Daily Nyay Times

28/08/2025

16/08/2025

वैद्यनाथ बँक संचालकपदी नवनिर्वाचित उमेदवारांचा राजस्थानी गणेश मंडळातर्फे सत्कार

परळी वैजनाथ (प्रतिनिधी):
वैद्यनाथ बँकेच्या नुकत्याच झालेल्या निवडणुकीत संचालक मंडळावर निवडून आलेल्या मान्यवरांचा राजस्थानी गणेश मंडळ, परळी वैजनाथ तर्फे दि. 15 ऑगस्ट 2025 रोजी सत्कार करण्यात आला.

या प्रसंगी मा. श्री. विनोदजी सामत, मा. श्री. विजयजी वाकेकर, मा. श्री. संदीपजी लाहोटी, मा. श्री. कुलभूषणजी जैन या नवनिर्वाचित संचालकांचा पुष्पगुच्छ व शाल-श्रीफळ देऊन सत्कार करण्यात आला.

सत्कारासाठी राजस्थानी गणेश मंडळाचे अध्यक्ष गोपाल सोनी, सचिव तिलक चरखा, कोषाध्यक्ष रमण नावंदर, सह-कोषाध्यक्ष संकेत मंत्री, तसेच सचिन झंवर, योगेश ओझा, सुरज सारडा, हर्ष लाहोटी, यश बियाणी, रुपेश बंग यांसह मंडळाचे सर्व सदस्य उपस्थित होते.

सत्कार स्वीकारताना नवनिर्वाचित संचालकांनी आपल्या मनोगतात वैद्यनाथ बँकेच्या सर्वांगीण प्रगतीसाठी काम करण्याची ग्वाही दिली. तसेच स्थानिक ग्राहकांच्या हिताला प्राधान्य देऊन पारदर्शक व जबाबदार कारभार करण्याचा संकल्प व्यक्त केला.

या उपक्रमामुळे वातावरण आनंदमय झाले आणि मान्यवरांच्या अभिनंदनाने कार्यक्रमाला विशेष महत्त्व प्राप्त झाले.https://nyaytimes.in/2277/

08/08/2025

मिरा-भाईंदरमध्ये लवकरच पर्यावरणपूरक पॉड टॅक्सीचा शुभारंभ!

राज्यातील पहिला प्रकल्प दिवाळीपूर्वी; शहराच्या वाहतूक कोंडीला मिळणार दिलासा मिरा रोड – मिरा-भाईंदर शहरासाठी एक ....

16/07/2025

राजस्थानी गणेश मंडळच्या अध्यक्षपदी गोपाल सोनी व सचिवपदी तिलक चरखा यांची निवड

परळी वैजनाथ (प्रतिनिधी) : आगामी गणेशोत्सवाच्या पार्श्वभूमीवर परळी येथील राजस्थानी गणेश मंडळाची नूतन कार्यकारिणी नुकतीच उत्साही वातावरणात जाहीर करण्यात आली. मंडळाच्या अध्यक्षपदी श्री. गोपाल बालकिशनजी सोनी तर सचिवपदी श्री. तिलक झुंबरलालजी चरखा यांची एकमुखाने निवड करण्यात आली.

ही बैठक मंडळाच्या कार्यालयात पार पडली. प्रारंभी मागील वर्षीच्या कार्याचा आढावा घेण्यात आला. त्यानंतर नवीन पदाधिकाऱ्यांच्या निवडीचा प्रस्ताव मांडण्यात आला, जो उपस्थित सदस्यांनी एकमताने मंजूर केला.

गोपाल सोनी आणि तिलक चरखा हे दोघेही मंडळाच्या कार्यात गेल्या अनेक वर्षांपासून सक्रिय असून, त्यांच्या नेतृत्वाखाली अनेक उपक्रम यशस्वीपणे पार पडले आहेत. त्यांच्या कार्यतत्परतेवर सदस्यांनी पूर्ण विश्वास व्यक्त करत त्यांच्या निवडीचे स्वागत केले.
निवडीनंतर अध्यक्ष गोपाल सोनी म्हणाले, "गणेशोत्सव हा केवळ धार्मिक उत्सव नसून समाज प्रबोधन व एकोप्याचा महत्त्वाचा माध्यम आहे. आगामी काळात मंडळाच्या वतीने अधिकाधिक समाजोपयोगी उपक्रम हाती घेतले जातील."
सचिव तिलक चरखा यांनी सांगितले, "मंडळाच्या परंपरा जपत नव्या विचारांना चालना देण्याचा आमचा प्रयत्न असेल. सर्वांच्या सहकार्याने उत्सव अधिक भव्य व लोकसहभागातून साजरा केला जाईल."
कार्यक्रमास मंडळाचे सर्व पदाधिकारी, ज्येष्ठ सदस्य, माजी अध्यक्ष, गणेशभक्त व नागरिक मोठ्या संख्येने उपस्थित होते. सर्वांनी नूतन कार्यकारिणीचे अभिनंदन करत भावी कार्यासाठी शुभेच्छा दिल्या.

15/06/2025

https://www.nyaytimes.in/