीरसागर यांच्यावर टीका करणारे माजी खासदार आणि स्वाभिमानी शेतकरी संघटनेचे नेते राजू शेट्टी यांच्याविरोधात शिवसेना (एकनाथ शिंदे गट) अत्यंत आक्रमक मोडमध्ये आली आहे. आज कोल्हापुरातील ऐतिहासिक छत्रपती शिवाजी महाराज चौकात शिवसैनिकांनी राजू शेट्टी यांच्याविरोधात जोरदार निदर्शने करत त्यांच्या प्रतिमेला ‘कोल्हापुरी पायताण’ मारून निषेध नोंदवला. या आंदोलनादरम्यान शिवसेना शहरप्रमुख सुजित चव्हाण यांनी राजू शेट्टी यांच्यावर अत्यंत कडक शब्दांत हल्लाबोल केला. ‘राजू शेट्टी हे शेतकऱ्यांच्या टाळूवरचं लोणी खाणारे आणि सहजासहजी मॅनेज होणारे नेते आहेत. त्यांनी आमदार राजेश क्षीरसागर यांच्यावर बोलण्यापूर्वी स्वतःच्या वर्तनाचा शंभर वेळा विचार करावा’, असा घणाघाती आरोप चव्हाण यांनी केला. छत्रपती शिवाजी चौकात झालेल्या या आंदोलनामुळे कोल्हापुरातील राजकीय वातावरण चांगलेच तापले आहे. शिवसेनेच्या या अत्यंत आक्रमक पवित्र्यानंतर आता स्वाभिमानी शेतकरी संघटना आणि राजू शेट्टी या टीकेला काय प्रतिउत्तर देतात, याकडे संपूर्ण जिल्ह्याचे लक्ष लागले आहे.

शिवसेनेचे मुख्य मुद्दे व इशारा...

१. राजू शेट्टी हे शेतकऱ्यांचे नाव सांगून स्वतःचे राजकीय दुकान चालवत आहेत आणि वेळेनुसार मॅनेज होतात.
​२. आज केवळ राजू शेट्टी यांच्या प्रतिमेला कोल्हापुरी पायताण मारून तीव्र निषेध व्यक्त केला आहे.
​३. यापुढे शिवसैनिक शांत बसणार नाहीत. आमदार क्षीरसागर यांच्यावर पुन्हा टीका केल्यास जशास तसे उत्तर दिले जाईल.

02/09/2026

Goa Police । १७० रुपयांची फिश थाळी बघून पोलिसांची सटकली... अधिवेशनात उमटले पडसात

प्रुडंट मराठी । प्रतिनिधी

पणजी (२ सप्टेंबर) - पर्वरीतील रेस्टॉरंटमध्ये बिलावरून साध्या वेशातील पोलीस आणि रेस्टॉरंट मालक यांच्यात चांगलीच वादावादी झाली. २६ ऑगस्ट आणि ३० ऑगस्ट या दिवशी झालेल्या याच घटनांचे सीसीटीव्ही फुटेज मालकानं सोशल मीडियावर व्हायरल केल्यानंतर पोलीस खात्यानं त्याची गंभीर दखल घेतली. या घटनेचे पडसात विधानसभेच्या पावसाळी अधिवेशनातही उमटले. त्यानंतर खात्यानं पर्वरी पोलीस स्थानकाचे उपनिरीक्षक विराज सावंत यांची गोवा राखीव पोलीस दलात तडकाफडकी बदली केली आहे. आता त्यांच्याविरुद्ध विभागीय चौकशी सुरू करण्यात आलीये.

02/09/2026

Goa Assembly | Eighth Legislative Assembly | Fourteenth Session | Part 3 | 020926

02/09/2026

कोल्हापूर LCB ची धडक कारवाई... साडेअकरा लाखांच्या ऐवज जप्त; ६ गुन्हे उघडकीस!

प्रुडंट मराठी । प्रतिनिधी

कोल्हापूर (२ सप्टेंबर) - जिल्ह्यात घरफोडी करून धुमाकूळ घालणाऱ्या सराईत चोरांच्या मुसक्या आवळण्यात स्थानिक गुन्हा अन्वेषण शाखेला (LCB) मोठं यश आलंय. उचगाव (ता. करवीर) येथील जुना जकात नाका परिसरात राहणाऱ्या २ सराईत चोरट्यांना बेड्या ठोकून पोलिसांनी तब्बल ११ लाख ५५ हजार रुपये किंमतीचा मुद्देमाल जप्त केलाय. या धडक कारवाईमुळे जिल्ह्यातील विविध पोलीस ठाण्यांतील ६ गंभीर गुन्हे एकाच वेळी उघडकीस आले आहेत. १६ ऑगस्टच्या रात्री कनेरीतल्या (ता. करवीर) शिंदे कॉलनीतील एका बंद घराचा कडी-कोयंडा तोडून सोन्या-चांदीचे दागिने आणि रोकड लंपास करण्यात आली होती. याप्रकरणी गोकुळ शिरगाव पोलीस ठाण्यात गुन्हा दाखल झाला होता. पोलीस अधीक्षक नीलोत्पल यांच्या सूचनेनुसार LCB चे पोलीस निरीक्षक सुशांत चव्हाण यांच्या पथकानं या घरफोडीचा समांतर तपास सुरू केला होता. तपासादरम्यान त्यांना एका गुप्तहेराकडून महत्त्वाचा धागा सापडला. रेकॉर्डवरील आरोपी संतोष मुंडरगी आणि संतोष पवार हे दोघे काळ्या रंगाच्या करिझ्मा मोटरसायकलवरून चोरीचे दागिने विकण्यासाठी टेंबलाई मंदिराच्या कमान परिसरातील बाजूस असणाऱ्या शाहू कॉलनीकडे जाणाऱ्या रोडवर येणार आहेत. त्यानुसार LCB च्या पथकानं तातडीनं सापळा रचून दोन चोरांना पकडलं.

सुरुवातीला या चोरांनी पोलिसांना उडवाउडवीची उत्तरं दिली. पण पोलिसांनी खाक्या दाखवताच त्यांनी गुन्ह्याची कबुली दिली. इतर दोन साथीदारांच्या मदतीनं या चोरट्यांनी कोल्हापूर जिल्ह्यातील गोकुळ शिरगाव, कुरूंदवाड, गडहिंग्लज आणि वडगाव पोलीस ठाण्यांच्या हद्दीत घरफोड्या आणि चोऱ्या केल्याचे निष्पन्न झाले. त्यांच्याकडून सोन्या चांदीच्या दागिन्यांसह २ मोटार सायकली आणि इतर मुद्देमाल जप्त करण्यात आलाय.

संतोष गाळाप्पा मुंडरगी (वय २७, रा. जुना जकात नाका, टेंबलाईवाडी, उचगाव, ता. करवीर)

संतोष बाजीराव पवार (वय २१, रा. जुना जकात नाका, टेंबलाईवाडी, उचगाव, ता. करवीर)

सुरुवातीला पोलिसांना उडवाउडवीची उत्तरे देणाऱ्या या संशयितांना खाक्या दाखवताच त्यांनी गुन्ह्याची कबुली दिली. त्यांनी आपल्या इतर दोन साथीदारांच्या मदतीने कोल्हापूर जिल्ह्यातील गोकुळ शिरगाव, कुरूंदवाड, गडहिंग्लज आणि वडगाव पोलीस ठाण्यांच्या हद्दीत घरफोड्या आणि चोऱ्या केल्याचे निष्पन्न झाले.

जप्त केलेला ऐवज (एकूण मूल्य: ११,५५,०००)

सोन्याचे दागिने - ७२ ग्रॅम वजनाचे विविध सोन्याचे दागिने
चांदीचे दागिने - ५३४ ग्रॅम वजनाचे चांदीचे दागिने
वाहने व इतर - २ मोटार सायकली (करिझमासह) आणि इतर मुद्देमाल

02/09/2026

Kolhapur Ganesh Agaman । गणेश आगमन मिरवणुकीत सादरीकरणावर टाईमर

प्रुडंट मराठी । प्रतिनिधी

कोल्हापूर (२ सप्टेंबर) - कोल्हापूरची शान असलेल्या राजारामपुरीतील प्रसिद्ध गणेश आगमन मिरवणुकीतील जल्लोष यंदा कडक शिस्तीत आणि कायद्याच्या चौकटीत रंगणार आहे. ध्वनी मर्यादेचे पालन, कायदा-सुव्यवस्थेची राखण आणि मिरवणूक वेळेत पार पाडण्यासाठी कोल्हापूर पोलीस दलाने सार्वजनिक मंडळांना शिस्त लावण्याचा बडगा उभारला आहे. याच अनुषंगाने पोलीस अधीक्षक नीलोत्पल यांनी विविध विभागांच्या अधिकाऱ्यांसह राजारामपुरीतील आगमन मिरवणूक मार्गाची प्रत्यक्ष पाहणी करून प्रशासनाला आवश्यक त्या सुधारणांचे निर्देश दिले. राजारामपुरीतील जनता बाजार ते नवश्या मारुती मंदिर या मुख्य मिरवणूक मार्गावर ५ ठिकाणी विशेष सिग्नल यंत्रणा बसवण्यात येणार आहे. या यंत्रणेच्या माध्यमातून मंडळांच्या सादरीकरणाच्या वेळेवर पोलीस प्रशासनाचे बारीक लक्ष असेल. या पाहणीवेळी अप्पर पोलीस अधीक्षक अण्णासाहेब जाधव, शहर पोलीस उपअधीक्षक प्रिया पाटील, प्रशिक्षणार्थी पोलीस उपाधीक्षक श्रीकांत ठिकाणे, पोलीस निरीक्षक सुशांत चव्हाण, विकास जाधव, संतोष डोके, नंदकुमार मोरे, उपनिरीक्षक किरण कागलकर यांच्यासह महापालिका आणि महावितरणचे अधिकारी व कर्मचारी उपस्थित होते. शिस्त आणि उत्साहाचा मेळ घालत यंदाची मिरवणूक निर्विघ्नपणे पार पाडण्याचा पोलीस प्रशासनाचा मानस आहे.

मिरवणुकीसाठी पोलिसांचा ‘अ‍ॅक्शन प्लॅन’ आणि कडक नियम...

१. सादरीकरणासाठी मोठ्या गणेश मंडळांना २० मिनिटे, तर छोट्या मंडळांना १० मिनिटांचा वेळ निश्चित करून देण्यात आला आहे.

२. मार्गातील झाडांच्या धोकादायक फांद्या, लटकणाऱ्या विजेच्या तारा आणि मंडपांचे अडथळे तातडीने दूर करण्याचे निर्देश महापालिका व महावितरणला देण्यात आले.

३. मार्गावरील ‘ब्लॅक स्पॉट’ शोधून तिथे उपाययोजना करणे, ड्रेनेजचे उघडे मॅनहोल्स बंद करणे आणि संपूर्ण मार्गावर पुरेशा प्रकाशाची (लाइट्स) व्यवस्था करण्याचे आदेश देण्यात आले.

​४. मिरवणुकीत ध्वनी प्रदूषणाचे नियम न पाळणाऱ्यांवर कायद्याचा बडगा उगारला जाणार आहे.

Toll Scam । देशभर टोलचा मोठा घोटाळा ईडीचे १४ टोलनाक्यांवर छापे; २००पेक्षा नाक्यांवर लुटारू बसल्याचा संशयप्रुडंट मराठी । ...
02/09/2026

Toll Scam । देशभर टोलचा मोठा घोटाळा ईडीचे १४ टोलनाक्यांवर छापे; २००पेक्षा नाक्यांवर लुटारू बसल्याचा संशय

प्रुडंट मराठी । डिजिटल डेस्क

नवी दिल्ली/लखनऊ (२ सप्टेंबर) — देशभरातील टोलनाक्यांवरून कोट्यवधी रुपयांचा घोटाळा उघडकीस आला आहे. अंमलबजावणी संचालनालयाने (ईडी) उत्तर प्रदेश, राजस्थान, महाराष्ट्र आणि जम्मू-काश्मीरमधील १४ टोलनाक्यांवर आज सकाळी ६ वाजल्यापासून धाडी टाकल्या आहेत. सुमारे २०० हून अधिक टोलनाक्यांवर कर्मचारी, संचालक आणि आरोपी चालकांना अक्षरशः लुटत होते, असा संशय ईडीने व्यक्त केला आहे; यातील जवळपास १०० टोलनाके एकट्या उत्तर प्रदेशातील आहेत.

कसा चालवला जात होता घोटाळा?

ईडीच्या प्राथमिक तपासात असे समोर आले आहे की, ट्रकसारख्या अवजड वाहनांना खोटे फास्टॅग लावून टोल वसुलीत फसवणूक केली जात होती. टोलनाक्यांचे कर्मचारी, संचालक आणि बाहेरील आरोपी संगनमताने ही लुटमार करत होते. खोटे सॉफ्टवेअर तयार करून खोट्या पावत्या दिल्या जात होत्या; त्यामुळे जेवढे कलेक्शन यायला पाहिजे होते, तेवढे येत नव्हते, असे सूत्रांनी सांगितले. यासंदर्भात अनेक तक्रारी ईडीकडे आल्या होत्या; त्याची गंभीर दखल घेऊन तपास सुरू करण्यात आला. दोन महिन्यांपूर्वी वाराणसीत काही आरोपींना अटक करण्यात आली होती; त्यांची चौकशी सुरू असताना हा मोठा घोटाळा समोर आला. सध्या ईडी डिजिटल रेकॉर्ड, बँक खाती आणि संशयितांची बेनामी संपत्ती तपासत आहे.

राजकीय नेते रडारवर

या प्रकरणात अनेक राजकीय नेते तपासाच्या रडारवर आहेत; काही राजकारणी थेट टोलनाक्यांशी संबंध असल्याचे संशयित आढळले आहे. ईडीच्या पथकाने आजच्या छाप्यांमध्ये कागदपत्रे, सर्व्हर लॉग्स आणि आर्थिक व्यवहारांचे पुरावे गोळा केले आहेत. ईडीने सांगितले की, तपासाच्या आधारे पुढील कायदेशीर कारवाई केली जाईल; गरज पडल्यास अधिक अटका आणि मालमत्ता जप्त करण्याचे पाऊल उचलले जाऊ शकते. टोल वसुलीतील गैरप्रकारांमुळे राष्ट्रीय महामार्ग निधीवर परिणाम होत असल्याने केंद्रीय यंत्रणांनी हा तपास वेगाने पुढे नेण्याचे ठरवले आहे.

गणेशोत्सवात राजकारण नको; फडणवीसांनी जिलेबीसारखे गोलगोल उत्तर न देता स्पष्ट दिशा द्यावी - सुप्रिया सुळेंचा टोला; 'डीजे' व...
02/09/2026

गणेशोत्सवात राजकारण नको; फडणवीसांनी जिलेबीसारखे गोलगोल उत्तर न देता स्पष्ट दिशा द्यावी - सुप्रिया सुळेंचा टोला; 'डीजे' वादात न अडकता लोकोत्सव साजरा करा, पेपरफूट आणि पुणे क्राइम कॅपिटलवरही हल्लाबोल

पुणे: गणेशोत्सव हा श्रद्धेचा विषय आहे. त्यात राजकारण आणू नये. सर्वोच्च न्यायालयाचा याबाबत स्पष्ट आदेश असून, त्याचे पालन झाले पाहिजे. मात्र, या मुद्द्यावर मुख्यमंत्री देवेंद्र फडणवीस यांनी जिलेबीसारखे गोलगोल किंवा तळ्यात-मळ्यात उत्तर न देता महाराष्ट्राला आणि गणेश मंडळांना स्पष्ट दिशा द्यावी, असा टोला खासदार सुप्रिया सुळे यांनी मंगळवारी लगावला. 'डीजे' आणि आवाजाच्या वादात न अडकता संपूर्ण सांस्कृतिक आणि पारंपरिक वातावरणात लोकोत्सव कसा साजरा करता येतो, हे पुणेकरच देशाला दाखवून देऊ शकतात,' असे फडणवीस म्हणाले होते. त्यावर टोला लगावताना सुप्रिया सुळे म्हणाल्या, 'लोकमान्य टिळकांनी समाजाला दिशा देण्यासाठी उत्सव सुरू केला, तर 'डीजे'च्या वादासाठी नाही. सरकारने गणेश मंडळांना विश्वासात घेऊन कायद्याच्या चौकटीत मार्ग काढावा. प्रश्न सोडवता येत नसेल, तर सत्ताधाऱ्यांनी तसे स्पष्ट सांगावे.' महापालिकेच्या कनिष्ठ अभियंता परीक्षेतील गैरप्रकारावरूनही त्यांनी सरकारला लक्ष्य केले. तंत्रज्ञानाच्या युगात पेपर फुटत असतील, तर तरुणांचे भवितव्य उद्ध्वस्त होत आहे. या प्रकरणांची निष्पक्ष चौकशी करून दोषींवर कठोर कारवाई झाली पाहिजे, अशी मागणी त्यांनी केली. राज्यातील महागाई, बेरोजगारी आणि भ्रष्टाचारामुळे जनता त्रस्त असून, शेतकरी, आदिवासी, ओबीसी आणि मराठा समाजाला आंदोलन करावे लागत आहे. २०० आमदारांचे सरकार असूनही परिस्थिती बदललेली नाही, अशी टीकाही सुप्रिया सुळे यांनी केली. पुण्यात ड्रग, चोऱ्या आणि कोयता गँगची दहशत वाढल्याचा आरोप करून सुळे यांनी पुण्याला 'क्राइम कॅपिटल' संबोधले. केंद्रीय गृह मंत्रालयाच्या आकडेवारीनुसार पुणे गुन्हेगारीत राज्यात पहिल्या आणि देशात पाचव्या क्रमांकावर आहे. पुणेकरांनी सत्ताधाऱ्यांना भरभरून मते दिली; आता सुरक्षितता कधी मिळणार, असा सवाल त्यांनी केला. याबाबत मुख्यमंत्री आणि केंद्रीय गृहमंत्री अमित शहा यांना पुन्हा पत्र लिहिणार असल्याचे त्यांनी सांगितले.

Supriya Sule Devendra Fadnavis



सुप्रिया सुळे फडणवीस टोला
गणेशोत्सव राजकारण डीजे वाद
Supriya Sule Devendra Fadnavis Pune
पुणे क्राइम कॅपिटल ड्रग्स कोयता
पेपरफूट कनिष्ठ अभियंता परीक्षा
गणेश मंडळ विश्वासात कायदा चौकट
लोकमान्य टिळक गणेशोत्सव दिशा
पुणे गुन्हेगारी आकडेवारी गृह मंत्रालय
महागाई बेरोजगारी भ्रष्टाचार टीका
अमित शहा पत्र पुणे सुरक्षितता

02/09/2026

Goa Assembly | Eighth Legislative Assembly | Fourteenth Session | Part 2 | 020926

Address

2nd Floor, Kamat Metropolis, St Inez Road, Above Caculo Ford Showroom, Panaji
Panjim
403001

Telephone

+918010541136

Website

, , , https:/

Alerts

Be the first to know and let us send you an email when Prudent Marathi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Prudent Marathi:

Shortcuts

Share

Category