27/04/2026
മതഭേദമോ രാഷ്ട്രീയ വ്യത്യാസമോ ഇല്ലാതെ എല്ലാം നഷ്ടപ്പെട്ടവർക്ക് മാന്യവും സുരക്ഷിതവുമായി കയറിക്കിടക്കാനായി മുസ്ലിം ലീഗ് നൽകിയ 51 വീടുകൾ - ഇത് കേരളപ്പിറവിയ്ക്ക് ശേഷം ഏതങ്കിലും ഒരു രാഷ്ട്രീയപ്പാർട്ടി നടത്തിയ ഏറ്റവും മനുഷ്യത്വപൂർണ്ണമായ ഇടപെടലാണ് എന്ന് നിസ്സംശയം പറയാനാവും. പൊതുവെ നേതാക്കന്മാരുടെ കീശ നിറയ്ക്കാനും തിരഞ്ഞെടുപ്പുമായി ബന്ധപ്പെട്ട ആര്ഭാടങ്ങൾക്കും അധികാരം ഉറപ്പിക്കാനുള്ള നുണപ്രചാരണങ്ങൾക്കും മറ്റു കെട്ടുകാഴ്ചകൾക്കും വേണ്ടി മാത്രമാണ് രാഷ്ട്രീയ പാർട്ടികൾ അവരുടെ ഖജനാവ് തുറക്കാറുള്ളത്. ഇവിടെയാണ് മുസ്ലിം ലീഗ് എന്ന പാർട്ടി വ്യത്യസ്തമാകുന്നത്.
എന്നാൽ, ഈ മഹദ്കർമ്മത്തിന് വേണ്ടി കേരളത്തിലെ മുൻനിര മാധ്യമങ്ങൾ അവരുടെ എയർ ടൈമിൽ എത്ര സമയം നീക്കിവെച്ചു എന്ന് നാം പ്രത്യേകം ശ്രദ്ധിക്കേണ്ടതുണ്ട് എന്ന് തോന്നുന്നു. ചിലർ ഇതിനെക്കുറിച്ച് മിണ്ടിയിട്ടില്ല, മിണ്ടിയവർ അധികവും ഒരൊറ്റ വാർത്തയിൽ ഈ ചരിത്ര മുഹൂർത്തത്തെ ഒതുക്കുകയും ചെയ്തു.
നേരെ മറിച്ച് ഏതെങ്കിലും കുഗ്രാമത്തിൽ ലീഗിന്റെ പേരിൽ ഒരു പന്തൽ കെട്ടി ഏതെങ്കിലും തലയ്ക്ക് വെളിവില്ലാത്ത ഒരുത്തനോ ഒരുത്തിയോ എന്തെങ്കിലും വൃത്തികേട് എഴുന്നള്ളിച്ച സംഭവമായിരുന്നുവെന്ന് കരുതുക. സമാന തോതിൽ പെരുപ്പിക്കാനും കൊഴുപ്പിക്കാനും സാധിക്കുന്ന പുതിയൊരു വിഷയം കിട്ടുന്നത് വരെ നമ്മുടെ ഫാഷിസ്റ്റ് വിരുദ്ധ പുരോഗമന മതേതര മാധ്യമങ്ങൾ ലീഗിന്റെ ജമാഅത് ബന്ധത്തെപ്പറ്റി പ്രബന്ധങ്ങൾ നിരത്തും. ജമാഅത്-SDPI-പിഡിപി-പാകിസ്ഥാൻ അക്ഷൗഹിണിപ്പടകളെ ചുറ്റും നിരത്തി ലീഗിനെ കുരുക്കാനായി അവർ ഓരോ മണിക്കൂറിലും ചക്രവ്യൂഹങ്ങൾ ചമയ്ക്കും.
"ഞാൻ പണ്ടേ പറഞ്ഞിരുന്നു" എന്ന അവകാശവാദവുമായി ആട്ടിന്തോലിട്ട 'സങ്കരയിനം' (ആളെ മനസ്സിലായിക്കാണും എന്ന് പ്രതീക്ഷിക്കുന്നു) മതേതര നിരീക്ഷകന്മാർ നിഷ്കളങ്കരായ മലയാളി മസ്തിഷ്കങ്ങൾക്ക് ചുറ്റും രക്തദാഹികളായ കഴുകന്മാരെപ്പോലെ വട്ടമിട്ടു പറക്കും. IT സെല്ലിന്റെ ഭാവനാ സൃഷ്ടികളായ 'മോദിക്കക്കൂസു'കളെപ്പറ്റി വാതോരാതെ വർണ്ണിച്ച ഒരൊറ്റ മതേതര മരമാക്രിയെപ്പോലും ഈ ശുഭമുഹൂർത്തത്തിൽ മഷിയിട്ടു നോക്കിയാൽ നിങ്ങൾക്ക് കാണാനാവില്ല.
ഏത് നല്ല കാര്യത്തിലും സംഘപരിവാറിന് വേണ്ടി പാഷാണം കലക്കുന്ന സംഘി-ക്രിസംഘി അസുരവിത്തുകളുടെ യജമാനന്മാർ ഇക്കാര്യത്തിലും സുടാപ്പി ഫണ്ടിങ്ങിന്റെ കഥമെനയുന്ന പണി ഇതിനോടകം ആരംഭിച്ചിരിക്കും എന്നതിൽ എനിക്ക് സംശയമില്ല. അല്ലെങ്കിലും സംഘപരിവാറിന്റെ സെപ്റ്റിക് ടാങ്കുകൾക്കരികിലാണ് സ്വർഗ്ഗമെന്ന് കരുതുന്ന ഈ കൃമികീടങ്ങൾക്ക് മനുഷ്യത്വത്തിന്റെ തണലിലുയർന്ന ലീഗിന്റെ ഭവനങ്ങളിലെ നന്മയുടെ സുഗന്ധം ശ്വാസതടസ്സവും ശ്വാസകോശാർബുദവും സൃഷ്ടിച്ചില്ലെങ്കിലല്ലേ അത്ഭുതമുള്ളൂ !!!!
Nair
