Anup Kr. Das

06/12/2023

কেতিয়াবা অলপ বেপৰোৱা হ'ৱৰ মন যায়...
চিন্তা, দায়িত্ববোৰক আওকাণ কৰি...
অলপ বেপৰোৱা হ'ৱৰ মন যায়...!!!
কাৰণ বেপৰোৱা মনটো সুখী আছিল, বেপৰোৱা জীৱনটো সুখৰ আছিল। আৰু সেই কালছোৱা শৈশৱ আছিল। সেইবাবেই চাগে "শৈশৱ সোণালী" বুলি কোৱা হয়। আচলতে আমাৰ প্ৰত্যেকৰে মাজত শৈশৱৰ কিছুমান অভ্যাস, খং, অভিমান, ঠেহ, দুষ্টালি শেষ নোহোৱাকৈ থাকি যায়। কিন্তু বয়স বাঢ়ি অহাৰ লগে লগে এই অভ্যাসবোৰ আমি এৰিব লগা হয়।
কিন্তু মনটোৱে এয়া মানিব নোখোজে।এই কৃত্ৰিম পৃথিৱীত অকৃত্ৰিম শিশু মনটোৱে জীয়াই থাকিব নাজানে। ই নাভাৱে ভৱিষ্যতৰ কথা, ই ল'ব নোখোজে দায়িত্বৰ বোজা, ই হ'ব নোখোজে গহীন....! সেয়ে আমি জোৰ কৰি বান্ধি ৰাখোঁ সেই মনটোক আৰু সময়ৰ সোঁতত ই ক'ৰবাত হেৰাই যায়। থাকি যায় কেৱল সোণালী শৈশৱৰ স্মৃতি।
কৃত্ৰিম পৃথিৱীত অকৃত্ৰিম হ'বৰ মন যায়.....
চিন্তা দায়িত্ববোৰক আওকাণ কৰি,
অলপ বেপৰোৱা হ'ৱৰ মন যায়.......
শৈশৱক এবাৰ ঘূৰাই পাবৰ মন যায়........!!!

বিচাৰোঁ মাথোঁ এটা দিন এনে হওঁক!
মই সাৰ পাই উঠো,
আৰু সেই দিনটো মোৰ শৈশৱৰ এটা দিন হওঁক।

01/11/2023

ফ্ৰেণ্ড/বেষ্ট ফ্ৰেণ্ড বুলিবলৈ কোনো নাই মোৰ। জীৱন যাত্ৰাত সহযাত্ৰী ৰূপে কিছু সংখ্যক লোক লগ পাইছোঁ।

কিছুমানে গন্তব্যস্থল পাই আতঁৰি গৈছে;..... অন্য কিছুৱে বেলেগ দিশে যাত্ৰা কৰিছে।

07/10/2023

আমাৰ অসমীয়াত এষাৰ কথা আছে, বোলে -
"বাওনা হৈ চন্দ্ৰলৈ হাত মেলিব নালাগে"। কিন্তু মই ভাবো চন্দ্ৰলৈ হাত মেলিব লাগে। কাৰণ চন্দ্ৰটো ঢুকি নাপালেও কমচে-কম মাটিৰ পৰাতো ওপৰত উঠিব।
ভেঁড়াৰ মানসিকতা এৰিব লাগে। মানে যিদৰে আগৰ ভেঁড়াকেইটা যিফালে যাই; পিছৰ কেইটাও সিফালেই গতি কৰে, ঠিক একেদৰে আমিও ভিৰক অনুসৰণ কৰোঁ। ফেচবুক, ইনষ্টাগ্ৰমত কিবা এটা পঢ়ি তাকে চিৰসত্য মানি নলৈ ওলোটাই প্ৰশ্ন কৰিব লাগে।
বহু দেখিছোঁ চছিয়েল মেডিয়াত বোলে টকা-পইছাই মানুহক অহংকাৰী কৰে, ধনী মানুহবোৰ বেয়া অমুক-তমুক আৰু তাৰ তলত কমেণ্ট - yes, হয়, ১০০% right ইত্যাদি। কিন্তু ওলোটাই প্ৰশ্ন কৰকচোন যদি ধনী হোৱাটো বেয়া দুখীয়া হোৱাটো কিদৰে ভাল ? দুখীয়াই নিজৰ আৰু পৰিয়ালৰ Basic প্ৰয়োজনখিনিও পূৰণ কৰিব নোৱাৰে, বেমাৰত ভালদৰে চিকিৎসা কৰিব নোৱাৰে, দুবেলা দুসাজ ভালদৰে খুৱাবলৈ নোৱাৰে, তেনেহলে দুখীয়া হৈ থকাটো কিদৰে উৎকৃষ্ট হ'ল ? ভালদৰে বিবেচনা কৰিলে জানিব যে মানুহ এজন ধনী হলেই বেয়া আৰু দুখীয়া হলেই ভাল হৈ নাযায়। যিদৰে ধনীৰ দুই-এজন বেয়া থাকে , সেইদৰে দুখীয়াৰো কিছুমান মানুহ বেয়া থাকে। গোটেইবিলাক ধনী মানুহেই বেয়া নহয় আৰু গোটেইবিলাক দুখীয়া মানুহেই ভাল নহয়।
ফেচবুকত পষ্ট এটা পাইছিলোঁ - " যদি আপোনাক কোনোবাই কষ্ট দিয়াৰ পিছতো আপুনি প্ৰতিবাদ নকৰি সহ্য কৰি থাকে, তেন্তে সেয়া আপোনাৰ ভাল সংস্কাৰ।" আৰু তলৰ সমৰ্থনসূচক কমেন্টবিলাকে মোক বেছি আচৰিত কৰিলে। এইটো আকৌ কি কথা হল। মই কৰবাত পঢ়িছিলোঁ অন্যায় কৰাটো যিমান ডাঙৰ পাপ, অন্যায় সহাটো হেনো তাতকৈ বেছি ডাঙৰ পাপ। আৰু মই এই কথাষাৰত Totally Agree কৰোঁ। যিদৰে জংঘলত থিয়, পোন গছবিলাক কাটি কাঠ বনাই বিভিন্ন কামত ব্যৱহাৰ কৰা হয় আৰু একা-বেঁকা গছবোৰ বাচি যায়, ঠিক সেইদৰে বেছি চিধা হলে আপোনাকো মানুহে ব্যৱহাৰ কৰিবলৈ লব। আমাৰ দেৱ-দেৱীসকললৈ লক্ষ্য কৰিলে দেখিব যে - তেওঁলোকৰ এখন হাতত ফুল আৰু আনখন হাতত তৰোৱাল, গদা বা অন্য কিবা অস্ত্ৰ; আৰু যেতিয়া যিখনৰ প্ৰয়োজন সেইখন হাত ব্যৱহাৰ কৰে। ঠিক সেইদৰে আপোনাৰো হাতত ফুল আৰু তৰোৱাল দুয়োটাই থকা আৱশ্যক, যেতিয়া যিখনৰ প্ৰয়োজন আগুৱাই দিয়ক।
মই এয়া বিতৰ্কিত লেখা লিখা নাই, যদি ভালদৰে বিবেচনা কৰি চাই তেন্তে আপুনি কথাখিনিৰ গুৰুত্ব নিজেই লভিব।
শেষত এটাই কথা ক'ম - চচিয়েল মেডিয়াত পঢ়া কোনো এশাৰী বাক্যক শিলৰ ৰেখা বুলি ধৰি নলৈ প্ৰশ্ন কৰিব শিখক।

03/10/2023

বেলি লহিয়াবৰ পৰত.....
সোণালী ৰ'দ এজাকে চুমিলে মোক 🌞💛

04/09/2023

29/08/2023

সেয়া প্ৰেম নহয়; আৰু তুমি প্ৰমাণো দিব নালাগে
*******************************************

চকুৰ‌ চাৱনি আৰু ওঁঠৰ ভাষাই যদি যথেষ্ট নহয়,
তেওঁৰ প্ৰতি থকা তোমাৰ প্ৰেম ভাৱ বুজাবলে
যদি প্ৰেমৰ প্ৰমাণ দিবলৈ তুমি তেওঁৰ লগত শুব লাগে
তেন্তে সেয়া প্ৰেম নহয়; আৰু তুমি প্ৰমাণো দিব নালাগে।

তোমাৰ হাতখন চুই যদি তেওঁ তৃপ্ত নহয়,
তোমাৰ যৌনাংগ চুব বিচাৰে,
মদৰ ৰাগীত মাতাল হৈ নাইট ক্লাবত
তোমাৰ গাত গা ঘঁহাই প্ৰেমৰ প্ৰমাণ বিচাৰে
তেন্তে সেয়া প্ৰেম নহয়; আৰু তুমি প্ৰমাণো দিব নালাগে।

পাৰ্ক বা চিনেমা হলৰ কোনো এন্ধাৰ চুকত বহি
যদি তেওঁ তোমাৰ স্তন,উৰুত হাত থ'ব বিচাৰে
অলিয়ে-গলিয়ে তোমাৰ সতীত্ব নাশ কৰি
তোমাৰ আত্মসন্মান, তোমাৰ মাক-দেউতাৰ সন্মান
ধ্বংস কৰি প্ৰেমৰ প্ৰমাণ বিচাৰে
তেন্তে সেয়া প্ৰেম নহয়; আৰু তুমি প্ৰমাণো দিব নালাগে।

✍️অনুপ কুমাৰ দাস