جامعہ محمدیہ قاسم العلوم. Jamia Mohammadia Qasim Ul Uloom

08/12/2025

عظیم الشان سالانہ جلسۂ دستاربندی و تقسیم اسناد
جامعہ محمدیہ قاسم العلوم محمود نگر سہڑی خواجہ ضلع پونچھ جموں کشمیر
2025 بمؤرخہ 07 دسمبر بروز اتوار

الحمد للّٰہ ثم الحمد للّٰہ!
جامعہ محمدیہ قاسم العلوم محمود نگر سہڑی خواجہ میں 07 دسمبر بروز اتوار نہایت شاندار اور بابرکت سالانہ جلسۂ دستاربندی، تقسیم اسناد و تکریم حفاظ و فارغین کا انعقاد کیا گیا۔ یہ دن تاریخِ جامعہ میں ایک یادگار اور روحانی دن کے طور پر ثبت ہوا۔ پورا ماحول نورِ قرآن کی تجلیات اور علمی وقار سے جگمگا رہا تھا۔

انجمن اصلاح البیان کا خصوصی پروگرام

جلسہ کا آغاز نہایت خوش اسلوبی کے ساتھ انجمن اصلاح البیان کے معیاری اور علمی و ادبی پروگرام سے ہوا، جس میں طلباء نے تلاوت، نعت، خطابت اور تجویدی مہارت کا بہترین مظاہرہ کیا۔

اس پروگرام کی علمی قدر و منزلت کو بلند کرنے کے لیے تین ممتاز و جلیل القدر شخصیات نے حکماء کی حیثیت سے شرکت فرمائی:

1. حکم اول: حضرت مولانا مشتاق احمد صاحب قاسمی
استاذ دارالعلوم دعوت الحق ہرنی مہندر

2. حکم ثانی: حضرت مولانا گلزار حسین صاحب قاسمی
مہتمم مدرسہ عمر بن خطاب رضی اللہ تعالیٰ عنہ ہاڑی راجدھان

3. حکم ثالث: حضرت مولانا شکیل احمد صاحب ضیائی
استاذ جامعہ ضیاء العلوم پونچھ

ان اکابر نے طلباء کی علمی پیشکش کو نہایت سنجیدگی و معیار کے ساتھ پرکھا اور اصلاحی نکات بیان فرمائے۔

(NIOS)
جمیعت اوپن اسکول کے تحت دسویں اور بارھویں جماعت میں کامیابی حاصل کرنے والے طلباء کو بھی اس موقع پر اسناد و تعریفی اعزازات سے نوازا گیا۔ ان نوجوانوں کے چہروں پر خوشی اور والدین کے چہروں پر شکر و افتخار کے آثار نمایاں تھے۔

جامعہ کے حفاظِ کرام اور فارغین کے سروں پر جب سنت کے مطابق دستار فضیلت سجائی گئی تو فضا تکبیر اور درود کی صداؤں سے گونج اٹھی۔
یہ وہ مبارک گھڑی تھی جس میں والدین کی آرزوئیں جامۂ تعبیر پہن رہی تھیں اور معلمین کی محنتیں تسبیح کی صورت چمک رہی تھیں۔

(Certificate of Affiliation)

اس پرمسرت موقع پر مولانا آزاد نیشنل اردو یونیورسٹی کی جانب سے جامعہ محمدیہ قاسم العلوم محمود نگر سہڑی خواجہ ضلع پونچھ جموں وکشمیر کوبشکریہ جناب ڈاکٹر عبد الغنی صاحب کا لس ریجنل ڈائریکٹر مانو ریجنل سب سینٹر جموں بذریعہ حضرت مفتی افتخار احمد صاحب اشاعتی ناظم تعلیمات جامعہ ہذا، سند الحاق عطا کی گئی
یہ عظیم سرٹیفیکیٹ حضرت مولانا محمد نور حسین صاحب قاسمی بانی و سرپرست جامعہ ہذا کے مبارک ہاتھوں سے حضرت مولانا محمد عبداللہ حسین القاسمی مہتمم جامعہ ہذا اورحضرت مولانا گلزار حسین صاحب القاسمی صدر جامعہ ہذاکو پیش کیا گئ۔
اس اعلان نے جلسہ کے تقدس اور خوشی کو ایک نئے تاریخی مرحلے تک پہنچا دیا۔

جلسہ کی علمی شان میں اضافہ کرتے ہوئے حضرت مولانا فتح محمد صاحب القاسمی مہتمم مدرسہ مہندر نے نہایت ایمان افروز، تربیتی اور فکر انگیز بیان فرمایا۔
آپ نے قرآن کی برکات، تعلیم کی عظمت، اساتذہ کی محنت اور والدین کے حقوق پر نہایت جامع اور دلنشین انداز میں روشنی ڈالی۔

پروگرام کا حسنِ اختتام حضرت مولانا محمد صادق واصل صاحب
سابق جنرل سیکریٹری تنظیم علماء اہل سنت والجماعت پونچھ کی نہایت پرنور اور بابرکت دعا پر ہوا۔
دلوں کو سکون، آنکھوں میں شکر و امتنان کی نمی پیدا ہوئی اور علمی محافل کی معنویت ایک بار پھر دلوں میں تازہ ہوگئی۔

جامعہ کے منتظمین و اساتذہ کی جانب سے تمام مہمانانِ کرام، والدین، شرکاء اور محسنینِ جامعہ کا شکریہ ادا کیا گیا جن کی موجودگی نے اس علمی و دینی اجتماع کو تاریخی کامیابی سے ہمکنار کیا۔

اللہ تعالیٰ جامعہ محمدیہ قاسم العلوم کو مزید ترقّی، قبولیت اور دین کی سربلندی کا ذریعہ بنائے۔
آمین

07/12/2025

الحمدللہ 06 دسمبر بروز سنیچر بعد نمازِ مغرب جامعہ محمدیہ قاسم العلوم محمود نگر سہڑی خواجہ میں نہایت شان و شوکت کے ساتھ علمی و ادبی انجمن النادی العربی کا انعقاد عمل میں آیا۔ یہ بزم عرب زبان کی فصاحت، بلاغت، محاوراتی قوت، تقریری جراءت اور عملی تربیت کے فروغ کے مقصد سے منعقد کی گئی تھی، جس میں طلبہ نے بہترین استعداد کے ساتھ علمی جوہر دکھائے۔

اس پرنور مجلس کی ایک نمایاں خصوصیت یہ رہی کہ جامعہ کے جمیع اساتذہ کرام نے بذاتِ خود شرکت فرمائی۔ ان کی موجودگی نے نہ صرف طلبہ کی حوصلہ افزائی کی بلکہ پروگرام کی علمی حیثیت کو اور زیادہ مضبوط، بامقصد اور سنجیدہ بنا دیا۔

پروگرام میں بطور حکم درج ذیل جید اساتذۂ کرام شریک ہوئے جنہوں نے نہایت علمی بصیرت، باریک بینی اور تربیتی نگاہ سے طلبہ کی کارکردگی کا جائزہ لے کر رہنمائی فرمائی:

1. حکم اول حضرت مفتی خالد ریاض احمد صاحب قاسمی
استاذ جامعہ انور شاہ کشمیری رحمۃ اللہ علیہ پونچھ

2. حکم ثانی حضرت مولانا مفتی طارق احمد صاحب رحیمی
استاذ دارالعلوم محمودیہ قاسم نگر مہنڈر

3. حکم ثالث حضرت مولانا زاہد احمد صاحب اشاعتی
استاذ زینت الاسلام دھڑہ

ان معزز علماء نے طلبہ کے تلفظ، لسانی صحت، اسلوب، فصاحت و بلاغت اور نحوی و صرفی درستی پر نہایت عمدہ رہنمائی فرمائی جس سے طلبہ نے خصوصی فائدہ حاصل کیا۔

تقاریر، نعت، تلاوت اور مختلف عربی مکالمات کے دوران طلبہ کی ادائیگی، عربی لہجہ اور مَخارج کی درستگی نے یہ ثابت کیا کہ عربی زبان صرف نصابی حیثیت کی حامل نہیں بلکہ اظہارِ حق، دعوتِ دین اور امت کی وحدت کی بنیاد ہے۔

پروگرام کے اختتام پر ناظمِ تعلیمات حضرت مفتی افتخار احمد صاحب نے اپنے نہایت پُرمغز اور تربیتی صدارتی کلمات پیش فرمائے۔
آپ نے عربی زبان کی افادیت، تعلیمی نظام میں اس کی ضرورت اور موجودہ دور میں اس کے احیاء و غلبہ پر روشنی ڈالی۔
طلبہ کی محنت کو سراہا، اساتذہ کی کوششوں کو قدر کی نگاہ سے دیکھا اور دعا فرمائی کہ اللہ تعالیٰ اس علمی تحریک اور عربی زبان کے فروغ کو ہمیشہ قائم و دائم رکھے۔

یہ پروگرام محض تقریری یا نمائشی نشست نہ تھی بلکہ ایک سنجیدہ علمی تربیتی مرحلہ تھا جس نے طلبہ کے اندر عربی زبان کے ذوق، سلیقۂ بیان اور قوتِ اظہار کو مزید جِلا بخشی۔
اللہ تعالیٰ سے دعا ہے کہ اس مبارک بزم کی برکتیں ہمیشہ باقی رہیں اور جامعہ ہذا کے طلبہ مستقبل میں عربی زبان کے بہترین داعی اور ترجمان ثابت ہوں۔

05/12/2025

ہائی اسکول جامعہ محمدیہ قاسم العلوم سہڑی خواجہ کے اسٹاف میں سے جناب ماسٹر فرید احمد صاحب اور جناب ماسٹر مقصود احمد صاحب کے بارے میں
بہت ہی مسرت و شادمانی کے ساتھ یہ اطلاع ملی کہ آپ دونوں معزز اساتذہ کرام پولیس کانسٹیبل میں منتخب ہوئے ہیں۔ یہ کامیابی یقیناً آپ کی محنت، صلاحیت، خلوص، اور علمی و عملی خدمات کا بہترین ثمر ہے جس پر ہم تمام اہلِ جامعہ آپ دونوں کو صدہا مبارک باد پیش کرتے ہیں۔

جامعہ کے اساتذہ و طلبہ آپ کی اس شاندار کامیابی کو ایک عزت افزا لمحہ تصور کرتے ہیں۔ تدریسی خدمات کے دوران آپ کی ذمہ داری، اخلاق اور تعلیمی رہنمائی ہمیشہ قابلِ تقلید رہی، اور اب ملک و ملت کی خدمت کے منصب پر انتخاب بلاشبہ جامعہ کے لیے باعث فخر ہے۔

ہم اللہ رب العزت کی بارگاہ میں دست دعا بلند کرتے ہیں کہ وہ آپ دونوں کو اپنے نئے فرائض میں کامیابی، استقامت اور عزتِ دوام عطا فرمائے، اور آپ کا یہ سفر ایمان داری، شرافت، فرض شناسی اور اعلیٰ کردار کے ساتھ ملک و قوم کی خدمت میں مستقل آگے بڑھتا رہے۔ آمین

پوری انتظامیہ، اساتذہ کرام اور طلبہ کی جانب سے ایک بار پھر دلی مبارک باد۔

والسلام

04/12/2025

30/11/2025

لجنۃ القراۃ والتجوید کا سالانہ پروگرام

جامعہ محمدیہ قاسم العلوم محمود نگر سہڑی خواجہ ضلع پونچھ جموں و کشمیر میں آج بروز اتوار 30 نومبر کو لجنۃ القراۃ والتجوید کا سالانہ عظیم الشان پروگرام نہایت ہی روح پرور ماحول میں منعقد ہوا۔ یہ پروگرام اپنے معیار، نظم و ضبط اور تعلیمی فضا کے اعتبار سے نہ صرف طلباء کے لیے تربیتی دن ثابت ہوا بلکہ علما و اساتذہ کے لیے بھی خوشی اور اطمینان کا باعث رہا۔

پروگرام کا آغاز تلاوتِ کلامِ پاک اور نعتیہ اشعار سے ہوا۔ اس کے بعد طلباء نے قواعدِ تجوید، لحنِ داؤدی اور حسنِ قراءت کے بہترین نمونے پیش کیے۔ ان کی محنت، لگن اور اساتذہ کی تعلیم نے مجموعی فضا کو انتہائی ایمان افروز بنا دیا۔

مہمانانِ حکم

اس پروگرام کو مزید سنجیدگی، وقار اور معیار دینے کے لیے مختلف اداروں سے تشریف لانے والے معزز علمائے کرام نے حکم (ججز) کی حیثیت سے شرکت کی:

1. حکم اول
قاری محمد شبیر احمد صاحب استاذ مدرسہ معین الاسلام اپر موڑہ
جنہوں نے نہایت باریک بینی سے قراءت و تجوید کے اصولوں کے مطابق طلباء کی کارکردگی کو پرکھا اور اہم نکات کی طرف رہنمائی فرمائی۔

2. حکم ثانی:
قاری شبیر احمد صاحب
استاذ جامعہ انوار القرآن کنوئیاں
آپ نے اپنی گہری علمی بصیرت کے ساتھ طلباء کی تلاوت کا جائزہ لیا اور انہیں عملی قراءت کے حوالے سے مفید مشورے دیے۔

3. حکم ثالث
مولانا عبد المجید صاحب
استاذ عمر بن خطاب ہاڑی
نے طلباء کی کارکردگی کو بیان فرمایا

مجلس کے اختتامی لمحات

پروگرام کے آخری مرحلے میں صدرِ جامعہ ہٰذا مولانا گلزار احمد صاحب قاسمی نے نہایت حکیمانہ اور پُر اثر نصیحت آموز کلمات ارشاد فرمائے۔ آپ نے طلبہ کو قرآن کریم سے مضبوط تعلق، اساتذہ کی قدر، اور مسلسل محنت و اخلاص کی تلقین کی۔ آپ کے خطاب نے محفل کے روحانی ماحول میں مزید سنجیدگی اور وقار پیدا کیا۔

اس کے بعد ناظمِ تعلیمات مفتی افتخار احمد اشاعتی نے نہایت خوش اسلوبی کے ساتھ طلبہ کے نتائج بیان فرمائے۔ ہر درجے کے ممتاز، نمایاں اور محنتی طلبہ کا تعارف کراتے ہوئے آپ نے ان کی کارکردگی کو سراہا اور بہتر سے بہتر کارکردگی کی ترغیب دی۔

پروگرام کے انتظامی امور اور مرحلہ وار رہنمائی کی ذمہ داری جامعہ ہٰذا کے مؤقر استاذِ حدیث و فقہ مولانا شکیل احمد اشاعتی نے نہایت خوبی کے ساتھ انجام دی۔ آپ کی نگرانی اور منظم انداز نے پورے پروگرام کو کامیاب اور باوقار بنانے میں مرکزی کردار ادا کیا۔

آخر میں صدر مجلس، جامعہ کے قدیم استاذ الاساتذہ حافظ شریف احمد صاحب فاصل نے نہایت پُر تاثیر صدارتی خطاب فرمایا۔ آپ نے قرآن مجید کی عظمت، اس کی تعلیم کی اہمیت، اور طلبہ و اساتذہ کی ذمہ داریوں پر مفصل روشنی ڈالی۔ آخر میں آپ کی دعا سے مجلس اپنے اختتام کو پہنچی

30/11/2025

20/11/2025

جامعہ محمدیہ کے طلباء کی شاندار کامیابیاں جمعیت اوپن اسکول کے تحت نئے داخلے جاری

جامعہ محمدیہ قاسم العلوم محمود نگر سہڑی خواجہ میں جمعیت اوپن اسکول (NIOS) کا اسٹڈی سینٹر کامیابی سے تعلیم کی خدمات انجام دے رہا ہے۔ الحمدللہ مدرسہ سے منسلک متعدد طلباء و طالبات نے این ای او ایس کے تحت دسویں جماعت اور بارہویں جماعت کامیابی کے ساتھ پاس کی ہے، جو اس ادارے کی محنت، اساتذہ کی رہنمائی اور طلباء کی لگن کا منہ بولتا ثبوت ہے۔

جامعہ محمدیہ کا یہ اسٹڈی سینٹر ایسے طلباء کے لئے بہترین پلیٹ فارم ہے جو دینی تعلیم کے ساتھ ساتھ عصری تعلیم بھی حاصل کرنا چاہتے ہیں۔ این ای او ایس کے ذریعے تعلیم کا یہ سلسلہ ان روشن دماغ طلباء کے لئے نئے مواقع پیدا کر رہا ہے جو آگے چل کر ملک و ملت کی خدمت کرنا چاہتے ہیں۔

اس وقت جامعہ محمدیہ کے NIOS سینٹر میں نئے داخلے جاری ہیں۔ یہ داخلے ان تمام طلباء و طالبات کے لیے ایک سنہری موقع ہیں جو باقاعدہ اسکول کے بغیر بھی میٹرک اور انٹر کا امتحان آسانی سے دینا چاہتے ہیں۔

جامعہ محمدیہ کا یہ قدم یقینی طور پر تعلیم عام کرنے کی بہترین کوشش ہے جس کے ذریعے مدرسہ کے طلباء عصری میدان میں بھی اپنا نمایاں مقام بنا سکیں گے۔ آپ حضرات سے گزارش ہے کہ اس اہم موقع سے بھرپور فائدہ اٹھائیں اور اپنے بچوں کو این ای او ایس کے ذریعے روشن مستقبل سے ہمکنار کریں۔
9596747451.9797548022.7006751682

09/11/2025

سالانہ تعلیمی مظاہرہ ہائی اسکول جامعہ محمدیہ قاسم العلوم محمود نگر سہڑی خواجہ

الحمدللہ آج بروز اتوار تاریخ 9نومبر
جامعہ محمدیہ قاسم العلوم محمود نگر سہڑی خواجہ ضلع پونچھ میں سالانہ تعلیمی مظاہرہ نہایت شاندار اور پُر اثر انداز میں منعقد ہوا۔ اس بابرکت موقع پر طلبہ و طالبات نے اپنے انوکھے اور دلکش انداز میں مختلف تعلیمی، اخلاقی اور اصلاحی پروگرام پیش کیے جنہیں حاضرینِ مجلس نے دل کھول کر سنا۔

ابتدائی مرحلے میں چھوٹے بچوں اور بچیوں نے معصومیت اور جوشِ ایمانی کے ساتھ تقاریر، نظموں اور مکالموں کے ذریعے علم و عمل کی اہمیت کو اجاگر کیا۔ ان کے اندازِ بیان میں سادگی کے ساتھ ساتھ ایک جذبۂ دینی حرارت نمایاں تھی جو دیکھنے والوں کے دلوں کو گرما گئی۔

بعد ازاں بڑے طلبہ و طالبات نے سبق آموز مکالموں کے ذریعے معاشرتی و اخلاقی پیغامات کو نہایت خوبصورتی سے پیش کیا
ان کے مکالمات میں والدین کا احترام اساتذہ کی قدر، وقت کی اہمیت، اور دینی شعور کا پیغام شامل تھا۔

اس مظاہرے میں اکیڈمی اور مدرسے کے طلبہ کے علاوہ عوام و خواص کی بڑی تعداد شریک تھی۔ پورا ہال لوگوں سے کھچاکھچ بھرا ہوا تھا، ہر چہرے پر خوشی اور اطمینان کے آثار نمایاں تھے۔

پروگرام کے اختتام پرجج حضرات نے بچوں کی کارکردگی پر اپنے مفید تاثرات پیش کیے اور جامعہ کی تعلیمی و تربیتی کوششوں کو سراہا۔

آخر میں مہمانِ خصوصی حضرت مولانا سعید احمد حبیب صاحب نے نہایت درد مندانہ انداز میں خطاب فرمایا۔ انہوں نے علم و اخلاق کی اہمیت، نئی نسل کی تربیت، اور مدارسِ اسلامیہ کے کردار پر روشنی ڈالی۔ ان کی گفتگو نے مجمع پر گہرا اثر چھوڑا۔

صدرِ مدرسہ مولانا گلزار حسین قاسمی نے اپنے ولولہ انگیز کلمات میں طلبہ کو محنت، اخلاص، اور تقویٰ کی راہ پر گامزن رہنے کی تلقین کی۔ ان کے الفاظ میں خلوص اور جذبے کی ایسی گرمی تھی کہ سامعین کے دلوں میں جوش پیدا ہوگیا۔

آخر میں مہتممِ مدرسہ و پرنسپل مولانا عبداللہ حسین القاسمی نے نہایت حکیمانہ اور سبق آموز گفتگو کی۔ انہوں نے جامعہ کے اساتذہ، والدین، اور عوام الناس کا شکریہ ادا کرتے ہوئے کہا کہ بچوں کی کامیابی، اساتذہ کی محنت اور والدین کی دعاؤں کا نتیجہ ہے۔

پروگرام دعائے خیر پر اختتام پذیر ہوا۔ حاضرینِ مجلس نے اس کامیاب تعلیمی مظاہرے کو ایک تاریخی اور یادگار پروگرام قرار دیا۔

10/09/2025

انگریزی، حساب، درجاتِ حفظ اور دینیات کے پرچے

تعلیم انسان کی زندگی کا سب سے قیمتی سرمایہ ہے۔ یہی وجہ ہے کہ ہر مکتب و مدرسہ اپنے طلباء کی ذہنی، اخلاقی اور دینی تربیت کے لیے مختلف مضامین کے پرچے رکھتا ہے تاکہ طلباء کی صلاحیتوں کا صحیح اندازہ لگایا جا سکے۔

انگریزی زبان آج کے دور میں رابطے کا سب سے بڑا ذریعہ ہے۔ انگریزی کے پرچوں سے طلباء میں زبان سیکھنے کا جذبہ پیدا ہوتا ہے، وہ دنیاوی علوم میں ترقی کرتے ہیں اور آگے بڑھنے کے قابل بنتے ہیں۔

حساب (ریاضی) عقل و ذہن کو تیز کرنے کا بہترین ذریعہ ہے۔ حساب کا پرچہ طلباء کو عددی مسائل حل کرنے اور عملی زندگی میں حساب کتاب رکھنے کی تربیت دیتا ہے۔ یہی مضمون مستقبل میں سائنس، تجارت اور ٹیکنالوجی کے میدان میں کامیابی کی بنیاد بنتا ہے۔
الغرض، انگریزی، حساب، درجاتِ حفظ اور دینیات کے امتحانی پرچے طلباء کی ہمہ جہت ترقی کی ضمانت ہیں۔ یہ پرچے دنیا و دین دونوں کی تعلیم کو یکجا کر کے ایک ایسی نسل تیار کرتے ہیں جو علم و عمل دونوں میں کامیاب ہو۔