03/10/2025
ਧੰਨ ਧੰਨ ਬਾਬਾ ਦੀਪ ਸਿੰਘ ਜੀ 🙏
ਗੁਰੂ ਗੋਬਿੰਦ ਸਿੰਘ ਦੇ ਦਰ ਦਾ ਸੇਵਕ, ਅੰਮ੍ਰਿਤ ਛਕ ਕੇ ਤਰਿਆ,
ਦਮਦਮਾ ਸਾਹਿਬ ਦੀ ਸੇਵਾ ਨਿਭਾਈ, ਬੀੜਾਂ ਦਾ ਪ੍ਰਚਾਰ ਕਰਿਆ।
ਚੰਗੇ ਲਿਖਾਰੀ, ਬਾਣੀ ਦੇ ਪਾਠੀ, ਗਿਆਨ ਦਾ ਭੰਡਾਰ,
ਉਹਨਾਂ ਦੇ ਹਰ ਕਦਮ ਵਿੱਚ ਵੱਸਦਾ, ਗੁਰੂ ਦਾ ਓਅੰਕਾਰ।
ਜਦ ਹਰਿਮੰਦਰ ਤੇ ਹੋਇਆ ਹਮਲਾ, ਮਨ ਵਿੱਚ ਗੁੱਸਾ ਭਰਿਆ,
ਬਾਣੀ ਦੀ ਸੋਹਣੀ ਪੋਥੀ ਫੜ ਕੇ, ਅਰਦਾਸ ਸੀ ਕਰਿਆ।
"ਜੇ ਸਿਰ ਜਾਂਦਾ, ਜਾਂਦਾ ਰਹੁ ਬੇਸ਼ੱਕ, ਮੇਰਾ ਨਾਤਾ ਨਾ ਟੁੱਟੇ,
ਗੁਰੂ ਰਾਮਦਾਸ ਦੇ ਦਰਸ਼ਨ ਕਰੀਏ, ਧਰਮ ਦੀ ਜੜ੍ਹ ਨਾ ਪੁੱਟੇ।"
ਅੰਮ੍ਰਿਤਸਰ ਵੱਲ ਵੱਧਦੇ ਗਏ ਉਹ, ਜਿਉਂਦੀ ਜਾਗਦੀ ਵਾਰ ਸੀ,
ਮੁੱਖੋਂ ਨਿਕਲੇ 'ਵਾਹਿਗੁਰੂ, ਵਾਹਿਗੁਰੂ', ਬਾਣੀ ਦਾ ਲਲਕਾਰ ਸੀ।
'ਦੇਹ ਸ਼ਿਵਾ ਬਰ ਮੋਹਿ ਇਹੈ' ਦਾ, ਸੀਨਾ ਤਾਣ ਕੇ ਗਾਇਆ,
ਗੁਰਬਾਣੀ ਦੇ ਅੱਖਰਾਂ ਨੇ ਉਹਨਾਂ ਨੂੰ, ਸੂਰਮਾ ਹੈ ਬਣਾਇਆ।
ਸੀਸ ਕੱਟ ਕੇ ਵੀ ਧੜ ਲੜਦਾ ਰਿਹਾ, ਇਹ ਜਪੁਜੀ ਦਾ ਬਲ ਸੀ,
'ਨਾਨਕ ਨਾਮ ਚੜ੍ਹਦੀ ਕਲਾ', ਗੁਰਬਾਣੀ ਦਾ ਇਹ ਫਲ ਸੀ।
ਬਾਬਾ ਜੀ ਦਾ ਸੀਸ ਤਲੀ 'ਤੇ, ਸਿੱਖੀ ਦੀ ਇਹ ਰਹਿਤ ਹੈ,
ਗੁਰਬਾਣੀ ਵਿੱਚ ਰਹਿ ਕੇ ਹੀ ਕੀਤੀ, ਧਰਮ ਦੀ ਬੇਹੱਦ ਖੈਰ ਹੈ।
