https://www.facebook.com/547755428621472/

ഇഷ്ടപ്പെട്ട സ്ഥലത്തേക്കൊരു യാത്ര, Perintalmanna (2025)

03/07/2025

ഇതുവരെ യാത്ര പോയതിൽ ഏറ്റവും ഇഷ്ടം തോന്നിയ സ്ഥലങ്ങൾ ഏതെല്ലാമാണ്?!

02/07/2025

മലരിക്കലിലെ ആമ്പൽവസന്തം കാണാൻ പോകാം

Post Date: 02/07/2025
✍🏻:ആദർശ് വിശ്വനാഥ്
📸: ഷാജു മാഷ്

അടുത്തകാലത്ത് സോഷ്യൽമീഡിയയിലൂടെ പ്രശസ്തമായ ഒരു സീസണൽ ടൂറിസ്റ്റ്കേന്ദ്രമാണ് കോട്ടയത്ത് കുമരകത്തിനടുത്ത് തിരുവാർപ്പ് പഞ്ചായത്തിലെ മലരിക്കൽ.

750 ഏക്കറോളം പരന്നുകിടക്കുന്ന ആമ്പൽപ്പാടമാണിത്. പ്രഭാതത്തിൽ ഇവിടെ എങ്ങോട്ടുനോക്കിയാലും കണ്ണെത്താദൂരത്തോളം പിങ്ക്നിറത്തിലുള്ള ആമ്പൽപ്പൂക്കളാണ് കാഴ്ചയുടെ അപൂർവ്വവസന്തമാരുക്കുന്നത്.

ഈ അസുലഭ കാഴ്ചകാണാൻ നൂറുകണക്കിന് ടൂറിസ്റ്റുകളാണ് ഇവിടേക്കെത്തുന്നത്.

കണ്ടാൽ കായലെന്നുതോന്നുമെങ്കിലും യഥാർത്ഥത്തിൽ ഇത് നെൽപ്പാടങ്ങളാണ്. കൊയ്ത്തുകഴിഞ്ഞ പാടശേഖരത്തിൽ ഇടവപ്പാതിയോടെ വെള്ളംനിറഞ്ഞ് കായൽപോലാവും. ആമ്പൽ യഥാർത്ഥത്തിൽ പാടത്ത് വളരുന്ന ഒരു കളയാണ്. വെള്ളംനിറയുന്നതോടെ ആമ്പലുകൾ തഴച്ചുവളരുന്നു. ഇവ ജൂൺ- ജൂലയ് - ഓഗസ്റ്റ് മാസങ്ങളിൽ പൂവിടുന്നു. മനോഹരമായ പിങ്ക്കളർ പൂക്കളാണിവിടെയുണ്ടാകാറ്. അപൂർവ്വം വെള്ളയാമ്പലും കാണാം.

*മഴമാറി വെള്ളമിറങ്ങിയാൽ അമ്പലിൻ്റെ കാലംകഴിയും*

മഴമാറി വെള്ളമിറങ്ങുന്നതോടെ അമ്പലിൻ്റെ കാലംകഴിയും. പിന്നെ കർഷകർ കളനാശിനിയടിച്ച് ആമ്പൽച്ചെടികൾ നശിപ്പിക്കുന്നു. അടുത്തകൃഷിക്കായി ഉഴുതുമറിക്കുമ്പോൾ ആമ്പൽചെടികളും കിഴങ്ങുകളും മണ്ണിനടിയിലാവും. ഇതൊരു നല്ല വളംകൂടിയാണ്. അടുത്തവർഷം ഇതേസമയം മഴക്കാലത്ത് ഈ കിഴങ്ങുകൾ വീണ്ടും വളർന്ന് പൂവിടുന്നു. ഈ ചക്രം എല്ലാവർഷവും ആവർത്തിക്കുന്നതാണ് മലരിക്കലിലെ ആമ്പൽവസന്തം.
എന്തായാലും മഴക്കാലത്തെ ഈ പിങ്ക് വസന്തം ഒരിക്കലെങ്കിലും കാണേണ്ടകാഴ്ച തന്നെയാണ്. മൂന്നാറിലെ നീലക്കുറിഞ്ഞിപോലെ മറ്റൊന്ന്.

*ഇക്കാര്യങ്ങൾ ശ്രദ്ധിക്കണം*

കോട്ടയത്തുനിന്ന് ഏകദേശം 10 km ദൂരമുണ്ട് ഇവിടേക്ക്. കുമരകം 12km. കോട്ടയത്തുനിന്ന് വരുമ്പോൾ കുമരകംറൂട്ടിൽ ഇല്ലിക്കൽ കഴിഞ്ഞ് തിരുവാർപ്പ് റോഡിൽ ഇടത്തേക്കുതിരിഞ്ഞുപോകണം. ചെറിയറോഡുകളാണ്. ഇടക്ക് വെള്ളക്കെട്ടുകളുമുണ്ട്. ദിശാബോർഡുകൾ ഉണ്ട്. ഗൂഗിൾമാപ്പിൽ Malarikkal waterlilly view point എന്ന് കൊടുത്താൽ ലൊക്കേഷൻ കൃത്യമായികിട്ടും.

ഇതൊരു സീസണൽ ടൂറിസ്റ്റ്കേന്ദ്രമാണ്. ഇപ്പോൾ (2025 ജൂൺ 29) ധാരാളം പൂക്കളുണ്ട്. ഈ ഒന്നു രണ്ടുമാസംമാത്രമേ ഇവിടെ ആമ്പൽപ്പൂക്കൾ ഉണ്ടാവൂ. ഇത്തവണ നേരത്തേ പൂക്കൾവിരിഞ്ഞതാണ്. കഴിഞ്ഞതവണ ആഗസ്റ്റിലായിരുന്നു പീക്ക്സീസൺ.

ആമ്പൽപ്പൂക്കൾ രാവിലെ അഞ്ചരമുതൽ ഏകദേശം ഒൻപതരമണിവരെയേ വിരിഞ്ഞുനിൽക്കുകയുള്ളൂ. വെയിലാവുന്നതോടെ പൂക്കൾ വാടിപ്പോകും. അതിനാൽ നല്ല വ്യൂ കിട്ടണമെങ്കിൽ രാവിലെ 6 to 9 -നുള്ളിൽ ഇവിടെയെത്തണം. നേച്ചർഫോട്ടോകൾക്ക് ഒരു പ്രത്യേകചന്തം കിട്ടുന്നതും അതിരാവിലെയാണ്.

ശ്രദ്ധിക്കേണ്ടത് മലരിക്കലിൽ ഗുരുദേവക്ഷേത്ത്രിനടുത്തുള്ള പ്രധാനകടവിലാണ് നമുക്ക് എത്താനുള്ളത് എന്നതാണ്. അവിടെ ബോർഡൊക്കെ വച്ചിട്ടുണ്ട്. അങ്ങോട്ട് പോകുന്നവഴിയിയിൽ പലപാടത്തും കുറേശെ ആമ്പൽകാണാം. ഇവിടൊക്കെ റോഡിൽ ആൾക്കാർ വണ്ടിക്ക് കൈകാണിക്കും. ഇതാണ് ആമ്പൽപ്പാടമെന്നുപറഞ്ഞ് തെറ്റിദ്ധരിപ്പിക്കും. വള്ളത്തിൽ കുറച്ച് ചുറ്റിച്ച് ഒന്നോരണ്ടോ ആമ്പലുംകാണിച്ച് കാശുവാങ്ങും. യഥാർത്ഥ 750ഏക്കർ പാടത്താണ് മനോഹരമായ കാഴ്ച. അത് നേരത്തേപറഞ്ഞ ഗുരുദേവക്ഷേത്രത്തിനക്കരെയാണ്.
മഴയില്ലെങ്കിൽ ആറുമണിമുതൽ ഇവിടെ വള്ളങ്ങൾ ഇറങ്ങിത്തുടങ്ങും. ധാരാളം ആളുകൾ എത്തിത്തുടങ്ങിയതോടെ ഇവിടിപ്പോൾ അമ്പതിലേറെ വള്ളങ്ങളാണ് സഞ്ചാരികൾക്കായി കാത്തിരിക്കുന്നത്.

*വള്ളംപാക്കേജുകളെ കുറിച്ച് അറിയാം*

രണ്ടുതരം വള്ളംപാക്കേജുകളാണ് ഇവിടുള്ളത്. ഒന്ന് - ആളൊന്നുക്ക് അരമണിക്കൂറിന് 100/- രൂപ. മലരിക്കൽ ആമ്പൽകടവിനുസമിപം വള്ളത്തിൽ കറക്കി തിരികെയെത്തിക്കും. ഇവിടെയും ആമ്പലുകളുണ്ടെങ്കിലും എണ്ണത്തിൽകുറവാണ്.

രണ്ടാമത്തേത് - ഒരുമണിക്കൂർ നീളുന്ന ട്രിപ്പാണ്. സീസണിൽ 1000/- രൂപയാണിതിന്. വള്ളത്തിൽ
രണ്ടരകിലോമീറ്ററോളം ഉള്ളിൽപോയി നിറയെ ആമ്പലുകളുള്ള സ്ഥലത്തെത്തി, ആമ്പലുകൾക്കുനടുവിൽ വള്ളംനിർത്തി ആവോളം ഫോട്ടോയും വീഡിയോയുമൊക്കെ എടുത്ത് തിരികെവരാം. പോകുന്നവഴി വെള്ളത്തിൽ പാതിമുങ്ങിയ വല്യവീട് ദേവീക്ഷേത്രവും കാണാം. കാശുകൂടുതലെങ്കിലും കാഴ്ചകളാസ്വദിക്കാൻ ഇതാണ് നല്ലത്. വള്ളത്തിൽ 5 to 7 ആൾക്കാർക്ക് കയറാം. രണ്ടുപേരായാലും ഏഴുപേരായാലും 1000/- രൂപതന്നെയാണ്. തിരക്കില്ലാത്തപ്പോൾ ചാർജ് കുറഞ്ഞേക്കാം.

കടവിലും വഴിയിലുമെല്ലാം ആമ്പൽപൂക്കൾ കെട്ടുകളായി വിൽക്കാനുണ്ട്. ഒരു കെട്ട് 30/- രൂപയായിരുന്നു. ഫോട്ടോകൾക്ക് ഒരു വൈബ്കിട്ടാൻ വള്ളത്തിൽ കയറുമുൻപ് ഇവ വാങ്ങിവയ്ക്കുക. വള്ളത്തിൽ പോകുമ്പോൾ പൂവ് പറിക്കരുത്. ഫോട്ടോക്കായിമാത്രം ഒരെണ്ണമെങ്ങാനും പറിക്കാനേ വള്ളക്കാർ സമ്മതിക്കൂ.

വലിയവള്ളത്തെക്കാൾ ചെറിയ കൊതുമ്പുവള്ളമാണ് ഉള്ളിൽപോകാൻരസം. എല്ലാം മോട്ടോറുള്ളവയാണ്. എങ്കിലും ആമ്പൽപാടത്തെത്തിയാൽ തുഴയുപയോഗിച്ചാണ് നീങ്ങുന്നത്. ലൈഫ്ജാക്കറ്റൊന്നും തരുന്നില്ല. പിന്നെ, കണ്ടാൽ കായൽപോലെയാണെങ്കിലും പാടത്ത് നെഞ്ചൊപ്പം വെള്ളമേയുള്ളൂ. മിക്കയിടത്തും വേണമെങ്കിൽ ഇറങ്ങിനിൽക്കാം.
അതിനാൽ അത്ര പേടിക്കാനില്ല.
https://chat.whatsapp.com/ESYXU45uoS094AM5jnuriq
റോഡരികിൽ കാർ പാർക്ക്ചെയ്യാം.
അവധിദിനങ്ങളിൽ വലിയതിരക്കാണ്. ചിലപ്പോ വണ്ടിയിടാൻ ഒരുപാടുദൂരം പോകേണ്ടിവരും. ഏതാനും താൽക്കാലിക ചായക്കടകളല്ലാതെ വലിയകടകളും ഹോട്ടലുകളുമൊന്നുമില്ല ഇവിടെ.

വിരിഞ്ഞ ആമ്പൽ കാണണമെങ്കിൽ രാവിലെതന്നെ ഇവിടെയെത്തണമെന്നതാണ് പ്രശ്നം. ദൂരെനിന്നൊക്കെ വരുന്നവർ തലേന്നെവന്ന് സ്റ്റേ ചെയ്യുന്നതാവും നല്ലത്. പറ്റിയാൽ കുമരകത്ത് ഒരു കറക്കവുമാകാം. ഷാപ്പുരുചികൾ ഇഷ്ടമുള്ളവർക്ക് നല്ല ഫാമിലി കള്ളുഷാപ്പുകൾ നാലഞ്ചെണ്ണം ഈ ഭാഗത്തുണ്ട്. ദൂരെനിന്നാണെങ്കിൽ ഇവിടെവരെവന്നിട്ട് നല്ല മധുരക്കള്ളും, കപ്പയും, മുളകിട്ടവരാലും, കുമരകം സ്പെഷ്യൽ കരിമീനും, താറാവുറോസ്റ്റുമൊക്കെ ടേസ്റ്റ് ചെയ്യാതെ പോകരുത്.

ഞങ്ങൾ തിരുവനന്തപുരത്തുനിന്ന് ശനിയാഴ്ച ഉച്ചയോടെ എത്തി, കുമരകത്തൊരു റിസോർട്ടിൽ ഒരുരാത്രി താമസിച്ചശേഷം ഞായർ രാവിലെ ആറുമണിക്ക് മലരിക്കലിലെത്തിയാണ് വള്ളമെടുത്തത്. അതിനാൽ മൊത്തം ട്രിപ്പ് നന്നായി ആസ്വദിച്ചു. തിരിച്ചിറങ്ങി കീരിക്കുഴി തെങ്ങിൻതോപ്പ് ഷാപ്പിൽനിന്ന് മധുരക്കള്ളും കരിമീനുമൊക്കെ കഴിച്ചിട്ടാണ് മടങ്ങിയത്. അതും നന്നായിരുന്നു.

ഒരു സുഹൃത്ത് വഴി ഞങ്ങളൊരു വള്ളക്കാരനെ പറഞ്ഞ് ഏർപ്പാടാക്കിയിരുന്നു. മലരിക്കലിൽ വള്ളത്തിന് ബുക്കിംഗ് ഒന്നുംവേണ്ട, അവിടെ ചെല്ലുന്നമുറക്ക് കയറാം. കടവിൽ ഒരാൾ പേരും ആളെണ്ണവും എഴുതിയെടുക്കാനുണ്ടാവും.
മോനിച്ചൻ എന്നൊരു ചേട്ടനായിരുന്നു ഞങ്ങളുടെ വള്ളക്കാരൻ. പോകുന്നവർക്ക് വേണമെങ്കിൽ വിളിച്ച് വിവരങ്ങൾ അന്വേഷിക്കാനായി രണ്ട് വള്ളക്കാരുടെ നമ്പർ താഴെകൊടുത്തേക്കാം.

ആമ്പൽപ്പൂവ് (വാട്ടർ ലില്ലി)
വിശുദ്ധിയുടെയും പുനർജന്മത്തിന്റെയും പ്രബുദ്ധതയുടെയും പ്രതീകമാണ്. സാഹിത്യത്തിൽ മാനത്തെചന്ദ്രൻ്റെ കാമുകിയത്രെ കുമുദം.
ദൈവത്തിൻ്റെയീ സുന്ദരസൃഷ്ടി ഇവിടെ നിങ്ങൾക്കായി കാത്തിരിക്കുന്നു.
https://chat.whatsapp.com/ESYXU45uoS094AM5jnuriq
'ചാർലി' സിനിമയിൽ പറഞ്ഞപോലെ..

"...അവിടെചെല്ലുമ്പോൾ പുള്ളിക്കാരൻ, നീ ഇതൊക്കെ കണ്ടിട്ടാണോ ഇങ്ങോട്ടുവന്നിരിക്കുന്നതെന്ന് ചോദിക്കും... ഇതൊക്കെ നമുക്കുവേണ്ടിയല്ലെ മൂപ്പര് ഉണ്ടാക്കിവെച്ചിരിക്കുന്നത്..."

ശരിയല്ലേ ?

അപ്പോ, മലരിക്കലിൽ ആമ്പൽപ്പൂക്കാലം കാണാൻ ആഗ്രഹമുള്ളവർ മഴമാറുംമുൻപ്, സീസൺ തീരുംമുൻപ് വേഗംവിട്ടോളൂ...

*വള്ളക്കാരുടെ ഫോൺനമ്പരുകൾ*
മോനിച്ചൻ ചേട്ടൻ - 9048271141.
അരുൺ -90484 00104

29/06/2025

നിറയെ മൃഗങ്ങളെ കണ്ട് കാടും മേടും പുഴയും കണ്ടുള്ള യാത്ര❤️❤️

ഇന്ത്യയിലെ മനോഹരമായ കാനന പാതകളിൽ ഒന്നാണ് അതിരപ്പിള്ളി - വാൽപ്പാറ റൂട്ട്. കൊടും കാട്ടിലൂടെ 100 കിലോമീറ്റർ യാത്ര. നിറയെ മൃഗങ്ങളെ കണ്ട് കാടും മേടും പുഴയും കണ്ടുള്ള യാത്ര.

വാൽപാറയിൽ നിന്നും 40 ഹെയർപിൻ ഇറങ്ങി പൊള്ളച്ചിയിലേക്ക് യാത്രയുടെ ഹരം വർധിപ്പിക്കും.

⭕ പോകുന്ന വഴിയിലെ കാഴ്ചകൾ

• ഏഴാറ്റുമുഖം
• തുമ്പൂർമുഴി
• അതിരപ്പിള്ളി വെള്ളച്ചാട്ടം
• ചാർപ്പ വെള്ളച്ചാട്ടം
• വാഴച്ചാൽ വെള്ളച്ചാട്ടം
• പെരിങ്ങൽ കുത്ത് ഡാം

⭕ വാൽപാറക്കടുത്തുള്ള ടൂറിസം സ്ഥലങ്ങൾ.
• നല്ലമുടി വ്യൂ പോയിന്റ്
• ചിന്ന കല്ലാർ ഫാൾസ്
• ഷോളയാർ ഡാം
• വെള്ളമല ടണൽ റിവർ
• ഹോൺബിൽ വ്യൂ പോയിൻ്റ്
• ബിർള വാട്ടർഫാൾസ്
• കൂളങ്കൽ റിവർ
• ബാലാജി ക്ഷേത്രം
• നിരാർ ഡാം
• വാട്ടർഫാൾ എസ്റ്റേറ്റ്

⚠️ വാഴച്ചാൽ ചെക്പോസ്റ്റ് കഴിഞ്ഞാൽ കൊടും കാടാണ്, സൂക്ഷിച്ച് പോകണം.

⚠️ ആവശ്യത്തിനുള്ള ഇന്ധനം ഉണ്ടെന്ന് ഉറപ്പു വരുത്തുക.

⚠️ വനം വകുപ്പ് നിർദേശം പാലിക്കുക. അതി സാഹസത്തിന് മുതിരാതിരിക്കുക.

Coustry: Chayamakkani

Follow: ഇഷ്ടപ്പെട്ട സ്ഥലത്തേക്കൊരു യാത്ര

18/06/2025

സഞ്ചാരികളുടെ ശ്രദ്ധയ്ക്ക്:

മൂന്നാർ അടക്കം പത്ത് വിനോദസഞ്ചാര കേന്ദ്രങ്ങളിൽ പ്ലാസ്റ്റിക് വിലക്ക് ഏർപ്പെടുത്തി

Post Date: 18/06/2025 ബുധൻ

മലയോര വിനോദസഞ്ചാര കേന്ദ്രത്തിലേക്ക് ഒറ്റത്തവണ ഉപയോഗിക്കുന്ന പ്ലാസ്റ്റിക് കൊണ്ടുപോകാൻ അനുവദിക്കരുതെന്ന് ഹൈക്കോടതി നിർദേശിച്ചു. വിനോദ സഞ്ചാരികൾ വെള്ളക്കുപ്പികൾ കരുതണം.

*ഇടുക്കി ജില്ലയിൽ*

മൂന്നാർ
തേക്കടി
വാഗമൺ

*തൃശ്ശൂർ ജില്ലയിൽ*

അതിരപ്പിള്ളി
ചാലക്കുടി-അതിരപ്പിള്ളി സെക്ടർ

*പാലക്കാട് ജില്ല*

നെല്ലിയാമ്പതി

*വയനാട് ജില്ലയിൽ*

പൂക്കോട് തടാകം
വൈത്തിരി
സുൽത്താൻ ബത്തേരി
കർലാട് തടാകം
അമ്പലവയൽ ഹെറിറ്റേജ് മ്യൂസിയം.

➖➖️➖️➖️➖➖➖➖➖
ഏറ്റവും പുതിയ അപ്ഡേറ്റുകൾക്കായി
*TripUpdates ഗ്രൂപ്പിൽ അംഗമാകാം*
https://chat.whatsapp.com/J3vwmxgBnBIAa1bzTzXb2y

*നമ്മുടെ ചാനലിൽ ജോയിൻ ചെയ്യാം*
https://whatsapp.com/channel/0029Va9BvmbLI8YgGFKRQ52f

18/06/2025

അങ്ങനെ അതിനും തീരുമാനമായി...

17/06/2025

തൊമ്മൻകുത്ത് വെള്ളച്ചാട്ടം, തേക്കടി, രാമക്കൽമേട്, വാഗമൺ: മഴ വൈബ് പിടിച്ച് ഇടുക്കിയിലൂടെ ഒരു യാത്ര പോകാം😊😍

മൂന്നാറിൽ പല കാഴ്ചകളും ഉണ്ട്. മഴക്കാലത്ത് മൂന്നാറിന്റെ തേയില തോട്ടങ്ങളുടെ ഭംഗി പറഞ്ഞറിയിക്കാൻ സാധിക്കാത്തതാണ്. കോട മഞ്ഞ് മൂടി നിൽക്കുന്ന ടോപ് സ്റ്റേഷനിൽനിന്ന് തമിഴ്‌നാടിന്റെ വിദൂരഭംഗി ആസ്വദിക്കാം. എക്കോ പോയിന്റാണ് മറ്റൊരിടം. നിർബന്ധമായി കണ്ടിരിക്കേണ്ട വെള്ളച്ചാട്ടങ്ങളാണ്, ‌ലക്കവും ചിന്നകനാലും.

*വാഗമൺ*

കേരളത്തിന്റെ സ്കോട്ട്‌ലൻഡ് എന്നറിയപ്പെടുന്ന ഇടമാണ് വാഗമൺ. സമുദ്രനിരപ്പിൽ നിന്ന് ഏകദേശം 1100 മീറ്റർ (3,600 അടി) ഉയരത്തിലാണ് വാഗമൺ സ്ഥിതി ചെയ്യുന്നത്. മഴക്കാലത്ത് മൊട്ടക്കുന്നും പൈൻ കാടും വേറിട്ട അനുഭവമാണ് സഞ്ചാരികൾക്ക് സമ്മാനിക്കുക. മർമ്മല വെള്ളച്ചാട്ടം, കുരിശുമല എന്നീ സ്ഥലങ്ങൾ സാഹസിക സഞ്ചാരികളുടേയും ഫോട്ടോഗ്രാഫർമാരുടേയും പറുദീസയാണ്.

*രാമക്കൽമേട്*

ഇടുക്കിയിലെ പ്രധാന വിനോദസഞ്ചാര കേന്ദ്രങ്ങളിലൊന്നാണ് ഇത്. ഇന്ത്യയിലെ ഏറ്റവും കൂടുതൽ കാറ്റ് വീശുന്ന ഇടങ്ങളുലൊന്നായ രാമക്കൽമേട് സമുദ്രനിരപ്പിൽ നിന്നും 1100 മീറ്റർ ഉയരത്തിലാണ് സ്ഥിതി ചെയ്യുന്നത്. മണിക്കൂറിൽ ശരാശരി 32.5 കിലോമീറ്റർ വേഗതയിലാണ് ഇവിടെ കാറ്റ് വീശുന്നത്. തേക്കടി-മൂന്നാർ റൂട്ടിൽ നെടുംകണ്ടത്തിന് 15 കിലോമീറ്റർ അകലെ, കേരള-തമിഴ്നാട് അതിർത്തിയിലാണ് രാമക്കൽമേട് സ്ഥിതി ചെയ്യുന്നത്. പശ്ചിമഘട്ടത്തിൽ സ്ഥിതിചെയ്യുന്ന ഈ സ്ഥലം പുൽമേടുകൾ, ഷോല വനങ്ങൾ, ബാംബൂ കാടുകൾ എന്നിവയാൽ ചുറ്റപ്പെട്ടിരിക്കുന്നു. തമിഴ്നാടിന്റെ മനോഹരമായ താഴ്‌വര കാഴ്ചകളും ഇവിടെ നിന്ന് ആസ്വദിക്കാം.

*തേക്കടി*

പശ്ചിമഘട്ടത്തിലെ പെരിയാർ വന്യജീവി സങ്കേതത്തിന്റെ (പെരിയാർ ടൈഗർ റിസർവ്) പ്രവേശന കവാടമായി അറിയപ്പെടുന്ന സ്ഥലമാണ് തേക്കടി. 925 ചതുരശ്ര കിലോമീറ്റർ വിസ്തൃതിയിൽ പരന്നുകിടക്കുന്ന ഈ സങ്കേതം ഇന്ത്യയിലെ ഏറ്റവും പ്രശസ്തമായ വന്യജീവി സങ്കേതങ്ങളിലൊന്നാണ്. പെരിയാർ തടാകത്തിലെ ബോട്ട് സവാരി, കൂടാതെ ഫോറസ്റ്റ് ട്രെക്കിങ് എന്നിവ സഞ്ചാരികൾക്ക് ഇവിടെ ആസ്വദിക്കാം. കാട്ടിലൂടെയുള്ള ട്രെക്കിങ്ങിൽ വന്യമൃഗങ്ങളെ കാണാനുള്ള ഭാഗ്യവും ലഭിക്കും.

*തൊമ്മൻകുത്ത്*

മൂന്നാറിൽ നിന്ന് 25 കിലോമീറ്റർ അകലെ, തൊടുപുഴയ്ക്ക് സമീപമാണ് ഈ വെള്ളച്ചാട്ടം. എഴുനിലക്കുത്ത്, നാക്കയം കുത്ത്, മുത്തിമുക്ക് കുത്ത്, കുടച്ചിയാല്‍ കുത്ത്, ചെകുത്താന്‍കുത്ത്, തേന്‍കുഴിക്കുത്ത്, കൂവമലക്കുത്ത് എന്നിങ്ങനെ കാടിനുള്ളിൽ നിന്നും നുരഞ്ഞ് പതഞ്ഞ് താഴേക്ക് ഒഴുകുന്നത് ഏഴ് വെള്ളച്ചാട്ടങ്ങൾ ചേരുന്നതാണ് തൊമ്മൻകുത്ത് വെള്ളച്ചാട്ടം.

➖➖️➖️➖️➖➖➖➖➖
ഏറ്റവും പുതിയ അപ്ഡേറ്റുകൾക്കായി
*TripUpdates ഗ്രൂപ്പിൽ അംഗമാകാം*
https://chat.whatsapp.com/J3vwmxgBnBIAa1bzTzXb2y

*നമ്മുടെ ചാനലിൽ ജോയിൻ ചെയ്യാം*
https://whatsapp.com/channel/0029Va9BvmbLI8YgGFKRQ52f

ഇഷ്ടപ്പെട്ട സ്ഥലത്തേക്കൊരു യാത്ര

03/07/2025

02/07/2025

29/06/2025

18/06/2025

18/06/2025

17/06/2025

Address

Telephone

Website

Alerts

Shortcuts

Share

Category