30/10/2024
#கோட்டகுப்பம் வரலாற்றில் கடந்த 10 ஆண்டுகளாக, வாரம் தோறும் நேர்த்தியாக இலவச மருத்துவ முகாம்களை நடத்தி, ஏழை எளிய மக்களுக்கு மருத்துவச் சேவைகளை இலவசமாக வழங்கி வரும் கிஸ்வா அமைப்பின் தன்னலமற்ற சேவைக்காக மனமார்ந்த வாழ்த்துக்கள் மற்றும் பாராட்டுகளை தெரிவித்துக் கொள்கிறோம். இந்த மாபெரும் முயற்சியில், கிஸ்வா அமைப்பு ஏழை மக்களின் தேவைகளை கருத்தில் கொண்டு மருந்துகள், மாத்திரைகள் மற்றும் பிற மருத்துவ உதவிகளை இலவசமாக வழங்கி, அவர்களின் நலனைப் பேணுவதில் உறுதியாக செயல்பட்டு வருகின்றது.
இந்த முயற்சியில், பிம்ஸ் மருத்துவமனை மிகப்பெரிய பங்காற்றி வருகிறது. சமூகத்தின் அடித்தட்டு மக்களை நேரடியாக தேடி சென்று, அவர்கள் தங்கியிருக்கும் இடங்களிலேயே மருத்துவ பரிசோதனைகளை மேற்கொண்டு, அவர்களின் நலனுக்கு பணிந்து வருகின்ற பிம்ஸ் மருத்துவமனை குழுவின் செயற்பாடு உண்மையிலேயே வரவேற்கத்தக்கது. இந்நிகழ்ச்சிகளை சீராக நடத்துவதற்கு பிம்ஸ் மருத்துவமனை தொடர்ந்து மருத்துவ உபகரணங்கள், பரிசோதனைகள் மற்றும் தகுந்த மருத்துவ ஆலோசனைகளை வழங்கி வருவது மிகப்பெரிய சேவை.
மேலும், இந்த முகாம்களை சீராக ஒழுங்கமைப்பதில் சீரிய மனப்பான்மையுடன் ஒவ்வொரு வாரமும் தன் ஒரு நாள் வார விடுமுறையை அர்ப்பணித்தும், இடம் பொருள்களை சீராக ஏற்பாடு செய்தும் கடுமையாக உழைத்து வரும் நண்பர் அப்துல் ரவுப் அவர்களின் அரிய பணி நினைவிற்குரியது. கடந்த 10 ஆண்டுகளாக ஒவ்வொரு வாரமும் இவரது அர்ப்பணிப்பு இந்த முகாம்களை வெற்றிகரமாக நடத்த உதவியுள்ளது. இவருடைய சேவை உண்மையில் அளப்பரியது,
இத்தகைய பொதுநல முயற்சிக்கு இடமாக வழங்கி முழு ஆதரவையும் தந்து வந்த ஜாமியா மஸ்ஜித் நிர்வாகத்தினருக்கும் எங்கள் இதயம் கனிந்த நன்றிகள். இந்த முகாம்களின் ஒவ்வொரு செலவிலும் தங்கள் நேரத்தையும் பொருளையும் தாராளமாக செலுத்தி உதவிய அனைத்து நல்ல உள்ளங்களுக்கும் எங்கள் நெஞ்சார்ந்த நன்றியை தெரிவித்துக் கொள்கிறோம். இவர்களின் ஆற்றலான பங்களிப்பு இல்லாமல், இந்த பொதுநல முயற்சிகள் சாத்தியமாகியிராது.
கோட்டகுப்பத்தில் கடந்த 10 ஆண்டுகளாக வாரம் தோறும் சிறப்பாக நடத்தப்பட்ட இலவச மருத்துவ முகாம்களின் நினைவாக, இந்த சாதனைக்கு நன்றி தெரிவிக்கும் விதமாக, மாபெரும் மருத்துவ முகாம் வரும் நவம்பர் 2 ஆம் தேதி கோட்டகுப்பம் ஷாதி மஹாலில் நடக்கவுள்ளது.
இந்த முக்கிய நாளில், பல துறைகளின் மருத்துவ நிபுணர்கள் பங்கேற்று, பொதுமக்களுக்கு பரிசோதனைகள், ஆலோசனைகள் மற்றும் மருந்துகள் இலவசமாக வழங்கப்படவுள்ளது.
இந்த விழாவிற்கும் தன்னலமற்ற சேவைக்காக பாடுபட்ட கிஸ்வா அமைப்பு, பிம்ஸ் மருத்துவமனை, மற்றும் நண்பர் அப்துல் ரவுப் ஆகியோரின் பங்களிப்பு நன்றி.
மக்கள் நலனுக்காக தங்களின் நேரம், அர்ப்பணிப்பு, மற்றும் உதவிகளை தாராளமாக அளித்த அனைத்து நல் இதயங்களுக்கும் நன்றி மற்றும் நல்வாழ்த்துகள்.
இந்த மருத்துவ முகாமில் பொதுமக்கள் அதிகளவில் கலந்து கொண்டு பயன்பெறவும்.
#கோட்டகுப்பம்_செய்திகள்
