13/05/2013
പുതുക്കാട്
തൃശൂര്ജില്ലയിലെ മുകുന്ദപുരം താലൂക്കില് കൊടകര ബ്ളോക്കിലാണ് പുതുക്കാട് ഗ്രാമപഞ്ചായത്ത് സ്ഥിതി ചെയ്യുന്നത്. തൊറവ്, ചെങ്ങാലൂര് എന്നീ വില്ലേജുകളിലായി വ്യാപിച്ചുകിടക്കുന്ന പുതുക്കാട് ഗ്രാമപഞ്ചായത്തിന് 15.41 ചതുരശ്രകിലോമീറ്റര് വിസ്തീര്ണ്ണമുണ്ട്. 15 വാര്ഡുകളാണ് പുതുക്കാട് പഞ്ചായത്തിലുള്ളത്. മധ്യകേരളത്തില് കുറുമാലി പുഴയും വയലേലകളും കാനത്തോടു മുതല് കോളിത്തോടു വരെ നീണ്ട കൃഷിഭൂമികളും, മലയോരങ്ങളും, കുന്നുകളും, ചെന്താമരപൂക്കളും, ആമ്പല്പൂക്കളും നിറഞ്ഞുനില്ക്കുന്ന കേളീപ്പാടവുമൊക്കെ ഉള്പ്പെട്ട അതിമനോഹരമായ ഭൂപ്രകൃതിയാണ് പുതുക്കാട് പഞ്ചായത്തിന്റേത്.കുറുമാലികളും അവയെ ഉപജീവിച്ച് ആയിരത്താണ്ടുകളുടെ നടവഴിതാണ്ടിയ കര്ഷകരുടെയും കര്ഷകത്തൊഴിലാളികളുടേയും ഗ്രാമമാണ് ഇവിടം. കുറുമാലിക്കാവിലമ്മയുടെ ക്ഷേത്രം വളരെ പ്രാചീനമാണ്. കേരളത്തിലെ അതിപ്രശസ്തവും പ്രാചീനവുമായ പതിനെട്ടര കാവുകളിലൊന്നാണ് കുറുമാലികാവ്. കുറുമാലിപ്പുഴയുടെ വടക്കും, കേളിത്തോടിന്റെ തെക്കുഭാഗത്തുമായി മാട്ടുമല, ചീനിക്കുന്ന്, തൊറവുകുന്ന് എന്നീ കുന്നിന്പ്രദേശങ്ങളുള്പ്പെടെ കേരളത്തിന്റെ മധ്യഭാഗത്തായി വ്യാപിച്ചുകിടക്കുന്ന ഭുപ്രദേശമാണ് പുതുക്കാട് ഗ്രാമപഞ്ചായത്ത്. പഞ്ചായത്തിന്റെ കിഴക്കുഭാഗം ജില്ലയുടെ കിഴക്കുഭാഗത്ത് സ്ഥിതിചെയ്യുന്ന മലയോരപഞ്ചായത്തായ വരന്തരപ്പിള്ളിയും, പടിഞ്ഞാറുഭാഗത്ത് നെന്മണിക്കര പഞ്ചായത്തുമാണ്. കുറുമാലിപ്പുഴ ഏകദേശം 6 കിലോമീറ്റര് ദൂരം പഞ്ചായത്തിന്റെ തെക്കെ അതിര്ത്തിയില് കൂടി ഒഴുകുന്നു.
Pudukad.com
