https://www.facebook.com/100553878229648/

Perumbavoor News, Perumbavoor (2025)

12/11/2025

പെരുമ്പാവൂർ ഭായി കോളനിക്ക് സമീപത്തെ പാടശേഖരത്തിൽ യുവാവ് മരിച്ച നിലയിൽ. മരിച്ചയാളെ തിരിച്ചറിഞ്ഞിട്ടില്ല. ഏകദേശം 35 വയസ്സ് പ്രായം തോന്നിക്കുന്ന ആളാണ് മരണമടഞ്ഞത്. ഒറീസ സ്വദേശി ആണെന്ന് സംശയം. അമിതമായ ലഹരി ഉപയോഗമാണ് മരണകാരണമെന്ന് പ്രാഥമിക നിഗമനം. മരിച്ചുകിടക്കുന്ന യുവാവിന്റെ സമീപത്ത് ലഹരി കുത്തിവക്കുന്നതിന് ഉപയോഗിക്കുന്ന സിറിഞ്ച്, ലഹരി വസ്തുക്കൾ സൂക്ഷിക്കുന്ന ഡപ്പികൾ എന്നിവ കണ്ടെത്തി. പെരുമ്പാവൂർ പോലീസ് സ്ഥലത്തെത്തി അന്വേഷണം ആരംഭിച്ചു

11/11/2025

പെരുമ്പാവൂർ അല്ലപ്രയിൽ സ്വകാര്യ ബസ്സും ടോറസും തമ്മിലടിച്ച് അപകടം. അല്ലപ്ര കമ്പനിപ്പടിയിലാണ് സംഭവം. നിരവധി യാത്രക്കാർക്ക് പരിക്കേറ്റു. ഇവരെ പെരുമ്പാവൂരിലെ വിവിധ ആശുപത്രികളിലായി പ്രവേശിപ്പിച്ചു. എന്നാൽ ആരുടെയും പരിക്ക് ഗുരുതരമല്ല. പെരുമ്പാവൂർ പോലീസും ഫയർഫോഴ്സും സ്ഥലത്തെത്തി.

10/11/2025

കുട്ടികൾക്കായി മനോരമയും ഇരിങ്ങോൾ ലൂക്ക് മെമ്മോറിയൽ പബ്ലിക് സ്‌കൂളും ചേർന്ന് പുഞ്ചിരി മത്സരം നടത്തുന്നു. ശിശുദിനത്തോട നുബന്ധിച്ചു കുട്ടികൾക്കായി 'സ്മൈൽ പ്ലീസ്' : പുഞ്ചിരി മത്സരം നടത്തും. 2-4 വയസ്സുള്ളവർക്കും (കാറ്റഗറി 1), 5-8 വയസ്സുള്ളവർക്കും (കാറ്റഗറി 2) 2 വിഭാഗങ്ങളിലായാണു മത്സ രം. 2 വിഭാഗങ്ങളിലെയും ഒന്നാം സ്ഥാനക്കാർക്ക് 5,000 രൂപയും 2,3 സ്ഥാനക്കാർക്ക് യഥാക്രമം 3,000 രൂപയും 2,000 രൂപയും സമ്മാനം ലഭിക്കും. നവംബർ 14നു മുൻപ് ഫോട്ടോകൾ 9496211832 (കാറ്റഗറി 1), 9188523953 (കാറ്റഗറി 2) എന്നീ വാട്സാപ് നമ്പറുകളിലേക്ക് അയയ്ക്കണം. 2025 നവംബർ ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്. മത്സര ത്തിൽ പങ്കെടുക്കുന്നവരിൽ നി ന്നു തിരഞ്ഞെടുക്കപ്പെടുന്ന 100 പേർക്കു മനോരമയുടെ കുട്ടികൾ ക്കുള്ള പ്രസിദ്ധീകരണങ്ങളുടെ (കളിക്കുടുക്ക/ഡൈജസ്റ്റ്) സബ്സ്ക്രിപ്ഷൻ സമ്മാനമായി ലഭിക്കും. പങ്കെടുത്ത എല്ലാ കുട്ടി കൾക്കും അവരുടെ ഫോട്ടോ പതിച്ച ഉപഹാരം നൽകും. നവം ബർ 22ന് സ്കൂൾ ഓഡിറ്റോറി യത്തിൽ നടക്കുന്ന പരിപാടിയി ലാണ് സമ്മാനo നൽകുന്നത്

04/11/2025

വഴി ചോദിക്കാനെന്ന ഭാവത്തിൽ വൃദ്ധയുടെ അടുത്തെത്തി മാല പൊട്ടിച്ച് കടന്നു കളഞ്ഞ മോഷ്ടാവ് പിടിയിൽ. ചേരാനല്ലൂർ പള്ളിക്ക് സമീപം വാടകയ്ക്ക് താമസിക്കുന്ന ഉമേഷ് (44) നെയാണ് കാലടി പോലീസ് പിടികൂടിയത്. ചൊവ്വര തെറ്റാലി സ്വദേശിനിയുടെ മാലയാണ് കവർന്നത്.
പ്രസന്നപുരം അമ്പലക്കുളങ്ങര അമ്പലത്തിന് സമീപം നടന്നു പോവുകയായിരുന്ന വൃദ്ധയുടെ അടുത്ത് ബൈക്കിലെത്തി വഴി ചോദിക്കാനെന്ന രീതിയിൽ നിർത്തിയ ശേഷം ഒന്നേമുക്കാൽ പവനോളം തൂക്കം വരുന്ന മാല പൊട്ടിച്ചെടുക്കുകയായിരുന്നു. ശാസ്ത്രീയ അന്വേഷണത്തിലാണ് പ്രതിയെ കസ്റ്റഡിയിലെടുത്തത്. മോഷ്ടിച്ച മാല ചേരാനല്ലൂർ കച്ചേരിപ്പടി ജംഗ്ഷൻ ഭാഗത്തുള്ള ഫൈനാൻസ് സ്ഥാപനത്തിൽ പണയം വച്ചിരിക്കുകയായിരുന്നു.ഇത് കണ്ടെടുത്തു. ഇരുചക്രവാഹനവും പ്രതി ധരിച്ച ഹെൽമെറ്റും, റെയിൻ കോട്ടും മാസ്ക്കും പോലീസ് കസ്റ്റഡിയിലെടുത്തു. വരാപ്പുഴ, ചേരാനല്ലൂർ, ബിനാനി പുരം, നോർത്ത് പറവൂർ, ആലുവ സ്റ്റേഷനുകളിലായി പത്തോളം കേസുകളുണ്ട്.ഇൻസ്‌പെക്ടർ അനിൽകുമാർ റ്റി മേപ്പിള്ളി, എസ് ഐ മാരായ ജോസി എം ജോൺസൺ, ശ്യാം, സുധീർ, റെജിമോൻ, ഉണ്ണി എ എസ് ഐ പ്രസാദ് സി പി ഓ മാരായ എൽദോസ്, ധനേഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.

01/11/2025

പെരുമ്പാവൂർ: ഒരു വർഷം മുൻപ് പഠനത്തിനായി യു കെ യിൽ പോയ വിദ്യാർത്ഥിനി അസുഖത്തെ തുടർന്ന് ചികിത്സയിലിരിക്കെ ഇന്നലെ മരിച്ചു. അയ്മുറി ഇളമ്പകപ്പിള്ളി പള്ളശ്ശേരി പൗലോസ് മകൾ അനീന 25 ആണ് മരിച്ചത്. വിദ്യാഭ്യാസ വായ്പയെടുത്ത് നേഴ്സിംഗ് പഠനത്തിനായി യുകെയിൽ ചെന്നത്. നാല് ദിവസം മുൻപാണ് പെട്ടെന്ന് ഫിക്സ് പോലെയുള്ള അസുഖം വന്നതിനെ തുടർന്ന് ഈസ്റ്റ് ലണ്ടനിലെ കിംഗ് ജോർജ് ഹോസ്പിറ്റലിൽ പ്രവേശിപ്പിച്ചെങ്കിലും ജീവൻ രക്ഷിക്കനായില്ല.
മറ്റ് നടപടി ക്രമങ്ങൾക്ക് ശേഷം നാട്ടിൽ മൃതദേഹം എത്തിക്കും. സംസ്കാരം പിന്നീട് മാതാവ് ബെസ്സി
സഹോദരങ്ങൾ ആതിര, ആഷ്ലി , ആൽബിൻ

31/10/2025

പെരുമ്പാവൂർ: ഓപ്പറേഷൻ സൈ - ഹണ്ടിൻ്റെ ഭാഗമായി പെരുമ്പാവൂരിൽ നടത്തിയ റെയ്ഡിൽ രണ്ട് പേർ അറസ്റ്റിൽ. മാറമ്പിള്ളി മുടിക്കൽ ചെരുമൂടൻ വീട്ടിൽ ഹസ്സൻ അനസ് (25), വെങ്ങോല അല്ലപ്രയിൽ വാടകയ്ക്ക് താമസിക്കുന്ന പെരുമ്പാവൂർ തെക്കിനേടത്ത് വീട്ടിൽ അമൽ പ്രധാൻ (24) എന്നിവരെയാണ് പെരുമ്പാവൂർ പോലീസ് അറസ്റ്റ് ചെയ്തത്. ഹസ്സൻ അനസിൻ്റെ അക്കൗണ്ടിലേക്ക് ഉത്തർപ്രദേശ് ഗാസിയാബാദ് സ്വദേശിയുടെ അക്കൗണ്ടിൽ നിന്നും വിവിധ ലെയറുകളിലായി 170000 രൂപ വന്നിട്ടുണ്ട്. ഈ മ്യൂൾ അക്കൗണ്ട് വഴി ചെക്ക് ഉപയോഗിച്ചും അല്ലാതെയും പണം പിൻവലിച്ച് സംഘടിത കുറ്റകൃത്യത്തിൽ ഏർപ്പെടുകയായിരുന്നു. പരാതിക്കാരനായ കോഴിക്കോട് സ്വദേശിയുടെ ബാങ്ക് അക്കൗണ്ടിൽ നിന്നും അമൽ പ്രധാൻ്റെ വിവിധ ബാങ്ക് അക്കൗണ്ട് കളിലേക്ക് 340000 രൂപ ട്രാൻസ്ഫർ ചെയ്തെടുത്ത് ഈ കേസിലെ മറ്റ് പ്രതികൾ ചേർന്ന് അമൽ പ്രധാൻ്റെ ചെക്കും , എ റ്റി എം കാർഡും ഉപയോഗിച്ച് പണം പിൻവലിച്ചിരുന്നു. പെരുമ്പാവൂർ പോലീസ് സ്റ്റേഷൻ ഇൻസ്പെക്ടർ ജിൻസൺ ഡൊമിനിക്, സബ് ഇൻസ്പെക്ടർമാരായ റാസി ക്ക് പി എം, വിനിൽ ബാബു, ശിവകുമാർ എസ്, വിഷ്ണു,എ എസ് ഐ രതി , സീനിയർ സി പി ഓ മാരായ ജിജിമോൻ, രജിത്ത് രാജൻ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.

31/10/2025

പൂർണ്ണ ഗര്‍ഭിണിയായ പരാതിക്കാരി സ്റ്റേഷനില്‍ വിഷം കഴിച്ച് ആത്മഹത്യക്ക് ശ്രമിച്ചു

പെരുമ്പാവൂര്‍: ഗര്‍ഭിണിയായ പരാതിക്കാരി സ്റ്റേഷനില്‍ വിഷം കഴിച്ച് ആത്മഹത്യക്ക് ശ്രമിച്ചു. കുറുപ്പംപടി പൊലീസ് സ്റ്റേഷനില്‍ ബുധനാഴ്ച രാവിലെയാണ് സംഭവം. കുറുപ്പംപടി വായ്ക്കര സ്വദേശിയായ സ്ത്രീയുടെ സഹോദരന്റെ സുഹൃത്ത് കടം വാങ്ങിയ വകയില്‍ 50,000 കൊടുക്കാനുണ്ടായിരുന്നു. ഇത് സംബന്ധിച്ച് സ്ത്രീ സ്‌റ്റേഷനില്‍ പരാതി നല്‍കിയിരുന്നു. പൊലീസിന്റെ ഇടപെടലില്‍ 30,000 രൂപയുമായി പണം കൊടുക്കാനുണ്ടായിരുന്ന ആളും പരാതിക്കാരിയും സ്റ്റേഷനില്‍ എത്തി. എന്നാല്‍, മൊത്തം രൂപയും വേണമെന്ന് വാശിപിടിച്ച് പരാതിക്കാരി സ്റ്റേഷനകത്ത് നിന്ന് പുറത്തിറങ്ങി ബാഗിലെ കുപ്പിയില്‍ സൂക്ഷിച്ചിരുന്ന ദ്രാവകം കുടിക്കുകയാണുണ്ടായത്. തുടര്‍ന്ന് താന്‍ വിഷം കഴിച്ചതായി പൊലീസുകാരെ അറിയിച്ചു. പൊലീസ് ഉടനെ പെരുമ്പാവൂര്‍ താലൂക്കാശുപത്രിയില്‍ എത്തിച്ചു. മാതാവിനോടൊപ്പമാണ് പരാതിക്കാരി സ്റ്റേഷനില്‍ എത്തിയത്. പൂര്‍ണ ഗര്‍ഭിണിയായിരുന്ന സ്ത്രീയെ വിദഗ്ധ ചികില്‍സക്ക് കളമശ്ശേരി മെഡിക്കല്‍ കോളജിലേക്ക് മാറ്റി. വെളളത്തില്‍ കലക്കിയ എലിവിഷമാണ് കഴിച്ചത്. സ്ത്രീക്കും ഗര്‍ഭസ്ഥശിശുവിനും പ്രശ്‌നങ്ങളില്ലെന്നും വെളളിയാഴ്ച ഡിസ്ചാര്‍ജാകുമെന്നും പൊലീസ് പറഞ്ഞു.

30/10/2025

പെരുമ്പാവൂർ നഗരസഭ കാരാട്ടുപള്ളിക്കരയിൽ വിജ്ഞാനവാടി നിർമ്മാണ പ്രവർത്തനങ്ങൾക്ക് തുടക്കം കുറിച്ചു. പകൽ വീടിന് സമീപമായി 15 സെൻറ് സ്ഥലത്ത് 6000 സ്ക്വയർ ഫീറ്റിൽ ഇരുനില കെട്ടിടമാണ് വിജ്ഞാനവാടി പണികഴിപ്പിക്കുന്നത്. 60 ലക്ഷം രൂപ നഗരസഭ ഫണ്ടിൽ നിന്നാണ് ലഭ്യമാക്കുന്നത്. കഴിഞ്ഞ ബഡ്ജറ്റിൽ തുക വകയിരുത്തിയിരുന്നു.
എസ്.സി, എസ്.ടി വിദ്യാർത്ഥികളുടെ ഉന്നമനത്തിനായി പഠന നിലവാരം ഉയർത്തുന്നതിനും തൊഴിൽ പരിശീലനത്തിനും ലൈബ്രറി സേവനങ്ങൾ ലഭ്യമാക്കുന്നതിനും. വേണ്ടി കോൺഫറൻസ് ഹാൾ, ട്രെയിനിങ് ഹാൾ, ലൈബ്രറി,
റീഡിങ് റൂം, ഓഫീസ് എന്നിവ അടങ്ങുന്നതായിരിക്കും ആധുനിക സൗകര്യങ്ങളോടുകൂടിയ വിജ്ഞാനവാടി.

നിർമ്മാണ പ്രവർത്തനങ്ങൾക്ക് നഗരസഭ ചെയർമാൻ പോൾ പാത്തിക്കൽ തുടക്കം കുറിച്ചു. വൈസ് ചെയർപേഴ്സൺ ആനി മാർട്ടിൻ സ്റ്റാൻഡിംഗ് കമ്മിറ്റി ചെയർമാൻമാരായ റഷീദ ലത്തീഫ്, സി.കെ. രാമകൃഷ്ണൻ, മിനി ജോഷി, അഭിലാഷ് പുതിയേടത്ത്, കൗൺസിൽ അംഗങ്ങളായ അരുൺ കുമാർ,കെ ബി നൗഷാദ്, കെ.സി, അനിതാദേവി എസ്.ആർ., ഷീബ ബേബി, ഷമീന ഷാനവാസ്, ബി ബി അബൂബക്കർ നഗരസഭ സെക്രട്ടറി കവിത എസ്. കുമാർ, അസിസ്റ്റന്റ് എക്സിക്യൂട്ടീവ് എൻജിനീയർ ഗ്രേസി ജോസഫ്, എക്സിക്യൂട്ടീവ് എൻജിനീയർ മഞ്ജു എം.ആർ, ഓവർസിയർ ജെസ്സി മോൾ സി.കെ. എന്നിവർ പങ്കെടുത്തു.

30/10/2025

ഡോക്ടറുടെ സേവനത്തിനായി ഓണ്‍ലൈനായി ബുക്ക് ചെയ്യുന്നവരെ തട്ടിപ്പിനിരയാക്കുന്നു
ഡോക്ടറുടെ സേവനത്തിനായി ഓണ്‍ലൈനായി ബുക്ക് ചെയ്യുന്നതിന് ഗൂഗിളില്‍ സെര്‍ച്ച് ചെയ്ത് ലഭിക്കുന്ന ഹോസ്പിറ്റലിന്‍റെ നമ്പറില്‍ ബന്ധപ്പെടുമ്പോള്‍ മൊബൈല്‍ ആപ്ലിക്കേഷന്‍ വഴിയാണ് സേവനത്തിനായി ബുക്ക് ചെയ്യേണ്ടതെന്ന് അറിയിക്കുന്നു. കൂടാതെ ഈ സമയം തന്നെ സേവനത്തിനായി ബന്ധപ്പെടുന്ന വ്യക്തിയുടെ വാട്സ് ആപ്പിലേക്ക് 'hi' സന്ദേശത്തോടൊപ്പം ആപ്ലിക്കേഷന്‍ ഇന്‍സ്റ്റാള്‍ ചെയ്യാനുള്ള ലിങ്കും കൂടി തട്ടിപ്പുകാര്‍ അയക്കുന്നു. തുടര്‍ന്ന് മൊബൈല്‍ ആപ്ലിക്കേഷന്‍ ഇന്‍സ്റ്റാള്‍ ചെയ്ത് നിശ്ചിത ഫീസ് അടച്ച് ഡോക്ടറുടെ അപ്പോയ്ന്‍റ്മെന്‍റ് എടുക്കുവാനുള്ള നിര്‍ദ്ദേശവും ലഭിക്കുന്നു. എന്നാല്‍ ലിങ്കില്‍ ക്ലിക്ക് ചെയ്ത് ആപ്ലിക്കേഷന്‍ വഴി പണമടക്കാന്‍ കഴിയാതെ വരുന്നു. ഈ പ്രശ്നം തട്ടിപ്പുകാരെ അറിയിക്കുമ്പോള്‍ അവര്‍ പുതിയ വ്യാജ ലിങ്ക് അയച്ചുനല്‍കുന്നു. തുടര്‍ന്ന് ഫോണിന്‍റെ നിയന്ത്രണം നേടിയെടുക്കുന്ന തട്ടിപ്പുകാര്‍ ബാങ്ക് അക്കൗണ്ടിലുള്ള പണം തട്ടിയെടുക്കുന്നു. അക്കൗണ്ടിലുള്ള പണം പിന്‍വലിച്ചതായുള്ള സന്ദേശം ലഭിക്കുമ്പോഴാണ് യഥാര്‍ഥ തട്ടിപ്പ് ബോധ്യപ്പെടുന്നത്.
പൊതുജനങ്ങള്‍ ഇത്തരം തട്ടിപ്പുകളില്‍പ്പെടാതെ ജാഗ്രത പാലിക്കുക. ഗൂഗിളിന്‍റെ സഹായത്തോടെ ലഭിക്കുന്ന കസ്റ്റമര്‍ കെയര്‍ സേവനങ്ങളുടെ ആധികാരികത ഉറപ്പുവരുത്തിയശേഷം മാത്രം സേവനങ്ങള്‍ക്കായി ബന്ധപ്പെടുക.
ഓണ്‍ലൈന്‍ സാമ്പത്തിക കുറ്റകൃത്യങ്ങള്‍ ശ്രദ്ധയില്‍പ്പെടുകയോ ഇരയാവുകയോ ചെയ്താല്‍ ഉടന്‍ തന്നെ 1930 എന്ന സൗജന്യ നമ്പറില്‍ ബന്ധപ്പെട്ടോ, https://cybercrime.gov.in എന്ന വെബ്സൈറ്റ് മുഖേനയോ പരാതികള്‍ രജിസ്റ്റര്‍ ചെയ്യാവുന്നതാണ്.

30/10/2025

ഓൺലൈൻ ട്രെഡിംഗ് തട്ടിപ്പിലൂടെ ലക്ഷങ്ങൾ തട്ടിയ കേസിൽ ഒരാൾ അറസ്റ്റിൽ. പെരുമ്പാവൂർ വെങ്ങോല തണ്ടേക്കാട് ഭാഗത്ത് താമസിക്കുന്ന ഒന്നാം മൈൽ കരുമക്കാട്ട് വീട്ടിൽ ആഷിക് (27) നെയാണ് കാലടി പോലീസ് അറസ്റ്റ് ചെയ്തത്. കഴിഞ്ഞ ജനുവരി മുതൽ മാർച്ച് വരെയുള്ള മാസങ്ങളിൽ വിവിധ ദിവസങ്ങളിലായി കാലടി നീലീശ്വരം സ്വദേശിയായ വീട്ടമ്മയിൽ നിന്നും 43,87,000 രൂപയാണ് ഓൺലൈൻ ട്രെഡിംഗ് ബിസിനസിന്റെ മറവിൽ തട്ടിപ്പ് സംഘം കൈക്കലാക്കിയത്. ഓൺലൈൻ ട്രേഡിംഗ് നടത്തി വലിയ ലാഭം നേടാമെന്ന് വിശ്വസിപ്പിക്കുകയായിരുന്നു. വാട്ട്സ് ആപ്പ് വഴിയാണ് തട്ടിപ്പ് സംഘം വീട്ടമ്മയെ പരിചയപ്പെട്ടത്. നാഷണൽ ക്രൈം റിപ്പോർട്ടിംഗ് പോർട്ടലിൽ നിന്നും അയച്ചു കിട്ടിയ അക്നോളഡ്ജ് ട്രാൻസാക്ഷൻ ഡീറ്റൈയിൽസ് പരിശോധിച്ചും, പരാതിക്കാരിയുടെ അക്കൗണ്ടിൽ നിന്നും രണ്ടാം ലെയറായി പണം കൈമാറ്റം ചെയ്ത് കിട്ടിയതും പരിശോധിച്ചാണ് പ്രതിയെ പിടികൂടിയത്.ഇൻസ്പെക്ടർ അനിൽ കുമാർ ടി.മേപ്പിള്ളി, എസ്.ഐ സുധീർ, എ.എസ്.ഐ സെബാസ്റ്റ്യൻ എന്നിവരാണ് അന്വേഷണ സംഘത്തിലുണ്ടായിരുന്നത്.

30/10/2025

ഇലക്ഷന്‍ പ്രഖ്യാപിക്കും മുമ്പ് സ്ഥാനാര്‍ത്ഥികളെ പ്രഖ്യാപിച്ച് ട്വന്റി20

മഴുവന്നൂര്‍ പഞ്ചായത്തിലെ 21 വാര്‍ഡിലേയും വടവുകോട് ബ്ലോക്ക് പഞ്ചായത്തിലെ 3 ഡിവിഷനുകളടക്കം 24 സ്ഥാനാര്‍ഥികളെയുമാണ് പ്രഖ്യാപിച്ചത്.

30/10/2025

എ.ടി.എം കുത്തിപ്പൊളിച്ച് പണം കവരാൻ ശ്രമിച്ച പ്രതികളെ നാട്ടുകാർ പിടികൂടി പോലീസിന് കൈമാറി. തൊടുപുഴ, കൊടുവേലി സ്വദേശി സുജിത്ത് എം. ബാബു 26, കൊല്ലം ശൂരനാട് സ്വദേശി അനന്ദു പ്രസാദ് 24 എന്നിവരാണ് പിടിയിലായത്. ഇന്ന് വെളുപ്പിന് മൂന്നുമണിയോടെ പെരുമ്പാവൂർ മാറമ്പിള്ളിയിലുള്ള ഫെഡറൽ ബാങ്കിന്റെ എടിഎം ആണ് പ്രതികൾ തകർക്കാൻ ശ്രമിച്ചത്.

Perumbavoor News

12/11/2025

11/11/2025

10/11/2025

04/11/2025

01/11/2025

31/10/2025

31/10/2025

30/10/2025

30/10/2025

30/10/2025

30/10/2025

30/10/2025

Address

Website

Alerts

Shortcuts

Share

Category