Voice Of SKM Geyzing Bermiok

31/12/2024

'बर्मेक रोङ ओङ सेजुम'को आयोजनामा सम्पन्न नाम अल् नाम्सुङ उत्सवलाई सम्बोधन गर्नुहुँदै माननीय क्षेत्र विधायक श्री लोकनाथ शर्मा।

04/10/2024

सन्वीर सुब्बा दोस्रोपल्ट बने गेजिङ - बर्मेक समष्टि स्तरीय समितिका अध्यक्ष।

सिक्किम क्रान्तिकारी मोर्चा पार्टीले बुधबार विभिन्न भातृ सङ्गठनका लागि सदस्यहरूको नियुक्ति गरेको छ। पार्टीले सबै निर्वाचन क्षेत्रमा अध्यक्षहरू पनि चयन गऱ्यो भने सन्वीर सुब्बा गेजिङ - बर्मेक समष्टि अध्यक्षका रूपमा मनोनित भएका छन्। पार्टीको संविधान अन्तर्गत धारा 4 लाई कार्यान्वयन गर्दै सम्माननीय पार्टी अध्यक्षद्वारा उनलाई उक्त पद सुम्पिइएको हो। बर्मेक - डाँड़ागाउँ निवासी श्री सुब्बाले यसअघि पनि पार्टीको सीएलसी अध्यक्षको पदभार सम्हालेका थिए भने उनी निष्ठावान अनि समर्पित क्रान्तिकारी कार्यकर्ताका रूपमा सुपरिचित छन्। आफु अध्यक्ष पदमा नियुक्त भएपछि शुक्रबार उनले समष्टि विधायक तथा राज्य सरकारका सल्लाहकार लोकनाथ शर्मासँग भेटघाट गरेका थिए। उनको नियुक्तिमा विधायक शर्माले बधाई दिँदै आउँदो दिनका लागि सुखद् कार्यकालको शुभेच्छा प्रकट गरे। आफुलाई पूर्ण विश्वासका साथ दोस्रोपल्ट सीएलसी अध्यक्षको पदभार सुम्पिएकोमा गर्वबोध गर्दै सुब्बाले पार्टी अध्यक्ष तथा सम्माननीय मुख्यमन्त्री श्री प्रेमसिंह तामाङ अनि विधायक लोकनाथ शर्माप्रति कृतज्ञता प्रकट गरेका छन्। नियुक्तिपछि विभिन्न माध्यमद्वारा सहस्रौँ बधाई अनि शुभकामना दिइरहेका आफ्ना शुभचिन्तकहरूप्रति पनि उनले आभार अभिव्यक्त गरेका छन्।

01/10/2024

किस्मत राई बनिन् हि-पाताल प्राथमिक पाठशालाकी नयाँ प्रधानाध्यापिका।
न्यानो स्वागतका साथ विधायक लोकनाथ शर्माले दिए शुभकामना।।

हि-पाताल प्राथमिक पाठशालामा नयाँ प्रधानाध्यापिका नियुक्त भएकी किस्मत राईलाई क्षेत्र विधायक लोकनाथ शर्माले न्यानो स्वागत गरेका छन्। गेजिङ बर्मेक निर्वाचन क्षेत्रलाई शैक्षिक रूपमा अब्बल बनाउन निरन्तर प्रयास गर्दै आएका विधायक शर्माले आज प्राथमिक पाठशाला, हि-पातालको आकस्मिक भ्रमण गरेका थिए। यस अवधि उनले स्कुलकी नवनियुक्त प्रधानाध्यापिकालाई स्वागत-अभिनन्दन गर्दै उनको उत्कृष्ट कार्यकालका लागि शुभकामना दिए। विधायक शर्माले पाठशालाका शिक्षक तथा गैर शिक्षण कर्मचारीहरूसँग भेटघाट गरी अन्तरक्रिया पनि गरे। पाठशालाको पूर्वाधार र आवश्यक्ताहरूमाथि छलफल गर्दै हालै पुनर्निर्माण भइरहेको स्कुल खेल मैदानको पनि विधायक शर्माले निरीक्षण गरे।

08/07/2024

‘दिगो विकासका लागि खेती गरौँ’ भन्ने नाराका साथ आज गेजिङ बर्मेक निर्वाचन क्षेत्रमा धान रोपाइँ गरियो। बर्मेक बर्थाङ जीपीयू-को रातोमाटे थाङसिङमा समष्टि विधायक लोकनाथ शर्माको विशेष सहभागीतामा बाजा बजाएर रोपाइँ सम्पन्न भएको थियो। कृषि तथा बाग्वानी विभागद्वारा बर्मेक बर्थाङ बेठी उत्सव समितिसँगको समन्वयमा सम्पन्न बेठी उत्सवमा विधायक लोकनाथ शर्माले उत्साहपूर्व भाग लिँदै कृषि सम्बन्धि श्रमसाध्य कार्यको महत्तव झल्काए। उत्सवमा सामेल अन्य सदस्यहरूले पनि खेतमा धान रोप्ने, हिल्याउने, बियाडबाट बिउ ओसार्ने, फ्याउरी, दाँदे अनि आली लाउने जस्ता कार्यहरूमा भाग लिएर कृषि कर्मको महत्तव र मूल्यमान्यता बोध गराए।

विधायक लोकनाथ शर्माले उपस्थित भेलालाई सम्बोधन गर्दै कृषि कर्म नै आत्मनिर्भरताको बाटो रहेको बताउँदै सबैले खेती गर्नतर्फ जोड लगाउन प्रोत्साहित गरे। उनले सिक्किम क्रान्तिकारी मोर्चा पार्टीको सरकार आउने बित्तिकै कृषि क्षेत्र अनि कृषकवर्गलाई विशेष प्राथमिकता दिएको बताए। गत वर्ष गेजिङ बर्मेक समष्टिले राज्यपालको उपस्थितिमा धान रोपाइँ गर्ने स्वर्णिम अवसर प्राप्त गरेको पनि विधायक शर्माले स्मरण गरे। उत्सवमा विभिन्न पाठशालाबाट सहभागी भएकाहरूले खले गरामा असारे नृत्य प्रस्तुत गर्दै विद्यार्थीहरूलाई पुस्तकीय ज्ञानका अतिरिक्त खेत खलियानको अनुभवको महत्त्व प्रदर्शन गरे।

उत्सवमा मानेबुङ देन्ताम निर्वाचन क्षेत्रका विधायक सुदेशकुमार सुब्बा, सिक्किम दुग्ध सङ्घका अध्यक्ष यामकुमार शर्मा, अध्यक्ष एनएचपीसी रङ्गीत नगर गङ्गाराम भट्टराई, अखिल सिक्किम खस छेत्री बाहुन कल्याण सङ्घका अध्यक्ष नारायण खतिवड़ा, गेजिङ जिल्ला कृषि विभागका सल्लाहकार कर्म शेर्पा, मार्ताम खण्ड विकास अधिकारी कैलाश गुरूङ, पार्टीका पश्चिम जिल्लाध्यक्ष एबी लिम्बू, समष्टि अध्यक्ष सन्वीर लिम्बू, विभिन्न पाठशालाका प्रधानाध्यापक, प्राचार्य, शिक्षक, विद्यार्थी लगायत प्रगतिशील कृषकहरूको उत्साहजनक उपस्थिति रहेको थियो। यस उत्सवमय अवसरमा मुख्यमन्त्री कृषि आत्म निर्भर योजना अन्तर्गतका लाभार्थीहरूलाई मुख्य अतिथिबाट चेक वितरण गरियो। आयोजक समितिले मुख्य अनि विशिष्ट अतिथिलाई स्मृति चिन्ह साथै प्रशंसा पत्रले सम्मान – अभिनन्दन गरेको थियो।

07/07/2024

सिक्किम पर्यावरण पर्वलाई पालन गर्दै आज गान्तोक नजिकैको बुल्बुलेमा माननीय विधायक एवम् सिक्किम सरकारका पिएचई तथा जल संसाधन विभागका सल्लाहकार श्री लोकनाथ शर्माले पनि आफ्नो केहि समय पृथ्वीलाई समर्पित गर्दै वृक्ष रोपण कार्यमा सहभागीता जनाउनुभयो ।

सिक्किम सरकारको वन तथा पर्यावरण विभागको पहलमा आयोजित कार्यक्रमा माननीय मन्त्री श्री साम्डुप लेप्चा साथै विधायकगणको साथमा श्री लोकनाथ शर्माले पनि वृक्ष रोपण गर्नुभयो।

कार्यक्रममा वन विभागका उच्च पदाधिकारीगण एवम् कर्मचारीवर्गको पनि उपस्थिति रहेको थियो।

19/12/2023

रोलु दिवस समारोहको तयारीबारे निरीक्षण गर्न कार्यक्रम स्थल पुगे एसकेएम पार्टीका किसान मोर्चा प्रभारी तथा मन्त्री लोकनाथ शर्मा !
समारोहलाई भव्य सफल बनाउन सबैको समान योगदानमाथि जोड दिँदै कार्यकर्ताहरूसँग गरे अन्तरक्रिया !!
------------------------------------------------------------------------------------

दक्षिण सिक्किमको रोलु मन्दिर परिसरमा सिक्किम क्रान्तिकारी मोर्चा पार्टीले सधैं झैं यसपालि पनि भव्य रूपमा रोलु दिवस पालन गर्ने भएको छ। आगामी 21 दिसम्बरका दिन पार्टी अध्यक्ष एवम् सम्माननीय मुख्यमन्त्री श्री प्रेमसिंह तामाङको प्रमुख आतिथ्यमा आयोजन गरिने यस कार्यक्रमको युद्धस्तरमा तयारी चलिरहेको छ भने पार्टीका विभिन्न पदाधिकारीहरूले कार्यको निरीक्षण, भ्रमण गरिरहेका छन्। यसै क्रममा आज एसकेएम पार्टीका किसान मोर्चा प्रभारी तथा मन्त्री लोकनाथ शर्मा पनि कार्यक्रम तयारीको स्थलगत निरीक्षण गर्न रोलु परिसर पुगेका थिए। उनको साथमा पार्टीका युवा प्रभारी तथा मन्त्री सञ्जित खरेल, अन्य कार्यकर्ता लगायत गेजिङ बर्मेक निर्वाचन क्षेत्रबाट आफ्नो विधायकसँग गएका एसकेएम पार्टी कार्यकर्ताहरूको पनि उल्लेख्य उपस्थिति रहेको थियो। मन्त्री शर्माले हालसम्म भएको कार्य तयारीको जायजा लिँदै यहाँ खटिएका कार्यकर्ताहरूसँग भेटवार्ता गरे। उनले कार्यक्रमलाई भव्य सफल बनाउन सबैको समान योगदानमाथि जोड दिँदै अहिलेसम्म भएको कार्यलाई लिएर सन्तुष्टि व्यक्त गरे।

03/10/2023

पार्टी अध्यक्ष एवं सम्माननीय मुख्यमन्त्री श्री प्रेमसिंह तामाङको कुशल नेतृत्वमा सिक्किमका भईरहेको विभिन्न विकासीय कार्यहरूदेखि प्रभावित भएर आज राज्यका विपक्षी पार्टीका कार्यकर्ता एवं समर्थकहरू सत्तारूढ एसकेएम पार्टीमा सामेल हुने क्रम निरन्तर जारी रहेको छ। यसै क्रममा आज गेजिङ बर्मेक समष्टिका विधायक तथा मन्त्री लोकनाथ शर्माको उपस्थितिमा बर्थाङ स्थित विधायक शर्माको आवासमा एक सामेली कार्यक्रम आयोजना गरियो। यस अवसरमा एसडीएफ पार्टीबाट तीनजनाले एसकेएम पार्टीमा प्रवेश गरे। पार्टीमा सामेल हुनेहरू डाँडागाउँ वार्डका रोशन शर्मा, पाल्देन लेप्चा र पासाङ लेप्चा रहेका छन्। उनीहरूले आजदेखि आधिकारिक रूपमा विपक्षी पार्टी परित्याग गरी सत्तारूढ एसकेएम पार्टीमा सामेल भएका छन्। क्षेत्र विधायक तथा मन्त्री लोकनाथ शर्माले खदा अर्पण गरी पार्टीको झण्डा र पुस्तक प्रदान गरेर स्वागत जनाए। कार्यक्रममा समष्टि अध्यक्ष सनबिर सुब्बा अनि सम्बन्धित वार्ड अध्यक्षको पनि उपस्थिति रहेको थियो।

29/09/2023

गेजिङ बर्मेक निर्वाचन क्षेत्र अन्तर्गत बर्मेक बर्थाङ जीपीयू-को डाँड़ागाउँ निवासी पासाङ लेप्चाले आज सिक्किम क्रान्तिकारी मोर्चा पार्टीमा प्रवेश लिएका छन्। क्षेत्र विधायक तथा मन्त्री लोकनाथ शर्माको निर्देशनमा पार्टीका समष्टि स्तरीय अध्यक्ष सन्बिर सुब्बा अनि कार्यालय सचिव ओमकार शर्माले लेप्चाको निवासमै पुगेर झण्डा हस्तान्तरण गर्दै उनलाई पार्टीमा स्वागत गरे। यस अघि पासाङ लेप्चा विपक्षी पार्टी एसडीएफ-का सक्रिय समर्थक रहेका थिए। जानकारी गराइन्छ, आजदेखि एसकेएम पार्टीको गेजिङ बर्मेक समष्टि स्तरीय समितिले क्षेत्रमा झण्डोत्तवलन अभियान पनि शुरु गरेको छ। विभिन्न वार्डहरूको भ्रमण गरी समितिले पुरानो झण्डाहरू फेर्ने र नयाँ सामेल भएका सदस्यहरूको घरमा झण्डा फहराउने कार्य गरिरहेको छ।

02/08/2023

गेजिङ बर्मेक निर्वाचन क्षेत्रका विधायक तथा सिक्किम सरकारका मन्त्री लोकनाथ शर्माले पेच्रेक हि - पाताल जीपीयू अन्तर्गत दोरक वार्डका स्थानीय वासिन्दा बेणुराज तामाङलाई दुहुना गाई प्रदान गरे। सिक्किम क्रान्तिकारी मोर्चा पार्टीका केन्द्रीय कार्यकारी समितिका सदस्य दुर्गा बिष्टले जीपीयू प्रभारी कमल तामाङ सहित पञ्चायत सभापति रीता सुब्बाको उपस्थितिमा बाछा सहित उक्त गाई हस्तान्तरण गरे। लाभार्थी तामाङ कृषि तथा गौपालन क्षेत्रमा संलग्न गरीबी रेखा मुनि परिवार सदस्यका हुन् भने आफ्नो आयस्रोतलाई वृद्धि गराइदिनका लागि क्षेत्र विधायक तथा मन्त्रीद्वारा यसरी गाई प्रदान गरिदिएकोमा लाभार्थीले विधायक शर्माप्रति कृतज्ञता प्रकट गरेका छन्।

18/06/2023

माननीय क्षेत्र विधायक तथा मन्त्री लोकनाथ शर्माको निर्देशनमा सिक्किम क्रान्तिकारी मोर्चा पार्टीको गेजिङ बर्मेक समष्टि स्तरीय एक टोलीले आज समष्टिका विभिन्न पहिरो र भल बाड़ी प्रभावित जग्गाहरूको स्थलगत निरीक्षण भ्रमण गरेका छन्। पार्टीका जिल्ला अध्यक्ष एबी लिम्बु अनि समष्टि अध्यक्ष सन्विर सुब्बाको अगुवाइमा रहेको टोलीमा सिक्किम दुग्ध संघका अध्यक्ष यामकुमार मिश्र, जिल्ला पञ्चायत खुशेन्द्र गुरूङ, क्षेत्र स्तरीय महासचिव केबी छेत्री, पञ्चायत विष्णु माया छेत्री, पार्टी कार्यलयका सचिव ओमकार शर्मा अनि अनुसूचित जनजाति प्रकोष्ठका संयोजक सुक्धोज लिम्बुको विशेष उपस्थिति रहेको थियो। निरीक्षण टोलीले शुरूमा राफाङ वार्डमा आग्जनीको कारण क्षतिग्रस्त भएको कर्णबहादुर राईको घर निरीक्षण गरी पीड़ित परिवारसँग अन्तरक्रिया गरी घटनाबारे विस्तृत जानकारी लिए। पीड़ित राईको परिवारलाई समष्टि विधायक लोकनाथ शर्मा सहित जिल्ला अध्यक्ष एबी सुब्बा अनि सिक्किम दुग्ध उत्पादन संघका अध्यक्ष कुमार मिस्रले आर्थिक सहयोग प्रदान गरेका छन् भने क्षेत्र स्तरीय अध्यक्ष सन्विर सुब्बाले तिर्पल प्रदान गरेर सहयोग गरे। टोलीले सदैव पीड़ित परिवारको सहयोगको पक्षमा रहने वचन पनि दिए। यस अतिरिक्त कार्यकर्ताहरूले समष्टिमा विभिन्न पहिरो प्रभावित क्षेत्रको भ्रमण गरी क्षय क्षतिको जायजा लिएका थिए। उनीहरूले सम्बन्धित पक्षलाई भल- बाड़ीको कारण प्रभावित घर अनि जग्गा, जमिनहरूको प्रतिवेदन पेश गरी समस्याको शीघ्र समाधान गर्ने आश्वासन दिँदै गाउँलेहरूलाई निश्चिन्त रहन आग्रह गरे।

31/05/2023