Perumbavoor News

Perumbavoor News പെരുമ്പാവൂരിലെയും പരിസര പ്രദേശങ്ങളിലെയും വാർത്തകൾ

14/06/2026

കേരളത്തിൽ ഉടനീളം 200ലധികം മോഷണകേസുകളിൽ പ്രതിയായ കുപ്രസിദ്ധ മോഷ്ടാവിനെ കുറുപ്പുംപടി പോലീസ് അറസ്റ്റ് ചെയ്തു. തീവെട്ടി ബാബു എന്നറിയപ്പെടുന്ന കൊല്ലം സ്വദേശി ബാബുവാണ് (61) പോലീസിന്റെ പിടിയിലായത്. പുല്ലുവഴിയിലെ ബേക്കറിയിൽ നിന്ന് പണവും മൊബൈൽ ഫോണും ടാബ്ലറ്റും മോഷ്ടിച്ച കേസിലാണ് ഇപ്പോൾ പിടിയിലായിട്ടുള്ളത്. വെള്ളിയാഴ്ച രാത്രി 11.30നാണ് സംഭവം. ബേക്കറിയുടെ പൂട്ട് കമ്പിപ്പാര ഉപയോഗിച്ച് തകർത്ത് അകത്തുകടന്ന് മേശയിൽ സൂക്ഷിച്ചിരുന്ന 15,000 രൂപയും, വിവോ കമ്പനിയുടെ മൊബൈൽ ഫോണും, റിയൽമി കമ്പനിയുടെ ടാബ്ലറ്റും പ്രതി മോഷ്ടിച്ചു. ശനിയാഴ്ച രാവിലെ കടതുറക്കാൻ എത്തിയപ്പോഴാണ് സ്ഥാപന ഉടമ വിവരം അറിയുന്നത്. ഉടമ നൽകിയ പരാതിയുടെ അടിസ്ഥാനത്തിൽ കേസെടുത്ത കുറുപ്പംപടി പോലീസ് സിസിടിവി ദൃശ്യങ്ങളുടെയും മറ്റ് ശാസ്ത്രീയ തെളിവുകളുടെയും അടിസ്ഥാനത്തിൽ ആണ് പ്രതിയെ പിടികൂടിയത്

14/06/2026

ഓപ്പറേഷൻ തണ്ടറിൽ പെരുമ്പാവൂരിൽ എക്സൈസിന്റെ മിന്നൽ പരിശോധന

14/06/2026

തൂഫാൻ ബലം കണ്ടു. മയക്ക് മരുന്നിനു വേണ്ടി ഭായി മാർ പിടിവലി

02/06/2026

01-06-2026 തിങ്കൾ രാത്രി പെരുമ്പാവൂർ പ്രൈവറ്റ് ബസ് സ്റ്റാന്റിൽ വച്ച് പേഴ്സ് നഷ്ട്ടപെട്ടു. പെരുമ്പാവൂർ പോലീസ് സ്റ്റേഷനിൽ പരാതി കൊടുത്തിട്ടുണ്ട്. കാശും എൻ്റെ ഒറിജണൽ ID കാർഡും ഉണ്ട്. കണ്ടുകിട്ടുന്നവർ ദയവായി ആ അഡ്രസ്സിൽ അയച്ചു തരുകയോ അടുത്തുള്ള പോലീസ് സ്റ്റേഷനിൽ കൊടുകുകയോ ചെയ്യേണ്ടതാണ് . താഴെ കാണുന്ന നമ്പറിൽ അറിയിക്കേണ്ടത് ആണ് .. 8606739577. 80784 07097

, CPIM പെരുമ്പാവൂർ (ഈസ്റ്റ്) ലോക്കൽ കമ്മിറ്റി അംഗവും കുറുപ്പുംപടി സർവീസ് സഹകരണ ബാങ്ക് പ്രസിഡൻ്റും ആയ അഡ്വ. വി.കെ.സന്തോഷ്...
03/12/2025

, CPIM പെരുമ്പാവൂർ (ഈസ്റ്റ്) ലോക്കൽ കമ്മിറ്റി അംഗവും കുറുപ്പുംപടി സർവീസ് സഹകരണ ബാങ്ക് പ്രസിഡൻ്റും ആയ അഡ്വ. വി.കെ.സന്തോഷ് അല്പം സമയം മുമ്പ് ഹൃദയാഘാതത്തെ തുടർന്ന് മരണപ്പെട്ടു. സി.പി.ഐ.എം കൂവപ്പടി ലോക്കൽ സെക്രട്ടറി, പെരുമ്പാവൂർ ഏരിയ കമ്മിറ്റിയംഗം, കൂവപ്പടി പഞ്ചായത്ത് മെമ്പർ, പ്രശസ്തനായ അഭിഭാഷകൻ, മുൻ ഗവ. പ്ലീഡർ തുടങ്ങിയ നിലകളിലെല്ലാം പ്രവർത്തിച്ചിട്ടുണ്ട്.

01/12/2025

പെരുമ്പാവൂർ ഓടയ്ക്കാലിയിൽ വിധവയായ വീട്ടമ്മയുടെ പേരിലുള്ള കെട്ടിടം സാമൂഹ്യവിരുദ്ധർ ഇടിച്ച് തകർത്തു. മേയ്ക്കമാലി മോളി ജോർജിന്റെ കെട്ടിടമാണ് ഞായറാഴ്ച രാത്രിയിൽ സാമൂഹ്യവിരുദ്ധർ പൂർണമായും തകർത്തത്. ഉദയ ലൈബ്രറിയോട് തൊട്ടുചേർന്നുള്ള കെട്ടിടം ഇടിച്ചു തകർത്തപ്പോൾ ലൈബ്രറി കെട്ടിടത്തിനും കേടുപാടുകൾ സംഭവിച്ചിട്ടുണ്ട്. ഏകദേശം 20 ലക്ഷത്തിലധികം രൂപയുടെ നാശനഷ്ടമാണ് ഇവിടെ സംഭവിച്ചിട്ടുള്ളത്. ജെസിബി ഉപയോഗിച്ച് കെട്ടിടം തകർത്തതിന്റെ ലക്ഷണങ്ങളും പരിസരത്തുണ്ട്. രാത്രി 1 മണിക്കും മൂന്ന് മണിക്കും ഇടയിലുള്ള സമയത്താണ് ഇതുപോലൊരു ക്രൂരകൃത്യം നടത്തിയത് എന്നാണ് നാട്ടുകാർ പറയുന്നത്. ഇതിനുമുൻപ് ഇതേ വീട്ടമ്മയുടെ തന്നെ മതിലും സാമൂഹ്യവിരുദ്ധർ തകർത്തിരുന്നു. ഇവരുടെ സ്ഥലത്ത് കൂടി പൊതുവഴി ഉണ്ടാക്കി ഭാരവാഹനങ്ങൾ കൊണ്ടുപോകുന്നതിന് വേണ്ടിയാണ് കെട്ടിടവും മതിലും തകർത്തത് എന്നാണ് പരാതി. ഈ പ്രദേശത്തെ യൂണിയൻ തൊഴിലാളികൾ വിശ്രമത്തിനായി ഈ കെട്ടിടമാണ് ഉപയോഗിച്ചിരുന്നത്. ഇതുപോലെ കെട്ടിടവും മതിലും പൊളിക്കുന്ന പ്രവർത്തികൾ നിത്യസംഭവമായതോടെ തങ്ങൾ വലിയ ഭയത്തോടെയാണ് താമസിക്കുന്നത് എന്ന് നാട്ടുകാരും പറയുന്നു. സംഭവത്തിൽ കുറുപ്പുംപടി പോലീസ് സ്ഥലത്തെത്തി പരിശോധനകൾ നടത്തി. രാത്രിയിൽ ഈ പ്രദേശത്തുകൂടി കടന്നുപോയ ജെസിബികൾ കേന്ദ്രീകരിച്ച് അന്വേഷണം നടത്തണമെന്നാണ് നാട്ടുകാരുടെ ആവശ്യം. സംഭവത്തിൽ വീട്ടമ്മയും പോലീസിൽ പരാതി നൽകിയിട്ടുണ്ട്...

ഇവർ നേരത്തെ സൗജന്യമായി വിട്ടു നൽകിയ സ്ഥലത്താണ് ഇപ്പോൾ ഉദയ ലൈബ്രറി പ്രവർത്തിക്കുന്നത്...

28/11/2025

പെരുമ്പാവൂർ: പോക്കുവരവ് ചെയ്ത വസ്തു കരം അടയ്ക്കുന്നതിന് വസ്തു ഉടമയിൽ നിന്ന് 5000 രൂപ കൈക്കൂലി വാങ്ങിയ വില്ലേജ് അസിസ്റ്റന്റിനെ വിജിലൻസ് സംഘം അറസ്റ്റ് ചെയ്തു. കുറുപ്പുംപടി വേങ്ങൂർ വെസ്റ്റ് വില്ലേജ് ഓഫീസിലെ വില്ലേജ് അസിസ്റ്റന്റ് ജിബി എം മാത്യു ആണ് പിടിയിലായത്.
വിജിലൻസ് എറണാകുളം യൂണിറ്റ് ഡിവൈഎസ്പി ടി എം വർഗീസിന്റെ നേതൃത്വത്തിലുള്ള സംഘം ആണ് ഇയാളെ പിടികൂടിയത്.
പ്രളയക്കാട് സ്വദേശികൾക്ക് ഭാഗ ഉടമ്പടി പ്രകാരം ലഭിച്ച സ്ഥലത്തിന് കരം അടക്കാൻ 5000 രൂപ കൈക്കൂലി ആവശ്യപ്പെട്ടു. വിജിലൻസ് നൽകിയ പൊടിയിട്ട നോട്ടുകൾ പരാതിക്കാരന്റെ കയ്യിൽ നിന്ന് വാങ്ങിയപ്പോൾ തന്നെ ഈ പ്രദേശത്ത് ഉണ്ടായിരുന്ന വിജിലൻസ് സംഘം പ്രതിയേ പിടികൂടി. അറസ്റ്റ് ചെയ്ത പ്രതിയെ വിജിലൻസ് കോടതിയിൽ ഹാജരാക്കും

പെരുമ്പാവൂർ ഭായി കോളനിക്ക് സമീപത്തെ പാടശേഖരത്തിൽ യുവാവ് മരിച്ച നിലയിൽ. മരിച്ചയാളെ തിരിച്ചറിഞ്ഞിട്ടില്ല. ഏകദേശം 35 വയസ്സ്...
12/11/2025

പെരുമ്പാവൂർ ഭായി കോളനിക്ക് സമീപത്തെ പാടശേഖരത്തിൽ യുവാവ് മരിച്ച നിലയിൽ. മരിച്ചയാളെ തിരിച്ചറിഞ്ഞിട്ടില്ല. ഏകദേശം 35 വയസ്സ് പ്രായം തോന്നിക്കുന്ന ആളാണ് മരണമടഞ്ഞത്. ഒറീസ സ്വദേശി ആണെന്ന് സംശയം. അമിതമായ ലഹരി ഉപയോഗമാണ് മരണകാരണമെന്ന് പ്രാഥമിക നിഗമനം. മരിച്ചുകിടക്കുന്ന യുവാവിന്റെ സമീപത്ത് ലഹരി കുത്തിവക്കുന്നതിന് ഉപയോഗിക്കുന്ന സിറിഞ്ച്, ലഹരി വസ്തുക്കൾ സൂക്ഷിക്കുന്ന ഡപ്പികൾ എന്നിവ കണ്ടെത്തി. പെരുമ്പാവൂർ പോലീസ് സ്ഥലത്തെത്തി അന്വേഷണം ആരംഭിച്ചു

11/11/2025

പെരുമ്പാവൂർ അല്ലപ്രയിൽ സ്വകാര്യ ബസ്സും ടോറസും തമ്മിലടിച്ച് അപകടം. അല്ലപ്ര കമ്പനിപ്പടിയിലാണ് സംഭവം. നിരവധി യാത്രക്കാർക്ക് പരിക്കേറ്റു. ഇവരെ പെരുമ്പാവൂരിലെ വിവിധ ആശുപത്രികളിലായി പ്രവേശിപ്പിച്ചു. എന്നാൽ ആരുടെയും പരിക്ക് ഗുരുതരമല്ല. പെരുമ്പാവൂർ പോലീസും ഫയർഫോഴ്സും സ്ഥലത്തെത്തി.

Address

Perumbavoor
PERUMBAVOOR

Website

Alerts

Be the first to know and let us send you an email when Perumbavoor News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category